هروج العصرية فوق الرعش و تحت الفية ....

[بخرووش]

تعال ادفك من مطاحة العروس يا فيصل
ولاتنسم إلا في عين الجمل
وبعدها نمر بك على العم مسفر .. الله يشفيه بالعافية
ياهب لك سقيا ( تنفس صناعي )
صدقني انك بعدها تصير تتحدى أهل الحكمة والشعر .. ، والذاكرة في سرد التواريخ والأحداث شي يهول العقول

[نسيم السروات]

اقتباس: المشاركة الأصلية كتبت بواسطة ذكرى محمد      افا نسووومه انا جييييت واوول مرره ازوورك هنننااا بتناامي واجلس لووحدي ...... موضووع راائع يعطيكم العافيه جميعاا تحيتي

يانا فدى من بدى وتيه ذكرى بنت محمد عندي؟ عليك ذكر الله يافرختيه .

يووووه ياذا الفشيلة أول مرة تجيني ذكرى وأكون راقدة السود فال العدو وأنا أختك .

هويه يوم جيتي ولقيتيني راقدة ما دقيتي الباب بلكي أكون باقي واعية ما رقدت

ماعد يجيني النوم من يوم خرعني ذاك المشيين اللي أسمه جمعان , أسمعي يايخة وش يقول ؟ يقول من فيكم اللي فيه

خير ويفزع على رعش نسيم ويهده وأنا وين القي بعمري لو ينهد ذيه الرعش ، فوقه اشوف ربيه وفوقه أتقهوى

قهوة الصبح كل صباح أنا وقحمي وفوقه أراقب السارح والرائح وأبدي للعول والغلائم ادعيهنه للقهوة من فوقه

أنا مقدر أعيش من غير ذيه الرعش ولا يهنا لي الزاد إلا فوقه .

وشريت لي كلبن يحرصني أنا وسفاني لين يجي قحمي من تهامه أندر يدور الدفا وتركنا للهجلة والهجمة هنية

ولكن ذامعك الكلب صاخ ما ينبح أكثر المرار يبحطح تحت الدرج ويرقد حتى الكلاب في ذا الزمن تغيرت باح الوفاء منها

والله أني أخاف أنه جنين ماهو كلبن من يوم أنه ينبح على ناس ويخلي ناس

وأني أخاف أنه يزيد يدخل علينا ويعترشني أنا وورعاني داخل البيت الله يستر وكان

هيا دخيلك ياذكرى زيدي عودي تقهوى معي واعوضك عن تاك الجية يوم جيتي وأنا نائمة ما قهويتك .

وتصبحين على خير .

[المُهرهـ]

اقتباس: المشاركة الأصلية كتبت بواسطة نسيم السروات      يانا فدى من بدى وتيه ذكرى بنت محمد عندي؟ عليك ذكر الله يافرختيه . يووووه ياذا الفشيلة أول مرة تجيني ذكرى وأكون راقدة السود فال العدو وأنا أختك . هويه يوم جيتي ولقيتيني راقدة ما دقيتي الباب بكلي أكون باقي واعية ما رقدت ماعد يجيني النوم من يوم خرعني ذاك المشيين اللي أسمه جمعان , أسمعي يايخة وش يقول ؟ يقول من فيكم اللي فيه خير ويفزع على رعش نسيم ويهده وأنا وين القي بعمري لو ينهد ذيه الرعش ، فوقه اشوف ربيه وفوقه أتقهوى قهوة الصبح كل صباح أنا وقحمي وفوقه أراقب السارح والرائح وأبدي للعول والغلائم ادعيهنه للقهوة من فوقه أنا مقدر أعيش من غير ذيه الرعش ولا يهنا لي الزاد إلا فوقه . وشريت لي كلبن يحرصني أنا وسفاني لين يجي قحمي من تهامه أندر يدور الدفا وتركنا للهجلة والهجمة هنية ولكن ذامعك الكلب صاخ ما ينبح أكثر المرار يبحطح تحت الدرج ويرقد حتى الكلاب في ذا الزمن تغيرت باح الوفاء منها والله أني أخاف أنه جنين ماهو كلبن من يوم أنه ينبح على ناس ويخلي ناس وأني أخاف أنه يزيد يدخل علينا ويعترشني أنا وورعاني داخل البيت الله يستر وكان هيا دخيلك ياذكرى زيدي عودي تقهوى معي واعوضك عن تاك الجية يوم جيتي وأنا نائمة ما قهويتك . وتصبحين على خير .

فدااك كوووني ي غلااااا

لا ماااعليييييييييييييييييييييييييييييييييك الرررعشش في الحفففظ والصووون وماافي اححد بيقررب مننه

رربي يسسعدك ويحفظظك ويررزقك أعلى مناازل الجناان


تحيتي

[احساس العالم]

كلام طيب وقصص طيبه عن حياة الولين وكنك عشت معهم
تر تعجبنى هذى القصص لاتفكرون انى كبير ومخرف انا باقى شباب
ومن يشوفنى مايعطينى بالكثير 40سنه ههههههههههههههه

[شتآتـ]

سلام ياذلينه هنيه

يخشعكنه الله مريضه لي دورن ولا وحده فيكم بدت عليه بحنه قرصن

نسيم انتي ماشغلتك الا مترنشه فوق ذاعك الرعش لا ضيعه ولا بيعه

هويه هويه ماجيتي زرتينيه والا تفقدتنيه هويه هويه

[ابو نازي]

اقتباس: المشاركة الأصلية كتبت بواسطة يحيى اللساب1      *** شكرا نسيم أنا وسام أصغرسناً من هولاء الشيبان بكثير تحياتي ودمتم بخير

الله ولا غيره يا قحم يحيى بعد سفيهن خبرت على حياة شيبتكم الله

يعفي عنا وعنه بعد رحمة والدينا ووالديكم. كنا نبني عراقن لركيبكم

ذاك يقال له سد المكاتل يوم جيت لاهلك بغوا ينفرون من الفرحه انه

ما جا يكون بعد خمسن من البنات قال ابوه وحياة الله لن جالي ولدن

اني لاذبح خروفن حدرته (السبله) سبعة أشبار والله ويوم جاء له

الولد اللي هو قحمن ذالحين يقال له يحيى. هبطت انا وابوه ربوع

الصفح ندور له طلين حدرته سبعة اشبار حمنا السوق من طرفه الى

طرفه ما لقينا طلين حدرته تزيد عن ثلاثه أشبار هم هبطنا وسلام يا

سوق النقعه في بني حسن والا وهو كما اخوه هم عودنا لقينا ويلا

ثلاثاء بني عدوان ما رينا فيه مطلوبنا هم زدنا هبطنا ربوع قريش

ولا عينا لنا فايده قلنا بنخليه الى نهار السبت ونلقي المندق ولا عودنا

الا بخير واخس خاتمه قلنا بنندر ويلا تهامه طفناها من المخواة الى

قلوه عجزنا في طلي الغزله. سكون يا بعض المعاريف.

قال لنا عطيه رحيم القحم سام شي واحد لاهو صحيحن ولا هو

خبيل ويلا تربة البقوم استفتوه وبيعلمكم والله وأعطيناها قيسنا على

تربه والله وصلنا ثمه ولا عرضنا الله باس نشدنا عنه قالوا اهو معه

عصاه ينقز بها و يسير جوف السوق يوم شفناه الا وخلقته تكسر

الوجه قلنا لنا نهارين نمشي والا وهو ذيه الاخبل قلنا والله لننشده بعد

جينا الى هنيه ونلمح وش عنده

والله وعلمناه بعلمنا هم لمح فينا وقال /

شبره بيد المولود ولا تزيد تعود وحل عن طريق العود

لمح فيه ابو يحيى قال والله ماخو الخبيل ان الخبيل غيره واهو اخرج

خمسه ريال فرانسه كانت معه واعطاها لذاك يقال له البهلول.

واشترى ابو يحيى سبعه من الطليان انه من بيت جود من قدام

ذلحين ذبحها للقبيلة واعتقدنا المعراض في غابره معهم ذاك الليل

اغدانا عليها القحم يحيى يقول انه بعد سفيهن وهو شيبه يتحتحت..
لك كل التقدير والاحترام اخي يحيى..


الله الله يا ابو شمال اطربتونا بهذي القصايد والمحاريف.

اقتباس: المشاركة الأصلية كتبت بواسطة نسيم السروات      وأن كنت أحرز فن شريفه بتوافق عليك يابو نازي قهرت ضعيفه في تيه الهجرة ومصالات ورعانها صار الواحد منهم كما البغل ومافيهم اللي يحرز خمسن من الغنم يسرح بها مع الرعيان وأنها ما بختت ضعيفه في أبوهم سحاب قدام كان شحيحن عليها تحلف وتقسم والله تها والله تها أنه كان يخليها تقسم حق الصلصة 3 مرات ونقس البصل 4 مرات من البخل وأيست به لا يموت وتفتك منه ، أسفر وجهها وأفطرت زغودها وصارت راوية يوم فرج الله لها منه بعدما كانت كما المسلولة تفجع وتجلع تخرع ملا الوادي قرودن . هيا أني بغدي أبشر الكهلة شريفه بالقحم أبو نازي وأقولها أنه ركب له سنونن وعيونن وصار القحم يتشبب لكان ماهلا تورثه هي وورعانها ضعيفه القحم الموت وارين جوف وجهه ماهو مطولن ولو أنه يهابد بنفسه ويتغيمر مافيه إلا لسانه حين إلا فهو موليا نسال الله له حسن الخاتمة ولجميع المسلمين . تصبحون على خير .

والله ماني مشفين على حياه مع الكهلة شريفه غدى بها الذل والمهانه

والشقى مع سحاب وغدت الحاها متلاوكه فيها حيه وريه ماهلا فيها

لكن عندها البلاد الليل ما تطرى الا معها ورثتها بعد قحمها ذاك

والغنم تسحن الحصى الطلي ذلحين من 1500 والله اني بعين خير

من وراها اني ماعد فوقيه ولا تحتيه والبلاد ماعد منها ولا سفه

اربنا نتعوض ونتستفيد من سحاب بعد موته انا ماقد فدنا منه خير على حياته..

[شتآتـ]

نسيم السروات وابو نازي تبغون تعقدون صفقه تجاريه من ورا ظهر الكهلة شريفه عليه عنها

انها ماسهمت في سحاب المغير خلي عاد ابو نازي يبغا يتورثها
ميست ضعيفه ترتاح من قحمها سحاب الا يبغا ينشب ذا الشيبه في حلقها

دخيلكم خلوها تتهنا مابقي من عمرها مع ذا القطيع الي بقي
حيلوا عنها في سعة الله

لكن وان قاله الله ماتكون حلال لا بو نازي ولا غيره وانا حيه

خذت في حياتها نعمه الضعيفه
وانتي يانسيم بقي معي لك
يتضحكون بك القحمان وتفلحين تصاهرين لهم تبغين تنزين الكهله شريفه
ماعليه ماعليه لقانا فوق الرعش ونترايا هنياك

[نسيم السروات]

اقتباس: المشاركة الأصلية كتبت بواسطة شتآتـ      نسيم السروات وابو نازي تبغون تعقدون صفقه تجاريه من ورا ظهر الكهلة شريفه عليه عنها انها ماسهمت في سحاب المغير خلي عاد ابو نازي يبغا يتورثها ميست ضعيفه ترتاح من قحمها سحاب الا يبغا ينشب ذا الشيبه في حلقها دخيلكم خلوها تتهنا مابقي من عمرها مع ذا القطيع الي بقي حيلوا عنها في سعة الله لكن وان قاله الله ماتكون حلال لا بو نازي ولا غيره وانا حيه خذت في حياتها نعمه الضعيفه وانتي يانسيم بقي معي لك يتضحكون بك القحمان وتفلحين تصاهرين لهم تبغين تنزين الكهله شريفه ماعليه ماعليه لقانا فوق الرعش ونترايا هنياك

شتات


غربي غرب الله عليك في تيه الهروج اصه عنا لا تشعشعين بالموضوع باقي مابعد صلحنا

خلي الناس تسترزق وأنك لا تكونين قطاعة نصيب وقطاعة رزق وأبو نازي وعدني أنها لو وافقت

أنه ليشتري لي خبشه أترباها وتصير بقرة أتحلبها وأسوي لي منها لبنن وسمنن

واسكتي ساكته لا تعلمين أحد وباخلي أبو نازي يشتري لك جبة حمراء تقوبعين بها حد الشتاء ذيه والقرررررة

أسمعي ياتيه ماشفتي لي حكاية مدري وين لقت المخذوله لي ميمة ماشفتها والله ياغربتها جوف قلبيه

الله يخشعها لا منها أفلحت ماعد عودت .

ما ودك تفلحين معيه بكرة عند الكهلة ثامرة سمعت أنها شوي الشريه يقولون أنه طلع معها فجرن جوف سرها

ضعيفه من شيل القرب والحطب في مقدم صباها يحلفون أن فيها حية وريه تفجع وتجلع .

وأن كان بتفلحين خذي معك طبخة قهوة وأنا بأخذ معي مدن طحينن ونغدي نعسها ونعود وخبري بقيه النسوان

في طريقك وأنتي تهجولين طول المساريب قولي لهن يفلحنه معنا .

ها ردي منيه أن كان بتجين معي .

[حصن الوادي]

أبو نازي (العريس)

نسيم السروات (الخطابه)

مبدعين وقاموس مفردات فريد ومميز , تقبلوا اعجابي

متابعين لصهارتكم في الكهلة شريفة أول بأول , ومعجب جداً بما تكتبون , ماهلا بغيت أنصحكم والله أني ما أعدكم إلا كما العافية جوف جنبيه وأني ما أصخاكم.

يا نسيم هات أذنك خليني أخفتك وأنا أخوك.

قيييييسك سعيه عند الكهله شريفه وأخفتيها بينك وبينها ولا يسمعونك سفانها ذولاك المغزلة الواحد مثيل الكعي شي شباب وشي صحه لكن العقل ما ولا عقل , والله لايدرون أن أبو نازي تنشق أمهم أنهم ليزيدون يعودون يهشمعون أضلاعه ونزيد نعود نعالجه بدل النكح , والمشكله أنه قحمن حاون والله ما يجبر وأنه ليقعد جوف بطن الكرسي وتعود كهلته الأوله تحفظه وتغسله من خزاه ماتدري أنه بغى ينكح فوقها.

وقولي لها تواااافق , أبو نازي ما حد كماه ولو كان , الخلقة عند الله (أستغفر يا جهه أنه كما قرص التين الياااابس) لكن والله أن شي معرفه وشي شيمه وشي صمله ملى ذاك الراس وشي طولة ذراع (أنه أول الزمان أغدى أماعي قحمن من عندهم نثره طول الصاعدة) وعلميها أب يحتميها وأب يسترها ويظلي يهيب عليها جوف الخرباء ذيك معها , ولا تتنشق شي غيرها آهو ما معه طمعه إلا في الطليان , لكن ماشي خلاف هبى الله أنه حارس أمن بــ 1500 ههههههه

وانت يابو نازي أن كان الله زاد حيم بالكهلة شريفة وصعق عليها وفعلت تاخذك فافلح عند الحلاق خله يبقي من تامعك الشوارب مثيل سبلة الطلي فوق خشمك ويبقي من تامعك اللحية اللي ألين فوق سرك وعلى غزله ماهي على دين الله يختم لك بالجنة ويتخرط ما جوف ذامعك الوجه كما الكرنوف من تراب (أستغفر الله أن جوفه ما يطين بيتن) , وخذلك ياحبيب عيني وأنت فالحن للنظرة الشرعية عقالن مقصبن ومصنفن وأحتزم بالنافعي وزد علوه بالمشلح من فوقها وخذ لك غرازن , وتمسوك يالمروح (أنت يا أبليس شكلك تبصم على كرشة خروفن ما انغسلت جوف خشمك ألين صبحا) , وأنتبه لا تعقب قحمن من عندنا غدى يصاهر , المهم قدمة له العروس (اللي غدى يصاهر فيها) قهوه وقسبه فــــقــــطـــ , المهم أنه تجغم القهوه , وقالت له العروس: لقط من القسبه قال والله وأنا عمك ما معي فيها بصيره , قالت: أجل والله ما معك فيه بصيره حتى انا . ها سمعت إلى هبت لك الكهلة شريفة قسبه كلها يابو نازي لوكان ما غير تتزرطها بعجمها , ها مثلك ما يعلم وأنك تعرف غرات الكهيل.

وأن كان زاد حصل مراحن فأعزمنيه يابو نازي , وبهبلك بركه ريالين عربي وإلا أربعه اريال فرانسه , وآني والله الذي خلق لأقعد مع أهل العروس فوق راسك يابو نازي , وأني ما أعود بني حسن إلا بعد أربع خلف.

[فيصل فيصلي]

اقول اسمع العلم يالحصن وفقع بها اذاني بونازي
سفانها معينهم به ياخذ امهم..وولدها الكبير شتحان قال قصيدة يقول علموه بها:


خل ابونازي يقعد على كهلته ام نازي, لايتختم بشتحان واخوته يفقعون راسه عند اخر عمره
وانت ونسيم لاتحرشونه وتنزونه في بعض العلوم اللي ماتجمل لاعليكم ولاعليه
وكهلته ام نازي المنتزي كان تسده,وبتامحله وبتتحمله,ويتساوقون الاعمار هو وياها..والمثل يقول: ارض بقردك لايجيك اقرد منه
والا ان حكمت وماعينه الا بالنكح خله يلقي ويلى سوريا...ان حكمت يتعب على شي يستاهل(( لك تأبش البي أبش)) ماهب ذيك الكهله الشيطان ماهلاه تنذر به,ويمكن الله يرزقه بسفانن ينلمح فيهم والا بنات يمشي سوقهنه,يعني تهجين على اصوله,وان كان بو نازي مافيه بصيره,فره الله يغطه والله لاياخذ واحده كما عين الشمس مايجيب الفري الا فري كماه