كرسي الطفوله

[براااق الحـــازم]

اقتباس: المشاركة الأصلية كتبت بواسطة حلاوة لدو      براااااااااااااااااااااااق سلامات ياابو الشباب ابو عادل مشغول اذا جاء حيجلس ع الكرسي اللي جنبك انا حاطه كم كرسي انتا اقعد على الكرسي الفسفوري وهو يجلس على الاحمر بما انو اداره وكدا يعني الا تبغى بنات مكه يقلبوها ركب معاك ولا ايش يلا بكره اخر موعد لك

.
.
الا الرُكب, دخيلك, وكله بعد كذا يهون..

حتى ان الشباب المقدمين على الزواج الله يحفظهم,معزمين يحطونها من ضمن شروط الشوفة الشرعية.:
ولو حصل كذا, معناته انو نص الشباب ما راح يتزوج..
وانت تبغى تبقسي فيها, عموما, ترى لكم سوابق..
ولسه ما نسيت عمي عيسى وهوه يرجع نص الصحون اللى طارت وراه ووصلت الشارع, بعد ما فلت من ركبت خاله مصباح.

..

[زهور زهران]

هههههههههههههههههههههههههههه ياحلو كلامك ربي يسعدك
هوا دهــ
كلامك هزا اللي مودينا في ستين مصيبه يخلينا ننسى الركب
ياابويه جيب هرجتك بسرعه
مو عارفه ليش الف والدوران هذا كلوو

[براااق الحـــازم]

شكراً على الدعوة, يا حلاو لدو ..

*هل كنت مشآآآآكس أوكنت على نياتك وهادئ؟؟

والله مش مشاكس, بس صاحب طلعات, واحيانا مصايب, رغم دقت عودي .. وعيوني العسلية .. اللى كانت زرقاء وانا صغير.

* كنت بزر قصدي طفل مميّز عند شخص ما؟؟ يعني كنت أغلا البزراآآن وإلا مصفوق على الرصيف؟

الحقيقة اني كنت مميز من وانا صغير, عشان كذا تعلقت من رجولي من شدة التمييز.

*موقف حصلّك وأنت صغير وللحين مأثر فيك؟؟
جمعتني الصدفة بساحر في احد احياء شارع الحج, وانا ابن ثمان اعوام..
لفت انتباهه بشكل او باخر, وانثنى واخذ حجار من الارض, يوم عطاني ايها الا هي علك ابو اربع صفوف ملونه, كانت اربع او ست حبات... طبعا انذهلت من اللى حصل, وعشان اتأكد من انها لبانه, اكلت وحده الى ان تعب لحيي, وبعدين رحت الثلاجة, ولصقتها في سقف الفريزر, ورجعت لها اليوم الثاني واخذتها, وانا كنت اعتقد انها رح تختفي.. هذا الموضوع كان صادم لي كثير.. بعدها انفتحت على الكثير من الامور الميتفيزيقية.. وكبرت معاية الحكاية حتي قرأت بعض كتب السحر.

* كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟

الله يرحمنا, صباح اليوم نلعب كوره مع الشروق, وشباب حارة الروضة,و حارة الكلية. ونرجع البيت طبعا حبة التونه جاهزة.. وفي الليل دراجات, وبيع اسكريم, وكورة طائرة.

* أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟
مش فاكر بس في الغالب من الوالد الله يرحمه.

* من أقرب طفلـ/ـة من الجماعة كانـ/ـت أقربلك؟؟ يعني مايضربك آو تضربك ولا تهاآوشك ولآ يهآوشك؟؟
من الجماعة ما فيه احد, اللي حولنا من الاقارب قليل وقتها, عشان كذا صداقاتي كلها من عيال الجيران, لكن اذكر بنت عم زارع, صاحب خاله حورية, كنت دئما العب معها بكل براءة.

* وش كانت عيارتك << سؤال محرج خخخ
والله ما اخبر لي عيره تزعل, غير كلمة الحُتاته (يعني اخر العنقود)

*وش ترتيبك بين اخوانك ؟ وهل هذآ الشئ اثر في مسيرتك الطفوليه ؟؟

نعم, انا اخر العنقود من الابناء, لذلك, لم اتعب كثير في حياتي, واعتقد اني تفوقت على نفسي كثير, وعشقت القراءة بشكل جنوني.. لأني املك وقت فراغ كبير, ومسكت فلوس كثير وانا صغير في يدي, وكان كل همي شراء المجلات والكتب.
عشان كذا كان عندي, شوية خيال. وكنت الوحيد اللى اجاهر بالمعصية قدام الوالد واسمع لطلال مداح الله وام كلثوم.

*وش اكثر مكان كنت تحب تروح له ؟؟ " ملاهي . حديقه ... الخ

مكه, ما فيها غير جبال, عشان كذا, اغلب خرجاتنا جبلية, عشان نتسلق ابراج الارسال الطويلة, لأنها كانت في ذيك الايام بدون حماية او حراسة.

*وش اكثر لعبه كنت تحب تلعب فيهاا ؟؟

الخيارات كانت محدودة, بس اللى فاكره اني من هواة راكبي الدارجات, حصلت على اول دراجه لها يايات خلفيه وانا ف الابتدائي, وتمكنت من شراء دراجة سباق في المرحلة المتوسطة..

*هل كنت تضرب والا تنضرب أو لاتهش ولاتنش ؟؟

والله وانا صغير كنت لا اهش ولا انش, وسبحان الله, انفجرت كالبركان, واصبحت شخص اخر, واعتقد ان افلام التلفزيون.. اثرت عليه في المرحلة الابتدائية, استيف اوستن, سوبرمان, وهذي والله حقيقة, حتى دخلت نادي الوحدة, واصبحت احد ابطال الكراتية في النادي.. ولعبت مع ابطال المملكة عبدالله محمد, والعلوش, وشريف بكر.

* وش اكثر فيلم كرتوون كنت تحب تشووفه ؟؟
ميكي ماوس الطائر, وبنك بانثر.. وبعدين المترجمات, اللى صادفت الابتدائية, قرانديز, وبعدين عدنان.سندبان.

*موقف صار لك ولحد الحين اذا ذكرته تضحك ؟؟

في المرحلة الثانوية.. طلعوا اهلي الديرة وما طلعت معهم وجلست وحدي لمدة شهرين.. في احد الايام على غير عادة رجع ابوه لمكه.. لحظة ما دخل البيت, كنت اتروش. وخرجت من الحمام وانا مستتر بالمنشفة.. الا هذا ابويه الله يرحمه قدامي.. وكان له رهبه في نفسي, في نفس الوقت تفاجأت بحضوره.., نسيت موضوع الترويش واني كنت عريان.. فكيت المنشفة وحضنته...


*استايلك وانت صغير.. كيف كآن؟

والله همجي, ومبعثر.. والى الان اعاني من هذه الناحية, ولا اهم بهندامي الا في المناسبات.. والمواعيد.

*جريمة او مصيبة لـ هذا اليوم تذكرها و مستحيل تنساهاا ؟؟

شاركت في التخطيط والتنفيذ لجريمة قتل * في المرحلة المتوسطة, لكن لم تتم.


كيف كان اول يوم مدرسه لك بكيت ولا لا *
والله كنت صعلوك, والخرجة من البيت, كانت حلم وتحقق.

*ضعت في مكان؟ .. سوق او حديقه او كورنيش .. اذا ايه قول لنا السالفه ..؟

وانا طفل, حتى الظاهر قبل ما ادخل المدرسة, ضيعت ابويه في محل ابو سنبل في الجميزة, دورت عليه ما لقيته..
يوم لقيت ان الموضوع جد, طلعت فوق اكياس الدقيق اللى كان يبيعها ابو سنبل. وناديت بإسم امي .. وعلى طول حضر الولد زي البرق.. الله يرحمه.


*وش هي اجمل هديهـ خذيتها في طفولتك...ومانسيتها ابد...؟!

بدلة فرنجي وانا في بدايات المرحلة الابتدائية, من احد جيراننا, رحمة الله عليه.

*موقف سويته ..والى الحين مااحد يدري عنه ؟
وانا اتعلم السواقة صدمت سيارة احد الجيران, في نفس الوقت ما احد شافني, طبعا لو عرف ابويه كان قريتم عليه سورة الحمد.
لكن كتمت على الموضوع, حتى بعد ما توفي الرجل, بس اخبرت اولاده بالموضوع وطلبت السماح.

*مين اعز صديق طفولة و الى الان متواصل معه؟؟

صديق العمر شخصية عالمية, لكنه مغمور, تجمعني بهذا الرجل صداقة الى حدة التخاطر ان صح التعبير..والحمد لله الصداقة الى الان.
.
.
والله كنت محتار, مين اختار, وربك فرجها.
اختار ..
الاخت / جمرة غضى.
..

.
.

* طعبا جريمة القتل كانت لقرد واحد من الجيران.
كان يتاجر في الحيوانات دائما في السوق الصغير.

[براااق الحـــازم]

مكرر
.

[شتآتـ]

عجبتني طفولة شمس عصرا وخاصة التمثيل الضوئي هههه 😂

ابو مراد واضح من طفولته ان شخصيته قويه ومغامر وخاصة انه يحب يتعلق باعمدة الكهرب
مدري وش كان يحس فيه

براق كتاباتك وحسك الادبي يختلف تماما عن طفولتك الإجرامية

[شذى الريحان]

اقتباس: المشاركة الأصلية كتبت بواسطة براااق الحـــازم      [SIZE="4"] *موقف حصلّك وأنت صغير وللحين مأثر فيك؟؟ جمعتني الصدفة بساحر في احد احياء شارع الحج, وانا ابن ثمان اعوام.. لفت انتباهه بشكل او باخر, وانثنى واخذ حجار من الارض, يوم عطاني ايها الا هي علك ابو اربع صفوف ملونه, كانت اربع او ست حبات... طبعا انذهلت من اللى حصل, وعشان اتأكد من انها لبانه, اكلت وحده الى ان تعب لحيي, وبعدين رحت الثلاجة, ولصقتها في سقف الفريزر, ورجعت لها اليوم الثاني واخذتها, وانا كنت اعتقد انها رح تختفي.. هذا الموضوع كان صادم لي كثير.. بعدها انفتحت على الكثير من الامور الميتفيزيقية.. وكبرت معاية الحكاية حتي قرأت بعض كتب السحر. *موقف سويته ..والى الحين مااحد يدري عنه ؟ وانا اتعلم السواقة صدمت سيارة احد الجيران, في نفس الوقت ما احد شافني, طبعا لو عرف ابويه كان قريتم عليه سورة الحمد. [/LEFT]

يالطيف والله شي يخوف حسيت بقشعريرررة
كتاب الجن شمس المعارف مر عليك
قرأت عنه في احد المنتديات كل اللي يقراوووه يصيبهم شي
الله لايبتلينا

سورة الحمد ؟؟!!

[زهور زهران]

يابو عيون عسليه وش يعني من الامور الميتفيزيقية لا يكون كلمة شعوده وتبي تسحرني
ترى بقولك ما من وراياا فايده رجل في الدنيا ورجل في الاخره
يسعدك ياشيخ انتا وطفولتك اللي كلها شقى
بصراحه مت عند الكلام اللي على جنب بااللون الرمادي
طلعت قتال قتله وحق سوابق
وشكراياسيدي لقبول الدعوه


ونرحب بضيفتنااااااااا الحلووه
جمرة غضى
ونقولها مرحبمبك ع الكرسي
واتفضلي عصيرك ياستي

[منبع الطيب]

> كاسة الشاهي جنبه ويتابع بشغف هذا الرابط من البدايه > واصلي الابداع لدو

[زهور زهران]

منبع الطيب الله لا يحرمنا مروررك المعطر ومتابعتك



هذا عشان تغمسو مع الشاي بالعافيه

[منبع الطيب]

اقتباس: المشاركة الأصلية كتبت بواسطة حلاوة لدو      منبع الطيب الله لا يحرمنا مروررك المعطر ومتابعتك هذا عشان تغمسو مع الشاي بالعافيه

ما عندك ابوميزان والا السعاده مع هذا (ابووبد) ؟!!
انا مدري من وين تتخرجون هالصور القديمه

يسلمووو لدو خانم