25-11-2011, 02:52 AM | #101 |
عضو اداري
كبار الشخصيات |
رد: هروج العصرية فوق الرعش و تحت الفية ....
نسيم الله يسعدك اذا ماعليكِ امر
اذا موجودة عندك صورة الرعش نزليها هنا علشان لما اجي مرة ثانية مااتلخبط بينه وبين الزافر واذا ماعندك ابغى وصف دقييق للرعش عندنا احد يرسمه جمعة مباركة |
25-11-2011, 03:04 AM | #102 | ||||||||||||
مراقبة التراث وسوالف الاولين
|
رد: هروج العصرية فوق الرعش و تحت الفية ....
وعليكم السلام والله يعينك والمعونة وأبشري بالقهوة والقشر والله يعينك على قحمك كل ماشافك معي فوق الرعش دعاك كن معه غيره أسمعي وأنا أختك قبل ما تجين عندي سوي له دلة قهوة وبراد قشر ومشرقن وطاسة سمن وولعي له القبس طرف الملة وخلي كل شئ حواليه بقوف ما عد يدعيك إذا جيتي تهرجين معنا القحمان يجي معهم غزلة بعض الأحيان وأني يايخته معرف أدق التلفون ومدري كيف اجي له ماهلا سفان ورعانيه يدقون لي الأرقام والسفان مايقرون في البيت باعود أسرب عليك كهلتنا عقشة تدعيكنه للقهوة أنتي وباقي الغلائم الله ماخف ساقها كهلة معنا إذا سربناها في مكان تحوم على البيوت في ربع ساعة وتنشر الأخبار وأنحن نسميها وكالة رويتر لنقل الأخبار الحية بين الأحياء ها دخيلك لا تحوين علينا تعالي بسرعة تهرجي فديتك ياعسلة . |
||||||||||||
25-11-2011, 03:15 AM | #103 | ||||||||||||
مراقبة التراث وسوالف الاولين
|
رد: هروج العصرية فوق الرعش و تحت الفية ....
هذا الرعش ياريحانه وتوقعي وأنتي ظاهرة مع الدرجة أخاف عليك تطيحين فوق ظهر الجمل وتفلجين لأني أعرفك خوافة وماتسفطين الجمال بسم الله عليك يافرختيه توقعي توقعي . المحي ماتعرفين الرعش من الزافر والله أنك عجبة ياريحانه |
||||||||||||
25-11-2011, 03:37 AM | #104 |
مراقبة التراث وسوالف الاولين
|
رد: هروج العصرية فوق الرعش و تحت الفية ....
على زوال العدو ياسحاب لاعد تعدي من تحت الرعش ما ترد السلام علينا وأنحن خواتك فوق الرعش
أشوفك تحت الرعش ماكنك تعرف احد تكبرت من يوم نكحت تاك المصرية الصابة معك كنافة ماهلا فيك ماتدري أن المصرية ماخذتك إلا بقوف دراهمك والمح عن كلامي بكرة إذا وزعت بلادك بين ورعانك وقسمت ورثك بينهم والله لتفرعكم المنقود مصرية بقعا وتخرجكم من البيوت ولا تقول نسم ماعلمتني ، والمح عن كلامي ذية ما بيصير ؟ |
25-11-2011, 03:58 AM | #105 | ||||||||||||
مراقبة التراث وسوالف الاولين
|
رد: هروج العصرية فوق الرعش و تحت الفية ....
والله يايخته شتات أني مدري وش أغداها على الرومنسية وتيه الهروج معها وشنهي الرومنصية تيه اللي تقولها من يوم الله خلقني ماقد سمعت بها وماقد يايختها سويناها مع قحماننا الله يسمعنا خير ، بالله عليك يايخته شتات علميني وش يعني الرومنصية وقد سمعتي بها في حياتك ؟ الحمد الله أني معرف تيه الهروج وماقد سويتها لأن قحمي مايحب الهروج الملوخة كما تيه الهروج إلا كان ماتخرج العصى من ظهريه صحيح أنى أتحنى واتصمد واتكحل وأسوي عصيدة وخبزة وادخن بيتنا بالجاوي لكن معرف الرومنصية مدري هي حاجة تنوكل وإلا حاجة لها ريحه حلوة الله عليم إذا عرفتي ياشتات دخيلك علميني هوي يعني الكهلة مسعودة أحسن منا تعرف أنقليزي وأنحن ما نعرف شئ أما القرة والبرد والله أنك صادقة ياشتات لكن ماهلا في الضحى بنتهرج فوق الرعش وفي العصر بندخل البيت عند الملة نشتب ونصنع لنا قهوة وشاهي وقشر ونتهرج . |
||||||||||||
25-11-2011, 04:13 AM | #106 |
مراقبة التراث وسوالف الاولين
|
رد: هروج العصرية فوق الرعش و تحت الفية ....
ياااااشفاعة الله ياريحانة وأنتي تحضرين حفلات كما تيه مع ذا المحششات ؟ والله أن مقعادك في مكه مايعجبني جهدا خاصة يوم حضرتي حفلة الزار تيه مع تيه الوجيه اللي تفلج واديا ومن فيه ويشربن التنباك بعد واللي معها زير تنقع فيه يايخته وش قربك من ذلينه المغيرات تحضرين معهن . كان جيتي عندنا في الديرة وحضرتي صدة معيض الخرش والله أنها خير مليون مرة عن تامعك المحافل مع طنج البحر في مكة ، جا لعبن وجا نسوان من كل القرى اللي حولنا ليتك معنا أحسن من المزورات اللي رحتي لهنه في مكة . |
25-11-2011, 11:12 PM | #107 | ||||||||||||
|
رد: هروج العصرية فوق الرعش و تحت الفية ....
حتى انا كماك ماعرف تيه الرومنسيه ولا قد سمعت فيها الا في تيك المسلسلات الفضيحه الي تجي عصرا يختي مدري وشنهيه لكن اظن انها حاجه ياهبنها النسوات فوق شعورهنه عقوف يصرنه غلات ترى ذيه اجتهادن منيه يمكن تكون صح ويمكن تكن حاجه والا مصيبه ثانيه نحن مانعرفها خلي لا جتمعنا فوق الرعش ننشد عنها .. قدام الغلايم سوي نفسك تعرفينها علشان مايقلن عنا جاهلات اسمعتي ؟ عن ساعه باجي عندك بطبخه قهوه والله يافاحسن فوق قلبيه الله يجيرك يخته منه ان كان عندك حليب السعوديه طرفيه لين اجيك الا تعالي هنيه ذلاك الشيبان وين غدوا يخشعهم الله صقرانن ماهلا جا الخصر وافلحوا بيوتهم يخرعون على ذيك الاعمار الشرايف وزيني |
||||||||||||
25-11-2011, 11:26 PM | #108 | ||||||||||||
|
رد: هروج العصرية فوق الرعش و تحت الفية ....
هههههههههههههه ربي يسعدك يانسيم في تيه الهروج والله اني صار لي كما ريحانه مدري من دعا عليه ذاك اليوم وافلحت زواج ناس مو من قبيلتنا دواسر وخوالد مدري وش غدانيه افلح 00 احسبنه مسلمات كمانا لكن زميلتنا تقول الا تحضرنه زواج اخيه . وماهلا افلحت ودوبني جلست والا ياخته يوم صادهنه الزار بغيت اغزل جواليه ماهوب معيه اكلم احد يجي يعود بيه البيت لان مايدخلونه ربي اعطاني بواحده من زميلاتيه كمايه بغت تغزل حتى هيه قلت لها هات جوالك والله انا بفلح ماعينيه بقعد عند ذلينه قالت والله ماتفلحين وتخليني هنيه لوحديه ابيه ماعين ياجي ياخذنيه الا بعد الساعه واحده قلت وش تي القصه علينا قالت مدري وجلست انا وياها على طاوله ولا شفت المزورات دنقت براسيه وغطيت عيونيه بالشنطه وزميلتيه كمايه ههههه وربي ياشكالنا انها فضيحه واذا خرعنا مره لفينا ظهورنا اظن ذاك اليوم ختمت القران من كثر ماجلست اقرا على نفسيه حتى العشا مارحت له من خرعه جوف قلبيه الله لا يعيدها بعض المفاليح يايخته وبعدها سئلت زميلتنا قلت وش تك الضيعه عندكم الله يجيرنا وجلست تضحك تقول عادي عندنا رقصة الزار بس انتم ماتعودتم قلت يحرم عليه ماعاد احضر زواجاتكم جيت انبسط والا اتخرع الله ماحسن زواجاتنا مافيها رعب ولا شي |
||||||||||||
25-11-2011, 11:36 PM | #109 | ||||||||||||
مراقبة التراث وسوالف الاولين
|
رد: هروج العصرية فوق الرعش و تحت الفية ....
الله يحييك أنتي وطبختك ياشتات لكن والله وأنا أختك أن معي تية الليلة تعبه مثيييييييييل جبل عيسان تندر وتطلع جوف حلقيه جتني كلمة مع عشاء تيه الليلة من ناسن في خاطريه ماهقيتها منهم لكن خليها على ربك الله يلقي كل واحدن عمله وأنا أختك . وأني أخذت فانوسي وقهوتي وظهرت فوق ذيه الرعش أفك عن خاطريه شوية يمكن تيه التعبه تهكب عنيه وأن كان معك فاحسن ياشرية فأشربي من جوف حليب بقرتي أني دوبي حلبتها مع المغرب وحطيته جوف القدر بتلقينه قدامك جوف محنى الدرجة حطيته عشان يبرد ويروب حد الليل وأغترفي لك ملا فنجال الشاهي لا تكثرين باقي بكرة أمخضه واوزعه على البيوت جغمة جغمة صدقة لوجه الله . أما القحمان والله أنك مجدك ماهلا حسوا بالخصر وكل واحد شرد عند كهلته طرف الملة وماعد سمعنا لهم هرجة ولا شفنا لهم درجة وبيني وبينك احسن تريحنا من هواشهم وصياحهم حد العصرية كل يوم وسمعت أن بعد معهم ضيقة منا يقلون هوية أنا أخذنا الرعش وأعطيناهم الصافح يتهرجون فيه كانوا يبغون يعدون فوق الرعش يتهرجون وأنا أبيت قلت الرعش للغلائم واللي يضيق يشرب من الكظامة حتى يرضى . ها وسلامتك ياشتات . وتبايتون على خير . |
||||||||||||
26-11-2011, 12:16 AM | #110 |
|
رد: هروج العصرية فوق الرعش و تحت الفية ....
بارك الله فيك
شاكراعلامك نسيم |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : هروج العصرية فوق الرعش و تحت الفية .... | ||||
الموضوع | كاتب الموضوع | المنتدى | مشاركات | آخر مشاركة |
الفية | حسين المعنى | الشعر الشعبي | 8 | 18-09-2011 11:29 PM |
ياقلبي لا تفتكر في هروج اللايميـن .... | نيس الأجرد | الموروثات الشعبية | 7 | 09-02-2011 05:41 PM |
بنت الوادي هاهي الآن تصافح الفية جديدة ...! مبارك لها ..! | صـدى زهـران | الترحيب والمناسبات | 33 | 16-08-2009 11:37 AM |
هروج الدشر عطية السوطاني عبدالواحد الزهراني | أخوالبشيري | الموروثات الشعبية | 6 | 20-07-2008 04:27 AM |
سعيد فوق الرعش | ابو نضال الدوسي | المنتدى العام | 24 | 03-05-2008 12:59 PM |