*** تعالوا نتهرج بسواليف الأولين ***

[نسيم السروات]

يووه يووه ياما من الهروج وغريت منها كلها والمعذرة يا خوات تأخرت عليكنه

كنت باجيكم من بدري لكن زهرة الجوري فديتها عزمتني في مطعمن ماشي كماه

تعرفون كان مغمى عليه نهارن بليله يوم سمعت أن قحمي نكح فوقيه وقامت عزمتني بنت الحلال

بقوف توسع خاطريه شوية واهي عبتليه ذيك النصائح بعد أعلمكم بها والله أنه حقن جرى

ما كذبت عليكنه وتراني خلاص ماضقت من عتيق أنه بينكح تدرون ليش قولوا ليش

عشان حتى أنا باشرد من عنده وأخلي الشيخ يطلقني منه وبنكح واحدن غيره يسافر بيه

كل بلدان العالم وأشوف سويسرية ومريكانية ماقد شفتها مع عتيق المغزول حده المندق وبلجرشي

ماقد تعداها وخطيبي الجديد يقول بيركب لي سنون ذهب وبيشتري لي كلوة غوزل عشان أصير مثل الغوزال نشيطة


أشوف طوق الياسمنا قد جت بخيرها معها يالله حيها وين رفيقتك تاك المغزوله ماجت معك هبوب السروات أهتبوا عقل ابليس

والله والله ياغربتها جوف قلبيه فديت تاك الخلقه الشريفه نعلبوا الدنيا فرقتنا عن بعضنا بعض .

بعدين وش تامعك الهروج ياطوق طقوا ظهرك من قال أني أجاكر مرت ولديه وأبغى أسافر معها شرخ الشيخ وشنهو ذيه

شرخ مدري شمخ الشيخ أنا ما أعرف إلا سويسرية ومريكانيا معرف لا شمخ الشيخ ولا غيرة شمخوا وجهك أنتي والمغزوله

اللي قالت لك هروج الكذاب تامعك بعدين مرت ولديه مجمهرة تبغى تسافر بولديه تبيح قروشه في السعسعة .


وأشوف بعض الغلايم فرحانات بأن عتيق بينكح يبغين اللعب والدهدقه لعبوا فوق ظهوركنه والله والله ماتحضرن الصدة

من تحت رأسيه .

وأنت يابو نازي عليك هبت الله أن كان صدقن تدور لفرعون (عتيق) مرة لكن ابشر بسعدك انت وأياه والله والله أني

لأخليكم هب هب مالكم مذهب ما أكون بنت بيه اعقبوا أعقبوا يالرجاجيل مافيكم أمان عساكم بالجرب أهون لي وأقصر.

يابنات أي مخلوقه زوجها يضربها تضربه الشرع محلل لها واللي يتزوج عليها تطلقه وتتزوج غيره والله والله ماعد

يرقد الليل لو شافها مع رجال غيره حتى لو كان معه باسكال مشعلاني ليقعد يفكر فيك ليل مع نهار هاخذنه علميه

وبكرة لنا ملتقى بكن أن شاء الله .

تبايتون على على خير .

[روعه]

ياقلبي يا نسومه

الله يغط
هذا القحم

[حكــ انتظارــآية]

سلام عليكم ياصبايا والله اول مرره ادخل هذا القسم من اول مادخلت المنتدى

كيف حالكن عساكن طيبات ...ممكن قهوه

[الراقية]

تعالي تعالي ياربي تحييها
ابشري خالتي نسيم ذلحين تجيب لك القهوة
وحلفت انك ماتروحين غير لما تتعشين
هيا قولي تم

[روعه]

8

8

تم ما ابغى منك غير الخبزه اللي وعدتيني بها في المطار

[حكــ انتظارــآية]

اقتباس: المشاركة الأصلية كتبت بواسطة الراقية      تعالي تعالي ياربي تحييها ابشري خالتي نسيم ذلحين تجيب لك القهوة وحلفت انك ماتروحين غير لما تتعشين هيا قولي تم

ياربي يسعدها حرة النسوان تم تم ماعليك لكن والله توي حشيت سمبوسه يعني بنقنق معنه بس ............

[جمرة غضى]

سلام ياحلوات المنتدى

والله توني راجعة من صلاة العصر برا ماغير الف وادور

ماجلست يمكن نصف ساعه

اللي تبي قهوة وحلى وتمر تجي الله يحييها

وان جيتم ماازيد على السمن الا عسل

[الراقية]

تسلمون تسلمون والله ماتقصرون فديتوكنه كلكنه ياعويناتيه
تعالينه تعالينه عندي لكم كذبه ثالثه تعالينه قوام الحقننيه في بيتيه
عندي هروجن كثيره بغيت اعلمكنه بها عن خالتيه نسيم واصقعتي صقعتاااااااااااااه

[روعه]

8

8

صقعتك نسومه من الغبنه من قحم الخيبه كم صقعه صقعتك عليه عنك

[الراقية]

اقتباس: المشاركة الأصلية كتبت بواسطة ابو نازي      اقول يا الراقيه اضن خالتك نسيم ماهي بصحيحه تكفح تلاجة قشر كلها فوق راس عتيق امتلخت اذانيه وقفاته مسكين اهو جاني يشكي منها وتهدد ويتوعد ويقول والله ما يغدي يذرع فيها وانها جمهرت عليه وترادده وجحد الكلوه يقول تخسا وتعقب ماهي لها والله ان ودنا نصلح بينهم انتي هديها وانصحيها وانحن كمن نغدي بكره عند القحم عيدان نصاهر في بنته عتيقه

هلا هلا بعمي نازي
خالتيه نسيم حلفت ماتعود لعتيق وتقول والله لاخلي العسكري يقتلع كليتيه من عنده 000 العسكر في خدمة الشعب
واهي ماغير تهدد وتتوعد ناصحتها وهديتها لكنها مره مجمهره مدري وشمعها الله يقهرها
مدري مدري احسها تغيرت ماهي كما اول ومعي فيها نقده تقول ابغى الفكه من عتيق باخذ واحدن ثاني يدلعنيه ويغنجنيه ماهو كما عتيق ماهلا يدافر بيه

انت افلح صاهر عند عيدان وانشاء الله توافق عتيقه وتاخذ عتيق
المح كمن قرت تي المجمهر




خاله نسيم تعالي بغيتوك في هرجه لاحد يسمعنا
اسمعي ياخاله نصيحتيه ولاتعودين لعتيق
اشتري نفسك منه والله انك ماتستاهلينه ولا هو بكفو لك انتي ماتستاهلين يكون شيخ خلي عتيق يقعد للمصاكعه
ربي يهوله المجرم
ونصيحيه منيه لاعاد تفرطين في اي عضو امن اعضائك بكره تاخذين لك واحدن ثاني وتعطينه البنكرياس حقتك وبعدين تاهبين لنا طلبه اهيه اهجدي وقري قره