سجل دخولك ببيت شعري !!

[المُهرهـ]

ياضايق الصدر بالله وسع الخاطر **** دنياك يالغااالي ماتستاهل الضيقه

الله على ما يفرج كربتك قادر ***** والله له الحكم في دبرت مخاليقه

[المُهرهـ]

تعبانة يايمه من جد تعبانة
واحوالي يايمه، ما اظنها تسرك
تعالي وردي عن قلبي أحزانه

محتاجه يايمه أبكي على صدرك
من غيبتك وانا مهمومه حيرانه
ماعندي الا الآه وثيابك وعطرك
كم ليله مرتني مانمت سهرانه
ولهانه يايمه وللحين انتظرك
من كثرت همومي والوقت وأحزانه
تعالي يايمه عمري فدى عمرك
قلبي نطق همه ويصوت السانه
الحال يايمه ماهو على خبرك

[مُخْ ـتَلِفْ..14]

[ALIGN=CENTER][TABLETEXT="width:70%;"][CELL="filter:;"][ALIGN=right]
لا تجين!
في داخلي حفلة..
فيها ثلاث صغار..
من بينهم طفلة..
لو جا المكان كْبار..
تهرب!!
تبعد عني سنيني سنين.. ما تبين!
وان جيتها بعدين،
بتصيح فيني: «لا تجي»!
لا تجين!،
لو جا المكان كْبار، ينهار!
وش تبين؟!
ما بديتي تنضجين!!
انضجي!
[/ALIGN][/CELL][/TABLETEXT][/ALIGN]

[* كاتلوني *]

( لا تـحـزنـي )

( لا تـحـزنـي )

لا تحزني .. ؟
هذا أنا من أول أيامي كذا ..
الواحد بزحمة مدن .. !
ماهي بقلة ناس ..
لكن قلة إحساس
وضياق أنفاس وحكاية شجن .
لا تحزني ..
مثلي كثير العايشين بروحهم
وأجسادهم ..
في ذمة الله والنحول مهدهده ..
تقرا تراتيل الكفن ! .
الله ، لو شفتي مداين خاطري ..
وأنوارها ، وأخبارها ،
وذاك السكن ..!
الله لو شفتي الوطن ..
إللي تخيرته أخير.. بعد ما عز الوطن !
ما كان صابتني العيون ..
ولا كان صابك ذا الحزن.

لا تحزني …
أنا سعيد بها النوى وأيامه الصعبه
أنا هنا لا زيف يزعجني ولا كذبه !
بين الطيور اللي تغرد والنشيد ..
أنا سعيد !
أضحك ورا كوم الجليد الهش والغربة.
مالي ومال الهامش المبني من إسمنت وحديد
مالي ومال الغارقين بشبر خوف..
ولا بهم حي يشوف ..
إلا ضرير ميّت قلبه ؟!
أضحك على ذكرى جهل ..
وذكرى هَبل ..
وذكرى رجاجيل ودجل..
وما يشبه الصحبه !
وأضحك على أوهام مضت ..
وقصة قضت ..
كانت على راي (الشِعر) يا كذبتي كذبه .
لا تحزني..
خليني أضحك وانتشي.. في سكرة الغربة .

[السلطانة]

ماكلـ من يعشق صفاتي [ عطيتهـ]
وماكلـ من | طب الميادينـ | خيّالـ ..!
لا ...ياهنـا مـن | تكـدر | وجيتـهـ
عز الله إن الجرح يبرى وينزالـ
يا أبوي من قدي وأنا لكـ وفيتهـ
المهرة اللي جبتها < بنت رجّـالــ >...

[* كاتلوني *]

(( لاتغـــار ))

لا تغار ..
أو على كيفك تبي ترتاح .. غار !
الهوى من آخرتها وبإختصار ..
إنحدار في إنحدار في انحدار .
لاتظن إنك تبي تسلم ، مهوب سلم الطريق ..
ولاتظن إنك تبي تحلم بنوم ولا تفيق
ولا تظن إنك طليق ..!
يعني ضيق ..
يعني محكوم بحصار ..
يعني عايش في إنكسار ..
آه ياشين الغصن عقب إنكساره ..!
لاتظنه سهل إنك تنكسر ..
مالإنكسار الحب طب ولاجبارة .
ولاتظنه سهل إنك تنتصر ..
إنتصارك في الهوى أكبر خسارة .
والمراره .. ؟!
إنت ماتقوى المرار ولايواطنك المرار
لا تحب ..
وإن تورطت بمحبه ..
أنصحك من كل قلبي .. لا تغار .

[المُهرهـ]

تعبانه يمه .. تعبانه
والحال ماينوصف .. حاله
بالحيل يمه مشتاقه
ولضمة شوق .. محتاجه
أبيك وارتمي بحضنك
واحس بدفا قلبك
وأعيش لذة الماضي
حنين وعطف من صدرك
أبحكيلك عن أيامي
وعن اللي مكدر أوقاتي
وأببكي لين ينساني
حزن من عقبكم جاني
أنا من عقبكم صارت
مكسورة جناحاتي
أداري دمعتي بسكات
ولا أحد همه دمعاتي

[كبريآء ملكـ]

.
.
.


. . . تَدري وِش آسَوي إذا جَآبوك بـ آلطَـآري ؟ / آصِد عنهَم وِ [ آججر ] بـ آلحِيل تَنهِيده

[أبوعدي]

عطيني عيونك الليلة .. وباكر ياعسـاه صـدود
أمانه لا مسحتي الكحـل خلـي طيـف أحلامـي
أحبك كان يكفي الحب جروحي في هواك شهـود
أنا اللي راس مالي حلم .. وهـم الدنيـا قدامـي

[* كاتلوني *]

ناموا الأطفال..
والوحشه صحت فيني.. وشد البال

يا ريح المطر بالهون.. لا يصحون

يا ريح المطر بالهون

ياريح المطر

يا ريح:

ما صدقت أنا.. يغفون.

كفي.. وارفقي فينا..

كفي وارفقي

كفي :

أبوس إيدك.. تفكينا..

ترى هالبعد يكفينا..

ويكفينا.. شقا الأحوال.

إلهي..

إحفظ الأطفال
***



شاقول الصبح..

لا قالوا: صباح الخير يابابا..

وباص المدرسة بالباب ؟!.

شاقول إن جيت أعانقهم بصمتي..

والحروف غياب..!

وشاقول إن طالت الغربه عليهم..

والسفر ما طاب.!!

وش أكذب. والكذب خيبه

وش أصدق..

والزمن كذاب.!!

- - - - - - - - - - -

نشف صوتي

ولا جف السؤال الدايم الحيرة

.. متى نرحم بعضنا بعض

.. ومتى نسلم من أهل البغض

ومتى هالأرض.. نغسلها من الوسواس والغيره

أعوذ بخالق الدنيا، من الدنيا..

ومن اللي همّه الدنيا..
ومن الأنذال .

إلهي
احفظ الأطفال .