06-03-2011, 01:52 PM | #11 | ||||||||||||
قلم مميز |
رد: علومنا خير ياعم يحيى ..!!
إنت تقاعد وبعدها تعال وتلقى كل علم(ن) طيب أبو محمد مابيقصر .. |
||||||||||||
06-03-2011, 01:55 PM | #13 | ||||||||||||
قلم مميز |
رد: علومنا خير ياعم يحيى ..!!
ماشاء الله عليك يابو محمد خدمتك أكبر مني بـ 4 سنوات الله يوفقك ويزيدك من فضله |
||||||||||||
06-03-2011, 02:02 PM | #14 | ||||||||||||
قلم مميز |
رد: علومنا خير ياعم يحيى ..!!
ماشاء الله عليك يابو محمد أنا أشوف الواحد إذا تقاعد وطلع بـ بيت ملك بيض الله وجه الزمن تغير والعقار صعب أنا عن نفسي والله مثل ماقلت من شقة في شقة ماعندي الإ أرض في أخر الطايف جت للوالد منحه وأخذتها منه وبيني وبين الراتب يالله يلحق أخوه يعني وين هالزمن أحد يقدر يشتري أرض بـ 300 هذا إذا لقي بالسعر هذا في مكان يقدر يعمر فيه الواحد إذا ماكون نفسه وهو على رأس العمل بيتقاعد مابيطلع بشي الراتب يالله يكفي المصروف وأنا تحديداً في الوقت الراهن ما أشوف نفسي طلعت بشئ ولابعد عشر سنوات الأسهم شفطة ربع مليون << كبيره ربع مليون خلونا نصغرها شويه ونقول 250 الف << تحسونها قلت والإ هي نفسها الله يكون بالعون .. بالنسبة للتقاعد أنا أشوف الواحد بعد التقاعد يرتاح الوالد عني خدم في التدريس 27 سنه نفسه كانت راس خشمه مع إنه يداوم في نفس القريه بس لما تقاعد ماشاء الله كل أسبوع في ديره من تهامه إلى مكه إلى جده والحين أشغل نفسه بعماره في جده كل أسبوع وهو نازل ماخذها تمشيه ناهيك عن سفرياته خارج المملك كل صيف ماخلا ديره غير كذا أي إجازه مايجلس في الديره مع إنه مُستحيل ينقل منها يعشق الديره واللي عاش حياته كلها في الديره ما أظن تهون عليه بعد التقاعد الله يرزقنا الصحه والعافيه ويجيب التقاعد والأمور بخير .. الله يسعدك يابو محمد أمتعتنا بقصة حياتك الله يهنيك ويرزقك ويزيدك من فضله |
||||||||||||
06-03-2011, 02:05 PM | #15 | ||||||||||||
قلم مميز |
رد: علومنا خير ياعم يحيى ..!!
وجهك أبيض أخوي الكبير عساف الله يسعدك لاخلا ولاعدم أخوي عساف كثير متخوفين من التقاعد وبعضهم يصل به الخوف إلى درجة إنه يمرض بعد التقاعد الواحد لايفكر بهذي الطريق إنت خذت في دنياك خير ريح عمرك أهم شئ الواحد بعد التقاعد لايحاول يجلس في البيت كثير يروح يجي لايخلي ديره تقاعد أخي عساف وتتغير عندك هذي النظره ربي يسعدك قبل وبعد التقاعد |
||||||||||||
06-03-2011, 05:07 PM | #17 | ||||||||||||
كبار الشخصيات
مشرف القسم العام مشرف قسم الحوار |
رد: علومنا خير ياعم يحيى ..!!
اهلا وسهلا بالصديق العزيز عســــــــــــــاف اخي الكريم عساف التقاعد هو نعمه من الله وانصحك اذا جلست مع واحد يقول التقاعد ممل ووجع رأس فقم و خله ولا تسمع لكلامه التقاعد مثلما قلت لك نعمه من الله وحريه من العبوديه اهم شئ ان تكون قد أمنت السكن لك ولعيالك وباقي الامور تسهل وليس بشرط انك اذا تقاعدت ان يكون عندك مبلغ يمكنك من السفر والتمشيات ( لا كلف الله نفس الا وسعها ) تمدد على قد لحافك واذا لزم الامر فالتمشيات داخل منطقتك نعمه لو بس عصريه تكفي لشم الهواء والله ان الجلسه بين اهلك من النعم تسمر وتنام وتتفرج في التلفزيون وتسولف مع اهلك ومع الشله في المنتدى تخلي الوقت يروح ما تشعر به المهم انك حاليا وانت على رأس العمل لا تفكر الا في كيف تؤمن السكن وتعد له من الآن ولا تتحسس لما بعد التقاعد سترتاح وتتغير النظره القاصره لما بعد النقاعد واحذر من الدين اللذي لا داعي له الا اذا كان في عماره او سياره متوسطة القميه ارجو ان قد نصحتك والله يوفقك ويشرح صدرك للتقاعد بعد اكمال المده النظاميه ان اردت لك وافر التحيه |
||||||||||||
06-03-2011, 05:10 PM | #18 | ||||||||||||
كبار الشخصيات
مشرف القسم العام مشرف قسم الحوار |
رد: علومنا خير ياعم يحيى ..!!
حياك الله استاذ عبد الله ( العندليب ) اشكرك على المشاركه التي تشجعنا على احياء هذا القسم اوعدك بان يكون هناك المزيد ان شاء الله عن حياتي العمليه وتجاربي والوضع اللذي كنا عليه ايام العمل زمان لك وافر التحيه |
||||||||||||
06-03-2011, 05:21 PM | #19 |
اداري
|
رد: علومنا خير ياعم يحيى ..!!
كلمات رائعه عندليب وأنتقاء أجود لكلمات الدكتور ناصر الزهراني الديرة والسيرة واحدة لا واردة ولا شاردة سارة قارة الأرض غبرة وعند الله الشبرة لا مريض ولا عريض عايشين في وادينا والله هادينا أما الأمطار واقفة والأبيار ناشفة ولكن الله يرحمنا ولا يحرمنا وغيرها سهود ومهود وامان و سعود والله يحفظ لنا آل سعود شفنا الخير يوم شفناهم وعرفناه يوم عرفناهم ---------- اما الأخبار ما عاد فيها أسرار تغيرت السنوات وانفكت علينا هذه القنوات وصارت أخبارالعالم سهلة تعرفها حتى الكهلة تلقاها متكية عندها شاهي أخضر وكركديه وسنوت وعصير كرز مع التوت وشوية قرص مفتوت وفي إيدها ريموت وقاعدة تقول يا ليتني لحقت عمري قبل الموت والشايب حتى هو تلقاه مولع غليون ويتفرج على من سيربح المليون ---------- المهم يا اخونا الصالح قلبت القنوات البارح يمكن ألقى حاجة زينة تعبت والله من الأخبار الحزينة جيت والسياسة تعاسة العراق ذبح ومذبوح ورائحة الدم تفوح يالله ترحم البلاد وتهلك أهل الشر و الفساد وزادت الأحداث يوم اعتدوا على لبنان والله شيء يمزق القلوب وش ذنب الشعوب تروح ضحية ملعوب وتطحنها الحروب وفلسطين في الحصار مبطين ومساكين جماعة هنية ما شافوا ولا ليلة هنية والله يعين حماس لا يختلف دباس مع عباس ويجي الفأس في الرأس وابشرك خادم الحرمين الله يحفظه له جهود لو ان اليهود يوفون بالعهود وبعض الأمور يبغى لها حكمة ودراسة وفهم وسياسة هيا قول لي: وش الفايدة يوم يروح صاروخ ويوقع في شجرة خوخ ويرجعون يهبدونك لين تدوخ ويقتلون الأطفال والشيوخ يا أخي اصبر لين يصير عندك قوة وبعدين اللي في رأسك سوه ولكن شوف ترى الصادقين الله ينصرهم انت ما سمعت ربي وش يقول في كلامه اللي يأخذ العقول (يا أيها الذين آمنوا إن تنصروا الله ينصركم ويثبت أقدامكم) ---------- المهم يا اخونا الصالح ما تقول إلا قلت وش لي وللباشة خليني أقلب الشاشة وأعرف بقية الأخبار وأحوال الأمصار لقيت لك أكثر العرب غارقين في الطرب وأكثر الشباب متبطحين عند الشاشات متسدحين تصدق الواحد ما ينفع أمه يجيب لها شوية طحين تلقاه يسحب بنطاله ويصاحب أهل الخطالة ويقول البلد فيها بطالة ---------- قلنا بنروح السوق شاقنا الشوق نشري ونبيع ونتذكر المد والربيع وما دام البيت فاضي خلنا نمليه مقاضي قالوا لي وش سوق ما سوق جنبهم!! هيا معنا سوق الأسهم وأبشربالدر المنثور بعت البيت والبقرة والثور وأثر ان حظي معثور وبندقي ما يثور روحت الدراهم كلها وقعدت انا وكهلتي بالأربع نهلها ونقول والله ما نعلها أأووووووه يا قلبي والله أنك تقول ان فيه مسامير ولا نيران مشامير حسبي الله على ذولا الهوامير صحيح السقيفة ما تطيح إلا على الضعيفة تصدق اللي صار هذا أصاب الناس بالهوس وبعضهم انحوس وبعضهم عقله انلحس بسبب كد الفلس وبعضهم كان كاشخ بالاندكروز ومشغل فيروز ويتغدى في الباحة ويتعشى في القوز وجناح في الفيصلية محجوز واللحين ما عنده إلا عراوي ويتسدح في القهاوي وكن عنده مغص الكلاوي وأنهالت عليه البلاوي وقاعد يغني قلبي اللي لواه من الصواديف لاوي لكن الله يجبر لهم الخسارة ويحلي أيامهم بعد المرارة وأبشرك أبو متعب نهض وقال ابشروا بالعوض وكون لجان لمعالجة ما كان وقال بصوت مدوي اللي صار أنا له معيي قلنا تسلم والله يا بعد حيي المهم جاك بعض الخسرانين بعد العشاء كنهم سكرانين وبعد ما صلى كل واحد فرضه قالوا ليش نقعد كلن مهموم بدينه وقرضه وبيعت أرضه تعالوا ندقها عرضه قال سعود أنا بجهز الردود ابدع يا عطية والباقي عليه قام عطية يبدع واللي ما سمع يسمع يقول : من لنفس ما استراحت من بعد يوم الوداع للحبيب اللي مقدر قام سعود يروح ويعود قال خلوها قال: الدراهم منك راحت مير ما للحزن داع لن ما شي مقدر ---------- المهم يا أخونا الصالح نمت وانا ضايق صدري واذا بأهلي وجيراني ينادون علي من بدري قالوا تدري ولا ما تدري قلت يالله صباح خير لا يكون أحد طاح في البير قالوا ابشر بالخير وغطرف غطرف يا ابو عمير علم يسرك ما يضرك أكبر فرحة تمر عليك قلت وش هي الله يهديك أكيد رجعت خسارتي في الأسهم قال لا اكبر انت ما تفهم قلت اكيد جاني ولد قال أقول لك هزة في البلد وخبر فيه أحسن تسليه قلت يمكن جت موية التحلية قالوا شي أحلى يا جار قلت يمكن جت امطار قالوا لا قلت انتهيت شوقتوني لين ازريت قاموا يرقصون في البيت ويغنون أحلى أوبريت الله يا ماكبر هنانا حقق الباري منانا والله ما خيب رجانا والونس حل بربانا بدر وأشرق في سمانا الملك عبد الله جانا يا سمع ندايه دانا تحفظه حامي حمانا ---------- المهم طال عمرك ترى تركت نفسي اليوم على سجيتها والمشاعرعلى طبيعتها إبتسامة من المصطفى وعلم من معاذ وحديث من ابي هريرة ومزاح من نعمان وشعر من حسان وحداه من انجشه ولحن من الجنوب وصوت نجد وموال من الحجاز .................................................. ....................... عزيزي يحى أهنئك على الأبتعاد عن هموم ((سموم)) العمل ماأحلى الحرية تعيش حياتك بالطول والعرض أتمنى لك حياة سعيدة وقضاء أجمل الأوقات دمت بوود |
06-03-2011, 05:27 PM | #20 |
كبار الشخصيات
مشرف القسم العام مشرف قسم الحوار |
رد: علومنا خير ياعم يحيى ..!!
حياكم الله
عندما كنت اعمل كاتب صادر ووراد كان العمل كثير وذلك ما بين عام 1396هـ الى عام 1400هـ وكان لي زميل من بني كنانه وكنا ساكنين انا وهو في الباحه وكنا لا نقدر نقوم بعملنا خلال ساعات الدوام وكان لديه شنطه اقوم بحمل المعاملات معي للسكن واقوم بتصدير المعاملات وفرز الصور وختم الظروف وتسجيل المعاملات في دفتر البريد اللذي يستلم بموجبه موظف البريد المعاملات المرسله واليوم الثاني اقوم بارسال المراسل بتلك المعاملات الى البريد وابدأ في تصدير البريد الجديد وختم الظروف وتسجيلها بدفتر البريد كالعاد واقوم بفرز صور المعاملات وتوزيعها على الاقسام وحفظ صور الصادر بملف لدي وعلى هذا المنوال يوميا وكان المراجع اذا اتي الينا نجلسه على كرسي ونعطيه الشاهي ونسولف معه ولا يروح من عندنا الا وهو مبسوط ونخدم بعض المراجعين بتسهيل معاملاتهم عن طريق الهاتف وكذلك اذا وجدنا وقت نتابع معاملات المراجعين لدى الاقسام كخدمه انسانيه 0 والله ان وقت الدوام يروح بسرعه بدون ما نشعر به نظرا لكثرة العمل والسوالف مع الموظفين والمراجعين اظف الى ذلك ان هيئة الرقابه والتحقيق كانت تقوم بزيارات مفاجئه وبصوره دوريه تكاد ان تكون شهريا ومن العجيب انهم يجون ويروحون ما يلقون اي غياب او تأخر اما اليوم فزيارات هيئة الرقابه والتحقيق قليله وعقيمه ولا تؤتي ثمارها مع التقصير الحاصل حاليا والاهمال واللا مبالاه من الكثير من الموظفين مع التقدم الكبير في تكنلوجيا المعلومات والحاسبات التي اختصرت ووفرت الكثير من الاعمال مثل التسجيل في سجل الوارد والصادر وفرز صورالصادر والتسجيل في دفتر البريد والدوسيات التي يتكدس ويمتلئ الارشيف منها 0 في الجعبه الكثير ولكن نكتفي بما ورد والى اللقاء ان شاء الله في قصه اخرى عن العمل |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : علومنا خير ياعم يحيى ..!! | ||||
الموضوع | كاتب الموضوع | المنتدى | مشاركات | آخر مشاركة |
علومنا خير | مقبل | الموروثات الشعبية | 1 | 22-03-2010 02:55 PM |
علومنا خير | الهيثم 07 | مجلس بني حرير | 11 | 28-10-2009 08:25 PM |
عندي مشروع هل من داعم ؟؟؟؟؟؟؟ | عبادددي | المال والأعمال | 8 | 23-12-2008 10:37 PM |
ضقت ياعم ؟؟!! | أبو ليان | التراث و سوالف الأولين | 6 | 19-07-2008 01:28 PM |
علومنا عفاكم | الداعري | الترحيب والمناسبات | 10 | 04-08-2007 06:48 AM |