كرسي الاعتراف وهذه المرة مع الاخ( العرنين)

[العرنين]

اقتباس: المشاركة الأصلية كتبت بواسطة سارق القلوب      انا عندي 3اسئلة!!!! 1-كم عمرك؟ 2-ما اسمك الحقيقي؟ 3-منتديات زهران___ما رايك اكان المنتدى في الماضي افضل من الحاضر؟ وسلامتك

...
هلا بك يا سارق القلوب
1- العمر بين 26 -35
2- ما فيه اختيارات ، اذا فيه تكفى اعطني توم كروز
3- كل شي يتطور واكيد انه كان رائع من البدايه لكن الحين اروع
ويكفي ان فيه اعضاء رائعين مثلك
....
كل الود وصادق الاحترام لك
دمت في خير

[السيف السعودي]

احلى جالس على الكرسي وبعدين وش الكرسي منور ليه فيه لمبه هع

1-بالنسبه لتصاميم ليش مافكرت تصمم الى الآن ؟

2- وش احسن شي المنتدى ادري بتقول المنتدى كله هيل درينا بس احسن شي يعني احسن قسم غير الادبي ؟

3-اقرب عضو الى قلبك ادري كلهم >توهق صدق هع ؟
بس تيه حالياً .. لي عوده
سلام مؤقت

[العرنين]

اقتباس: المشاركة الأصلية كتبت بواسطة السيف السعودي      احلى جالس على الكرسي وبعدين وش الكرسي منور ليه فيه لمبه هع 1-بالنسبه لتصاميم ليش مافكرت تصمم اللا الآن ؟ 2- وش احسن شي المنتدى ادري بتقول المنتدى كله هيل درينا بس احسن شي يعني احسن قسم غير الادبي ؟ 3-اقرب عضو الى قلبك ادري كلهم >توهق صدق هع ؟ بس تيه حالياً .. لي عوده سلام مؤقت

....
هلا وغلا مصممتنا الرائعه
طبعا الكرسي فيه لمبه والا تبغينهم يصوروني في الظلام
..
1- التصاميم ،، العين ما تعلى على الحاجب انتي علميني وابشري
.
2- احسن قسم عندي وبكل امانه سلة المحذوفات ( احب اسميه القراشيع )
.
3- لا احد يزعل علي تكفون
العتمه هو اقرب واحد
....
مشكوره على مداخلتك
ودمتي في خير

[العندليب]

أررررررررررررررررحب يالعرنين ..


س1 // أحس إنك ما تحب تلبس عقال لية ؟؟ << الله لا يفضحنا ..


س2 // وش أحسن أكلة شعبية عندك (( غير العصيدة )) ؟؟ << توهق


س3 // سؤال تريد أن توجهة لاحد الأعضاء حتى لو كان أنا ؟؟


باااااااااااااايوووووووو

[الصغير1]

هلا وغلا بالادااري المحبوب؟؟!!

اول شي مبــروك على كرسي الاعتراف
وان شاء الله يكون مريح مع الاسئلة



ودي اسالك باس يقولون اشرب قهوه قبل تبداء تفضل

س1/يقولون كل شاعر لابد له من زوجتين هل هذا صحيح؟ وهل نويت و فكرت في ذلك؟؟


س2/ كل من لايعرفك يصفك بالقسوه على عكس من عرفك هل فعلا انت قاسي ام وشايه

3_/يقول برناردشو : المرأة ظل الرجل ، عليها أن تتبعه ، لا أن تقوده ؟؟ انت ماذا تقول الان؟؟


اتمنى ماثقلت عليك وتعيش وتاكل غيرها ابو وتين
الصغير1

[أحمد العدواني]

حياك الله أخانا العزيز العرنين ، منور الكرسي يا عسل

أسئلتي وعسى أن نوفق في الإختيار والصياغة :

س1 : اهتماماتك خارج عالم النت ؟؟

س2 : أُمنيتين تتمنى تحقيقهما ، الأولى على المستوى الشخصي ، والثانية على مستوى الأمة العربية أو الإسلامية ؟؟

س3 : ثلاث شخصيات ( دينية ، سياسية ، أدبية ) تهتم دائماً بسيرتها وترى أنها أَثْرَت وأثّرت في تاريخ البشرية ؟؟


وتقبل خالص تحياتي معتذرين إن نحن أثقلنا عليك !!

والشكر لأخينا سارق القلوب

[صالح بن فارس]

حنهريك أسأله اليوم

شمتان



أخبرنا عن مشروعك القادم ؟؟ ولا تصرفني بكوره لافه يا معوكس

ليه منقطع عن الشعر وما عاد نقرا لك جديد زي أول ؟ >> ناويك ناويك

لما تكبر الوساده عشان تنام وشايل هم الدوام وش تتذكر عشان تخمدها على طول ؟

تصدق توني أتندم على تحديد عدد الأسئلة >> يا شيخ لو عشرين سؤال ما تكفيني فيك

دمت بخير

؛؛؛؛؛

[ملف ضآيع]

هلا و غـــلا ( العرنيييييييين )


منور الحتّــة يابــش مهندس

بص حضرتــك عندي كم سؤال كدا سهليييين قدا قدا

1/ وشرايك بلغتي الفرنسييييييية أعلاهـ

أمــزح معــك


س1/ وش يعني لــك ( الهــدوء )
س2/ اكثر قسم تحبـه بالمنتدى
س3/ لــيـه اخترت هالاســـم

[العرنين]

اقتباس: المشاركة الأصلية كتبت بواسطة العــ أبوصالح ــقيد      أررررررررررررررررحب يالعرنين .. س1 // أحس إنك ما تحب تلبس عقال لية ؟؟ << الله لا يفضحنا .. س2 // وش أحسن أكلة شعبية عندك (( غير العصيدة )) ؟؟ << توهق س3 // سؤال تريد أن توجهة لاحد الأعضاء حتى لو كان أنا ؟؟ باااااااااااااايوووووووو

.
هلا ومليون غلا
يا الله اتك تحييه
1- ما هو عقال بس ، الا كل ما يمت للعقال بصله
من طاقيه وشماغ ، وما ادري كذا من ربي تعودت
.
2- احسن اكله عندي المفطح ، خل العصيده تقعد
.
3- سؤالي لكل الاعضاء، ليش تزعل اذا قال احد موضوعك مكرر؟؟
.....
سلاااااااااام
مع الكل الود والتقدير

[العرنين]

اقتباس: المشاركة الأصلية كتبت بواسطة الصغير1      هلا وغلا بالادااري المحبوب؟؟!! اول شي مبــروك على كرسي الاعتراف وان شاء الله يكون مريح مع الاسئلة ودي اسالك باس يقولون اشرب قهوه قبل تبداء تفضل س1/يقولون كل شاعر لابد له من زوجتين هل هذا صحيح؟ وهل نويت و فكرت في ذلك؟؟ س2/ كل من لايعرفك يصفك بالقسوه على عكس من عرفك هل فعلا انت قاسي ام وشايه 3_/يقول برناردشو : المرأة ظل الرجل ، عليها أن تتبعه ، لا أن تقوده ؟؟ انت ماذا تقول الان؟؟ اتمنى ماثقلت عليك وتعيش وتاكل غيرها ابو وتين الصغير1

....
هلا ومليون غلا
طبعا انت مبسوط عشان ورطتني
لكن يا الله تمون
...
1- اولا انا ماني شاعر مهلا هبيت عصيدتين والاداره ما قصرت
هبت تحت اسمي شاعر ، وانا صدقت
اما زوجتين كثر منها ، الدنيا غلا وانا اخوك والا ما سمعت عن ازمة الدقيق
..
2- يا اخي ما اقدر احكم على نفسي خل الناس هي اللي تحكم
( وحد يحكم غلط باحذف المعرف حقه )
..
3- اخاف تورطني مع كونداليزا رايس لو اعترف باللي في قلبي
لكن ما اقول الا المرأه كانت نصف المجتمع والحين ثلاثه ارباع وبكره المجتمع كله
وقابلني ساعتها اذا خذنا حقوقنا
...
وبعدين ما ثقلت ولا شي
دايما منور
وكل الود والتقدير والاحترام لك دائما