قصتي مع الكمبيوتر وكيف تعلمت له

[أبو مراد الزهراني]

اقتباس: المشاركة الأصلية كتبت بواسطة نسيم السروات      طق طق طق طق طق الحين بتجي طوق الياسيمن وتقول من دعاني ههههههههههه

ههههههههههههههههه
وربي بغيت أقولها يا نسيم يوم كتبت طق طق طق الله يذكرها بالخير ويصبحها وهي بصحة وعافية ..

[جنون البآرسآ]

الله يـ أيآم زمآن

أذكر كآن عندنآ جهآز مكتبي كنت مآهلآ أفآعض فوقه و أبيت أعرف له

و إذآ آتصلت الشبكه يقعد ربع سآعه إلين يفتح الصفحه و إذآ فتحت أروح لـ صور اللعيبه

كنت أدور صور مآجد عبدالله و فهد الهريفي و نآدي النصر ، < الله يسقي يـ ذيك الأيآم

يـ رجآل كنت اذا جلست على النت كأني في أمريكآ أتمشى محد قدي ، يـ زين ذيك الأيآم

لكن أبشرك الحين صرنآ نعرف نفتح اللآب و نقفله بدون مشآكل ،

[ღ دمعة الم ღ]

هههههههههههههههههههههههههههههههه ...... قصتك حلـــــــــــوهـ ...
امـــــــآآ بنسبه لي عاااتي ماعانيت بستخدام الكمبيوتر لاني احبه .... واحب استكشف ...
فتعلمت عليه شوي شووي ... وبعدهااا اخذت لي دووره وصرت مبدعه فيه ....

[منبع الطيب]

سلام عليكم
يانا فدا من دعا

كلكم ماشاء الله تهوولون في تالقصص
عاد كل واحدُ منا وله بدايه مع ذا الداهي
اما انا فحمدلله ماشي من الفضايح اللي كماكم لكن اهون شويه

والله الراس وانا فدا راسك اني تعلمت من ايام الثانويه وكانوا يعطونا مقررات حاسب1 وحاسب2 وحاسب3
وكنت اقرا ولا اطبق في البيت طبعا لان ما عندي جهاز في البيت .. ما ينفع ذلك .. ولا اطبق التمارين الا في المدرسه احيانا بس
وفي الاخير عزًمت على الشيبه الا يهبلي واحد كما الناس والا يفلتني في الشارع .. ولا يخليني كما ضعيف الله مهلا اتشحد الناس يكتبون ليه التمارين ..
وجاب الجهاز في البيت ووقتها كنه جاب لي صبيه من الفرحه ما رقدت .. قعدت ليلي كله اشبًك فيه واتخرررط اسلاكه واشغله وكانت البدايه مع الرسام والوورد وتطوت الحاله وتعرفت على جدنا قوووقل وصرت
اروح له كل يوم وادخل اي كلمه براسي اكتبها ويوديني الى مواقع ما ادري وش تبي ..
الين عرفت انه فيه شي اسمه منتديات واتخبص معاهم الين قررت اخاذ لي كم دوره ومشيت حالي كما الناس
والحين ما كو فكه منه في المكتب وفي البيت وفي السياره مكتبي ولاب غير الجوال .. يعني وقتنا كله وبكل مكان
صرنا مرتبطين فيه مهلا الله يكفينا .

هذا ما صار وكان وسمع الله لمن حمده
موضوعك منتاااز يالراس
يسلمووو

[ابو يزيد الحريري]

موضوع شيق ياعسل ...

بدايتنا مثل بدايتك ولااحد يقول انه خلق فاهم والله كلنا كنا مفهين
وفعلا انا بديت بالبريد وكنت فرحان به وتخيل سويت اميل عشان اصدقاء ليه راحوا امريكا
وتاتيني منهم رسائل ولم يكن لديه جهاز كنت اروح لزميل زهراني عنده كمبيوتر
ويطبع ليه الاميل الوارد وتقول برقيات ..

بعدها اخذت كمبيوتر مستعمل ولكن الاتصال زفت واول ما بدينا بالشات ..
وطبينا بالمنتديات واول نك نيم كان ليه اسمه ( جفاف001 ) ههههههههه
وهذا الاسم معروف لدى الاصدقاء لان اصدقائي اللي بامريكا كانوا يسئلون
عن الاجواء لدينا بالرياض اقول لهم والله جفاف

بعدها اطلقوا عليه جفاف دولي 001
بعدها ترقى الاسم الى العناء 001
منذ مايقارب 20 سنه ..

هذه قصة الانترنت .. اخي طق طق طق هههههه
وصرنا والله نطقطق

[ابو عادل العدواني]

ههههههههههههه
انا قصتي مع الكمبيوتر بسيطه
حيث اول ماسمعت عن الانترنت والتطور في عالم الكمبيوتر
اتجهة الى معهد للحاسب واخذت دوره كامله لمدة 6 أشهر
واثناء الدوره شريت كمبيوتر وبتالي اصبح الكمبيوتر سهل عندي

[نور الجنوب]

انا والله ماتعلمت الابالضرب من اختي حاولت تعلمني كذا مره وترجع تقولي عيدي الي علمتك ومعد اعرف في الاخير تمسك بكعشتي وتخبط فيني
وسولي ايميل ابشركم ورجعت بيتي ماغير قاعدتلهم على الايميل اتهرج معاهم ويقولو ماعندنا شغله الاغيرك ادخلي على النت وقعدت على النت جبت العيد وكلم اخواتي على الايمييل كيف اسوي احط موضوع ولا ابغى ارد علموني احط الموضوع واحطه في العنوان في الاخير طفشو مني وحطولي كلهم بلوك وقعدت ابكي انتم ماتتحملوني ماتحبوني هوي كذيه
وبعدها افلحت الى عطيه زوجي ينقدنيالا خبطني بقدر العصيده..والا الان ما اعرف شي في الجهاز اخذت دوره كمبيوتر ونسيت والله كل الي تعلمتو

[كبريآء ملكـ]

ههه معآنآهـ يَ آبو خآلد

//

وِآلله إنِي مدرِي كِيف تعَلمت له
يعنِي مَ آتذكَر ,
بس تصَدق ليتنِي مَ عرِفت له


يثَبت آلموضوع

[القـــــناص]

لي عوده

[أم وجد]

انا بدايتي من بطايق الانتر نت نسما نت ووانتر مادري وش نسيت
المهم اول مره بجرب وادخل نت .. ماعرفت طريقة ادخال رقم البطاقه فدخلها لي اخوي عن طريق صديقه الي كان عمره 12سنه وولد خالتي كمان كان هو يدخل لي البطاقه ما اعرف ادخلها.. ولد خالتي كمان كان صغير ..يمكن كان عمره 10
وصراحه تعلمت له بسرعه لان قبل النت كان عندي الجهاز وكنت افتحه واقعد اكتب واحط صور
والنت جاني بوقت كنت اعرف بعض الاشياء ..انت الله يهداك على طول من ولاشي الى نت على طول ما يصير

المهم صرت ادخل النت وكل الي اعرفه اني احمل صور واحمل اغاني وشعر وبطايق شعريه

وستمريت فتره طوييييله كذا ما سجلت بمنتدى ولا كان عندي ايميل احسه شي غلط .وكانت البطاقه ابو عشره تقعد 10 ساعات وتخلص تقهرني
.
وبعدها اشتركنا دي اس ال ..حياه اسهل..
وتطورت وصرت اقرا بمنتديات..
افرفر بالمنتديات بس ما اسجل ..والفكره ماكانت ببالي ابد اني اسجل بمنتدى او يكون عندي ايميل..
المهم بعدها طلبت مني صديقه لي اني اسجل بمنتدى هذاك اليوم حسيت اني اغبى وحده بالعالم..ياني قهرتها ورفعت ظغطها وهي تعلمني كيف اسجل وبعد معاناه رحت مكان التسجيل وقلت لها كيف يقولون البريد الالكتروني ..

تقولي اي حطي ايميلك..وانا ما كان عندي ايميل قالت طيب اكتبي بقوقل هوتميل ..كتبت وجاني والمصيبه ماعرفت وهي معي مرحله مرحله بس اني ماعرفت وتحطمت ..والبنت تعبت معي وقالت خلاص بكره سوي ايميل وسجلي وكان المنتدى لقبيله..وسجلت وكان اول مره اسجل بمنتدى ويكون عندي ايميل

كنت بكمل بس حسيت اني كثرت كلام