عبر عن نفسك بصدق !!

[السلطانة]

أحبـ نفسي ومامي وبابي وأهلـ بيتي..
وأكرهـ الناس اللي تأذيهم..

[الراس الصغير]

أكتب كل شيء ببالك:
أنا أكره.....
أنا أحب.....


اكره اللي يضلم الناس ويحقد عليهم ويحسدهم واكره النفاق والغيبه والنميمه واكره الانتقام والعدوان واكره البشر اللي يزعطون بانهم ماشي كماهم ولا مثلهم احد ويتفاخرون بذلك وانهم معروفين ولهم مكانه مرموقه ومن حقهم ماقلنا شي بس لايزعجون الناس في المجالس وانهم لهم وجاهه بين الناس وانهم وانهن واخرط وانظم

ناس عايشه بالهياط الفاضي
اذا جلست معاهم يبادر بالكلام على طول بدون ما تسألهم ومن الكلام انا وانا واعرف واعرف وترا هوه يعرفنيه وانا اعرفه اللي هوه يعرفني
يعني قصدهم يعرفون ناس كباريه وناس في مقام الامراء والشيوخ والتجار والاغنياء

الله من الخراط الفاضي عندهم

حتى لو تعرفهم يعني وش نفعوك به يا مخاطان

لامنهم فائدة ولا شي بس زيادة عدد معارف يعني
والا تبي تبين لنا انك مميز ومهم
وش رايك نبيعك هههههه


نرجع لمحور حديثنا
اكره المحّبطين اللي يحّبطون العزيمه والهمه لانك تستفيد منهم الادمان على الاحباط فنصيحه ابعد عنه لانهم آفه في المجتمع

اكره السرابييت بكل اشكالهم - سربوت يعني يحب السربته ماله حد ولا له احد يرده والا يردعه لا دين ولا مذهب ولا اب ولا اخ عشان يوقفه عند حده او ينتقده على تصرفاته واذا ما انتقد نفسه فكيف يستنى احد ينتقده و ماشي في الحياة حر وطليق نفسه ومؤذي جدا ولا تأمنه لانه لو يحصل له فرصة علىك بان يضرك ترا يضرك ويروح في حال سبيله ولا فكر ولا شي قلبه قاسي ولا عنده تأنيب ظمير - ماقلنا لكم سربوت

وين وصلنا
واكره المتعجرف المتسلط على اخوانه المسلمين في العمل ويستغلهم استغلال لمصلحته لان التقييم عنده ويذل الناس بالتقيم عشان يحترمونه وهوه مايسوى بقرش وربع - مغرور مايسمع لاحد - كلامه هوا الصح اعذبلله من هيك بشر


اكره العناد
اكره الفضول الزائد
اكره الملاقيف يدخل لك في كل سالفه بقولة وشنهو وشنهو
اي سالفه تسولف بها مع شخص يدخل معاكم وشهو وشهو وشهو < ياخي فارق موشغلك هههه نفسي اقولها بس والله استحي

اكره الجدال في موضوع ماله نهاية

اكره اسرائيل لعنت الله عليهم لعينت ابو لهب

اكره الكلام في السياسه لانه يصدع بالراس وراسي صغير ومايتحمل

اكره النساء اللي يلبسون ملابس مخصر الله يهديهن ويلبسن جينز رمادي وبلوزه اخضر ترا احسن من المخصر
والله اني ازفر واحياناً يحّمر وجهي ويتغير مزاجي الى الاسواء اذا شفت رجل ومعاه وحده لابسه مخصر
مدري ليش ؟ يمكن لاني اكره المخصر
بل والله انها فتنه وانها معظله

اكره الشباب اللي يرفعون المسجل على الكورنيش او في الاسواق - الله يصلحهم

والان نجي للحب

احب الله ورسوله
احب ابي وامي واخواني واخواتي وزوجتي واطفالي
احب المسلمين والمسلمات الاحياء منهم والاموات

احب الصدق واحب الصراحه والتعامل الصريح
احب الصداقه الصادقه بدون تزّيف او مبالغة ولا مجامله
احب السفر
احب المرح بجميع اشكاله
احب ان اخدم الناس
احب ان اتعاون مع الناس
احب الفقراء والمساكين وابي اساعدهم باي طريقه والله
ويحز في خاطري اذا شفت فقير او محتاج امام عيني ولا اساعده
احب منتدى زهران وبقية المنتديات الي مشترك فيها لان ليه فيها اخوه واخوات احبهم في الله واحب ان اشارك معهم بما يسرهم ويسعدهم وهذا هدفي في ذلك واحب ان اساهم في زرع ابتسامه على وجوه الاخرين باي طريقه كانت والله

احب ان اكون انسان بسيط في نظر الاخرين
احب اللي يساعد الاخرين
احب اللي يخدم الاخرين بدون مقابل
احب اللي لهم قول وفعل
احب اللي تقي نقي مؤمن يخاف الله تستامن عليه بكل شي حتى في عرضك لانها مهمه هذي النقطه
احب الاشخاص اللي يزرعون ابتسامه للاخرين <<<< مثل كذا
احب الرجل الكريم الحبوب الطيب

يكفي اليوم

[سعد الحبيطه]

بل والله انها فتنه وانها معظله

[منبع الطيب]

احب .. كل ما هو جميل .
واكره .. كل ما هو مقييت .

[أبوعدي]

أحب .. والدي ووالدتي وزوجتي وعدي .
أحب .. السفر
أحب .. كل الإخوان والأخوات في هذا المنتدى الشامخ
أكره .. كل من يسيء للدين
أكره .. كل حاقد حاسد
أكره .. كل متمرد جاحد

الحب والكرهـ أشياء كثيرة لا يمكن حصرها هنا
لكن نكتفي بالشكر لك وبموضوعك الجميل

[يحيى محمد الزهراني]

اكره ان يعتمد بلدنا على الغير في حمايته
واحب ان نعتمد على سواعد شباب السعوديه في حماية حدودنا
شكرا لك

[ابو احمد العدواني]

أنا أكره..... الكذب والخيانة والخداع
أنا أحب..... الفراولة والمانجا

[جمرة غضى]

موضوع رائع جدا

اسمح لي راح أجي كل يوم وأقول وش أحب ووش أكره ههههههههههه

أحب التعاون بالعمل وإننا نكون يد واحدة

أكره الاتكالية والمنافقين اللي من وراك يفتنون عليك وقدامك يعاملونك بكل احترام

[رفيعة الشان]

موضوع نآيس ولي بآكآت كثيرهـ مثل جمورهـ

أحب الهدوء وأكرهـ الإزعآج
أحب اللون الأبيض وأكرهـ آلسمآوي
أحب الوضوح وأكرهـ النفآق والتملق والخُبث
أحب التسآمح وأكرهـ الحقد والإنتقآم
أحب باسل ولد أخوي وأكرهـ د. طآرق
أحب آلتفآهم وأكرهـ العنآد

كفآيه كذآ ولي بآك

شكرا عبد الله

[نسيم السروات]

ماذا تحب ؟؟


ماذا تكره ؟؟



أكتب كل شيء ببالك:
أنا أكره.....
أنا أحب.....


أنا أحب : كل من أحببني في الله ولله وليس حب مصلحة وكل من يحثني على الخير

وينصحني بالإبتعاد عن الشر . وأحب كل من يقدم المساعدة لكل محتاج .

أنا أكره : من له وجهين يتعامل بها مع البشر يضحك لك ويمدحك ويتصنع لك وكأنه صديقك الصدوق

وما أن تفارق وجهه أنصب فيك بالسب والتحقير وإلزاق التهم في غيبتك .

وألف شكر وتقدير أخي عبد الله على هذا الموضوع الرائع .

ولي عودة بإذن الله .