خادم الحرمين الشريفين يعلن مشاركة المرأة في مجلس الشورى والمجالس البلدية

[يحيى محمد الزهراني]

عسى منال الشريف ما تحصل على مقعد في مجلس الشورى

[نسيم السروات]

يامن رفع قدر النساء في كلامة .

بيض الله وجهك يابو معتب وأطال بعمرك وعسانا فدوة لك

أنا أشهد أنك وفيت وكفيت حتى ولو أننا لن نمارس شئ من بعض ما تقرر

لكن أشعرتنا بقيمتنا ووجودنا في المجتممع .

كان صلى الله عليه وسلم يستشير النساء في بعض الأمور الصعبة وكان لبعضهن الرأي السديد .

وفقك الله ملكنا عبد الله وجميع ولاة الأمر إلى ما يحب ويرضى .

ومشكرو أبو نائف على نقل الخبر .

[شتآتـ]

قرارات كثيره اصدرها الملك ولم تطبق ؟؟؟؟!!!!!!!!

وهذا القرار ماله الا كم يوم والحين بيطبقونه مع اني قريت ان المراة لن تباشر في مجلس الشورى الا بعد سنه وكم شهر

وش القصه 00 وش السالفه 00وش تي الضيعه 00 ام هذا امر قضي بليل

طيب يعطونا وقت علشان نتجهز ونفصل لنا بشوت نسائيه وبراقع 00لازم نتأقلم مع الوضع والله انا استحي ادخل مجلس الشورى ويدي فاضيه 00 ياربيه مدري وش اخذ معيه لا دخلت المجلس ؟
وبعدين لازم اسوي بروفه كيف ارفع ايديه
الله يسعد ابو متعب دايم يفاجعنا بقراراته 0

[شيهانة القرشي]

وزير الخارجية البريطاني والبيت الأبيض كلاهما في فرحة عامرهـ وإشادة بالقرار ،

وما أدري ليه هذا التدخل السافر في الشؤون الداخلية بالمملكة ؟ ،

ما شفناهم يطبلون ويغنون بخصوص قرارت حكومية سابقة ، عندما نأتي لـ المرأة نشوف ردة الفعل السريعة ،



بتكلم بشكل عام و تحديداً نظره للمستقبل القريب
الدولة متجهه الى الانفتاح ولا أعلم هل الحياة و العالم الخارجي له دور في هذا الأمر
ام بعض المسؤولين لديهم هذا الاتجاه ؟
انا في حيره مما اشاهدة من احداث ومن ضمن هالاحداث خطاب الملك حفظه الله بفتح مجال للمرأة بالمشاركة بمجلس الشورى و الانتخابات
بخصوص خطاب الملك عبدالله حفظة الله
1- اتفق معه بخصوص مشاركة المرأة بمجلس الشورى تحت ضوابط شرعية ومن اهمها تكوين مجلس خاص بالنساء يشاركن قضايا المرأة السعودية .
2- الانتخابات البلدية هي مسؤوليه امام الله سبحانه قبل المواطنين و تولي امرأة منصب يخص الرجال بالدرجة الاولى اشوفها حاجه سلبيه لان الانتخابات البلدية تقوم بالدرجة الاوله على الخدمات البلدية من مرافق و مخططات و طرق ... الخ و المرأة السعودية ليس لديها خبره و درايه بمهام اعضاء المجلس البلدي .
ولا يخفي على الجميع ان اعضاء المجلس البلدي يستقبلون المواطنين مع الزيارات الى مدراء الدوائر الحكومية لعرض احتياجات المواطنين .
هل المرأة راح تستقبل المواطنين و زيارة مدراء الدوائر الحكومية ؟

عموماً حنا بننتظر تفاصيل مشاركة المرأة بمجلس الشورى و الانتخابات ولكل حادث حديث


وحبيت اذكر بانني لا انتقص من قيمة المرأه

لكن هناك حقوق كان من الاولى يا استاذ خ ، ت

ان يعلن عنها

هناك تطوير للتعليم و بطالة ووظائف راقية برواتب محفزة وصحة لبنت

الوطن وسكن كريم وحقوق تريد ان تظفر بها

ولا ننسى تجارب الاخوات في العراق والشام بالاضافة الى الكويت بلد الديموقراطية ولا تهون الوزيرة معصومة
بالاضافة الى تجربة الاخوات في البحرين كاول بلد خليجي تنال فيه المراة حقوقها بالاضافة الى الامارات

يارب احفظ وطني من كل فاسد مفسد

يارب اسألك بان تخلصنا من المفسدين في كل مكان

نحن لا نتعلم من التاريخ

اللهم استحفظتك ديني ووطني وابناء وبنات هذة الامة يارب يارب احفظهم من كل ظاله مظلة ومن كل مفسدة

[ابو محمد 1382]

اختيار حكيم من إدارة حكيمة

طال الله في عمر أبا متعب

ومشكور على الاعلام

[نسيم السروات]

اقتباس: المشاركة الأصلية كتبت بواسطة شتآتـ      قرارات كثيره اصدرها الملك ولم تطبق ؟؟؟؟!!!!!!!! وهذا القرار ماله الا كم يوم والحين بيطبقونه مع اني قريت ان المراة لن تباشر في مجلس الشورى الا بعد سنه وكم شهر وش القصه 00 وش السالفه 00وش تي الضيعه 00 ام هذا امر قضي بليل طيب يعطونا وقت علشان نتجهز ونفصل لنا بشوت نسائيه وبراقع 00لازم نتأقلم مع الوضع والله انا استحي ادخل مجلس الشورى ويدي فاضيه 00 ياربيه مدري وش اخذ معيه لا دخلت المجلس ؟ وبعدين لازم اسوي بروفه كيف ارفع ايديه الله يسعد ابو متعب دايم يفاجعنا بقراراته 0

هههههههههههههههههههههههههههههههههه


شتات الله يعبالك عقلن باقي ما تجهزتي لحد الأن أركضي بسرعه أشتر لك بشت وبرقع المجلس قرب انعقاده

وماله داعي ترفعين يدك فقط أضغطي على الجرس وأدلي برأيك أهم شئ لا تكونين معارضة في شئ

في صالح المرأة بنطالب بكل شئ كنا محرومين منه مثل السواقة >>>>> تراها تمزح والله أنتبهوا

وإلزام الزوج بأخذ إجازة للجلوس مع العيال في البيت وعمل الغداء لهم يوم يكون عندنا جلسة في المجلس

وكذلك فتح مشغل نسائي قريب من المجلس للتزين فيه قبل دخول الجلسات الشياكه ضرورية هنا .

توظيف عاملات لأخذ العبايات قصدي البشوت عند الدخول وأرجاعها لنا عند الخروج لازم من البرستيج

عمل قهوة وشاهي وحلى قهوة وحلويات تعرفين الهروج والأخذ والعطاء والأراء لابد من وجود مثل هذه الحاجات

عشان نعرف نصدر قرارات مدروسة وناجحة .

وأخيراً نبي بوفيه مفتوح داخل المجس نتغدى فيه بعد العمل الشاق .

وسلامتكم .

[شتآتـ]

اقتباس: المشاركة الأصلية كتبت بواسطة نسيم السروات      هههههههههههههههههههههههههههههههههه شتات الله يعبالك عقلن باقي ما تجهزتي لحد الأن أركضي بسرعه أشتر لك بشت وبرقع المجلس قرب انعقاده وماله داعي ترفعين يدك فقط أضغطي على الجرس وأدلي برأيك أهم شئ لا تكونين معارضة في شئ في صالح المرأة بنطالب بكل شئ كنا محرومين منه مثل السواقة >>>>> تراها تمزح والله أنتبهوا وإلزام الزوج بأخذ إجازة للجلوس مع العيال في البيت وعمل الغداء لهم يوم يكون عندنا جلسة في المجلس وكذلك فتح مشغل نسائي قريب من المجلس للتزين فيه قبل دخول الجلسات الشياكه ضرورية هنا . توظيف عاملات لأخذ العبايات قصدي البشوت عند الدخول وأرجاعها لنا عند الخروج لازم من البرستيج عمل قهوة وشاهي وحلى قهوة وحلويات تعرفين الهروج والأخذ والعطاء والأراء لابد من وجود مثل هذه الحاجات عشان نعرف نصدر قرارات مدروسة وناجحة . وأخيراً نبي بوفيه مفتوح داخل المجس نتغدى فيه بعد العمل الشاق . وسلامتكم .

كل اقتراحاتك جاري تنفيذها

ولا تنسين الخبزه المقناه والقشر احس كل اعضاء مجلس الشورى بيدمنون عليها ويغلا الدقيق وينكبون الشيبان

نسيم انا عندي اقتراح للمجلس وهو اي واحد يتزوج اكثر من وحده ومايعدل يسحبون منه بطاقة الاحوال والرخصه والاستماره والتفاصيل بذكرها بعدين تعرفين اسرار المجلس

هـ خليك ماترفعين يدك الثنتين وتدقين الجرررس بقوووه

[عيوني لك]

خطوة مميزة نحو مستقبل اكثر تميز

[عادل بن قشاش]

لا... تعليـــــق....!!!؟؟؟؟

ما كنت سأكتبه اليوم ........... سنراه غداً