|
|
|
|
|
 |
 |
 |
06-12-2011, 11:33 PM
|
#11 |
 |
رد: حكاية من زمن -------------
نكمل
وين وصلنا ؟؟؟  ايوه تذكرت  وصلت عند يوم اني قلت لكم سمعنا انه فيه تسجيل في الجوازات تتذكرون والا لا ؟  تمام عليكم  ايوه ياخي  وانطلق بعون الله الى معهد الجوازات كان الوقت بعد الظهر تقريبا  لانه ماجانا خبر ان فيه تسجيل الا وقت متاخر  وانتوا تعرفون وبل تعرفون و تعرفون انهو ماكان فيه وسيلة اتصالات انذاك ولا كان فيه بيجر<< وش دخل البيجر هههههههه وما عرفت خبر التسجيل الى عن طريق الشباب في السكن المزعوم ( بيت الشباب ) منتاز نواصل الحكايه  وادقها كعابي الى معهد الجوازات  امش مهرولاَ وكأن احدي يطردني وفعلا وفجأتاَ واذا بي عند المعهد و مالي الا فحيحن انتسمت شويه واخت نفس عميق في صدري واخرجت هواء الزفيرمن صدري < عبر الخنفور والفم اكيد مافيها كلام وش رايك في الصوره البلاغيه اللي تحتها خط هههههههه ياخي اخلص علينا تراك غثيتنا بسالفتك هذي وش صار معك ؟ طيب طيب باكمل هههههه وصلت عند البوابه واشوف الوضع زحمه شباب داخلين وشباب طالعين سالت الشباب قالوا اليوم تسجيل ثانوي بس افا يا العلم وبشهادة المتوسطه متى ؟ والكفاءة اي المتوسطه متى ؟ قالوا ماندري والله اها يعني حيك الحين عرفت قلت مالها الا اني اسال العسكري الي مستلم عند البوابه بنشده واشوف هل يوجد تسجيل والا لا سالت العسكري ؟؟ قلت له يقولون انه فيه تسجيل بالكفاءة اليوم قال بس ثانوي وقال الكفاءة يوم الاربعاء يعني بكره الكلام هذا يوم الثلاثاء مزبوط الكلام قلت ها صابت بكره ان شاء الله باجي بدري وامسك سرا عشان الحق على التسجيل فعلا انا رجعت بيت الشباب بحكم اقامتي هونيك خخخ اللي يسمعه يقول فندق خمس نجوم خخخخ طبعا انتظر الليل يجي عشان اسري ههههههه ماتدرون عن الخطه ؟ الخطه ومافيها اني قلت بسهر الين الصباح واروح اسجل في الجوازات وبعد التسجيل ارجع وانام نوم عميق جدا جدا بس ماطاوعتني نفسي انتظر الى الصباح وعند الساعه الثانيه بعد منتصف الليل اخذت الملف الاخضر قلت مابدهاش لازم اني اروح قريب من معهد الجوازات عشان امسك سرا واصير اول واحد وانطلقت بعون الله كان الجو في الرياض برد يصقع << كلمة يصقع ماخوذه من صقيع المهم اخلص علينا يا الراس الصغير وفكنا من صقيع ويصقع ماهو وقت شرح الان المهم يا اخوان نكمل بعدين وش صار معي عندما ذهبت امسك سرا عن الجوازات في تالي الليل ترقبوا بس |
|
 |
 |
 |
|
|
|
|
|
09-12-2011, 10:38 PM
|
#12 |
|
مراقبة التراث وسوالف الاولين
|
رد: حكاية من زمن -------------
أكيد رحت وكملت نومك عند باب الجوازات
وبعدما فتحوا قالوا لك مافيه تسجيل إلا يوم السبت واسر يالليل . الله ما أطولك ياروح ودي أعرف باقي القصة بسرعة . |
|
|
|
|
|
|
|
|
|
|
|
09-12-2011, 10:52 PM
|
#13 |
|
مراقب عام
|
رد: حكاية من زمن -------------
حرقتي الفلم يا نسيم الله يهديك
 |
|
|
|
|
|
|
|
|
|
|
|
10-12-2011, 03:38 AM
|
#14 |
|
|
رد: حكاية من زمن -------------
شكرا لمتابعتكم
نواصل نمكل اقصد نكمل الجزء الثالث وصلت عند وش صار معي عندما ذهبت امسك سرا عن الجوازات في تالي الليل قبل ما ابحر معكم في السالفه انا قد كلمت واحد ملازم اول في قطاع عكسري من اقاربنا ويعرف صديق له في الجوازات ملازم اول وقال لي اذا قدرت توصل للملازم قول له انك من طرفي وبس وان شاء الله تقبل هذا اللي خلاني اتحمس واروح بدري عشان ما افوت الفرصه ابي اقبل في الجوازات باي طريقه وصلت عند معهد الجوازات الساعه 2 ونص تقريبا تدرون ليش ؟ عقوف امسك سرا يا الله ليل خير من يمسك سرا في تا الحزه المهم وقفت عند باب الجوازات وقسم بلله ما اكذب عليكم يا الربع وسالني العسكري اللي مستلم عند البوابه وقال خير يا الاخو وش عندك هنا ؟ قلت انا سمعت انه فيه تسجيل اليوم وجيت ابي اصف سرا من الحين قال وين تمسك الله يصلحك روح نام وتعال الصباح قلت ياخي خايف يفوتني السرا قال ارجوك حاول تدبر عمرك وتبعد عن المعهد على الاقل بعد صلاة الفجر تعال قلت طيب ولايهمك ومشيت من عند المعهد وقلت باصير قريب منه عشان اصلي الفجر وارجع امسك سرا والله يعين المشكله سهران مخاطان من امس ههههههه مالكم في الطويله وانا امشي قريب من المعهد واشوف اثنين شباب في سيارة مروا من عند المعهد وقال لهم العسكري نفس كلامه لي مزبوط الكلام وشوي والا الشباب اللي معهم السيارة وقفوا لي وقالوا سلام ورحبت بهم قالوا مافي فندق قريب هنا ؟ قلت والله ماادري لاني غريب عن الرياض قالوا وش عندك هنا في الشارع بملفك ههههههه قلت ابي اسجل في الجوازات قالوا طيب روح معانا الفندق والا شقق مفروشه ننام والصباح رباح قلت يا اخوان تبون النصيحه قال نعم قلت خلونا نكون قريب من المعهد وكلها ساعتين وياذن الفجر وبعدها ننزل نمسك سرا قبل مايجون الشباب قالوا تم قالوا تعال اركب معنا في السياره وركبت معاهم في السياره ويشهد الله على ما اقول شهيد لاتحسبون الحكايه خياليه بل وانها واقع وصحيحه يا الراس الصغير لاتحلف ارجوك اكمل القصه يا ولد الحلال ولا تقعد تحلّف هنيه فعلا ركبت معاهم في المقعد الخلفي لان سيارتهم كرسيدا GL اعتقد موديلها 88 نظيفه ماشاء الله وجنوط كروم والبودي لونه ابيض والاسيات من داخل لونه عنابي مخمل <<< فكنا فكنا من التفاصيل وكمل يرحم والدك طيب طيب نكمل المهم وانا معاهم في السياره وسوالف عن معاناة التسجيل والى متى ؟ وكيف ندبر واسطه ومن هذا الكلام واسئلة من الاطراف تخللها بعض الاسئلة هم يسالوني وانا اجاوبهم وانا اسالهم وهم يجاوبوني << اكيد يا الأفدغ ابتجاوبهم والا وش له يسالونك خخخخخ طبعا راعي الكرسيدا يقول كان موظف في الجوازات بس مدني ويقول انا جيت من المنطقه الشرقيه بعدما سمعت بالتسجيل وكنت قبل ما استقيل من الجوازات ابي اسجل عسكري يقول رتبه وراتب وشهادته ابتدائيه و الراتب قليل وفكرته يقبل في الجوازات عشان اعتقاده راتب افضل وصار يعلمني عن احلامه انتهينا من راعي الكرسيدا والي معاه يقول طاب ثانوي جاء معاه يسجل وانها تجري وتكون جينا للوقت قبل الاذان بسويعات واذا بالشباب اتوا من كل مكان ومن كل صوب شوي شوي والعدد يزيد قلت يلا ياشباب ننزل نمسك سرا قالو لا والله برد ياخي وفعلا كان الجو بارد في الرياض انذاك انا ماتحملت قلت بنزل عن اذنكم ونزلت وكان معي كوت اذكره والله لونه بني عامق مقلم ههههه تعرفون الاكوات القديمه المقلّمه << مسوي يعنني كاشخ مخاطان هههههه والله البرد قارص والا مالبست الكوت < بس صراحه كنت كشخه بالكوت ومعي عمامه كريشيه نوعها شماغ العقل وعقال وما اشوف طخه سكبه مررره مرره ههههه نزلت وقلت للعسكري ترا بمسك سرا واللي يصير يصير ياخي انا سهران من امس وابغى اصير اول واحد وانت تشوف الشباب جايوا فخليني اجلس هنا عند البوابه قال براحتك واجلس عند بوابة معهد الجوازات ويوم شافوني الشباب جلست ومعي ملف اخضر نزلوا الشباب وجلسوا جنبي في السرا وصرنا مجموعة حوالي عشرة انفار منتاز الكلام يالربع المهم انا الان اعتبر رقم واحد في السرا ياعيني عليك يا الراس الصغير يا قائد ههههه اول مره اصير رقم واحد في السرا يا رب لك الحمد اول واحد في السرا انه انجاز يا ايلاهي امنح العصفور ريشن وكذا اللينبوع ماء وامنح الحملان صوفن يرتجي حيث يشاء هههههه من فرحتي صرت انشد المهم اذن الفجر وزاد العدد ماشاء الله وانا لابس الكوت وجالس في المقدمه الله اكبر قلت للشباب اللي جنبي انا باروح اصلي وارجع وهذا مكاني اذا رجعت برجع اول واحد قالوا روح صل وارجع مايهمك مكانك معروف صليت ورجعت في السرا جت الساعه سبعه وماشاء الله كثير عدد الشباب حول المعهد دخلوا الموظفين من البوابه وانحن برا مازلنا في السرا جانا واحد رقيب وقال خير يا شباب وش فيكم ماسكين سرا قلنا نبي نسجل قال مافي تسجيل اليوم هههههههههههههههههه لاحول طيب غير بدل قال اللي معاه كرت مراجعه للمقابله الشخصيه حقين ثانوي يدخلون واللي معاه ملف مافي تسجيل خلاص انتينا من التسجيل قلت انا طيب الكفاءه قال حت الكفاءه مافي تسجيل يلا تحركوا من هنا ممنوع تجمعات طبعا بعد ماقال اللي معاه كرت مراجعه يدخل وما اشوف الا الشباب داخلين وضاع السرا واحاول اني ادخل ابي استفسر اكثر ماخلوني ادخل لان ماعندي كرت مراجعه وبعد ما خف الزحام من عند المعهد رميت الملف واخت الاوراق واحطها في جيبي ودخلت من عند العسكري على اني مراجع وقلت ابي اقابل الملازم اول فلان بن فلان قال تفضل ودخلت المعهد وانشد عن الرجال وين طلع الرجال اللي انشد عنه ؟ طلع في اللجنه حقت المقابلات الشخصيه تمام كيف اكلمه وكيف اقابله ؟؟ سالت كم عسكري هناك ب كيف اقابل الملازم قالوا بعد الظهر يطلع في مكتبه وتقدر تقابله استنيت الى ان اذن الظهر وفعلا طلع من اللجنه ومعاه كم واحد من الضباط وانا اطرد ابي الحق الرجال لانه طالع متجه ل مكتبه في الدور الثاني لاني ماقد قابلته وماعرفته الا عن طريق الاسم اللي على بدلته العكسريه وفعلا لحقته ونكمل لكم بعدين |
|
|
|
|
|
|
|
|
|
|
|
11-12-2011, 01:18 AM
|
#15 |
|
|
رد: حكاية من زمن -------------
تبون نكمل لكم السالفه والا نلغي الموضوع
ارجوا عدم التثبيت خخخخ التعديل الأخير تم بواسطة الراس الصغير ; 11-12-2011 الساعة 01:26 AM. |
|
|
|
|
|
|
|
|
|
|
|
11-12-2011, 01:59 AM
|
#16 |
|
كبار الشخصيات
|
رد: حكاية من زمن -------------
باقي ما أنتها الفلم ألهندي من ذاك اليوم أيش هذه السالفة يا أبو خالد
باقي منتهت وأنا قلت خلاص انتهت |
|
|
|
|
|
|
|
|
|
|
|
11-12-2011, 05:59 PM
|
#17 |
|
|
رد: حكاية من زمن -------------
المهم وصلت يا حباني طال ابقاكم عندما لحقت الملازم واطلع وراه والحق ماتلحق واشوف مجموعه من الشيبان قبلي طالعين عددهم عشره او يزيد اذ ماخاب ظني فوق العشره اشخاص ومعاهم اولادهم المسجلين وش السالفه ؟ اقلكم على سالفة الشيبان بعدما دخل الملازم مكتبه وجلس ويدخل الشيبان ومعاهم اولادهم وانا معهم فاغرن هههه ابي اكلم الرجال باي طريقه بس والله فيني خجل وقتها غريب ماعرفت اتصرف واكلمه والشيبان اللي يكلمونه ينفرون في الوجه يطلبون منه تكفى وماتكفى ( يعني واسطه مايبغالها كلام لان الرجال في لجنة القبول وهو اللي يعمل المقابلات الشخصيه ومعاه كم ظابط بس الملازم هذاك له سلطه اكثر حسب ماشفت الشيبان جو يبون يتوسطون بالرجال عشان يقبلون اولادهم في الجوازات -- وفعلا مع المطالبات وزحمة في المكتب انا ضاعت علومي وماقدرت اكلمه اداحش مافي فايده اخرج من المكتب هم بعد ماكو فايده اجلس على احدى الكراسي الين ينتهون الشيبان واذا صار لي مجال اكلمه كلمته هذا ماصار لي وفعلا صار جلس مخاطان في احدى الكراسي وتعرفون الاخ سهران من امس وغفيت على الكرسي ياولد سحبتها نومه واقسم بلله يا الرفاقه لنمت من التعب والسهر شوي بس وما وعيت الا واحد عسكري فوق راسي بسم الله الرحمن الرحيم وشفيه مافيه قال العسكري يا الاخو قوم هذا مو مكان نوم واصحى ومافي المكتب ولا نفر الا انا والعسكري اعوذ بلله وش ذذا وين الملازم ؟؟؟؟؟؟؟؟؟؟؟؟؟ لاحول قال العسكري : الملازم خرج قبل نص ساعه يصلي ووووو يا حلاوه طيب كيف اكلمه واخرج من المكتب مثل المجنون ادور للملازم والاقيه واقف مع ثلاثة ضباط وادخل فيهم عرض ماعاد اقدر اصبر قلت مابدهاش خربانه خربانه هههههه واسلم عليهم واحد واحد واقول كيفكم ومن هذا الكلام واقول للملازم ممكن دقيقه ابيك في موضوع قال لي : قول تفضل قلت : لا ابيك على انفراد لو سمحت قال : لا قول مو مشكله احرجني والله وقلت العلم خير انا مرسول من طرف فلان بن فلان وانا ابغى اسجل في الجوازات عاد شكله انحرج لانه واقف مع الضباط قال : وش شهادتك قلت : كفاءة قال : بس اليوم عندما مقابله للثانويه وانتهى التقديم قلت: تكفى شفي حل ابي اقبل باي طريقه ( يبغى يصير عريف مخاطان هههههههه لان وقتها كان الكفاءة عريف قال : طيب امسك سراء مع الثانويه حقين المقابله واذا دخلت عندنا في اللجنه باشوف قلت : تم وانزل تحت بعدما صليت الظهر وامسك سراء مع حقين الثانويه اللي عندهم مقابلات شخصيه تمام الحكي خخخخ ويوم اني في السراء والله صعب الانتظار قدامي حوالي 80 طالب اذا ما بالغت كلهم عندهم مقابله شخصيه انا واقف في السراء وكلما جاني عسكري ينشدني عن كرت المراجعه اصرفه واقول ضاع بس ابغى اوصل في لجنة المقابلات باي طريقه وطال الانتظار وسراء وراء سراء ويمشي الوقت ويمددون وقت المقابلات الشخصه الى الساعه خمس العصر يبون يخلصون منهم وانا مازلت معاهم في السراء المشكله ان فيه طلاب من الخلف يدفون بعضهم بعض ويخّربون علينا السراء وكلما خرب السراء جو العسكر ويرجعونا وراء وهكذا يعني صارت لعبة وانحن في السراء وفجاءة يا اخوان ويا اخوات جانا مطر سبحان الله جانا مطر ماقد جاء مثله مطر غزيز واقفين في السراء والمطر فوق روسنا وماقدرنا نتحمل الوضع استكنينا عن المطر في جهة من جدار الاسوار وعليها مظلات لسيارات الموظفين وخرب السراء وضاعت الطاسه هههههههه يعني السراء ضاع مرتن ثانيه والمطر شغال ماشاء الله انتظرت وانتظر غيري ولكن المطر طال وطال الين قبل المغرب وبعدما وقف المطر كل الموظفين خرجوا والضاهر اجلوا او كنسلوا المقابلات وخرجت من المعهد ورحت عند شباب في البطحاء كانوا مستاجرين شقه عزاب انذاك وجلست عندهم وقلت لهم السالفه ونمت عندهم الين الصباح وبعدين اكمل لكم وش صار معي |
|
|
|
|
|
|
|
|
|
|
|
13-12-2011, 05:17 AM
|
#18 |
|
|
رد: حكاية من زمن -------------
وين الردود ؟
وشمعكم ماالتفتم مره ثانيه للموضوع ؟ شكلها خلاص مليتم من مواضيعي الله ياالدنيا افا يلله ماشي زحمه اللي يبغى تكملة الحكايه يرسل لي بطاقة سوا بمبلغ 20 ريال على الخاص وغيرها اغدوا تنبقوا ونصيحه ردوا على الموضوع ترا فيه اهداف واستنتاجات تنفعكم في حياتكم وانتم بكيفكم وبهواكم اصلا انا ماني خسران انتم الخسرانين مو انا اصلا انا بغدي اصلي الفجر لانه اذن عندنا مع السلامه |
|
|
|
|
|
|
|
|
|
|
|
15-12-2011, 12:35 AM
|
#19 |
|
|
رد: حكاية من زمن -------------
ارجوا الغاء الموضوع لانه ليس له اهميه في قسم الاستراحه
|
|
|
|
|
|
|
|
|
|
|
|
16-12-2011, 01:52 AM
|
#20 |
|
|
رد: حكاية من زمن -------------
ارجوا تثبيت الموضوع
غريبه ماحد يبي تكملة الحكايه طيب طيب < يهدد ويندد |
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : حكاية من زمن -------------
|
||||
| الموضوع | كاتب الموضوع | المنتدى | مشاركات | آخر مشاركة |
| حكاية النسر | شمرخ الجديد | الاخبار المحلية والعالمية والمنقولات | 10 | 09-05-2011 08:25 PM |
| حكاية قبل النوم | سعيد الرابع عشر | منتدى الحوار | 22 | 05-01-2011 12:38 PM |
| حكاية باب ! | مـ ـخـ ـرِبـ ـهـ ـآ | المنتدى الأدبي | 2 | 17-11-2010 05:15 AM |
| حكاية فأر تحوّل إلى نمر | فهد خضران | الاخبار المحلية والعالمية والمنقولات | 12 | 19-05-2010 01:05 PM |
