جماله يتعب … لو أقدر أجيب رقمه

[محمد الساهر]

المشكله أن بعض النساء هداهن الله يغريهن منظر وشخصية بعض الرجال أو أشباه الرجال الذين يضعون المساحيق التجميلية للظهور على شاشات التلفزيونات،، ولا يعرفن أن البعض منهم قبل ظهوره على الشاشة للتصوير يمر بعدة مراحل تجميليه ومنها المكياج وشد للوجه وإعادة التصوير عدة مرات ..
وغيرها من الأمور الأخرى التي تحصل خلف الكواليس,,منبع الطيب الف شكر على الطرح..

[منذر]

لا احد ينكر ان الجمال مرغوب

وكان على الاخوات هداهن الله ان لا يقبلن بازواجهن

طالما كن غير مقتنعات بهم ولكن السؤال ما ذا سيكون موقف المرأه لو كان

زوجها يتحبب على جميله وصادته لان الجميع يخطي ولكن ان يتم الجهر بطريقة

هاتين الانثيين فكاد المريب ان يقول خذوني

يبات الرجل يرتكب المعاصي فيستره الله فيصبح يخبر هذا وذاك فانا يغفر له

[منبع الطيب]

اقتباس: المشاركة الأصلية كتبت بواسطة شمس عصرا      هههههه لاحول ولاقوة الا بالله يابعض المزح انه يجيب وجع الراس تذكرنا هذي القصة ببيت شعر قد سمعت به وقريتوه هنيه بذا المنتدى حيث ايام انتشرت المدارس بالديار وجلب لها الشوام للتدريس,قال شاعربيت وهو يشتكي من صدود بعض النساء عن قحمانهن لما قارن بين صلعات شيبانهن وشعور الفلسطينيين المدهنه الممشطه يعني كل زمان وله مشاكله واني نسيت القصيدة والا كان ذكرتوها واستشهدت بها(ولعل يجي بعدي من يوردها على سبيل الطرفه) ههههههههه احسك لقيت حرهنه وتعاطفت معهنه يابو يحيى تتلمح والا تغض النظر في النهايه مامعها الا بوقاسم.. عموما خذ وخل..احس انها قصة خياليه ,المراد منها جلب الشهرة للاخ بدر ال زيدان...

فعلا بعض المزح يجيب العيد بدري قبل وقته
اما القصيده .. فليس المسئول اعلم من السائل > ان جتك اسدحها هنيه وانا فداخشمك

ايوه ايوه ما معهن الا بوقاسم وخشعته

الله اعلم .. بس توهم انه بيحتاج لتامعك الهرجه عشان يشتهر ؟ انه مشهوراً خلقه الصاخ .. ما مهلا



سرني مرورك اللافت
لاهنت

[منبع الطيب]

اقتباس: المشاركة الأصلية كتبت بواسطة الوسم      الله يستر اعتقد ان قبلها هزززززات سابقة وذي كملت الموضوع اللهم استر ورد المياه الى مجاريها ============= الوسم

حتى وان ردت المياه لمجاريها
فما اعتقد انها راح ترجع مثل اول ..!
الزمن تغير يالوسم وصار واللي صار

اشكرك على مرورك وتواجدك
تحيتي وتقديري

[منبع الطيب]

اقتباس: المشاركة الأصلية كتبت بواسطة شتآتـ      القصة قريتها قبل فتره وعيت لتدخل عقلي كل ماحاولت يرفضها النظام في المخ(: وتذكرت السيناريوللمسلسلات المصريه الي ع هالنمط المهم ربما تكون مشكلة عند بعض النساء عندما تقارن زوجها او قرابتها بالاخرين من هم اكثر وسامة فالنفس جبلت على الإعجاب بكل ماهو جميل وبعض الرجال هو من يدع فرصه ويتساهل في هذه الامور انا ارى انه من المخجل ان تسمح الفتاه وتعطي لنفسها الحق في متابعة الرجال والإعجاب باشكالهم لان ذلك يفسر ضعف الايمان والخوف من الله وانعدام الحياء كم اكره الفتاه الي تناظر الرجال بكل وقاحه ولاتخجل من ذلك وتلاحقه بنظراتها يعنني والله ودي اصفقها فغض البصر امر إلهي لكافة المؤمنين حتى ان الله وصف الحور العين بقولة (فيهن قاصرات الطرف))

هلا بك شتات
اتوقع لازم تفرمتين مخك او تسوين له اعادة ضبط المصنع
هذا واقع ولازم نسلم فيه حتى وان رفضناه او رفضنا التعامل معه .. بالتأكيد هو واقع مؤلم .
سميه ضعف ايمان او قلة ادب او حتى فضول .. بس بالاخير هو موجود ومنتشر بين البنات
ويمكن مع النساء المتزوجات بعد .. !
هذه غريزه بشريه .. بس لازم يكون فيها تحكم ورادع شرعي واخلاقي وتربوي .

تواجدك اضافة لموضوعي
فشكرا لك على تفضلك وحضورك اللطيف
تحيتي وتقديري

[منبع الطيب]

اقتباس: المشاركة الأصلية كتبت بواسطة الفقير الي ربه      لاتشره عليهن مادام ان الرسيفر فية اكثر من مليون قناه واليوم فية اجهزة جديدة يعني نحن مثل فرنساء اواي دولة اربية قلت الحياء مسموح بها في الشارع والمصيبة كذالك في قنوات اصحابها سعوديون والله اني اخجل من نفسي اطالع فيها على كلا من كان فية ذرة ايمان يشطب كل القنوات الاباحية ولي بها قلت حياء فية قنوات رائعة ولكن الحمد لله على كل حال بارك الله فيك وحفظك الله

هذا زماننا ووقعنا
الله يستر من تواليها ..

وجودك كوجود البدر بليله مظلمه
فلا تحرمنا هذا التواجد

تحيتي وتقديري

[منبع الطيب]

اقتباس: المشاركة الأصلية كتبت بواسطة ضي العين      ههههههههههههههههههه ومن هو هالبدر آل زيدان سعودي الأخ ولا أجنبي ولا من كوكب آخر عشان المزيونات يتطلقو عشانه وقسم بالله انها أكبرسخافه في التاريخ لكن لاأحد يسمع بالقصة فضيحه علينا كأرض الحرمين وارض منبع الاسلام وتحدث لدينا مثل هالتفاهات ولا حول ولا قوة الا بالله لكن على الرجال والنساء أن يرضى بما كتب له ولا ينظر الى ماعند غيرة أو بمعنى أصح لاينظر للحرااااااااااااام وأن نجاهد أنفسنا ضد الحرام فنحن في زمن القابض على دينه كالقابض على جمرة من أهوااااااال مانسمع نسأل الله الثبات والسلامة تشكرااااااااااات

هلا بك ضي
ذكرتيني باحد العربيات من الدول المجاوره اللي تفتخر بجمال جنسيها ..
علقت على هذا الموضوع وقالت : انا اشفق على السعوديات اذا كان مستوى الجمال
اللي يطمحون له هو مستوى ملامح هذا المذيع .. !!!! > طبعاً التعليق جاي بالجبهه على طوول

هذا اللي طلع على السطح وعرفوه الناس
بس ياما فيه قصص وحكايا مثل هالقصه ولا احد درى عنها

نسأل الله العفو والسلامه
وان يصلح حال بناتنا وابنائنا وان يحفظهم من كل شر
تواجدك عطر
فلا تحرمينا هذا التواجد
تحيتي وتقديري

[شرقاويه]

ياليت حد يقول للاختين خلينه المذيع ينفعكنه او يرسل مصروف الطلاقاه من تعب الاباء يتعب وي الله يزوج بنته ويقول الحمدلله انسترت وبرتاح من همها وبعدين ترجع عنده مطلقه ليش اعجبت بجمال المذيع يالله ثبتنا بعقولنا واستر علينا وعلى بناتنا وبنات المسلمين

[رفيعة الشان]

الله يعطيك العافيه
طرح جميل ومهم ..

الموقف بصراحة مخجل ..
واعتقد ان تصرف الزوجين عن كظم غيظ سابق وهالموقف كان الضربة القاضية << مثل (قشة الجمل)
برأيي المتواضع ان الزوجة متى ماحبت زوجها
مراح تسمح لنفسها تجرح كرامة زوجها ورجولته وكبرياءه بمثل هالتصرفات الطايشه
وراح تصونه وتشوفه اجمل شي بحياتها وماحيملا عينها غيره وان كان ( اشعث اغبر )

اخيرا :
الانسلاخ الاخلاقي وارتباطه بالتقنية والانفتاح اليوم بصورة او بأخرى هو شي متوقع
ولكن .. تبقى الرقابة الذاتية اقوى من ذلك
فالاهل ومراقبتهم - وان كانت مشددة -
لن تجدي نفعا اذا لم تكن هناك رقابة ونفس لوّامة دحاخل كل شخص فينا ..

اكتفي بهذا الرد ،
فالردود ومتابعتك لها كانت كافيه وشافية
اشكرك منبع ع اطروحاتك الرائعة والمتجددة

تقديري ..

[سعد الحبيطه]

نسأل الله أن يصلح حال الشباب والشابات ..
أستخدام التقنية في عكس هدفها ..
ناهيك عن غياب الرقابـة وخاصة مع الأجهزة الحديثه ..
شاكر ومقدر ..