العمالة السائبة 00!!

[الورقة الخضراء]

ليست مشكلة تسيب العمالة من الكفلاء والعمل لحسابهم الشخصي .

مشكلتنا الهجرة إلى بلدنا الملائين القادمين للحج لا يغادرون والمعتمرين والزائرين لأن مقصدهم الرئيسي من دخول الوطن هو العيش في السعودية والنتيجة جرائم ( سرقة ، سحر ، قتل ، نشل ، تزوير ، تسول . . . إلخ .
هذا بخلاف أنهم تسببوا في الزحام الشديد في المدن .

وهناك إعداد كبيرة تدخل للبلاد عن طريق التسلل .

شاهدت كاريكتير في صحيفة

معلم يسأل طلابه أين تقع قارة أفريقيا يا أولاد ؟

أحد الطلاب أجاب في الكرنتينه يا أستاذ وآخر قال في حارتنا وآخر قال في حارتنا وآخر قال في حارتنا وآخر قال في جدة كلها يا استاذ .

أضحكني والله هذا الكاريكتير لكن الإجابة الآخير جداً مقنعه هههههههههههههه .

وتستمر الهجرة

شكراً لك أخي العزيز ومعذرة لخروجي عن الموضوع

[جمعان مفرح (ابو طلال)]

الأنظمة عندنا حبر على ورق وأغلبها لاتصب في مصلحة المواطن والبلد مفتوح والمسؤلين تركوا الحبل على الغارب والمواطن هو الضحية والأجنبي هو المواطن والله مانقدر نرفع روسنا معهم ولا ناخذ معهم لاحق ولا باطل
. امتنع عندي عمال في العمارة عن العمل الا بزيادة فلوس اشتكيتهم على الشرطة قالوا ماهو من اختصاصنا رحت المحكمة رحت المحكمة وبواسطة اعطوني موعد مع كفيلهم بعد اربعة اشهر كلمت صديق لي في الشرطة قال بتتعب ولا بتاخذ حقك قلت ليه قال المحكمة بتعطيك خطاب للشرطة لأحضارهم والشرطة بتعطيك خطاب للعمدة والعمدة بيروح معك لبيتهم ويبلغهم وبيغيرون البيت والمرة الثانية بيروح العمدة لبيت العمال مايجدهم وبيخاطب المحكمة انه تعذر عليه الحصول عليهم قلت طيب اش الحل قال زدهم فلوس وخلص شغلك . وكفيلهم ماحصلت له موقع العقد اللي معه ماهو صحيح فاكهم على روسهم ومسوي لهم عقود مختمه غير صحيحة اتصلت بالتلفونات ماطلعت له ولم اجده مسجل بالغرفة التجارية
المهم اتصلت بالمعلم المقاول باكستاني هو المدير قلت له قابلني وقابلته وغديته مندي وقلت له ليش ماتكمل شغلك قال هذا شغل خساره قلت خلاص كمل شغلك وابشر أعطيك الزيادة واليوم الثاني جبت لهم عصير واليوم الثالث جبت لهم دجاج على الفحم ومزح معهم وسوالف وصرت اغديهم يوميا على حسابي ولما خلصوا شغلهم قال ابغى الحساب صديق قلت له مافيه حساب صديق أنا أكبر حرامي في البلد وجلس يبكي ويترجاني أسبوع كل يوم يجيني يطلب الفلوس وفي النهاية قلت تبغى فلوسك بدون الزيادة التي طلبتها قال طيب واعطيته المبلغ المتفق عليه وخصمت حق العصيرات والغداء اللي كل يوم أجيبه لهم . ولو جلست انتظر المحكمة لجلست سنين وطلعت من المولد بلا حمص
أبا احمد حاول تردد وانت رايح العمل قول ياليل مطولك . دمت في حفظ الله