مابي اقول خلوها تعجّز،،،بس خلو بناتكم عندكم ...

[سعيد بن عبدالله الزهراني]

اقتباس: المشاركة الأصلية كتبت بواسطة البارق      اخي الكريم (عابر سبيل) سلمه الله السلام عليكم ورحمة الله وبركاته في الحقيقة ..من المستحيل أن نتطابق في الرؤى .ووجهات النظر..وهذا أمر طبيعي ..الا أنني سأبقى أحترم اراء الأخرين.ولن أحول الحوار الى جدل لا حاجة لنا به. ولك فائق أحترامي

[align=center]
أخي العزيز البارق :
السلام عليكم ورحمة الله وبركاته :
الخطاب كان موجه إلى ( صوت من زهران ) صاحب الكوفية الفلسطينية وليس ( عابر سبيل )
صوت من زهران هز الذي يحاول طمس الحقائق وذر الرماد على العيون وعلى أية حال قد وصلته الرسالة لعله يحترم الآخرين وينقد نفسه دون النظر إلى الآخرين ,

أخوك : sam [/align]

[ذيــبــه]

السلام عليكم ورحمة الله وبركااته ...

طرح ما اقول انه مميز ولا راح امدح ولا اذم ..لانه واقع نعيشه ...صعب تحدد هل هو مشكله ..أم لاا...

اخي الكريم ...

غلاء المهور مرفوووض بتاتا ..انا بنت واقول هالكلام ..بس مايعني تتزوج ببلاش انت وياه >>> خربتها ..

ازعجتني الاحصائيات اللي ارودتها كمقدمه ..

اقتباس: 45 % من الشباب السعودي يتزوج من اجنبياات...

الزواج من الاجنبيه لايقتصر عالشباب فقط ..لاتنسى المتعددون ..وهالنسبه الفضيعه مباالغ فيها ...

اقتباس: و80% من الشباب السعودي يروحون لـ سوريا +دبي+البحرين+اندونيسيا وانتو عارفين ليش..؟؟..

من قل الدين .. مو من غلاء المهور .. لاتنسى قوله صلى الله عليه وسلم : [يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء].

لكن البعد عن الدين هو سبب انحراف الشباب والبنات ..

اقتباس: ومع تغلب النساء على الرجال بـ الكثره ... يعني بنشوف عنس كثر النمل...

أجل صرنا كثر نمل ...>>> ناويه بنيه ..

للأسف يا اخي الكريم طرحت الموضوع من جهة واحده ..اللي هو كونك كـ شااب ...

وأنا معك ..

في الساابق ..ولاحظ كلمة السااابق ... كانت المهور مباالغ فيها .. لدرجة توصل 200 ألف..>>>> ليتني لحقت عليها

وكثرة المهر ليست دلالة على مكانة البنت ..ولا على محبة الزوج لزوجته ...

وهذه الظاهرة اندثرت ولله الحمد ..

بس البلا مو من المهور الحاليه ..المهور تقريبا الأن بحدود الـ60 وتحت ...

المشكله من مجتمعنا اللي يبي ويبي ..وبالنهايه .؟؟؟ .. بيدي لابيد عمر ..

يعني ... البسااطه بكل شي مطلب ..سواء من الشاب او اهل العروس او كمجتمع ...

للتوضيح اكثر ..

لو دفعت الأن مهر بنت بـ50 ألف .. وش تجيب لها هالخمسين ؟؟؟

كل شي الآن بإرتفاع ..ومن منا لم يتجرع مرارة غلاء الاسعار ..حتى في اتفه الأمور؟؟ ...

ناهيك على قاصمة الظهر ( الذهب) وصل سعر الجرام 100 ريال قاابله للزياده ...

والكل عارف تجهيز العروس مو سهل ...

بس لو كان مجتمعنا مبسط الامور ...ماصار فيه مشكله كبيره ..

لو ألغينا الذهب اللي من عهد جدي هالعاده ..والملاحظ ان اغلب البنات مايحبون الا الاكسسوار ..ومو مشكله لو تشتري ذهب خفيف ...
بس عندنا ناس ودك تقص ألسنتهم,,, ( فلانه ماشرت ذهب يجمل ..ابوها اخذ من مهرها ..و...والخ )
تقريبا الذهب راح يكلف عالاقل 30 ألف ويادوب ..مع هالاسعار .. وش بقى للبنت تكمل اشيائها؟؟

حوالي 20 ألف .. يعني نقول لو المهور على 25 بدون ذهب (يجمل على قولة العجايز عندنا) ..جدا مناسبه >>>> مناسبه للوضع الاقتصادي ..

ثاني شي ..العريس لو على افتراضيتك انه جمع 100 ألف للزواج ...

متلاحظون شي؟؟ الرجال مسكين وراه بيت يأثثه وسياره .. عالاقل >>>> إجبااري ...

ناهيكم عن القرض اللي بيسلخ جلده بسبب هالزواج ... ونقول لاازم ..اصبر مالها الارجالها ...

بس اللي مفور دمي ..حفلة الزواج ..هذي لاتحطونها براس البنت مسكينه ..البنت حدها المهر وخلاص ...

انتم كشباب ..ليه تتكلفون بالزواجات ؟؟

مع ان اقل شخص عندنا لو ماجاب فرقه وخرابيط ..راح يذبح العدد الفلاني مو اقل من 30 راس ...حتى الخرفان طار سوقها ...

ليش هالبذخ؟؟ لازم تعزم كل جماعتك؟؟ خلاص الزواج خلوه مختصر ووفر مصاريف الذبايح اللي تقص الظهر بأشياء اهم ..

يعني يوم الزواج اضافة على اجار القاعه ..والعشا...تقريبا تكلف 40 ألف ...

وش حدكم ؟؟

تبغون تخفضون من جهه.. وتسرفون من جهه ثانيه ...

المسأله كلها تجي وتروح على التبسيط ..لا التعقيد ..

والمجتمع لما يكون وااعي لهالامور ..راح تنحل المشكله ...

لكن ... لاحياة لمن تنااادي ...

دمتم بود وسلام ...

[صوت من زهران]

اقتباس: المشاركة الأصلية كتبت بواسطة بنت الوادي      اخي صوت من زهران،،،،،اشكرك على ردك على تعليقي،،،، اخي الكريم كل كلامك صااادق فيه ومقنع جدآ،،،،لكن ماالحل من وجهة نظركم كاشباااب انتم تعرفون ان البنت لازم تجهز نفسها وكحد ادنى 30 الف مبلغ معقول،،،، انا بعد عندي اخوان واتمنى يتزوجو بسهوله ويسر وان المهور تكون واقعيه ومعقوله،،، اما بالنسبه لما قلت بندفع المهر هههههههه،،،قصدت من ورائه ان لو يتقدم للبنت شاب خلوووق ويخاااف الله فيها صدقني هذا اللي تبغاااه البنت وبتتنااازل عن اغلب الشروط،، لأنها تبغى تعيش مع شاب يخاااف الله فيها ويسعدها،،،،اما بالنسبه لسؤالك لا والله ماارضى بشاااب متكل على اهله بكل شي هذا الشاب كيف بيعيش ويعيش بنت الناااس وهو انسااان مومتحمل مسؤليه،،،،، اتمنى اني ماثقلت عليكم

حياك الله أختي مجددا

إذا ً الحمد لله بدأنا نميّز الأصوات النسائية غير الناشز ولا المستحثة للمثاليات رغم كل هذه الفوضى التي يعج بها أفراد المجتمع كل على حسب وضعه و قربه أو بعده عن تيك المشكلة .

حسنا ً أختي .. يظهر لي أن النقاش أصبح أجمل من ذي قبل وهذا يقوية الانسجام الحواري فيما بيننا .

الحل كامن رحمك ِ الله في المجتمع ( مجموعة وليس آحاد ) أكثر من نوعية المجموعات المسؤولة عن تأخر كثير من الشباب والفتيات عن الزواج .
لابد أن يعي مجتمعنا أهمية الحاجة على أهمية تحقيقها بمظهر جميل يكلف في أحيان كثيرة هذا المظهر الجميل عدم تحقق الزواج وحصوله ، أعني لربما هناك كثيرممن لم يستطع الزواج بسبب ليلة العرس التي تطلب منه أكثر مما تطلبه بقية أيامة مع زوجته ، القصر والمدعوون ووجبة العشاء الدسمة والشقة المستقلة من الأشياء التي عنيتها بحديثي .

سعيد ٌ جدا أختي الفاضلة بك ِ وبحوارك وبوجودك معنا خاصة ً وأنك تمثلين جانب الفتيات الأكثر نضجا ً ومهارة في ترتيب مهام وأدوار الحياة .

أخوك ِ


تحيتي ،،