مواهب زهران الى اين ؟

[عالمي زهران]

اقتباس: المشاركة الأصلية كتبت بواسطة بديع الزمان      والله أعرف كثير زهارين يلعبوون عندنا في مكه ... بس المشكله إنه مايبغى يلتحق بالنادي ... ليش ماأدري بعدين لا تنسى نادي زهران فيه لعيبه ...

نعم صحيح فيه لاعبين زهارين كثير في كل المدن , ولكن لماذا لايلتحقون بالانديه الكبيره ؟
نادي زهران سابقا اما الان اصبح اسمه نادي العميد ؟ ليه مادري ؟ يقولون ان هناك قرار منع من الرئاسه بعدم تسمية الانديه باسم منطقه او قبيله وهذا استبعده تماما لانه يوجد انديه باسماء مناطق ومدن مثل نادي نجران ونادي ابها ونادي الحماده ونادي سدوس وغيرها كثير ,
اكيد في نادي العميد ( زهران سابقا ) لاعبين ممتازين ولكن اين هم من الانديه الكبيره واين هم من المنتخب ؟
اذا مايبغى يلتحق بالنادي فهذا مستغرب واظن ان السبب في ولي امره ,
كلنا نعرف انه في السابق كان الاب او الاخ الاكبر يمنع اللاعب النجم من الالتحاق بالانديه الكبيره بسبب مايسمع عن اللاعبين وخوفه على ابنه او اخوه من الضياع , ام الان فاظن ان النظره قد اختلفت كثيرا واللاعب اصبح يملك اعلى الشهادات فمنهم المعلم ومنهم الطبيب ومنهم استاذ جامعي ومنهم المهندس , واللاعب الان اصبح ثروه واصبح طموحه يتعدى الملايين !
شكرا لك اخوي بديع الزمان

[عالمي زهران]

اقتباس: المشاركة الأصلية كتبت بواسطة ملك السوني      عالمي زهراني والله بصراحه انا بيشي وكنت العب بنادي الوحدة وكان خوي اسمه (صالح الزهراني )لعييييييييييييب جدا ما شاء الله عليه الظاهر انه انتقل الى نادي ثاني وكمان عندك حق النصر فهد الزهراني والله لعيب حرام الاهلي اعطو النصر تقبل تحياتي

اذا كنت بيشي فمليار ونعم وعز الله مقامك
يكفيك فخرا يابيشه انك انجبت اروع موسيقار مر على تاريخ الكره السعوديه والاسيويه
خويك صالح الزهراني ياليته يصبح نجم في ناديه الذي انتقل اليه واتمنى ان يكون من نجوم المنتخب ,
فهد الزهراني لاعب رائع ومحور متميز ولكنه لايملك اعلام قوي كم في الهلال فهو لاعب قوي ومحارب شرس , ويكفيه فخرا اللقب الذي اطلقه عليه الاسطوره ماجد عندما قال عنه انه اللاعب المحارب ويكفيه فخرا ان من طلبه للانتقال لنا دي النصر هو الاسطوره ماجد ,
شكرا لك ياملك السوني ولو قدرت تباريني سوني كسرت راسك وخليتك تصير وزير وانا ملك !

[عالمي زهران]

اقتباس: المشاركة الأصلية كتبت بواسطة الليل      [align=center]أشكرك أخي العزيز عالمي زهران.. وآآآآآآه لاتشكي لي ...وأبكي لك.. هذا الأخ الغالي القعود..لاعب وين ماتحطة ابصملك على العشرة..لتؤكد على كلامي أنه من الظلم أن لايلعب لفريق النصر.. كونه عاشقاً محباً له..إن بغيته حراسه أو دفاع أو وسط أو هجوم..ماشاء الله تبارك الله وللمعلومية تراه راح للنصر ورفضوه من دون أن يجربوه.. والسبب أن عمرة كان 24سنة..فلو كان هناك واسطة لشفته حالياً من ألمع نجوم النصر والمنتخب..لكن لاحياة لمن تنادي.. كم أتمنى أن أرى زهرانياً تتسابق عليه الأندية.. تحياتي لك على موضوعك الجميل المفيد الذي أتمنى أن يؤخذ بعين الإعتبار.. [/align]

انا اللي اشكرك من كل قلبي على انك سمحت لي بالحديث عن هذا الموضوع ,
كون نادي النصر رفض زميلك اللاعب القعود فهذه مشكله كبيره يعاني منها النصر فكم من اللاعبين ذهبوا للنصر ولم يستقبلهم احد فذهبوا لانديه اخرى فاستقبلوهم وضموهم واصبحوا نجوم والامثله كثيره وموجوده من اللاعبين السابقين واللاعبين الحاليين ,
وعلى فكره هذا الموضوع بالذات ( عدم الاهتمام باللاعبين المتقدمين لنادي النصر ) تحدث عنه المدرب علي كميخ واللاعب السابق بنادي النصر خالد الفرحان واشتكوا من عدم الاهتمام باللاعبين الذين ياتون بهم ,
اما الواسطه فحدث ولاحرج !!
كلنا نتمنى ان يكون هناك نجم زهراني تتسابق عليه الانديه وهذا ليس تعصبا ولكنها امنيه !!
الف شكر لك يالليل

[نمر الاتحاد]

يا حبيبي والله الي في الانديه بعضهم بالواسطه مستحيل يتكون لجنه تراقب لعيية الحواري والله حرااااااام ..........

[عالمي زهران]

اقتباس: المشاركة الأصلية كتبت بواسطة سراييفو      [align=center]اخوي عالمي كم اسعدني طرحك الراقي واختيارك لهذا الموضوع وذكرتني هذه الاسماء بأيام رائعة وبصراحة كان تركي المغربي من اميز الاسماء وكان يضاهي في مهاراته يوسف الثنيان وبدون مبالغة وقد سعى لضمه نادي النصر عن طريق صديقه اللاعب عبدالله القرني وكذلك حاول الهلال ولكن لرفض والده لم يتمكن من ذلك وأذكر من المبدعين والمهاريين وصاحب لمسات رائعة يطرب لها الجميع عبدالرحمن صالح معيض ( أما الكابتن عبدالوهاب مرضي فقد كان صاحب رأس ذهبية ونادراً ما كان رأسه يخطيء المرمى وكذلك الكرات الثابته بس كان عيبه الوحيد انه مايعرف يلعب بالجزمة يعني يتخسبق اذا لبس الجزمة مثل اللي بدرب الزلق )[/align]

اهلا بالغايب شرفت المكان
اللله عليك ايام واللله عليك يازمن
ذكريات لاتنسى
تركي المغربي فعلا مهاراته غير طبيعيه ولاعب مميز وفنان , لو سجل في ذاك الوقت لاحد الانديه بالرياض لاصبح الان احد نجوم المنتخب ولاصبح لاعب تتنافس عليه الانديه ,
كم كنت استمتع بلعبه وكم كنت اطرب لمهاراته فهو يمتعك داخل وخارج الملعب ,
كل من ذكرتهم من نجوم قرية السرفه مميزين على مستوى القبيله , فقد كانت كل القرى تتنافس على اللعب معهم !!
اما عبدالرحمن صالح فلن اتحدث عنه فهو كلي انا !! ويكفيه شهادتك ,,
اما ابو مرضي فهو ممتع في لعبه وحماسه ورفضه واعتراضاته !!
على فكره ترى عنده انواع الجزم ولكنه يستخدمها استخدام حشمه , يدسها للزمن !!
مشكور الف شكر ياسراييفو على تعليقك
واتمنى وجودك باستمرار بهالمنتدى
وسلملي على الشرقيه فالهوى شرقي و قلبي هاوي الشرقيه ,