تغريدات اليوم الجمعة11 محرم 1440

[الراس الصغير]

لاجيت طيّب قالوا الناس مسكين ،
وإن جيت أقشر قالوا الله يشيـله ،

ولاحدّتك دنـياك للـفـقر والدين ،
قالوا فقـير وحمّلوك الفشيـله ،

ولاضحكت أيامك وحصلت قرشين ،
قالوا ترى نصّاب ياويل ويـله ،

ولاجبت غلطه حطوا العيب والشين ،
وزادوا على غلطتك قاز وفتيـله ،

ولاجاتك الزلّه وتاهت عنوانـين ،
قالوا ترى مجنون خلوا سبيـله ،

ولا رحت مقفي مع رجالٍ مقفين ،
قالوا ترى المقفي ندور بديـله ،

ولاجيتهم بالجود وفعل الكريمين ،
قالوا يهايط كـل صبح وليـله ،

وان طحت خلوك العرب والمحبين ،
واللي يطيح فـ هـالزمن عزتيـله ،

قال الجمل لاطاح جتك السكاكين ،
وكلٍّ على ذبحتك بيشد حيـله ،

هـذي حقيقه قلتها وسط بيتـين ،
من شاعرٍ ساق البيوت الجزيـله ،

جرّبت في الدنيا وشفت الكثيرين ،
وأشوف هذا الوقت مافيه حيـله ،

الناس ماترضى لـو تسكن العين
وصعبه تحقـق حاجةٍ مستحيـله ،

[الراس الصغير]

نداري الحانا عن خطا الالسنه والعيب
ونسعى على ما يستر الوجه ويصونه

دروب المراجل كايده ، والمقام اصعيب
ولا كل رجالٍ ، مراجله مضمونه

الاقوال تبغي فعل والفعل يبغي ذيب
صبيٍ تشوف الطيب في نظرة عيونه

الاخلاق وهبه ، والمراجل ماهي بتغيب
معا واحدٍ يمناه ماهي بملعونه

نعرف الرخاوي فالرخا قبل مس الجيب
ونعرف الشديد ف شدّة الوقت واطعونه

ونعرف المراسل فالرياجيل ود وجيب
ونعرف الثقيل اللي معانيه موزونه

ونعرف نتغاضى عن كلامٍ ماهو بمصيب
ونعرف انتقاضى في كلامٍ يقولونه

ولايوجع الا الظن في واحدٍ ويخيب
والى خابت ظنونك لا تشره على ظنونه

ولا أخير من كثر التشرّه ، سوى الترحيب
وتبسّامتك في وجه .. من باح مكنونه

لو انحاسب العالم على مجريات الغيب
ما يبقى لنا صاحب ، على ما يسوونه

اخذ ما يزيدك جاه من دون شك وريب
الارزاق مضمونه ، والاسرار مدفونه

[الراس الصغير]

‏ابسط انوآع الراحه استغفر الله الذي
لا اله الآ هو آلحي القيوم ۈ اتوب إليه .

[الراس الصغير]

تدري وش اللي مـا تجـي بالملاييـن

العـافـيـه لا صـــرت مــحــروم مـنـهــا

وتدري وش اللي حدّهـا حـدّ سكيـن

الحاجـه اللـي مـا نـت قــاوي ثمنـهـا

وتدري وش اللي ما توفي لها الدين

الـلـي غــذاك بـصـغـر سـنــك لبـنـهـا

وتدري وش اللي راجحـه بالموازيـن

سجـدة سحـر لا نامـوا الـنـاس عنها

[الراس الصغير]

الكرم والطيب مايعرف الا الطيبين
‏والردي ما احدٍ يبي لاغداه ولا عشاه
‏
‏الكفو مفتوح بابه على طول السنين
‏والردي ماينفتح بابه الا في عزاه

[الراس الصغير]

كلام ينقش على الحجر :
لا يتواضع إلاّ من كان واثقاً بنفسهِ ولا يتكبَّر إلا من كان عالماً بنقصهِ
املك من الدنيا ما شئت، لكنك ستخرج منها كما جئت.
فازرع دَاخِل الجَميع شَيئاً جميلاَ فإنْ لم يكُن حُبَّاً فَلْيَكُن احتِرامَا

[الراس الصغير]

لآ ندري بـأيّ شيءٍ ندخل الجنّة ببسمةٍ ، بكلمةٍ طيبة، بدمعةٍ ، بصدقةٍ، بتلاوة آية ، بتسبيحة، أسأل الله أن نكون من الذين يجمعونها جميعاً"
" قلوب المحبين دائما تدعوا لبعضها بالخير في كل حين ؛؛
أسآل من لا يعجزه شي في الأرض ولا في السماء أن يعطيكم فيرضيكم .." ويرزقكم فيغنيكم " ويجعلكم الله من سعداء الدنيا والاخرهـ
❤

[الراس الصغير]

إذا سمعت هاتفك يرن.
فهناك من يريد التواصل معك ..
.. كذلك إذا سمعت الاذان
فإن ربك يريد أن تتواصل معه !!
ف يارب علق قلوبنا بك