عـلى مـودك أنـت و بـس لـ// أكشخ ... و أتعطر .. وألبـس .. للقاء 00ادم

[امرأة لاتُنسى]

ماجد حياك ربي .. عرفتنا على مودك ..
واستمتعنا بأجوبتـك الصريحه

اقتباس: ديور أدكت / ألين / فانتاسيا

شريت يوم الخميس عطر آلين لشخص عزيز علي المهم انا أعرف العطور الرجالية تجي أغلبها تواليت
والنسائي نسبة التركيز فيها أقوى .. المهم بعد أستشارة طويلة قالوا لي خذي آلين ينفع لرجال..
زي إستيلا وسينما يستخدمونه الجنسين..
واشتريته وماني مقتنعه اخاف ما يناسب الرجال ولين شفت ردك وعطرك أرتحت أكثر
الحين بهدية وانا مرتاحه



شكراً لهذا الحضور الآنيق ..

[طوق الياسمين]

جميل أن يكون لآدم نصيب من الاناقة في فرعنا
الف شكر لك امرأة على هذه اللفته الرائعة لاخواننا .. لقاءات ممتعه وضيوف مجنتلين هنا
تحياتي لك عزيزتي .. واصلي ولكي مني مسمار كبير في جدار القسم .!
تحياتي لك ولجميع الضيوف والمتابعين .

[آمـيرهـ بآح ــساسي]

خليلو15،،،
اسعدني قبول الدعوه اسعدنا بالاجوبه،،
ماجد عبدربه،،،
اجوبه رائعه وقبول الدعوه اسعدني،،

امرأه لاتنسى ههههههه الحين دورك،،

[امرأة لاتُنسى]

الله يسعدك ياطوق دائماً تخجيلني بردك وحضورك العطر



/


ضيفنا الجديد والرابع

السـرف

وحياكَ الله

[الســرف]

* أخبارك ؟

ماشي الحال

الحمدلله


*عرفنا على نفسك ؟

مجموعة إنسان ..فيني نهار وليل وافراح واحزان واضحك ودمعي حاير"ن" وسط عيني



*هل تتبع الموضه في أثناء تسوقك حتى وأن لم يناسب ذوقك العام ؟

لا طبعاً ..حريص جداً على مايرضي ذوقي وشخصيتي وخصوصيتي ومايعطي انطباع يتوافق مع هذه الشخصيه



*هل تفضل الملابس الرسميه الثووب والشماغ او الملابس السبورت البدل ؟

الأكثر طبعاً هي الملابس الرسميه لطبيعة العمل والمناسبات الإجتماعيه لكن في بيتي وفي اوقاتي الخاصه أخذ حريتي

*هل تفضل ماركه معينه أو مصمم معين؟

افضل خياط على آخر واقمشه على اخرى ...وفي البدل اي ماركه تناسب ذوقي اختار منها


*ماهي الألوان المفضله لديكِ أثناء أنتقاء الملابس ؟

في الثياب هناك الوان تناسب جميع الفصول ولم تعد الثياب الملونه قصراً على الشتاء لذلك فعندي معظم الالوان

في البدل الكحلي والاسود والأورنج المائل للاحمر <<مدري كيف اوصف اللون

* هل مسألة تنسيق " الملابس .. والحذاء من حيث اللون والطراز مهم لديكِ ؟

طبعاً ....لأن اول شي اشوفه في البنت حذائها


* هل تحب ارتداء اكسوارت خاصه بالشباب ...) ؟

الساعات اعشقها والخواتم والنظارات الشمسيه وميداليات المفاتيح والمحافظ << مو محافظ جده ....قصدي محفظة الفلوس عندي منها انواع


*هل تفضل الثوب يكون مطرز و فيه حركات جديده أولا ؟

اكيد بس احب يكون من نفس لون الثوب ولاتكون بهرجه تلفت النظر ..واحياناً انا اصمم الحركه ومرات تكون "هيله ومرات امي تقول وش معك تقول برماوي "


*ماهي قصة الشعر التي تعجبك ؟ شرأيك بالسكسوكه وانت من اللي يحبوها ولالا؟

الشعر ...الفرنسيه .....والسكسوكه طبعاً مع شنب صفر .....ياعل وجه مافيه سكسوكه ...تنهار من فوقه ياقلبي زغوده

*ماهو عطرك المفضل ؟


حالياً عندي دولسي اند غابانا ....مونت بلانك اندفيجوال ....انترتي ....وطقم لايفز من بودي شوب



*هل لضيفنا الكريم طقوسات في العنايه بالبشره يعني كريمات لوشنات سكرابات و إلا مخليها على الله ؟

فيه للحلاقه ولبعد الحلاقه واللوشن طبعاً موجود



* السياره المكان الثاني للشاب .. ما هو نوع سيارتك و هل تهتم ان تكون سيارتك من النوع الجيد ؟

باركولي عندي ماكسيما ... وفيه فورد ...بس الماكس اخر العنقود


* كيف تهتم بالسياره من حيث النظافه – الديكور من داخل -اكسسوار السياره ؟

اكيد لازم تكون نظيفه وعندي غسال يجي كل ليله ينظفها ويغسلها


* ما هو الشي الذي لا تستغني عنه في مناسباتك؟

الإبتسامه ...والعطر ....رائحة روح ورائحة جسد

[الســرف]

نسيت اشكر إمراه لاتنسى على حسن الضيافه والاستقبال

واتمنى أن اكون ضيف خفيف على المشاهدين الكرام

واشكر المخرج ومنفذ الفتره والماستر كنترول ومستقبل الاتصالات ورقمي عند الكنترول للي يبغى يتواصل معاي

[امرأة لاتُنسى]

السرف كنت ضيف مميز ومتألق دوماً
واكتشفنا بعض الشي من شخصيتك ومودك ..

وتتربى بعزك المكسيما ..

اقتباس: هيله ومرات امي تقول وش معك تقول برماوي "

برماوي ههههههههههه

اخ بس من ذولا الاشكال
أشوفهم يطلعون وقت صلاة العيد بالحرم زخارف على كيف كيفك !!
وحتى البشت ماخلوه بحاله غصب يبون يتجنسون سعودي !


الســرف
دمتَ بتألق

[الراقية]

اقتباس: هل مسألة تنسيق " الملابس .. والحذاء من حيث اللون والطراز مهم لديكِ ؟ طبعاً ....لأن اول شي اشوفه في البنت حذائها

ياسلام عليك

الاناقة فن لاتقتصر على جنس دون الأخر

وانا اقيس اناقة الرجل كذلك من حذائة حيث ان الحذاء المناسب والذي يتناسق مع باقي الملابس من ناحية الشكل والماده يدل على حسن اختيار الرجل لملابسه بشكل عام

السرف استاذ الأناقة و الذوق ربي يحفظك
امراة لاتنسى ربي يعطيك العافيه عالموضوع النايس تقبلي مروري

[جمرة غضى]

موضوع في غاية الروعة

وتعرفنا فيه على بعض جوانب شخصية آدم

امرأة لا تــٌــنسى سلمت اناملك

[امرأة لاتُنسى]

اقتباس: المشاركة الأصلية كتبت بواسطة الراقية      ياسلام عليك الاناقة فن لاتقتصر على جنس دون الأخر وانا اقيس اناقة الرجل كذلك من حذائة حيث ان الحذاء المناسب والذي يتناسق مع باقي الملابس من ناحية الشكل والماده يدل على حسن اختيار الرجل لملابسه بشكل عام السرف استاذ الأناقة و الذوق ربي يحفظك امراة لاتنسى ربي يعطيك العافيه عالموضوع النايس تقبلي مروري

الرآقية حياك ربي

نورتي الموضوع بحضورك العطر

واترك لك الاختيار مع شخصية جديدة وش رايك ؟

في إنتظارك..