اجتماع مغلق فقط لبنات المنتدى .!

[طوق الياسمين]

اقتباس: المشاركة الأصلية كتبت بواسطة نسيم السروات      خطة تجنن : شوفوا يابنات طوق الياسمين أرسلت لكم رسائل عشان اللي تبيني أعطيها الرقم الخاص بالطعلة ولكن لاحد الأن مافيه واحدة أرسلت لي مع أن قلت بإمكان كل واحدة تشتري بطاقه مثلي مو لازم جديدة وغالية واتصلي عليه منها وبعد الإجتماع أرميها إذا حبيتي وهذا ماسوف أسويه أنا وترى مو لازم الوحدة تكلم من جوالها العام كل واحدة حرة . عشان كذا أنا عندي خطة ثانية عشان أي وحدة تجي تحضر تكون متواجدة في اللوبي حق المركز وهي الصالة الرئيسيةاللي تكون أمامك أول ماتدخلين وأجلسي على الكنبه وكلمة السر التي بتكون بتكون بيننا هي كالتالي : أمر أنا أو طوق أو بنت الوادي على اللي جالسة ونقول لها ( ماشفتي وحدة كانت هنا لابسه ترنق رياضه لونه أخضر ) إذا كانت من بنات المنتدى تفز وتقول نعم شفتها أنا هي قدامك وتقول أسمها : مثلاً نور بالخزمر كانت جالسة على الكنبه في اللوبي وأول ما أدخل أنا أقول لها بالله ماشفتي وحدة كات هنا لابسه ترنق أخضر تفز لي نور بالخزمر وتقول نعم أنا معك نور بالخزمر . ليش أخترت الترنق الأخضر لأني بصراحة ماعمري شفت أحد لابس هذا اللون بالذات في المركز عشان كذا أخترته هاه وش رأيكم أضن ماعاد وراء هذا الحل حل واللي ماتبي لا الأول ولا الثاني فأكيد هي ماتبي تحضر من البداية ومشغله العالم على الفاضي تراني عصبت أكيد ماهي حلوة ولا تبي أحد يشوفها خلو عندكم ثقه بالنفس بديت أعصب زيادة >>>> أكيد كلهم بطلوا من كلامك يابنات ترى والله أمزح اللي تجي الله يحييها والله ماتبي الله يستر عليها بس حبينا يكون هناك بيننا تعارف أكثر وترابط مادام أننا كلنا بالرياض ونقيم ليله حلوة وسواليف رائعة بعيد عن جو المنتدى والكتابات . نأمل أن يكون الرد بكرة الثلاثاء خلاص بكرة أخر يوم لحسم الموضوع واللي ماترد بكرة نعتبرها مو جاية بتاتا على فكرة الموعد بعد المغرب أفضل شي وش رأيكم اللي تبي كذا تقول لنا واللي تبي بعد العشاء برضه تقول لازم تقول عشان ماتجي وتضيع ماتعرف مكاننا . وللي تبي أرسل لها الرقم عالخاص برضه تقول وأنا حاضرة وياويلكم لو أتصل علي رجال رائحة أديسكم كلكم في المركز . لكن ما أعتقد كلكم بنات محترمات ومتربيات الله يسعدكم وهذا الرقم مو لي بعد الإجتماع رائحه أرمية بالزباله وأنتم بالكرامة . وتصبحون على خير,,,,,

هههههههههههه
اما ترنق اخضر بتوهقينا شكلك
تخيلي تطلع وحده منعرفها وتقول ايه لان صدق في وحده ترنقها اخضر واخش بعينها
واخرتها اتفشل لا لا اسمحيلي .. استحي .. قسم بالله استحي

المهم لا وصلت هناك .. هذا اذا اني رحت باتصل عليك
تراي تعبانة والله يابنات حتى اسئلوا نسيم فيني فلونزا .. بس فلونزا عادية بسم الله علي .!

[طوق الياسمين]

اقتباس: المشاركة الأصلية كتبت بواسطة غربة مشاعر      هلوووووووووووووووو السلام عليكم كيف حلكم ياكهيل المنتدى بصراحة انا ماحبيت ادخل بوسط الموضوع الحين ابقول لكم الصراحه انا اول وحده بتشوفوني قدامكم ههههههههههه هيا تصدقون عاد ابجيكم من حائل وباجيب معي ضومنه وباصرة نبي نلعب كنت باجيب كيرم بس قلت مابيدخلونها هيا عاد بنتي وين باحطها الله المستعان لاكن باجيكم واتحدى الضروف انا عني باجيب لافته مكتوب فيها غربة مشاعر وانتم بكيفكم ههههههههه لالا اول ما ابدخل باكلم نسيم على طووووووووووووول والله اخاف اهي اهي اهي

وش وداك حايل ؟
مو انتي بالرياض ؟!!
قسم بالله ياغربة لو يجيني علم انك ماحضرتي ليصير علوم تبكي الحسلان منها
هيا خليك شاطره .!

[طوق الياسمين]

اقتباس: المشاركة الأصلية كتبت بواسطة بنت الوادي      نسيم الغاليه،، انا حاضره ان شاء الله وابغاك تزغردين لي مدري وش احس فيه ههههههههههههههههه راح يكون بيننا اتصال لمعرفة الموقع بس كلمة السر موتتني ضحك هههههههههههههه بس ترى مزكمه اجيكم ولا مابتسلمون علي تخافون من انفلونزا الخنازير بس جايه جايه مافيني الا العافيه لاتخافون ههههههههههههه

من جد وش تحسين به !
ياخف دمك .. عاد انتي اللي احسك بتخلين جو اللقاء طعمه فيمتو
وسلامتك ياعسل .

[طوق الياسمين]

اقتباس: المشاركة الأصلية كتبت بواسطة الراجية      اجتماع موفق يابنات بمشيئة الله تعالى لكن عندي اقتراح علشان تعرفوا بعضكم بعض الإقتراح هو التالي اانكم تلبسون طرح بلون موحد مثل الي يلبسونها الأجانب من شرق اسيا والجاليات في الحرم علشان مايتضايعون 0000000ترى امزح هههههههههه وعلى فكرة اذا ماتم الاجتماع او صار لكم شي اعرفوا انها (عين مني ) لاني حاسدتكم بتشوفون بعض وخاصة نسيم السروات يالبي قلبها ياحبني لها ولسوالفها ولو تأخرت الجمعة كان حضرت وياكم لان عند بعلي دوره يوم الأثنين الجاي لكن انتو مستعجلين الله يهداكم كن وراكم طراده المهم الاقتراح تبعوني لايفوتكم واقترح كمان يكون بدل الطرح بشاكير ويكون لونها احمر (اكيد نسيم عرفت البشكير ) يالله استودعكم الله

الراجية
الله يرج ابليسك
والا تخيلي نسيم عند الباب باسطه على بشاكير ووراها لافته مكتوب عليها "منتدى زهران"
ههههههههه والله يانسيم كل شي راكب عليك فديتك


هيا يالراجية خلي بعلك ينفعك
وتعوذوا يابنات من كل حاسد اذا حسد "امزح"

[مطفوقهـ]

بنات وش رايكم تسمعون خطتي
عندي لكم خطه خونفشاريه
تعرفين فيها بعض
انتم بس طيعوووني

[طوق الياسمين]

8
اهلين مطفوقه
وينك من زمان عنك ؟ .. وحشتينا
ياللا اعطينا خطتك الخنفشارية ؟ والله من يوم انك متعلقه بالباب وانا غاسلة يدي
امزح وربي بس اسمك ومعلوماتك عاجبتني .!

[طوق الياسمين]

اقتباس: المشاركة الأصلية كتبت بواسطة ســـمـــا F4      طوق الياسمين يا ام مفرح هههههه ماشالله ،، يارب تستانسون وتنبسطون بس وش فيكم كذا حبتين بس ههههههه قليلين مره اللي بيجون ، انا الاحظ ان بنات المنتدى اللي بالرياض كثار ، وين راحوا! ،، ياللا فيكم الخير واهم شي الدف والخبزه يانا لويتكم ارسلولي شتفه بس لا تكثرون ، وان كان شي قراص ولا مخوض فزيادة الخير خيرين عقبال ما اشوف الغلايم اللي بجده اشوفكم يا حلوات

هلا هلا سما
معليش دايم الخبط ترتيب الردود
والله طلتك اللي حبتين يعني حلوة
طيب نجيكم في جده اذا جا الشتا ونسوي لقاء ثاني ونجتمع بكم
ماشاء الله بنات جده كثار هنا .. تسلمي عالطلة وابشري بشترة خبزة ترسلها لك نسيم بـ DHL

تحياتي

[ســـمـــا F4]

اقتباس: المشاركة الأصلية كتبت بواسطة طوق الياسمين      هلا هلا سما معليش دايم الخبط ترتيب الردود والله طلتك اللي حبتين يعني حلوة طيب نجيكم في جده اذا جا الشتا ونسوي لقاء ثاني ونجتمع بكم ماشاء الله بنات جده كثار هنا .. تسلمي عالطلة وابشري بشترة خبزة ترسلها لك نسيم بـ DHL تحياتي

ههههههههههههههههههههه حلوه حلوه ،، الله يحلي ايامك وايام الجيمع يا حلوه
والله انتي اللي طلاتك بالحبات وكل طله احلى من الثانيه >> تحب تقلد
صادقه بنات جده كثار هنا ،، اصلا الزهرانيات كثار وفي كل ديرة الله يحفظهم
استناكم في جده ،، لا تتاخرون

[آمـيرهـ بآح ــساسي]

اقتباس: المشاركة الأصلية كتبت بواسطة طوق الياسمين      من جد وش تحسين به ! ياخف دمك .. عاد انتي اللي احسك بتخلين جو اللقاء طعمه فيمتو وسلامتك ياعسل .

يعني اذا ماجيت مابتضحكون
بس ترى جد مزكمه مدري ليش زكمت الحين
لكن عارفه انها ماتبغاني اشوفكم لكن بجي لو احبي لكم
وليه تسوون خطط خلاص اللي توصل تتصل على نسيم
لانها عارفه المركز شبر شبر وبكذا راح نلتقي بسهوله
واللي ماتبغى تتصل الله يعينها تلف المركز ومعها مايك
وتنادي يانسيم ياطوق يابنت الوادي
ههههههههههههههه<<شوفو كيف ضحكتي صغووونه لاني تعبانه

[طوق الياسمين]

نداء طويل عريض لبنت النور .. ياعقد من الوله منثور ..!
اين انتي يافتاة ؟
انتي معزومة معنا على اجتماع بنات الرياض
هيا يافتاة هلومي الينا



شايفه
حتى لون خطي غيرته
هذا يدل على الحماس