09-11-2009, 12:28 AM | #71 |
قلم مميز |
رد: تم افتتاح مجالس نسيم الشعبية تفضلوا ....
أعلامنا خير .!
بقولة مايمنا الى خير بساطة والعافية تامة في ارضنا والله ربنا لا نغدي ولا نجي الايمت الله الديرة والسيرة واحدة لا واردة ولا شاردة لامريض ولاعريض سارة قارة في وادينا والله هادينا الارض غبرة وعند الله الشبرة الامطار واقفة والبيار ناشفة والمشكى على الله اسواقنا دب فيها الغلا ان قلت في طلبات البيت ولا في غيرها كل شي سعرة نفر وهذه طامة لحقة بنا الله يحمنا والحلال ماعد حد ياخذة عند بيتة ولا يربية الاقليل واليوم سعرة في السوق ماحد يقدر علية والناس هجو للمدن وتركو اراضيهم لين غدت المسقوي مثل العثري ماعد حد يقرب لها احقل فيها الطلح والعرفج وطاحت عرقها لا عد حد يحرث ولايزع ولا يخبز ولايلبز الناس اليوم في وظايفهم رايحين وسارحين ماعد فية حركة والحريم رابضات ماعد فيهم البركة تنفخو من القعاد الاكل ياجيهم وهنة قعادات الوحدة غدت كنها المصراع من السداح وشبا ب هذا الجيل اختلط الحابل بالنابل وتشابهو في لبسهم وفي صفاتهم ماعد نعرف الذكرمن الانثى وماعد الواحد ينفع اهلة ولا نفسة ولاتتكل علية في ثنتين من الغنم العلم خير قولوا يالله في الخير .. جيت ضيف في مجلسكم يانسوان قولوا يالله حيه .. والإ خلوني أتلطم وأعطيها الباب ... ودي أهب لكم بعض من قصصه أمهاتنا وجداتنا والإ أنتوا ماشئ من القصص نعرفها الإ قصات الشعر .. كل يوم يجينى قصه جديد .. مشغل ريماس ومشغل أميرة الورد ومشغل بنت النور ومشغل الراسيه والرجيه ومشغل نسيم السروات ومشغل طوق الياسمين وهاتكم من أنواع الأسامي للمشاغل .. وجداتنا ماكانوا يعرفون الإ الحنا ويازينه على أيديهم مايعرفون لا نقاشه ولا غيرها .. .. نبدأ .. كانوا الزواج زمان مايقولون تياك حلو خلونا نخطبها لولدنا لا ياخواتي .. كانوا يقولون والله يافلانه حره السوان هيا خلونا نغدي نصاهر فيها وتاخذ دورها في الصرام وتسرح بالغنم وتسقي وتحصد وتتحطب .. تجهيز العروسه .. (طالعه من بيت أبوها رايحه لبيت الجيران ) طبعا الجيران هم أهل زوجها بدون المرور على قصر أفراح التهاني ولا قصر البرود على طول من البيت للبيت بصمادتها اللي الحين مثل التاج اللي تتزينون به .. لا يعرفون لا ذهب ولاحبة الله حنا تخلطه بيدها في قدر(ن) وتمطخ أيديها ورجولها وتلف الصماده البرتقاليه جنب راسها وتصبح اليوم الثاني .. يغطرفن الكهيل واللي معها قصديه تقولها .. الحين شريط زفه وتقعد تطارد فيه أسبوع .. المهم تبيت مع رجالها ذاك اليوم واليوم الثاني في في الركيب ومحشها فــ يدها .. لا يعرفون لا شهر عسل ولاهم يحزنون كان فيه شهر أسمه شهر الصرااام تلقونهم كلهم في الركيب يحصدون ويديسون مامعهم يكون بقرة تدك الركيب دك .. تحمل وتوصل الشهر التاسع .. والحطب فوق ظهرها .. اللي تلد في المزرعه واللي في الغرفه ماحد درى عنها واللي في صندوق الونيت .. ونحوكنا بسم الله علينا ماخلق الله كمانا .. أما ذلحين .. تغيرت العلوم .. الزواج في قاعدة مدري أيه عشان يحضرون زميلاتها ولا تتفشل والزفه والسيارات المرنقشه وموضي على الذمه ماغير تصايح وسرى الليل يجي الصبح وهم باقي ما أندروا من القصر . ثلاث أيام فندق وشهل عسل خارج المملكه .. و إذا سمعت إنها حاامل تقول من هبدها بطوبه ماعاد تقدر تتحرك .. ودني عند أهلي جب لي شغاااله << أحس إني بتصفق ماودي أسكت .. نرجع للكهيل ونسوان أول أنا فداهم ياماعانوا واياما شقو وهم يطلعون الدنمه من البير مايعرفون شئ أسمه مطعم أكل صحي 100% ماتشوفنهم ماشاء الله تطبق السبعين وكنها بنت الأربعين خبزه مقناه وعصيده وقرص صاج .. وعلوم(ن) تهني هيا مامعيه تالحزه يكون تالهروج عقوف أخلي الباقي بعدين وداعة الله .. وبااقي معيه هروج(ن) كثيرة بس دخيلكم لا تضيقون عليه .. جدكـــم ... التعديل الأخير تم بواسطة نسيم السروات ; 16-11-2009 الساعة 11:47 PM. |
10-11-2009, 12:32 AM | #72 | ||||||||||||
مراقبة التراث وسوالف الاولين
|
رد: تم افتتاح مجالس نسيم الشعبية تفضلوا ....
مريت من أمام مجلس الرجال الشعبي وأشوف لي أثنين جالسين يسولفون يقلون أنهم ضيوف جايين لمجلسنا واحد من قبيلة أولاد سعدي يقال له السرف والثاني يقال له العندليب من قبيلة بني عدوان وكلهم زهارين جالسين يعطون العلوم لبعضهم وجدي يسمع فيهم الله يرحمه هذهي صورهم الله المستعان فيهم قوة وشده من رجال زمان : وهذا جدي جالس يسمع فيهم بكل أهتمام . والعندليب والسرف دوب أحلوت سواليفهم اسمع جدي يقول للسرف الله يعطيك العافية وعلومك كلها زينه ولكن العندليب قاطعة وقال أنا بارد عليه ياعم وخليك قاعد . المهم أنا خليتهم يسولفون ورحت مريت على القهوجي حقنا معه غرفه برا المجلس قلت له عجل بقهوتك ترى الضيوف حنقوا من كثر السواليف وترى جدي بيجي و يتر فيك لأنك تأخرت بالقهوة . قال أبشري ياعمه قهوتي صارت جاهزة وهالحين باروح أصبها لهم وهذا هو القهوجي حقنا رجال سنافي : أشوف جدي قام سلم على العندليب لأنه أعطى العلوم عن جدي وكمان حلف أن العشاء عليه وقام أخذ من من جوف جفرانيه اللي في الشبك جفر(ن) صغير (تيس) وذبحه لكن والله أنه ليعطيني قيمتة هويه غزلت أعطيه بلاش وهذا هو عشاء العندليب يطبخ فوق النار وبطني يقرصني من الجوع : ورحت أعزم الجيران على العشاء ولقيت جارتنا الكهلة مسعدة الله يسعدها تقول أن عندها خبر بالعشاء وقالت الخبزة عليه لقيتها تنخل في طحين(ن) معها بقوف تسوي منه خبزة مقناة للضيوف وعصيدة لجدي الله ياهب لها عافيه جيران زمان كانوا متعاونين ماهو كما ذالحين حتى الدعوة مايلبونها إذا أحد دعاهم لوليمه إلا نادراً الله يازمن وهذه الجدة مسعدة وهي تنخل طحينها : مشاء الله أشوف عشاء العندليب جاهز بدو يغرفونه : وهذه خبزة الكهلة مسعده أرسلتها لضيوفنا في المجلس الله يعطيها العافية فيه تيه الخبز كنها جنيه ذهب وهذا الضيوف بدأو يتعشون كانهم حب كبريت من كثرهم زمان كل أهل القرية تحضر الوليمة وبالهناء والعافية : أسمع الصيوف قاموا كلهم يغسلون عند الحنفية ويشكرون العندليب بصوت واحد كثر الله خيرك وغرم الله عليك . وبعد تناول الجميع العشاء بدأت السهرة من جديد والسرف جاب بعض القصايد اللي كان يحفظها من شاعر غامدي كان يتقاصد هو وبنته والعندليب برضه جاب سواليف ووحكايات عن طفولته فخلوكم معنا وأقلبوا الصفحة بعد شوي وشوف السهرات الزينة في مجالسنا العامرة رجال ونساء فحياكم الله جميع . |
||||||||||||
10-11-2009, 01:47 AM | #73 |
|
رد: تم افتتاح مجالس نسيم الشعبية تفضلوا ....
[SIZE="5"][COLOR="Sienna"]عجزت اتهرج معكم من انبهاري وماشفت هنا من صور خياليه تراثيه رائعة جدا
كلما بغيت اتهرج معكم اشوف اني باقي باقي ماجاء وقتي خلوني استمتع بكلامكم اول واتخيل الموقف اني مازلت في الماضي ارجوكم دعوني استمتع ما ابغى اتهرج ذلحين بعدين اتهرج معكم ما اجمل الماضي وسوالفه وصوره آآآآآيه يا زمن سنين مرت وليتني باقي في ذاك الزمان واصلوا الله يسعدكم |
10-11-2009, 12:44 PM | #74 |
|
رد: تم افتتاح مجالس نسيم الشعبية تفضلوا ....
السلام عليكم ورحمة الله وبركاته
بسم الله ما شاء الله عليك ذكر الله يا نسيم وش ذا الزين كله أولا اسمحيلي على جيتي المتأخره يخته معي دروسن مدري متى باخلصها ازنقونا بالاختبارات الله لا يلقيهم خير يبغونا نختبر كل المواد في يوم واحد أووووووووووه يا قهري المهم ما علينا أعذريني يا حببتي ما أمداني أجيب لك شي ولا والله كان ودي آخذلك قطعة قماش وكيس حنى تهبلللل العقول تبيعها مسفره بنت جمعان لكن جبت معي لك ولصدقاني اللي في المجلس سبلن والله انه كما البلاستك يختي ما عاد كما ذاك زمان نجي للجد نسومه ألف مبروك عالمجلس الرااااائع ترى الكلام السابق عصارة لهجتنا الحلوه اللي ما فهمت أغلب مصطلحاتها إلا من هذا الصرح الشامخ والله يسعد أخواني ما قصروا حتى الوالد والوالده انقرضت من قاموسهم كلمات كثيره بحكم انو لنا 40 سنه في المدينة ما شاء الله وسفرتنا للديره تكون مره كل سنه أو سنتين وترى نااااااااااااااااادرا أدخل هالقسم لأني أدري انو ما عندي سالفه بهالمواضيع والوالده توعدكم بقصص حلوه حصريا بس بعد ما أخلص امتحاناتي الله يمتحنهم وهذا إهداء لك يا عسل يا مرحبا ياللي سلامه تردد ترحيبة الظامي على شرب دله لو القلم يكتب غلاكم تبدد حبره ولا يوفي لي المدح كله عسى عدوك في فراشه ممدد وتابا عيونه عن طريقه تدله معزتك عندي ترى مالها حد وقدرك بقلبي ما يشيله محله يا لا للا لا للالالالالالالالالالالالالالالالالالالالالالالالال الالالالالالالالالالالالا يلله يا بنات خذنه الدففه وشاركونيه هيا حبايبيه بروح أكمل مذاكرتيه ولا تنسوني من دعاءكم يا صدقانيه وداعت الله |
11-11-2009, 12:51 PM | #75 |
|
رد: تم افتتاح مجالس نسيم الشعبية تفضلوا ....
السلام عليكم ورحمة الله وبركاتة
كيف الحال والاحوال انشاء الله بخير بعد التحية حبيت اسلم وابارك في مجلس نسيم المبارك والعامر انشاء الله .... وانشاء الله باعود عليكم مرة ثانية وبلفي انا والعيال كلهم والكلهة والصبية وبنتقهوى عندك ومعي بعد هروجن هيلة جهدا وحكاوين تهول وحتى الكهلة معها هروجن وقصصن وحكاوين هيلة هيلة جهدا جهدا ... الى لقاء اخر تقبلي مروي نسيم السروات اخووووووووك ما عاد بدري |
11-11-2009, 01:04 PM | #76 | ||||||||||||
مراقبة التراث وسوالف الاولين
|
رد: تم افتتاح مجالس نسيم الشعبية تفضلوا ....
ألف شكر وتقدير أختي الغالية برنسيسه على مشاركاتك القيمة الله يسعد قلبك . تقبلي تحياتي وأصدق ودي . |
||||||||||||
12-11-2009, 01:55 AM | #77 | ||||||||||||
مراقبة التراث وسوالف الاولين
|
رد: تم افتتاح مجالس نسيم الشعبية تفضلوا ....
الله عليك يالعندليب في وصفك للقرية في منتهى الروعة قسم كاني أشاهي شريط وثائقي يمر من أمام عيني صوت وصورة يازين القرية ويازين زمان كنا نطلع على السطح أو على البلكونه ونسمع أصوات صرار الليل مايسكت ونقيق والضفادع في أيام الخير كانت الوديان غدران موية من كثرة الأمطار كان الوادي حقنا إذا سال نجلس في بطن الوادي نحتري السيل وهو قادم من أعلى الوادي وخاصة الشباب كانوا يسوون مغامرات ويقفون أما ألسيل ثم يقبل سيل الوادي يتقلب مثل الجمال أو الصخور العظيمة وكانو الشباب يركضون والسيل يلاحقهم وأحنا نتفرج مستمتعين بالمنظر وهول المصيبة فيم لو لحق عليهم السيل وجرفهم . وبعد العشاء نشاهد الماء قد أرتفع وصار بطن الوادي والمزارع في مستوى واحد ونشاهد خطوط ضوء الكهرباء على سطح الماء تسوي بريق جميل وليوم الثاني ينحسر الماء ويصير في نصف الوادي فنخرج أحنا يابنات ونسرح نتقشش والقشاش هو الحطب اللي يجيبه السيل من الجبال أعواد عتم وسمر وطلح وقرض وشث وكل شي يجده السيل في طريقه يجيبه وأحنا نأخذه . وإحيان يتفقون عليه ويجون يزاعمونيه ويصياحون فوق راسيه أليين أبكي وأغدي أرقد أما أنت هنا يالعندليب تكسر الخاطر لكن أخاف أن العكس صحيح أخاف أنك أنت ماتخلي البنات ينامون ماغير تقلب فوق روسهم الين تطفشهم ثم يقومون يدبغونك شي طبيعي. العندليب بيض الله وجهك في هذه الفسحة الجميلة الرائعة التي أخذتنا فيها إلى قريتك القديمة وماصار فيها من أحداث مثيرة أمتعتنا بها ألف شكر لك وتقبل مروري . التعديل الأخير تم بواسطة نسيم السروات ; 13-11-2009 الساعة 12:14 AM. |
||||||||||||
12-11-2009, 02:44 AM | #78 |
.
|
رد: تم افتتاح مجالس نسيم الشعبية تفضلوا ....
أشوف المجلس بدأ يأخذ رونقة .... وتثقل سوالفة
وتخدر براريده ،، صور رائعــة من البرنسيسة ، وسرد رائع من العندليب .... ما شاء الله ، وحضور وإجتهاد لكل من تخطرفت كراعينه في هذي المجالس ، بورك في الهمم ،،، خارج النص حتى انتم يا بني عدوان تقولون عبلي بمعنى أعطني كنت اعتقد بس أهل بيدة ( معلومة جديدة ) في نحـر النص المجالس الشعبية التهمت كل النصوص و الصور التراثية بشكل مبعثر !! !!!!!!!!!!!!!!!!!!!!!!! |
13-11-2009, 01:50 AM | #79 | ||||||||||||
مراقبة التراث وسوالف الاولين
|
رد: تم افتتاح مجالس نسيم الشعبية تفضلوا ....
كت كاته وش بلاك أنتي والبنات طبيتو علينا فجئة من فين جايين . ترا عرفتك أنتي والبرنسيسه اللي واقفين على اليسار وتأشرون بأصابعكم صح ؟ أعترفي بسرعه كت كوته تسلم أياديك على هذه التحف الجميلة التي أتحفتينا بها . الله يعطيك ألف عافية غاليتي. |
||||||||||||
13-11-2009, 02:21 AM | #80 | ||||||||||||
مراقبة التراث وسوالف الاولين
|
رد: تم افتتاح مجالس نسيم الشعبية تفضلوا ....
أختي دمع الأحزان تسلم أياديك ياغالية على هذه التحف والمقتنيات الرائعة من تراثنا العريق والله ماقصرتي يايخته فديت عمرك وأبشري بهدية متواضعة من عندي وهي : حبتين رمان(ن)جبتها لك من عقلتنا في الوادي . وأفقشيها كذيه وكليه بالهناء والعافية : هيا أتركك تأكلين رمانتك وأنا باروح أرحب بباقي الأعضا وأرد عليهم . استودعك الله . |
||||||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : تم افتتاح مجالس نسيم الشعبية تفضلوا .... | ||||
الموضوع | كاتب الموضوع | المنتدى | مشاركات | آخر مشاركة |
بعض من الاكلات الشعبية في الجنوب | الهيثم 07 | الطبخ | 21 | 15-10-2009 11:18 PM |
الموروثات الشعبية في بلاد غامد وزهران | علي المفضّلي | الموروثات الشعبية | 24 | 24-11-2008 11:58 AM |
الساحة الشعبية | ميلانو | مجلس دوس بني علي | 12 | 13-10-2008 02:18 PM |
الالغاز الشعبية | الشبل | الإستراحة | 13 | 25-06-2007 06:57 PM |