قصتي مع الهيئه ...!

[فيلسووووف السويدي]

السلام عليكم كلام الاخ صحيح هاذا السوق بذات فيه افرد من الهيئه لا يخافون الله حصلي موقف في نفس السوق وانا كنت بصحبة شايب من اخوياي بالدوام وكنت في وضع مشبوه ولاكن كتب في المحضرشي ماسويته اول شي السوق عائلي وفيه لوحات بس صغيره ومعلقه فوق في السقف ولا احد ينتبه لها وانا ماكنت ادري انه عائلي الا بعد ما مسكوني الهيئه بعدين مسكوني وانا اكلم جوال وطالع من السوق وسلموني قسم البطحاء بمحضر طويل مكتوب فيه يطيل النضر لنساء ويعتمد الالتصاق من الخلف ويسب رجال الهيئه وكنا سته انفار وكلنا نفس المحضر ماعدا الاسم ورقم السجل وطلعت بواسطه وكان العسكري الي في القسم يقول ان ذولي يتبلون الخلق كل المحاضر الي تجي بنفس الاسلوب يعني تبلي سويت ماسويت تاكلها في لحيتك والله اني ماكرهت الهيئه الا بسبب هاذي الحركه بعدين المطوع عليه كف تقول خف بعير من زود النعمه لو تقول ماسويت صفقك واحد خلاك تضيع القبله ههههههه انا ماكره الهيئه بس حركاتهم البلاهه تكره الناس فيهم بس لو يحطون ناس جامعيين ناس عندها اسلوب ناس ماتتهم الناس بالباطل وحن مع الهيئه مو ضدها وتقبلو مروري

[فهد بن عدوان]

ههههههههههههههههههههههههههههههههههه

بيني و بين الأعضاء و الزوار ( تستاهل يا أبو صالح أنت و بن عمك أن كانه اللي في بالي )



عموما الهيئة بشر و ليسوا معصومين من الخطأ ولكن الحمد لله لولا الله ثم الهيئة كان شفت بلاوي


وفق الله الجميع الى كل خير



تقبل ودي و أحترامي






تحياتي
أبو جود

[همتي امتي]

علمتك علمتك علمتك
ثقافة النت لا تصلح في الاحكام الشرعيه
لان العلماء حرروا المسائل من الادله وليس من حوار المنتديات
عموما لن تفهم كلامي ولا يجب فهمه عليك لان العلم الشرعي اذا قام به الكفايه سقط الاثم عن البقيه لكن المشكله لا تدخل نفسك في تعاريف وفروق لن تدركها الابالعلم الشرعي ولا تكن مثل من يقول افتان انت يامعاذ ويترك ان النبي صلى المغرب بالاغراف
فلا تاخذ النصح والتوجيه والترغيب وتنسى ان اعلى درجات الانكار التغيير باليد
قصتك لا تهمني بتاتا وان كان بودي انهم لم يجلدوك لاني احسك صادق لكن هم يمكن شافوا منك ما يريب لكن يهمني عدم التطاول على الاحكام الشرعيه بثقافة النت

[البصيلي]

اقتباس: المشاركة الأصلية كتبت بواسطة العندليب      ص/ مع التحيه لبعض أعضاء منتدى زهران ..

والباقين نستهم ؟؟؟؟

[عبدالله العلي]

ياعــــــــــــم ..

حالة ..



الله يعين ..

[كبريآء ملكـ]

معقوله مآ آنتهت آلفصه للحين !

[SHAMI]

يارجال ياما صار من الهيئة مواقف حتى من كثرها نسيتها
لكن مااقول الا حسبي الله ونعم والوكيل والصراحه وجودهم في الاسواق مالها داعي
والمفروض يتعاملون بلبس البنات اول لان المحتشمه ماراح احد يتعرضهاابد
لكن وجودهم مضايقت الشباب وبس وموضوعك قهرني صراحه 15 جلدة بلا سبب
الله ينصرك عليهم
وتقبل مروري وكلامي مدري فهمت منه شي والا لا
لان تعرف مواصل وابغى انام وكذا

[الوسم]

ياناس ياعالم
الامر بالمعروف اولا والنهي عن المنكر ثانيا واجب على كل مسلم
اما الهيئة فأتمنى ان يتغير المسمى هي والقضاء ليتم رفع الحصانة الدينية التي يتمتعون بها وكفاية
تسمى تحت اي مسمى ليتمكن الناس من اخذ حقوقهم اذا تم ظلمهم
اما التسلط باسم الدين فهذا ماكرهه الناس فيهم000
اذا طالبتهم قالوا تصور ان الممسوكة اختك او بنتك او زوجتك ؟؟؟؟
بينما لايمكن قلب السؤال على السائل ؟؟؟
يعني تصور ان الممسوكة اخت او بنت او ام او زوجة رجل الهيئة000عندها لايجوز لك طرح السؤال وكأن العصمة
تمنحهم وتحرم غيرهم00
هذا الجهاز يجب ان يطور ويتغير مسماه من الحسبة والهيئة ويتخذ سلطة ليكون من حقهم التفتيش
بنظام ومعاقبة المسئ ومحاسبتهم حين الاخلال بمهنيتهم لانهم يمسكون سرى عند الصراف يعني لهم رواتب
فمن حق الجهات الاخرى الرقابية محاسبتهم 000واعتبروهم مثل الاطباء يخطئون ويصيبون
اما بعض افعالهم ونبررها انهم بشر واهل حسبه فبلاشي منها وشبع الناس
من الذين يستغلون العاطفة الدينية للتسلط او القهر00000
اما سوق القصمان - انا مااعرف عنه شئ - للعوائل فوالله عيب عيب عيب الا اذا كان الباعة فيه نساء000
اما البايع يماني وبنقالي ولبناني ونقول سوووق عوائل000ضحك على الذقووون
يعني البائع مخصي00000كفاية000كفاية
===============
الوسم

[عبدالله الخزمري]

بالنسبه لي انا لو طلبوني اثباتي والله مااعطيهم حتى يبين لي التهمه
ولا راح اعطيه الاثبات ...

لا والجوال بعد ؟؟؟؟؟؟؟؟؟؟؟؟؟؟؟؟؟؟؟؟؟؟ ياخي الى متى يتم توظيف خريجي السجون في الهيئه

المفروض يوظفون جامعيين وناس مثقفين وعلى خلق عالي حتى تتم الغايه من هذا الجهاز

ولا يقفلونه احسن من سؤ السمعه اللي كاسبينها الان

والله حكني ظهري تضامنا معاك اخي الكريم ...

[المرباوي]

اخي الكريم : العندليب

بادئ ذي بدء ، يقال في الأمال (يابخت من نام مظلوم ولا بات ظالم )
فليكن عنان قلبك التسامح كما عهدناك وكن متيقننا ان اللع لايضيع حق عباده ، ولكن تأكد مثلي ومثل الجميع الموافقون لرأيي المؤيدون لكلامي ان هذا الجهاز لو اعطي لأناس شهادتهم في الدنيا الحق بدلا من البكالريوس وخبراتهم في الحياة أخلاق الرسول وصحبه الكرام لكنا بخير ، لو ان كل شخص كان بداخله مثل هذا الجهاز من الامر بالمعروف والنهي عن المنكر لما اصبح مثل هؤلاء اليوم ممن ينتظرون اخر الشهر ليقبضوا وليس ليصلحوا الا من رحم الله هم المصدقون الحاكمون .

همسة ................ اعتقد ان القصة الواردة من العندليب كانت استشهاد ولنا كانت دليل وعظة وليست تهمة ونحن نصدر الأحكام

دمتم بود جميعا