*** تعالوا نتهرج بسواليف الأولين ***

[الســرف]

ياعيال وين لقّت نسيم ؟

تعالي بتهرج معك

البارح حضرنا قرى ومابغيت اعوّد عند كهلتيه

يوم قربنا من المحضر ومعنا عرضه مانبغي ندخل بعروسنا والدنيا سامطه

وسمعت صوت الزير وششت

واخذ المقمع واحشاها بالبارود واتقدم قدام العرضه وارقص وأثوّر البندقه ولاحسيت بنفسي الا وانا منقعر قدام الله وخلقه وقلت في نفسيه

تلمحي في ذا المقطع

[نسيم السروات]

اقتباس: المشاركة الأصلية كتبت بواسطة بـ ـروٍوٍوٍق      السلام عليكم والعون وش اصحبتي يانسيم كف حالك كف حال سوفانك وش منهم نجحو والا بعد ماشاء الله تبارك على ذا البيت معكم يهول هوله الله يعطيكم خير ويكفيكم شره اهيه ماهلى مريت احيي عليك بغدا افلح معي محانكه في الاستراحه امحي ذلا وش سوو فينا هوي وش معهم غزلوا بغدا اشوف لي حل

حيا الله بروق الله يصبحك بالسعادة يافرختية

وأبشرك سفاني كلهم نجحوا كلهم اللي جاب منتاز واللي جاب جيد جهدا ولله الحمد

وشمعك مستعجلة خلي مقاحرة أهل الأستراحة والله مامعك منهم فكة يحبون يقاحرون النسوان

مهلا معهم جكرة منهن ضعايفن والحل عندية أنكن تأخذن جيلون قاز وتصبنه من طواريف دكتهم

وتولعنه فيها بذاك الكبريت وتخلصون منهم مرة واحدة كذية أحسن شي .

هيا روحي وسوي بنصيحتي وتعالي تهرجي معنا الله يسعدك .

[نسيم السروات]

اقتباس: المشاركة الأصلية كتبت بواسطة الراس الصغير      تشوفين ذلايه اللي يلفون بروسهم ويسون كذيه ذولا منتقدينك يقولون كيف تذبحين كلبن وتطبخينه وبعدين تقولين باعوضك يا قحم عندل بذبحلك الخروف اللي جابته نسيت انساه وذاحين اخلفتي هروجك وتقولين باخليه ضحية في عيد الأضحى أن شاء الله وشمعك انتي انتي صاحيه تذبحين خروف يسوى مليون ريال هذا الخروف ماهب للذبح وألاكل هذا نادرماتلقين كماه فرصة دسيه لاحد يشوفه عقلك نانخه تذبحين خروف يسوا له مليون حتى شكل هذا الخروف انه غالي باين عليه ترا صرت اعرف اميز واذا جاك التيس والا الخروف راسه مفلطحن فهذا المطلوب = من 200 الف الى 500 الف يقولونه

أقول الله يصلح حسابنا يالرأص السغير وشمعك فضحت بيه أصه ياشيطان لا تذكر القحم عندل

كلاميه كان فكة مقعد خفت منه يزيد يهبدني بتاك العصاة معه حقد عليه من يوم طبخت له كلب الهجمة

وأنا وش ذنبيه كلها من السواداني عطوي بقعا ذبح الكلب يحسبه الجفر وأنا طبخته مادريت لكن والله يالقحم

عندل أنه أصقر من الحدادي نقد على المرقه وشكل اللحم يقول معي فيه نقده ألمح معي فيه نقده خيبه الله ياصقره

صقراه لاكان واحدن غيره كل اللحم وشرب المرقة ومادرى وش السالفه .


وأنت مجدك يالراس الصغير أن الخروف ذاك يسوى باللأف أتعيا وشمعه بقامة السوداني حقنا وأنا أقول

ياربيه وش ذيه المخلوق العجبه .


هيا أشتره منيه يالرأس الصغير ولا تغشنيه فيه أعطني حقه بالكامل أهو لك بمليون مثله مثل مزايين الأبل

وش زادت به عليه على الأقل لحم الخروف أحسن من لحم الأبل هاه وش قلت فكر ورد عليه ولا يدري قحمية عتيق يزيد

يسمع بالدراهم ويطمه فيها .

[نسيم السروات]

اقتباس: المشاركة الأصلية كتبت بواسطة كت كاته      ههههههههه الله يساعدك زمان مادخلت مجلسك انشغلت باقسامي كنت قريبة من قسمك قلت خليني آمر واسلم على نسيم واشوف مجلسها لقيتك تعبانة قلبي عليكِ واقولك تستاهلي مخلية بيتك فندق وتستقبلي الضيوف وتطبخي لهم وماشاالله اكلك طعم ولذيذ وكمااااان ماينااادوك غير ياكهلة مافي تقدير خخخخخخخخخخخ لو انا مكانك اكثر ملح في الاكل واحط فلفل والقهوة احط كمون بدل البن يحرمواا يجوا عندك راح يقولوا الله يخشعها ويخشع طبخها يعني لازم اعلمك ماتتابعي المسلسلات وتشوفي مكر الحريم خخخخخخخخخ شوفي مسلسل خالتي قماشة على قناة .......... خلي سفرتك زي كذا فاااااضية غير من قهوة الكمون ربي يسعدك نسيم

هلا وغلا بكت كاته يامرحبا مري كل يوم يايخته من جنبا وعدي عليه في مرورك

والله أنك أعز من يجي فديت البدية .


الله يسعدك في تاك النصائح والله عزمت أخذ بنصائحك كلها وأبشرك من يوم سمعوا

القحمان أن راعي الغنم حقنا السوداني ذبح كلبن يوم جانا القحم عندل كلهم أبشرك شردوا

حتى القهوة كرهوها وماعد إلا يتهرجون ويروحون مايطلبون لو الماء ولو سمح الله عودوا

كما أول مالهم إلا من حوج القهوة بفلفل حار يقطع حناجرهم والعصيدة باسويها بطحين مضاف

له سمنت أبيض عشان تيبس جوف كراشهم وما عاد تندر


شوكرا ياكت كاته على أهتمامك ونصائح الجميلة.

عسى الله مايحرمني منك .

[نسيم السروات]

اقتباس: المشاركة الأصلية كتبت بواسطة الســرف      ياعيال وين لقّت نسيم ؟ تعالي بتهرج معك البارح حضرنا قرى ومابغيت اعوّد عند كهلتيه يوم قربنا من المحضر ومعنا عرضه مانبغي ندخل بعروسنا والدنيا سامطه وسمعت صوت الزير وششت واخذ المقمع واحشاها بالبارود واتقدم قدام العرضه وارقص وأثوّر البندقه ولاحسيت بنفسي الا وانا منقعر قدام الله وخلقه وقلت في نفسيه تلمحي في ذا المقطع

أسلم أسلم يالسرف نسيم معك تسمع للهروجحياك الله .


هويه يايبه وشغداك كما المصروع تثور قدام العراضة تقول أنك بواردي يالله الصلاح منك

بغيت تغدي من دهائكها معك غمارة وزعمه ماتدري وين تحط رجلك .

أقول الله لا يفضحنا في تاك الطيحة أظن خوشك أنكسر بقوف تسوي ياتعنني أعرف أثور

تحمد ربك ما ثورت في رأس مخلوقن ونثرت دماغه فوق الصعيد ، هيا أعقل أعقل فكك من الغزله

والخفه , وترى العافية أدنى مالها ..

[نسيم السروات]

اقتباس: المشاركة الأصلية كتبت بواسطة ناحت الصخر      لاتعليق

شكرا على المرور .

[نسيم السروات]

اقتباس: المشاركة الأصلية كتبت بواسطة قلب العنا      سلام يانسيم والعون ياغلة الغلال ماشاءالله تبارك الله يحجب عليك الله من عين كل حاسد في تي الافكار ىافرختيه انيه تلمحت في كل مولفتيه انتي والنشامى النشميات والله انهاسوالف رجعتني الى ماقبل 40 سنه وفقك الله ووفق كل من شارك في مواضيعك الناجحه في هذا المنتدى الشامخ تحياتي لك ولجميع الاعضا الكرام

وعليكم السلام ياربي حي من جاء ومن لفاء .

عمي قلب العنا وصل بعد غيبه طويله والله أن عشاك عندنا الليله

وقحمنا هبط السوق ووصانا نرشق عشاك من بدري عد حياك الله

لين يجي عتيق يتهرج معك وأنا بغدي أجيب القهوة تتقهوى .

صب القهوة ياعثمان لعمك قلب العناء.




وهذا عشاك وسامحنا على القصور قدرك أكبر من ذا ياعم .تفضل حياك الله .





والله ياذاك المفطح أن شكله غريب كنه قطعة عصيدة >>>>>نسيم تكلم نفسها .

الله يفضحك ياذاك السوداني معنا ماقد جاب خير


مدري كيف قال بالذبيحة وخلاها مدغولة تاك الدلائل

هيا أن شاء الله أن ضيفنا ما يلاحظ شي .

[نسيم السروات]

اقتباس: المشاركة الأصلية كتبت بواسطة &&إيمار&&      صالحه وش تسوين فوق الرعش اندري استندروعينك من جوف راسك والله لو يشوفك ابوك ليعبالنا ضيعه

علينا ذكر الله وش تيه المناذير مع المغرب

وشنتي ياتيه المخلوقه والله أنك نكره عليه لكن حياك الله يانفدا من بدا

ومن لفا عدي حياك الله .

أشا بنات قمن سوين قهوة وخبزة مقناة لضيفتنا إيمار دوبها وصلت .

[نور الجنوب]

الله يسعدك يانسيم في هروجك تهول
والله ان موضوعك ماشي كماه لاكن الظروف ماتخليني ادخل المنتدا
ادعيلي يا شيخه نسيم يقولون دعاكي مستجاب
شيخه نسيم لاتنسيني من دعاك

[قلب العنا]

البقا يانسيم وانا عمك حمارتيه ربطها جنب رباعكم تيه جنب البيت دخيلك واناعمك حطي حلسهاواعبيلهاعلفن الله يعطيك العافيه
وعتيق ربه تقدم لسوق السبت اقول اقول وانا عمك بغيت قدام اقلط على العشا ابدي من فوق الرعش المح في جرون معكم تلقانيه يوازم
بغى يشلحنيه امانه انه اعجبنيه اقول وانا عمك منين جابه عتيق \قلب العنا يكلم نفسه
لااعوذ بالله من الشيطان انيه احسبت ذا الخروف كلبن والعطوي ماعد امنه يوم سوى ذيك القصه في ذاك الضيف جاء عند عتيق
اشا نسيم ويي راس الخروف نسيم نسيم وانا عمك بالله وريني مكان ماذبحتم الطلي ووريني جلده وراسه
\قلب يكلم نفسه اكل والا ماكل الجوع في بطنك ياقلب العنا وانيه مدري لايكونه كلب جيران نسيم ورجالها عتيق ياتيه المصيبه ان كلت مصيبه وان ماكلت شرهه من عتيق الله يمحقك ياذا السوداني اقول بدعي نسيم تاكل معيه من العشا \نسيم نسيم يقول من حب ضيفه كل
معه وانا حلفت ما يسن عليه عشاكم الا بعد ماتردين تاكلين معيه من جوفه