منتديات زهران  

العودة   منتديات زهران > المنتديات التقنية والرياضية > الإستراحة

قصه الزير سالم بلهجه الغربيه


الإستراحة

إضافة ردإنشاء موضوع جديد
 
أدوات الموضوع
  #1  
قديم 11-08-2008, 11:33 PM
مراد الحريري مراد الحريري غير متواجد حالياً
 






مراد الحريري is on a distinguished road
افتراضي قصه الزير سالم بلهجه الغربيه

بسم الله الرحمن الرحيم











السلام عليكم ورحمة الله وبركاته



قصة الزير سالم:

يااولادي دحين بقلّكم لمن ألتقى الواد جساس بالحونشي داك الي شايف نفسو مرة الي اسمو كليب..



خدو الرواية:



كليب كان ماشي في برحة مرة كبيرة ومافي ناس ولا في احد جنبو .



والواد جساس بصراحة خلبوص شويه وجبان ..لأنو استغل وجود الحونشي كليب لوحدو..



المهم عمنا كليب ماشي بامان الله وقاعد يشم شوية هوا وبعيد عن رجةالبزورة والبيت ومشاكل عيال عمو وقلق الناس الي عندو...



المهم جا الواد جساس وقلّو: انت يا كليب



طبعا كليب ادالو اشكل مارد عليه ولا ادالو وجه



قال جساس: انت يا كليب رد اشبك انا قاعد اهرجك ياهووه



وداك مديه اشكل وربي ولا هو معبرو



جساس: شوف ياكليب..انتا كسرة الماصورة حقتنا ولا خليتنا نشرب مويه



لا نحنا ولا غنماتنا ولاجملاتنا ... وكل هادا ونحنا ساكتين



وقلنا عيب مو مشكلة دا برضو ولد عمنا ومن لحمنا ودمنا... وكبير العيلة



لكن انك تفرد عدلاتك( عضلاتك )علي الجمل حقت خالتي (البسبوسة)وتقتلها كمان؟



لا حبيبي دا مو كلام رجاجيل وألّي انتا سويتو غلط في غلط



مو عشان سكتنالك تحسبنا خايفين منك..نحنا احترمنا صلة القرابةالي بيننا



وقلنا هذا( بو رحم )ومننا و فينا بس انتا بالمرة خبصت أم الشغلة.



ومع كل دا الكلام والحونشي عمنا كليب مديلو اشكل بقوة ، ولا كأنو في احد بالمرة.



جساس صرخة بصوت عالي مرةانت يا كلـــــــــــــــيب ياخي رد عليّا ايشبك ،اتبكمت والا ايش؟



انا عارف انو ما تطالع وراك الا ازا كان فيه بشكة اقل شي اربعين راجل...



كليب طبعا رد وهو لاوي بوزو ، ويعني اٍنو قوي مرة.. وقال:لا يا بويا غلطان ،أنا ما ارد إلا لمن تكون البشكة 50 راجل.



ساعتها الواد جساس جسمو تكهرب شويه بس سوى فيها انو ولا همو



وداك عمنا طنش وكمّل مشيو مع الحصان حقو المهم الواد جساس طرطع وقفلت معاه وركبو 100 عفريت..



وفي لحظة غضب الواد جساس طلّع الرمح حقو..ورماه علي عمنا كليب وغرزو في ظهرو ..



قام يتألم ويتبكبك الحونشي كليب وقعد يصرخ بصوت عالي كأنو بعبع(وحش ) ...



الواد جساس قال: ياواد ما يبغالهاالا افركلهاواشرد لا يجي احد دحين والا يجي الزير ويسويلنا قلق محنا فاضيلو دحينا، وهاتك يا فكيك دق سلف بالحصان حقو ونمر لها..



اما عمنا كليب حالتو صارت حاله ، قام يزحف علي بطنو شوية لمن وقف علي رجولو ويمشي والرمح معلق بظهرو ، لمن التقى بواحد بدوي حق غنمات ... لمن شافو البدوي انفجع



وقلّو: مو انتا عمّنا كليب ،اشبك كدا؟ ... ايش صار فيك ياعمنا ..



رد عمنا كليب على البدوي وقلّو: روقنا ياخي ، مو وقتو ، ما تشوفني مغرق بالدم وانتا لسه تسال؟



.ياخي جيب لي شوية مويه ابغى اشرب ياواد...



البدوي صاحبنا جبلو مويه وشرّبو .



كليب: اسمع ياواد انا غدر بي الواد جساس واكلني الرمح حقو بظهري من ورى ...



والي خلق امك لو انو كان من قدامي كان عرفت اتصرف معاه ...



لكن هو رمه وجبان وخيخة وجايني من ورى لكن مو مشكلة انا اعرف اجيب حقي...



حتي وانا ميت ورايا رجاجيل ما تترك حقي يابويا.



وقال كليب للبدوي: حكتب لك وصية تخليها حلقه بودنك وحكتبها علي الجدار دا بدمي



( لانو ماكان معاه قلم ولاورقةولا حاجة يمكن نسيها في البيت )...



ولازم اخوي سالم الداشر يقراها...



وبعدين الله يخليك تسوي معايا معروف انك تقتلني بعد ما اغلق من القصيدة ...



قبل ما يعفن ظهري وتصيبني الغرغرينة ( سلام وقول من رب رحيم(



قلّو البدوي طيب.



وبدا ابو الشباب يكتب الوصية:



وهي كالاتي:



اول بيت يقول: استغفر الله اله العرش لا يعبد سواه ...



وتاني بيت يقول: الملك لله رفع السماء وبسط الارض ...



وتالت بيت يقول: لاتنسى اليتاما وتخون العهد يادب ...



ورابع بيت يقول: الله اكبر علي الظالم المفتري الغدار اصحك تسيبو او تسامحو



وخامس بيت يقول: جساس خمني وغدربي وطالع على الجرح بظهري وتعرف ...



وسادس بيت يقول: الزير اخويا اعرفو قوي وشديد يمرمط العدوين ويشلفطهم شلفطه...



وسابع بيت يقول: يا سلومي يا ابو السلالم خليك راجل وبطلك حركات البزورة



والبيت الثامين يقول فيه: شوف ياسالم لا تخلي ولا احد منهم لاراجل ولا شيخ ولا عجوزة ولا حريم



واقتلهم كل واحد ومرتو حتى البزورة لاتسيبهم المهم فقّع ابوهم كلهم.



وتاسع بيت يقول فيه: لا تصالح اي واحد منهم وربي لو تصالح احد حأشتكيك لربي



وعاشر بيت يقول فيه: لو ما سمعت كلامي دا ولا سويت الي وصيتك عليه نتقابل عند قاضي القضاة رب السموات والارض.



المهم بعد الهرجة هذي صاحبنا البدوي راعي الغنمات كمل علي عمنا كليب حسب طلبو



المهم الهرجة دحين وصلت لحارة كليب واهلوا عرفوا بالهرجة كلها وطبعا



اخوانوا سووا فيها كيف وما كيف ومن الكلام دا...



ونحن نفعل ونحنا نسوي وحقنا مايروح لو علي شواربنا ومن الخراط هادا.



المهم



راحوا عند بيت عيال عمهم وتقابلوا مع ابوهم يعني قلك يسون مفاوضات...



وهادا بدال هادا وما ادري ايش المهم مااتفقوا وقالوا خلينا نشوف الدب الداشر سالم ايش يقول؟.



وبعدين صاحبنا سالم كان سكران مع ولد عمو همام (ابو رحم) يعني رحيمو ... تعرفون كانو داشرين حقين شراب وبنات وكباين وشاليهات ومخلينها خل وطرشي



المهم ارسلو واحد يقول لهم الهرجة وجا الراجل الي بيقولهم الهرجة ، وكان الدب الداشر(الزير)



سكران مقربع مزبوط ومأجر السقف العلوي بالملحق كمان ... وطل همام وعرف الهرجة,



وفجأه طلع لهم الدب الداشر وقال:ايشبكم ياهووه ايش الهرجة قاعدين تتوشوشو علي ايش؟ ...



احس انو في شي بس ما تبغو تتكلمو ...بنت يا ضباع ايش الهرجة؟



المهم العالم خافت وقامت تنفض من الخوف... سحبو همام وقالو ادخل جو ونتفاهم ...



مسكو من صدرو قلّو ياهو ايش الهرجة قلبت راسي وفكفكتها معايه وانت عارف انو مرووقين وشاربين



قلّّو همام شوف: لو قتلوا اخوك كليب... ايش تسوي؟



قام ضحك الدب الداشر(الزير) الا شوي كشر بوجهو وقلب قارورة العرق وخلاها تقطر شويه شويه...

قلّو شاييييييييف هدا العرق كيف يقطر؟



طالع همام مستغرب



قلّو لا تستغرب ياواد ... لو قتلوا اخويه انا اخلي دم اخوي وكل قطره من دمو براس رجال من قبيلتهم



وانتا شوف اخوي قد ايش عندو دم( بكاش الواد هادا الزير) المهم.



همام قال:ياهوووووه ما بدها خليني اديلو الهرجة والي يصير يصير:



وقلّو الهرجة .... والدب الداشر(الزير) سوا مناحة ديك الليلة



وهاتك يابكى وصراخ زي البزوره ..تعرف مع السكار والخبر الي مزفت ..



نكب الدنيا ...المهم قاعد يقول اشعار وتهديد وتخاريف ومدري ايش من الكلام دا حق السكرانين....

لمن طلع الصبح وصاحبنا نايم علي الدكة وحالتو حاله ...







ولد اختو من جد نذل قال لابوه:هيا نقتلو وهو سكران وفكنا من شرو



ابوه طرطع قلّو ايشبك انتا مجنون ؟ ياواد عيب دا خالك ... وسدحو بكلمتين وروق الواد.



المهم صبح الصبح وكل واحد يبغى يسري عند اهلو عشان يشوفون ايش الهرجة وكيف........

راح يدور البوكس بينهم( يعني المعركة ) وقبل مايمشون ...



سوا فلم هندي الدب الداشر وقرينو همام ...



قلك ماراح اقتلك وما ادري ايش وما ابغاك تكون خصمي يا همام ...



وقلك همام يقول لا ياهووووه كيف دولا أهلي وبرضو مااعتقد اني بسكت ... ومن الخرابيط هادي.



المهم كل واحد سرى عند اهلو...وقالوا بيننا البرحة ونشوف مين يغلب.



وباقي القصة يااولادي راح احكيكم هيه لما تنجحوا وتجيبوا الشهادة واقلكم ايش سوا ابو ليلى فيهم



ملاحظه اي استفسار عن اي كلمه نرجوا مراجعه العضوه كت كاته لألمامها الملحوظ بالهجه الغربيه

ـــــــــــــــــــــــــــــــــــــ
التوقيع
تحيه حب ووفاء لزهران عامه .
ونسأل الله أن يوفقكم جميعاً .
وأعتذر لكم عن الغياب.
وثقوا أنكم لا تفارقون تفكيري .
فأسمي مرتبط بكم .
....مراد الزهراني ....
أخر مواضيعي
رد مع اقتباس
قديم 12-08-2008, 01:02 AM   #2
شذى الريحان
عضو اداري
كبار الشخصيات
 
الصورة الرمزية شذى الريحان
 







 
شذى الريحان will become famous soon enough
افتراضي رد : قصه الزير سالم بلهجه الغربيه

هههههههههههه
حلوة الحكاية ورائعة
يعطيك العافية

ـــــــــــــــــــــــــــــــــــــ
التوقيع
أخر مواضيعي
شذى الريحان غير متواجد حالياً   رد مع اقتباس
قديم 12-08-2008, 01:21 AM   #3
alm7b
[مصمم جرافيكس]
 
الصورة الرمزية alm7b
 







 
alm7b is on a distinguished road
افتراضي رد : قصه الزير سالم بلهجه الغربيه

[align=center][bor=#060606]
اقتباس:

والواد جساس بصراحة خلبوص شويه وجبان ..لأنو استغل وجود الحونشي كليب لوحدو..



اقتباس:

طبعا كليب ادالو اشكل مارد عليه ولا ادالو وجه


اقتباس:

لكن انك تفرد عدلاتك( عضلاتك )علي الجمل حقت خالتي (البسبوسة)وتقتلها كمان؟


اقتباس:

ساعتها الواد جساس جسمو تكهرب شويه بس سوى فيها انو ولا همو



اقتباس:

الواد جساس قال: ياواد ما يبغالهاالا افركلهاواشرد لا يجي احد دحين والا يجي الزير ويسويلنا قلق محنا فاضيلو دحينا، وهاتك يا فكيك دق سلف بالحصان حقو ونمر لها..



اقتباس:

وهادا بدال هادا وما ادري ايش المهم مااتفقوا وقالوا خلينا نشوف الدب الداشر سالم ايش يقول؟



اقتباس:

قام ضحك الدب الداشر(الزير) الا شوي كشر بوجهو وقلب قارورة العرق وخلاها تقطر شويه شويه...



اقتباس:

ملاحظه اي استفسار عن اي كلمه نرجوا مراجعه العضوه كت كاته لألمامها الملحوظ بالهجه الغربيه


[align=center]
[mark=#FFFF00]
hahaha hahaha
الله يجازيك بالخير يامراد ,, وربي يوم قريتها ,,
كأني قاعد مع واحد من الهلاسين حقين جدة
مشاركة تستحق تكون سهرة الليلة ,,[/bor]الف شكر,,
[/mark][/align][/align]
alm7b غير متواجد حالياً   رد مع اقتباس
قديم 12-08-2008, 01:47 AM   #4
m7bcom
 
الصورة الرمزية m7bcom
 







 
m7bcom is on a distinguished road
افتراضي رد : قصه الزير سالم بلهجه الغربيه

هههههههههااااااااااااااااااايييييييييييييييييي




الله يجازيك بالخير


يامراد

ـــــــــــــــــــــــــــــــــــــ
التوقيع
أخر مواضيعي
m7bcom غير متواجد حالياً   رد مع اقتباس
قديم 12-08-2008, 02:50 AM   #5
زهوان
 
الصورة الرمزية زهوان
 







 
زهوان is on a distinguished road
افتراضي رد : قصه الزير سالم بلهجه الغربيه

ياواد انته ايه الابداع ده
شكلك ضارب منتو والافرموزه

ـــــــــــــــــــــــــــــــــــــ
التوقيع
[align=center] [/align]
أخر مواضيعي
زهوان غير متواجد حالياً   رد مع اقتباس
قديم 12-08-2008, 02:52 AM   #6
مـ ـخـ ـربـ ـهـ ـآ
موقوف
 







 
مـ ـخـ ـربـ ـهـ ـآ is on a distinguished road
افتراضي رد : قصه الزير سالم بلهجه الغربيه

ههههههههههههههههههههههه

طيب ما تهبلنا قصة الزير باللهجه الزهرانيه
مـ ـخـ ـربـ ـهـ ـآ غير متواجد حالياً   رد مع اقتباس
قديم 12-08-2008, 08:11 AM   #7
&طيف&
 
الصورة الرمزية &طيف&
 







 
&طيف& is on a distinguished road
افتراضي رد : قصه الزير سالم بلهجه الغربيه

شكرا عالقصه الممتعه

الأسلوب روعه

ياااااااااااااا الله متى أرجع للمدينة

ـــــــــــــــــــــــــــــــــــــ
التوقيع
اللهم ارزق والدي نعيم لا ينضب وملائكة رحمه تحيطه من كل جانب وبرزخ محمود ﻻ يمسه فيه عذاب ولا سوء
أخر مواضيعي
&طيف& غير متواجد حالياً   رد مع اقتباس
قديم 12-08-2008, 09:04 AM   #8
مراد الحريري
 







 
مراد الحريري is on a distinguished road
افتراضي رد : قصه الزير سالم بلهجه الغربيه

اقتباس:

المشاركة الأصلية كتبت بواسطة زهوان   مشاهدة المشاركة

   ياواد انته ايه الابداع ده
شكلك ضارب منتو والافرموزه


ياواد استحي ماضربنا اي حاجه انا فاضي للمراكز

اسعدني مرورك ياواد زهران
ههههههههههههههههههههههه

ـــــــــــــــــــــــــــــــــــــ
التوقيع
تحيه حب ووفاء لزهران عامه .
ونسأل الله أن يوفقكم جميعاً .
وأعتذر لكم عن الغياب.
وثقوا أنكم لا تفارقون تفكيري .
فأسمي مرتبط بكم .
....مراد الزهراني ....
أخر مواضيعي
مراد الحريري غير متواجد حالياً   رد مع اقتباس
قديم 12-08-2008, 09:06 AM   #9
مراد الحريري
 







 
مراد الحريري is on a distinguished road
افتراضي رد : قصه الزير سالم بلهجه الغربيه

اقتباس:

المشاركة الأصلية كتبت بواسطة مـ ـخـ ـربـ ـهـ ـآ   مشاهدة المشاركة

   ههههههههههههههههههههههه

طيب ما تهبلنا قصة الزير باللهجه الزهرانيه



مخربها هذي ياغالي في راسك نبغاها منك

انه عقلك اللي يدق في جدار الرس بقوه هو اللي دمرك هههههههههههههههه
عجبني التوقيع الاول حقك
مراد الحريري غير متواجد حالياً   رد مع اقتباس
قديم 12-08-2008, 09:08 AM   #10
مراد الحريري
 







 
مراد الحريري is on a distinguished road
افتراضي رد : قصه الزير سالم بلهجه الغربيه

اقتباس:

المشاركة الأصلية كتبت بواسطة كت كاته   مشاهدة المشاركة

   هههههههههههه
حلوة الحكاية ورائعة
يعطيك العافية


الله يعافيك
مراد الحريري غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه للموضوع : قصه الزير سالم بلهجه الغربيه
الموضوع كاتب الموضوع المنتدى مشاركات آخر مشاركة
زهران وغامد ونسب الزير سالم لهم !!!!! زهران وللعز عنوان تاريخ زهران 23 23-09-2008 10:45 PM
قصة الزير سالم عراب زهران المنتدى الأدبي 3 14-09-2008 05:36 PM
الزير سالم يقول في كليب الأغبر2008 دواوين الشعر الجاهلي 4 01-06-2008 06:11 AM
(( واحد حضري يحكي لأولادهـ قصة الزير سالم )) العطاوي الزهراني الإستراحة 10 01-05-2008 09:52 AM
الشعر الجاهلي / ديوان الزير سالم تأبط شراَ دواوين الشعر الجاهلي 9 29-03-2008 01:41 AM


الساعة الآن 05:54 PM.


Powered by vBulletin
Copyright ©2000 - 2024, Jelsoft Enterprises Ltd.
جميع ما يطرح في المنتديات من مواضيع وردود تعبر عن رأي كاتبها ولا تعبر بالضرورة عن رأي الإدارة
Copyright © 2006-2016 Zahran.org - All rights reserved