هروج العصرية فوق الرعش و تحت الفية ....

[نسيم السروات]

اقتباس: المشاركة الأصلية كتبت بواسطة منبع الطيب      يانا فدا من بدا الله يسعدك يا نسييييم على هالموضوع والله انك غله وصقره .. تعرفين كيف تعبين لنا هرجه ودرجه بقسمك يانا فدا خبزتك المقناه ولحسة عيش جمره والله انها لها طعم غييييير بالديره وما ادري ليه يتغير طعمها اذا سووها بالرياض ان كان عندك عبيله ولاَ مطجَن ولا معرَق فعبيلنا منها الله يعبالك عافيه خلينا نتلطف انا والقحمان شويه تحت الفيَه .. (عند المغربيه ) >> صارت اغنيه هذي لنا عوده >> تعودون له يسلموووو نسيم وثانكس ع الدعوه

يامرحبا تراحيب السيل عد عد شرقا شرقي البيت القحمان قبلك جالسين تحت الحماطة يتهرجون

كن معهم طلبه ما أسمع يكون هواشهم الله يستر لا يقومون على بعض مابي إلا قحمية عليه عنه

جهده قليلن وشوفه ماكثر أخاف يدهفونه قحمان الشعف وهو مايقدر فيهم دخليك يامنبع الطيب أنك تساعده

وأبشر بذاك اللطف مشرقن وبراد شاهي وطاسة سمن بالعسل أهم شئ تلمح لقحمنا ما يضربونه المتفقعين .

[الراس الصغير]

اقتباس: المشاركة الأصلية كتبت بواسطة sam      شوفي وانا عمك أنا هبطت سوق الرومي وأستعرت حمار عميه عطيه قلت بشتري لي شوية مقاضي وحنى للمعزبة عندي واحدة عفريته كل اسبوع وهي تتحنى لمناسبة ومن غير مناسبة مدري وشمعها أظن في دقنها خبر ,,,وشريت لها قلادة ظفار إذا تزاعلنا سحبتها منها وإذا أرضتنيه أعطيتها أياها ونحن على تياعك المهرة . المهم يوم هبطت السوق كان معي ولدي المفروح مامعه من عقله نتفه ,, كان معنا ماطور حق ماء تونا اشترينا أبليس من السوق ودنا نسقي الساقية بدل الغروب ذبحتنا هي والثيران ,, قلنا بنبدلها بالماطور لكن الولد الله يخره راح شغل الماطور وهو على ظهر الحمار قلت ليش؟ قال المح نبغي نفحصه نشوف شغال ولا لا ماهلا شغله وينقز حمار الشيطان والنجدة وراه والولد وراه وقف يا حمار عمي عطية ,, ابا يوقف وتصدقين وين وقف شرب من السد ذاك في بيده واندر مع خواته اسفل الوادي وماطورنا فوق ظهره شغال والله مازدنا رجعنا إلا على ارجولنا وقلنا بنعلن عنه في الجريدة ونكتب أوصافة وسنه ولونه والماطور إللي على ظهره لأنهم علمونا أهل ذيك الديرة أنهم شافوه وأظنه راح تربة البقوم الله لا يرده وهم خرعوا منه يحسبون دركتل شغال بدون سواق . دمتي يا كهلتنا العظيمة وأنتي عظيمة في كل شيء حفظك الله ورعاك .

ههههههههههههههه

الله يسعدك ياشيخ قول امين
والله اني اقراء واضحك

خيالك واسع
خليت الحمار يصل تربة البقوم هههههههههههههههههههههه
والماطور فوق ظهره



اتخيل الموقف واضحك

[عبدالرحمن الخزمري]

بارك الله فيكِ وفي جهودكِ

الجدة نسيم
أثر فيه هروج هنيه ماتدعونيه والله بحق وفيها قبائل
يانا دفعتكم باجبلكم من الشيبان هروج لأنهم خبرة أكثر من 50 سنة...

[يحيى محمد الزهراني]

اقتباس: المشاركة الأصلية كتبت بواسطة نسيم السروات      اما ذلحين دوبه قرررررررررة المجلس يوم جيتي يانور والله ما تحلا السواليف إلا بك أنتي وعطية يارب يحيكم الشفاعة لا عد ما ارسلت لك دعوة وانا سربت بنتيه لبابة عليك تدعيك للقهوة وطردها عطية من عند الباب بغى يأخذ عقل بنتي جتني معها كما الخرعة تقول عطية يقول خري عند أمك لا عد تزهمون نور كل يوم وهي مع أمك فوق الرعش تهرج وأنا تخليني طرف الملة مع البساس هويه يانور ما ترسلين عطية مع القحمان يتهرج معهم أربك تفلكين معنا مايقعد يقاحر فيك إذا جيتي تهرجين معنا .

هههههههههههه
وهذي خاتمتها يا نسيم يعني القحم عطيه مع البساس طرف المله والكهله نور تنفخ القبس فوق قحمها والرماده فوق وجهه مغبر
والله هذه خاتمة الشيبان اخرتهم طرف المله مع قحامة البساس
لكن الحل عندي وانا ابو هندي
اذا كبر الشيبه وشاف الكهله ما عاد تعتبره فلا والله الا يخرجها مع الباب ويستبدلها واحده احسن منها بشرط انها ما تكون في الضمان لانها اذا كانت في الضمان ما بتتزوج وكذلك لا تنجب على شان ما يقعد يربت البزران في آخر عمره مثل بعض القحامه اللي عندنا في المنتدى يوم ثنو بحريم ينجبن وهم فوق الستين وآخرتهم يودون البزران للمدارس والملاهي
يالله حسن الخاتمه

[يحيى محمد الزهراني]

اقتباس: المشاركة الأصلية كتبت بواسطة sam      شوفي وانا عمك أنا هبطت سوق الرومي وأستعرت حمار عميه عطيه قلت بشتري لي شوية مقاضي وحنى للمعزبة عندي واحدة عفريته كل اسبوع وهي تتحنى لمناسبة ومن غير مناسبة مدري وشمعها أظن في دقنها خبر ,,,وشريت لها قلادة ظفار إذا تزاعلنا سحبتها منها وإذا أرضتنيه أعطيتها أياها ونحن على تياعك المهرة . المهم يوم هبطت السوق كان معي ولدي المفروح مامعه من عقله نتفه ,, كان معنا ماطور حق ماء تونا اشترينا أبليس من السوق ودنا نسقي الساقية بدل الغروب ذبحتنا هي والثيران ,, قلنا بنبدلها بالماطور لكن الولد الله يخره راح شغل الماطور وهو على ظهر الحمار قلت ليش؟ قال المح نبغي نفحصه نشوف شغال ولا لا ماهلا شغله وينقز حمار الشيطان والنجدة وراه والولد وراه وقف يا حمار عمي عطية ,, ابا يوقف وتصدقين وين وقف شرب من السد ذاك في بيده واندر مع خواته اسفل الوادي وماطورنا فوق ظهره شغال والله مازدنا رجعنا إلا على ارجولنا وقلنا بنعلن عنه في الجريدة ونكتب أوصافة وسنه ولونه والماطور إللي على ظهره لأنهم علمونا أهل ذيك الديرة أنهم شافوه وأظنه راح تربة البقوم الله لا يرده وهم خرعوا منه يحسبون دركتل شغال بدون سواق . دمتي يا كهلتنا العظيمة وأنتي عظيمة في كل شيء حفظك الله ورعاك .

حيا الله القحم سام
انا كان ودي يكون علمتنا عن السوق والاسعار كما علوم زهران يوم يهبطون السوق ويصدرون ويعلمون اللي ما هبطوا
اما قصه الماطور يوم شغله الولد فوق الحمار فهذه قصه مضحكه
كانوا جيراننا غامد يعلقون علينا بالحمار يوم شغل الماطر فوقه مطر الابرق وراح الحمار ولم يعد انشد عساف عن مطر الابرق يعرفه
انا انشاء الله بهبط سوق الربوع في الصفح والا سوق الربوع بالاطاوله والا سوق السبت في الرومي واعلمكم علم وابغي واحد من القحامه يرد في العلم
هيا تبايتوا على خير

[عساف]

رد للقحم يحيى بن محمد من صاحبه عساف


جاكم القحم عساف يومي بشونه
جيت المفجوع من ليلٍ سرابه
والجمال اللي ترغي في الليالي ودي أعرف شدها
رؤسها روس النياق والكراعين الثلاث
تخرع الجاهل و الذي شايب تعكر له مزاجه
في راسي من الغزلة لعانة وفي قلبي محبة
وأدي أهبد الجني بشوني واقصر له قياده
ودي أمزح والقلوب الله أعلم سرها
ضحكة السن لي هواية
والذي صدره قصيف وفي عينه حوالة
لا يخاوينا ويتعب خاااطره
غيرها يا صاحبي جتني الحميا
ولا تفرقنا علوم العنصرية
أنت عمي وشيخ من شيوخ الأولين
وهمتيه ما يسويها ابن عمي يا رفيقي
الرجل عاقل ومن روزة قبيلة
ولا هو من مطافيق العيااال
غير لا صار المدير وقائد منطقة
واحد(ن) مثلك توقع كل حاااجة،
وأشوفك متقحوط(ن) بالكوت وش سالفتكم ،
والثاني جايب أحلى تصاوير الشباب
من دوالاليب حلل الدهر كل مسمار(ن) لها
بالله علموني انكان شي علمٌ وكيد ، هرجة فيهاالنفل وابعيثران
وشلخة الكادي يذعذع ريحها ،
الحقوني بها
كأن للصحبة تقدر والمودة بيننا مثل الجبال

[سعيد بن عبدالله الزهراني]

اقتباس: المشاركة الأصلية كتبت بواسطة يحيى محمد الزهراني      حيا الله القحم سام انا كان ودي يكون علمتنا عن السوق والاسعار كما علوم زهران يوم يهبطون السوق ويصدرون ويعلمون اللي ما هبطوا اما قصه الماطور يوم شغله الولد فوق الحمار فهذه قصه مضحكه كانوا جيراننا غامد يعلقون علينا بالحمار يوم شغل الماطر فوقه مطر الابرق وراح الحمار ولم يعد انشد عساف عن مطر الابرق يعرفه انا انشاء الله بهبط سوق الربوع في الصفح والا سوق الربوع بالاطاوله والا سوق السبت في الرومي واعلمكم علم وابغي واحد من القحامه يرد في العلم هيا تبايتوا على خير

أبشر ياعم يحيى بعلوم السوق:


علوم السوق:
هباطه سوقنا الحلال غالي ولا يقارب والارزاق يا كافي !! الفراسلة السكر بريالين والمد التمر بريال وربيع الزبيب بريال ,, وزنّة اللوز بريال وربع والرز الأمريكي أبو سيوف وابو بنادق الربيع وشطره بريال ,,وثامنة الشاهي بنصف ريال,, هذا ومن يمه وما حصل الله .
غيرها الناس يشكون من الغلا وقلة الأمطار وعسى الله يجي بالخير,, الوسمية جاية وراعدها يدندن والبرق كنه الكشاشيف في الليل ,, وإلا كنه واحد يلتقط صوروأجهرنا بالشعاع كأنه ينذر بالمطر عسى الله يرزق البلاد والعباد ويسقيهم بالسيل أمح قدام كنا نصلي صلاة الإستسقاء بدون أوامر ملكية ونذبح ذيك النشرة يقطون فيها الجماعة والله مانصل البيت إلا والشعايب نادرة كنها الثيران وماذالحين من يوم قيدون بأومرهم عيا يجينا المطر لو أصلي حتى تنحفر حبهتيه ما ينزل ولا حتى غرق اللباس ,,, غيرها ياتعني بغينا نشتري ثور للحرث والدياس قلت نتعاصب مع واحد من الجماعة لكن ما اراد الله بنرجع نستعير من الجماعة أما بكراء وإلا عاد معونه قصرت علينا الفلوس بغيت مهلا إلى دور اليوم وإلا إذا حال الحول وما اتفقنا متشدد راعي الحلال , غيرها ما عندنا من الأمور المحدثة أبدا ويابى الله سوى الستر وعسى الله يديمه , غيرها ماصدرنا من سوقنا إلا عصرا ميت مشدودي محمل بمقاضي بعضها ما نفرح به أم العيال ومنها ما نفرح به السفان والبعض الآخر ميرة للبيت ,, عاد تخبرون ذيك القهوة على الطريق مرينا عليها وزهمت القهوجي وطلبت شاهي أبوأربعة فناجيل قلت باريح نفسيه وراحلتي ,,,نقز واحد جنبيه قال ياقهوجي خمسة بننٌ قلت ويشمعك فيها طبعا ما هو زهراني قال أويه يا خه ,, أبغي أزود عليك أويه أنت أحسن مني لقت لا والله مجار وانت من صبيان !!!!!! قال باشرب اربعة والخامس باعطيك إياه قلت ليتك تشتري القهوة كلها ,,أعرضت عليه بوجه الله يروح معي البيت وأبى الله يهوله يزايد حتى على القهوة,,, هذا من بد الأعلام وألأخبار عن السوق خصوا ولا تعمموا وسلامتكم وسلامة من عندي .

[ياسرالزهراني]

عمي

سام ويحي بن محمد

ربي يحفظكم ويخليكم

...

[يحيى محمد الزهراني]

اقتباس: المشاركة الأصلية كتبت بواسطة عساف      رد للقحم يحيى بن محمد من صاحبه عساف جاكم القحم عساف يومي بشونه جيت المفجوع من ليلٍ سرابه والجمال اللي ترغي في الليالي ودي أعرف شدها رؤسها روس النياق والكراعين الثلاث تخرع الجاهل و الذي شايب تعكر له مزاجه في راسي من الغزلة لعانة وفي قلبي محبة وأدي أهبد الجني بشوني واقصر له قياده ودي أمزح والقلوب الله أعلم سرها ضحكة السن لي هواية والذي صدره قصيف وفي عينه حوالة لا يخاوينا ويتعب خاااطره غيرها يا صاحبي جتني الحميا ولا تفرقنا علوم العنصرية أنت عمي وشيخ من شيوخ الأولين وهمتيه ما يسويها ابن عمي يا رفيقي الرجل عاقل ومن روزة قبيلة ولا هو من مطافيق العيااال غير لا صار المدير وقائد منطقة واحد(ن) مثلك توقع كل حاااجة، وأشوفك متقحوط(ن) بالكوت وش سالفتكم ، والثاني جايب أحلى تصاوير الشباب من دوالاليب حلل الدهر كل مسمار(ن) لها بالله علموني انكان شي علمٌ وكيد ، هرجة فيهاالنفل وابعيثران وشلخة الكادي يذعذع ريحها ، الحقوني بها كأن للصحبة تقدر والمودة بيننا مثل الجبال

مرحبا ملايين بالقحم عساف
ما ادري هذه خاطره او قصيده او علوم او خبو والله ما ادري ياشيبة بني حسن
معك معاني والله العالم خليتني اشك في نفسي با لله تكفا وضح لي بالخاص
يهمنى رضاك يا ابو علي
تقبل تحياتي وتقديري

[يحيى محمد الزهراني]

اقتباس: المشاركة الأصلية كتبت بواسطة sam      أبشر ياعم يحيى بعلوم السوق: علوم السوق: هباطه سوقنا الحلال غالي ولا يقارب والارزاق يا كافي !! الفراسلة السكر بريالين والمد التمر بريال وربيع الزبيب بريال ,, وزنّة اللوز بريال وربع والرز الأمريكي أبو سيوف وابو بنادق الربيع وشطره بريال ,,وثامنة الشاهي بنصف ريال,, هذا ومن يمه وما حصل الله . غيرها الناس يشكون من الغلا وقلة الأمطار وعسى الله يجي بالخير,, الوسمية جاية وراعدها يدندن والبرق كنه الكشاشيف في الليل ,, وإلا كنه واحد يلتقط صوروأجهرنا بالشعاع كأنه ينذر بالمطر عسى الله يرزق البلاد والعباد ويسقيهم بالسيل أمح قدام كنا نصلي صلاة الإستسقاء بدون أوامر ملكية ونذبح ذيك النشرة يقطون فيها الجماعة والله مانصل البيت إلا والشعايب نادرة كنها الثيران وماذالحين من يوم قيدون بأومرهم عيا يجينا المطر لو أصلي حتى تنحفر حبهتيه ما ينزل ولا حتى غرق اللباس ,,, غيرها ياتعني بغينا نشتري ثور للحرث والدياس قلت نتعاصب مع واحد من الجماعة لكن ما اراد الله بنرجع نستعير من الجماعة أما بكراء وإلا عاد معونه قصرت علينا الفلوس بغيت مهلا إلى دور اليوم وإلا إذا حال الحول وما اتفقنا متشدد راعي الحلال , غيرها ما عندنا من الأمور المحدثة أبدا ويابى الله سوى الستر وعسى الله يديمه , غيرها ماصدرنا من سوقنا إلا عصرا ميت مشدودي محمل بمقاضي بعضها ما نفرح به أم العيال ومنها ما نفرح به السفان والبعض الآخر ميرة للبيت ,, عاد تخبرون ذيك القهوة على الطريق مرينا عليها وزهمت القهوجي وطلبت شاهي أبوأربعة فناجيل قلت باريح نفسيه وراحلتي ,,,نقز واحد جنبيه قال ياقهوجي خمسة بننٌ قلت ويشمعك فيها طبعا ما هو زهراني قال أويه يا خه ,, أبغي أزود عليك أويه أنت أحسن مني لقت لا والله مجار وانت من صبيان !!!!!! قال باشرب اربعة والخامس باعطيك إياه قلت ليتك تشتري القهوة كلها ,,أعرضت عليه بوجه الله يروح معي البيت وأبى الله يهوله يزايد حتى على القهوة,,, هذا من بد الأعلام وألأخبار عن السوق خصوا ولا تعمموا وسلامتكم وسلامة من عندي .

ارحب يا ابو عبد الله
بقيت ولا شقيت والله يحييك
الديار واعلامها واحده من عندنا الى عندكم مثلما رأيت ومريت ما به علمه يستوجب رفعه سوى الخير وعدم ضده
الارض قفره وعند الله الشبره والزراعه تبغي السيل والله يجيبه لا عريض ولا مريض نسال الله يفضي ستره على خلقه
سوق شرى يعلم عن سوق القرى واعلام الاسواق اليوم تعلم عنها الجرايد والاذاعه والتفاز يعني ماعاد شيٌ غابي
وغير ما يكون حياك الله لحاجه وغيرها ولا لك المستنكر
وعليك الله انك ما تروح حتين تاخذ واجبك عندي
هذا ما نرد به في علمك وبقاك والسامعين والاعضاء والزوار