المطافيق ببلاد زهران وكيفيه التعامل معاهم؟؟

[غربة مشاعر]

السلام عليكم ورحمة الله وبركاته..
الله لايصبحكم الا بكل خير..
كيف حالكم ياقوم..
يازين الركاده ويازين العقل ..يااااااااه كم سمعت هالكلمه من جدتي ولاني ما اطبقها كثير ..
فمايمر شهر الا وانا مكسوره او مفلوقه او طايحتن من فوق كرسي او ماسه..
الله يالشيبان يذكركم بالخير..
نعود لمحور موضوعنا بحد زاتووووه..
لاكييييييييييييين عليكم الله ماتروحو بعيد (متأثرة بالفلم السوداني سنوات الضباع)
بدأت الاجازه واشتد البرد بالسراه وزانت تهامة وقرب العيد يعني ثلاثه بواحد ياسبحان الله نعمه من ربي قولو الحمدلله..
لكن يأبى بعض المطافيق(المطافيق جمع مطفوق وهو من برأسه رجه 7 درجات بمقياس ريختر).. يأبى الا ان يفسد هذه النعمه ويقلبها رأسا على عقب ويخرب فرحه اهله وقريته..فتلاقيه ماشي مع العقبه 160 حشى ماهو مجحود ولاسعيد ماهو الا درايفر ..
لايهمه كبار سن ولايهمه مرضى ولايهمه عائلات وكأنه قاط ويا الحكومه بالعقبه وماصلحوها الا لحضرته ليمارس هوايته ليلحق على الشباب يتصيدون حمام بعليب وماجاورها..
ويجيك شد عضلي براسك وتتفقع اذانيك من هول الصدمه لما تشوف اثنين مسوين سباق واحد بدينه والثاني بكامري وهاتك مبتلين خلق الله ..
طبعا انا ماجبت شيء من عندي..
شوف عيني بالعيد اللي راح ..
ياعيال زهران خلوكم من الطفاقه والعجله والله الله باركاده
فوراكم امهاتكم وابائكم وجماعتكم يبونكم
وان كان ماحد يبيكم نحن نبغي اعمارنا فلاتجعلون الناس تدعي عليكم..تكفون..
والله لو الود ودي لاسوي مطبات طول الواحد ذراع عشان ماتمشون الا شوي شوي..
يالله اشوفكم على خير
كتبته لكم غربه بنت مشاعر
الخميس 2 ذو الحجة 1430

[« Ĝŋōŋ Ğŋōβy »]

زينه ان كان احد مشى 160 ماهو 220 هههههه

الله يستر عليناا .. ويااازين الشتااء يوم اقبل عليناا ويازين الشرقيه وطلعات البر

والله يالجو الحين انه برااد والسمااا سودا غيوم ,, نطلبك يااالله انك ترحمنا برحمتك وتغيثنا

تقبلي مروري غربه

[غربة مشاعر]

اقتباس: المشاركة الأصلية كتبت بواسطة هـٍيِـكٍـٍتـِؤٍؤٍرِ~      زينه ان كان احد مشى 160 ماهو 220 هههههه الله يستر عليناا .. ويااازين الشتااء يوم اقبل عليناا ويازين الشرقيه وطلعات البر والله يالجو الحين انه برااد والسمااا سودا غيوم ,, نطلبك يااالله انك ترحمنا برحمتك وتغيثنا تقبلي مروري غربه

هلابك اخوي هكتور وشرفت الموضوع والمصلح الله يابن العم وهذي صوره طازه للشرقيه صباح اليوم

[الحائر]

المشكلة ياغربة أنهم ليسوا في عجله ولاكن مطااااااااااافييييييييييق ومهابيل ومجانين ، إلا لو الواااحد مشى على مهل وش الفرق بينه وبين إلي يجيك طااااااااائر ............ والله الفرق بينهم دقائق فقط .

نسأل الله اللطف والحمااااااااايه

[مُـخْ تَلـِفـ]

هذا مشكله الشعب السعودي كله مو بس الزهارين

الله يكفينا شر الحوادث

[غربة مشاعر]

اقتباس: المشاركة الأصلية كتبت بواسطة الحائر      المشكلة ياغربة أنهم ليسوا في عجله ولاكن مطااااااااااافييييييييييق ومهابيل ومجانين ، إلا لو الواااحد مشى على مهل وش الفرق بينه وبين إلي يجيك طااااااااائر ............ والله الفرق بينهم دقائق فقط . نسأل الله اللطف والحمااااااااايه

اهلا بك اخوي الحائر
والله يابالامس متجهين من حائل للقصيم وشفنا حادث الله لايوريك الناس مرمين بالشارع
ونزل زوجي وشاف ورجع
يقول السواق بزر ماتعدى 14 سنه
لاحول ولاقوة الا بالله
تلاقي ابوه قاعد يقابل النياق او المزرعه ومسلم العائله باكملها لها البزر وقاعد يتفنن بالسياقه باهله الين جاب العيد
مشكور اخوي على المرور بارك الله فيك

[غربة مشاعر]

اقتباس: المشاركة الأصلية كتبت بواسطة مشآإآكـل      هذا مشكله الشعب السعودي كله مو بس الزهارين الله يكفينا شر الحوادث

انت صادق ومانختلف على ذلك ولكن يهمنا تعداد زهران بالمقام الاول ماودنا يطفس واحد منهم
لكن المصلح الله
كم يتقطع قلبي حزنا وكمدا لوفاه احد زهرن بحادث استهتاري
الف شكر خيو على المرور

[محمد حسن الزهراني]

عند بداية أي إجازة أو انتهائها سواء كانت الإجازة صيفية أو العيدين أو إجازة نصف العام الدراسي، يربط أطباء جراحة العظام وجراحة الأعصاب الأحزمة ويشمرون عن سواعدهم استعداداً لما سيلقونه من الجهد والعمل المتواصل بسبب حوادث السير المروعة، وعليهم فوق هذا محاولة تجميد مشاعرهم أمام قصص هذه الحوادث التي تدمي القلوب، حتى يتسنى لهم القيام بأعمالهم، فترى أسرة قد فقدت عائلها الوحيد وأصبحوا يتامى بعد أن كان أبوهم يرعاهم ويمنعهم من الحاجة ومد أيديهم للناس.. ترى الأطفال الصغار وهم يصرخون نريد أبانا أحضروا إلينا أبانا الآن، ويتوسل الطفل الصغير للطبيب بأن يحضر والده فقد اشتاق إليه ويريده أن يرعاه وهو في كسوره، أو يريد والده أن يخفف عليه قبل العملية فيخفف عليه المصاب. ولكن يكتم الطبيب العبرة ويكلم نفسه إن الحياة والموت ليس بيدي ولكن بيد من له ملك السماوات والأرض. وهناك أرملة تتوسل إلى الطبيب أن يحضر لها زوجها والطبيب لا يملك حياة نفسه حتى يملك حياة الآخرين. وآخرون فقدوا أطفالهم ويتوسلون أيضاً إلى الطبيب كي يعيد لهم أطفالهم. وشاب صغير في ريعان الشباب فقد القدرة على الحركة وأصبح مشلولاً لا يستطيع الحراك فلا يتحرك فيه إلا عيناه فقط،
هذه هي الحوادث التي حصدت أرواح الآلاف من البشر ومازالت تحصد المزيد فصدق من سماها الحرب الصامتة، ولاشك أن هذه الأمور تجري بأقدار الله تعالى ونحن بصفتنا مسلمين يجب علينا الإيمان بالقضاء والقدر، ولكن الإيمان بالقدر لا يتنافى مع الأخذ بالأسباب والحيطة. فقد أمرنا ديننا الحنيف بالأخذ بالأسباب ونهانا عن إلقاء النفس في التهلكة وجعل أرواحنا أمانة بين أيدينا وسيسألنا عنها يوم القيامة، قال تعالى {ولا تلقوا بأيديكم إلى التهلكة} وكما أرشدنا رسولنا صلى الله عليه وسلم وأرشد الصحابي بالأخذ بالأسباب بأمره «اعقلها وتوكل»
فلو رأينا رجلاً يرمي نفسه من أعلى عمارة لاتهمناه بالجنون، والذي يقود السيارة بسرعة جنونية أشد جنوناً من الذي يرمي نفسه من أعلى العمارة؛ لأن الذي يرمي نفسه لا يضر إلا نفسه، أما الذي يقود السيارة بسرعة جنونية فهو يضر نفسه والآخرين من حوله كالمجنون الذي بيده سلاح ويقتل به من حوله. وإني أنصح هؤلاء الذين يقودون السيارة بهذه السرعة بأن يزوروا قسم العظام في أحد المستشفيات ليطالعوا ما تسببه هذه الحوادث من مصائب
وأسال الله ان يهدي شبابنا ويحفظ الجميع
موضوع مهم ورائع تقبلي مروري

[الراقية]

العنوان احس انو مالو داعييييييييييييييييييييييي

تقبلي مروري ونقدي بصدر رحب 000

[Mr.RoMaNiStA]

الشباب يمشوون 160 واحيان 180 عشان يطبق الطبلون وهذا كله مايكون الا من باب التحدي بين الشباب

الشباب وخاصة المراهقين مايفكروون في اللي يسووه ولذلك تكون اكثر الحوادث للشباب المراهقين