عيدية الغياب

[سليمان الشدوي]

وينِك
/
/
/
وينِك..! يقولون (خلق الله) من العايدين
وانا ادور لعيــدية غيـــابك سبب ...!
/
وينِك..!تغرّبت بغيابك/ وفاض الحنين
حتى تشجّـر على اطراف المحاني عتب
/
في حضرتك كان (مكيال الأماني) ثمين
وبعدك وقف موسم الفضة /وطاح الذهب
/
النهر من سطوته/ يضفي على الضفتين
لكن في غيبتك / منبع معينه نضب
/
ياغايبة/ ألمح اطيافك / ولاتلمحين
إلا رماد السنين / وذكريات اللهب
/
في ذمة الوقت/ صوتك / والشعر/والجبين
وفي ذمة الشعر/عطرك/وابتهال القصب
/
تحت القمر/أنثر احساسي/على دفترين
اخاف دفتر (صور ذكراك) لايغترب
/
اضم رمل الطريق / بخطوة العابرين
وارسم (ظنون التلاقي)في يقين التعب
/
كنتي (رواية أمل) في نظرة المتعبين
وصرتي (مشاعرقصيدة ) في زمان الشغب
/
وانا (اِمتداد الأسى)/ يعتادني كل حين
لو ما كتبته بحبري/ بالدموع انكتب
/
وليا سمعت البشر/ تهتف (من العايدين)
صافحت (كف الغياب) ولالقيت السبب...!
/
/
/
ـــــــــــــــــــ

[محارب التنين]

صح لسانكـ

[عبدالمحسن بن عطية]

في حضرتك كان (مكيال الأماني) ثمين
وبعدك وقف موسم الفضة /وطاح الذهب

هذا النص أغلى من الذهب

صح لسانك وعلا شانك

[فريق العمل]

قصيدة مميزة جدا
تم تسجيلها في افضل الموضوعات

[محمد الساهر]

صح لسان الشاعر نتمنى منك المزيد

[عبدالمجيد العدواني]

وليا سمعت البشر/ تهتف (من العايدين)
صافحت (كف الغياب) ولالقيت السبب...!

موجع هذا البيت يا شاعر
كم فيه من الألم والحرمان
صح لسانك ملايين

[احمد صعمود]

صح لسانك مميز دائما

ولشعرك نكهه خاصه

وحمد الله على سلامتك طولت الغيبه


.

[الشاعره شمايل]

وانا (اِمتداد الأسى)/ يعتادني كل حين
لو ما كتبته بحبري/ بالدموع انكتب

صحيت اخوي سلييمان صحيت

[انا السليمي]

صح لسانك اخي الرائع سليمان الشدوي على الابيات الاكثر من رائعه والتي راقت لي جميع ابياتها .
تحياتي