اكاذيب الشباب على البنات والله حاله

[شوق الأصيل]

بسم الله الرحمن الرحيم

السلام عليكم ورحمة الله وبركاته




اكاذيب الشباب على البنات والله حاله


- حبيبتي تدرين والله انا ماعندي حركات الشبااب .. ماكلم بنات.. اصلا
ماحب هالحركات

(( باااااااااين وانت كل بنات العالم يعرفونك ))


- مادري حبيبتي احس اني اعرفك من زمااان

(( لا يمكن غلطان بينها وبين وحده كنت تعرفها اول .. يمكن في شبه ))



- حبيبتي احس انك غير عن كل البنات احس انك مختلفه وغير عنهم
((ليش فوق راسها ريشه و لا من بكوكب ثاني ))



-حبيبتي والله احس في اشياء كثيرة انا وانتي نتشابه فيهااا .. كأننا شخص واحد

(( سبحان الله اخوها فالاسلاام لازم يكون في شبه ها ها هاااي ))



-ياريتني ياقلبي عرفتك من زمان

(( معليش كان عندك زحمه))




- حيااتي احب انها تتغطي عشان ما احد يشوفها غيري لاني اغاار

((لا يا حرااااام الغيرة حرقت قلبك حرق ))


- انا ابي اخطبك من اهلك بس بعد ما اكون نفسي

(( اجل من تكوون هع هع بس صح تكسر الخاطر فلوسك كلها على التلفون
والسيارة وعزايم رفيجاته و و و الخ ))



-يا قلبي اتمنى اشوفك باقرب وقت ماقدر على الشوق اللي ذبحني

((يتمنى اصحابه يتأكدون انها حلوة ))



- انا احب الشعر ومن هواياتي الرسم والسباحه

(( لا رومنسي الحبيب ))



- حبيبتي حطي في بالك انا اذا حبيت حبيت من كل قلبي

(( اقول بس اي قلب فيهم ؟!!!! ))



- علاقتي فيك محد يدري فيها ابد لانها تعتبر من اهم خصوصياتي
(( بس عادي كل الأصحاب و الجيران بيعرفوا .. لانهم مو اي احد))



- لما اشوف رقمك في تليفوني قلبي يفز من مكانه

(( اكييد .. خايف تكون كشفت ملاعيبك ))



- فلان قال لي اعطيه رقمك .. بس انا قلت له اقتلني قبل ماتاخذ رقمها مني
(( هاهاااي يا مضحي انت يا شجااع .. هذا اذا مو كل الشباب يعرفون رقمها
المسكينه ))



- حبيبتي محتاج صورتك اخليها عندي عشان قبل ما انام اشوفها واحطها تحت راسي وانام

(( لا وانت الصادق عشان يوم تمل منها تهددها ))



- اسف حبيبتي امس ما اتصلت عليك بس كنت مشغووووول كثير مع الدراسه
((باين يا نيوووتن انت))



- بتعرفي حبيبتي انا دايما البنات في المجمعات يطلبون رقمي ... بس انا
ماعطيهم وجه دام انتي حبي

(( هاهاااي .. الترتيب الصحيح للجمله .. دايماا انا الحق البنات بس
مايعطوني وجه))



- والله حبيبتي كان ودي اجي عالموعد اليوم بس صارت ظروف صعبة جدااا
وماقدر اجيك

(( ايه صح تذكر موعده مع رفيجته الثانيه اللي واعدها 10 مرات وخلف وعده))



- امس مانمت... طول الوقت افكر فيك... اخذتي عقلي حبيبتي

(( الا قصدك نمت وحلمت وشبعت نووم ولا تدري عنهاااا اصلا))


- ما افتح الماسنجر الا اذا انتي موجوده ... اصلا النت بدونك مايسوى
(( يقصد .. ما افتح عنك البلوك الا بعد ربع ساعه من تدخلين ... وترى
النت بدون البنات مايسوى))

حبيبتي أنا من يوم سمعت صوتك قلبي ذااااااااب

((الله من النصب اصلاً لو ذاب ماعاد كلمني))


حبيبي...رصيدي مايسمحلي إنك تتصل بي...باقي يوم ويفصلوا الخدمة ولا
عندي فلوس معليش حبيبي..!

((عاد إنت إفهمها وإشحني له أو سددي الفاتورة...وكل شهر على
هالموال..))


وكثيرة المواقف..والي عنده يزيد...

وأتمنى أن تكون اول مشاركتي هادفة وتعجب الموجودين ولكنها سائدة في هذا العصر واتمنى من الجميع المشاركة

لإصلاح شباب الأمة الأسلامية و العربية.....


واحب اقول ان مو كل الشباب نفس هالشخصيه مع احترامي للجميع


أحتـــ شـــوق الأصيــــــل ــــــــــكم

[بن زياد]

بداية طيبة وبعض البنات يتشبهون بالرجال وبعض الرجال يتشبهون بالنساء والضحك من الطرفين هدى الله الجميع

[العتمه]

اللهم اصلح شباب المسلمين لما تحب وترضى

امــــــــــــــــــــــــــين


مشكوره شوق الاصيل الله يعطيك العافيه .

[القمر يأخذ من حلاتي]

قال صلى الله عليه وسلم (( يا معشر الشباب من استطاع منكم الباءة فليتزوج فإنه أغض للبصر وأحصن للفرج..


ورحم الله من قال:

قد أرضعوا الأولاد في المهد الحرام قد علموهم فحشهم قبل الكلام



قد هدهدوهم بالغناء بالخنا بل بالفسوق والأذى عند المنام


مشكورررررررررررررررررررررررررررررره اختي شوق الاصيل

دمتي بخير .

[عذب السجايا]

عسى الله يهدي شباب وشابات الاسلام

والله انهم شغلو انفسهم باشياء تافهه

والامه في وضع حرج وهم هواويه

ولكن ندعوا لهم

[العرنين]

ههههههههههههه
وين شباب من اول لاطقوا بنت البكار (نوع من انواع التشخيص )
والا لانفشوا الشوشه بالمنفاش ابو يد وعلقه في القذله
ايه يا شباب زمان كانوا زي عنتر وعلي عبده
من هم ذولا
بعدين اعلمكم
.
.
سلام

[الزهراني خالد]

اسئل الله السلامه

اخواني الشباب

اخواتي البنات

احسن طريقة للزواج هي الطريقة التي شرعها الرسول

خطبه وبعدها ملكة زواج فقط .

من غير تعارف سابق وخلافه

كل الزواجات التي تبدا بتعارف سابق تنتهي بالطلاق
وان لم تنتهي يدور حولها الشك الى ابد الحياه
بل وتنتج جيل ديّوث مليئ بصفات الرذاله
فاذا ارتضيت لنفسك ان تتزوج امرأه من تعارف سابق عبر جوال وخلافه
سوف ترتضي ذالك لبناتك والعياذ بالله

والديوث لايدخل الجنّه

ونحمد الله ان جعل قبيلة زهران الدابة السليمه بين القبائل

مع التحيه

[الزهراني خالد]

اسئل الله السلامه

اخواني الشباب

اخواتي البنات

احسن طريقة للزواج هي الطريقة التي شرعها الرسول

خطبه وبعدها ملكة زواج فقط .

من غير تعارف سابق وخلافه

كل الزواجات التي تبدا بتعارف سابق تنتهي بالطلاق
وان لم تنتهي يدور حولها الشك الى ابد الحياه
بل وتنتج جيل ديّوث مليئ بصفات الرذاله
فاذا ارتضيت لنفسك ان تتزوج امرأه من تعارف سابق عبر جوال وخلافه
سوف ترتضي ذالك لبناتك والعياذ بالله

والديوث لايدخل الجنّه

ونحمد الله ان جعل قبيلة زهران الدابة السليمه بين القبائل
فبينما نفتخر ببناتنا ومهورهن العاليه واخلاقن وشرفهن
يتهمنا البعض باننا اناس متخلفون

يكفينا فخرا وعظمة وافتخارا ببناتنا ان الله سبحانه وتعالى وصف امرأة زهرانية بالمؤمنه وهل هناك شهادة اكبر من شهادة الله سبحانه وتعالى
(وامرأة مؤمنة ان وهبت نفسها للنبي)


مع التحيه

مع التحيه

[صالح بن فارس]

أقول أنا غير الشباب اللي هنا كلهم أنااااااااا ...... >>> أمزح





بس وين نصب البنات طيب على الشباب ؟؟؟؟؟؟؟؟؟؟؟

وإلا بس هم الشباب اللي ينصبون !!!!



الموضوع مميز وطرحة أميز

فجزاك الله خير


لك تحياتي ؛؛