اريدها محاوره ثنائية استثنائية

[ميزر]

سلام يا قبايل

بودي اتحاور مع اي شاعر منكم على الهوى مباشرة بشرط تبتدي المحاوره وتنتهي الليله وحاضر بحاضر
المحاوره ثنائية واول من يرد يستمر معي



سلام صوت الشعر نادى يا هله هل من مجيب
شاعر وبيدي مسبحه ماهي بسيف ولا عصاه
الذيب لا جر العوى لابد ما يوحيه ذيب
عينه مثل عينه ولا منه عوى جاوب عواه

[* همام *]

وعليك السلام ياميزر وأنا لها

خلوها

يامرحبا ،، صوت الشعر عن مسمعي ماهو غريب ...... والشاعر اللي في يمينه مسبحه حنا كماه

عز الله ان الذيب جر عواه في ضلع (ن) قريب ...... أوحاه ذيب على السمان يغير مايخطي عشاه

[سلمان الشبرقي]

يالله تعطيهم العافيه
فتل ونقض وعلوم تهول الهايلين
استمروا وانا دوبي جاني براد شاهي ابوجبل ومتابع للنهايه

[ميزر]

مرحبا بك اخي همام
صح لسانك ملايين على هذا الكلام الجميل


ايييييه خلوها

مابه مسافة يامسافر بين تثليث وطريب
انا من المضة وربعي في العرين و في الغضاه
حوّل ترانا لا نزال بقمة الضلع النشيب
الصيد في الوادي وشفني من هناك اطرد وراه

[ميزر]

مرحبا اخي سلمان
نتشرف بحضورك ومتابعتك

[* همام *]

صحيت ياميزر وحياك الله ياسلمان

خلوها

قرب المسافه خابره والذيب في بطن القليب
.................... لكن وش حد الجحادر يم صبحا والحصاه

سرحان قدم الصيد والميعاد في حلق الشعيب
..................والوعل ابوقرنين هقواته على الموت اتحداه

[ميزر]

حيلو عنها


حد الجحادر حقها في جفن ضب و في شخيب
................. انشد عيال العود في نجد وتهامه والسراه
ياشين حظي كان مالي فيك يالطيب نصيب
.............. ما ادري رفيقي هو تناسا صاحبه والا نساه

[سلمان الشبرقي]

والله مبدعين اثنينكم ميزر وهمام
وهنا صواعق الله واعلم وين وقعت
وااصلوا

[* همام *]

الله الله

خلوها

الحق واضح والزمان انصف حريب(ن) من حريب
.................... وقصر بن هادي بعد موته تولاه الرعاه

شد العزوم وفي عريب الجد ظنك مايخيب
................... العلم ميل شوكة الميزان في سوق الدهاه

[ميزر]

طيب طيب

خلوها

بن قرمله لا زال قصره يحتظن قاله وطيب
............ ان استحلوه الرعاه يحرره بطش الغزاه
ما يلحق الدندون مثلك يا عريب الجد عيب
............ لكن بين اربع جهات احترت وين الاتجاه