مسلسل قسم الشقائق * لايفوتكم *

[شذى الريحان]

[ALIGN=CENTER][TABLETEXT="width:90%;background-colorurple;border:4px double silver;"][CELL="filter:;"][ALIGN=center]










القصة منقولة بالنص والحرف واللهجة مع حذف بعض الكلمات ×××
لكن التنسيق تنسيقي








[/ALIGN][/CELL][/TABLETEXT][/ALIGN]


يقول الزوج السعيد




انتهيت من ارتداء ملابسي _ و أنا أخفف الخطى
حتى لا أوقظ حرمي المصون من نومها الهانئ ..
فالساعة الآن السادسة والنصف صباحا
ولا يزال أمامها ست ساعات من النوم اللذيذ .
خانني الحذر فارتطمت قدمي
أثناء لبس الجورب _
بالسرير فأصدرت صوتا خجولا ولكنه





كان كافيا لإيقاظ ذلك البلبل النائم ليسمعني زقزقته المحببة






.... هو أنت ما تعرفش تلبس من غير ماتصحيني
.... آ آ آ ... أسف جدا غصب عنى رجلي خبطت في السرير
.... طيب ما تخرج تلبس برة
.... ألبس برة فين في الشارع مثلا
.... نعم ... إنت بتتريق عليااا
.... لأ لأ بس ألبس فين
.... ما تلبس في الصالة إنت مش عارف إنى نايمة الساعة ثلاثة
وسهرانة بأبنك طول الليل وسيادتك نايم بتشخر
.... طيب خلاص من بكرة حلبس في الصالة
......
....
..






وصلت إلى مكان عملي وجلست إلى مكتبي و أنا أتميز من الغيظ ...
بعد قليل وصل زميلي وألقى السلام فأجبته باقتضاب
سألني زميلي
.... خير مالك شكلك متضايق
.... أبدا مفيش
.... إسمع أنا عندى ليك خبر حلو
.... يارب سترك ما انا عارف اخبارك
.... عندي ليك عروسة
.... عروسة !!!! يا أخي أنا ناقص

.... إسمع بس دي لقطة
.... طيب ما تتجوزها سعادتك
.... لا دى أصلها مطلقة ولا تصلح لى انا لسة ما دخلتش دنيا .
وهى مش عايزة منك حاجة
.... مش عايزة مني حاجة إزاي
امال حتتجوزني علشان اعملها نوم العازب
.... لا مش القصد دي يا سيدي عايزة تتجوز بنظام المسيار
.... آآآآآآه انا سمعت عن الموضوع ده لكن ده حقيقي
.... ايوه حقيقى ما انا بقولك أهو
.... انت بتتكلم بجد
.... ايوه دي جارة والدتي
.... يعني معدية الثمانين







.... لا لا اصبر بس دي صغيرة يدوب اربعين
.... اكبر مني يعني ،
لكن انا اصلا حتجوز ليه ما انا متنيل متجوز






.... لا يا ريس دا انت حتبقى ديك البرابر
.... ديك !!!! إيه تشبيهات الفرارجيه دي
.... لا لا انا قصدى انك حتكون اخر دلع
.... والله الواحد يفكر
بدأت أفكر و أفكر إنه عرض يستحق التفكير فعلا فلأخذ وقتى قليلا





فى المساء كنت جالسا اتصفح الجريدة
بينما تشاهد حمامة السلام المذبوح مسلسلا الى جواري
اخذت اقلب فكرة الزواج فى عقلى ،
ما تأثير ذلك الزواج على البيت والاطفال
ستكون صدمة كبيرة ،
كيف ستكون صورتي امام الاهل والاقارب ،
كيف ساواجه كل تلك العواصف ؟

ولكن ما الداعي لان يعرف احد بذلك
سيقتصر الامر على زيارة او زيارتين كل اسبوع ،
من الممكن ان اخفى الامر تماما ،
وحتى لو علمت الحمامة
بالموضوع فستكون احرص الناس
على الا يعلم به مخلوق حتى لا تشمت الاعادي

وما اكثرهم _ فيها



لماذا احرم نفسى من كل راحة ؟


اليس من حقى ان اجدد حياتى واعيش سعادة مفتقده ؟

ما أجمل مثل هذا الزواج بدون تحمل اى مسؤولية
سرح بى الخيال واخذت ارسم تفاصيل تلك الاوقات الجميلة


التى ساقضيها مع شهرزادي الجميلة
اصل الى منزلها فى الموعد المضروب _
بالتاكيد لن تتصل بى على الموبايل وانا على بعد 100 متر
لتطلب منى احضار رنجة وحفاظات وصابون
سادخل الى ذلك المنزل الشاعرى لاجد الهواء
مشبعا بعطر انثوى جميل
واضاءة من الشموع الخافتة




..... إنت يا اخينااااااا
انتفضت كمن صفعت قفاه على حين غره
وانا ابسمل مرتعبا وقلت وقلبى يدق بعنف من الهلع
..... فى إيه بتصرخي ليه كده يا ست انتي

..... عماله اكلمك وانت سرحان ومش حاسس ،
سرحان فى ايه ان شاء الله
( وهى ترفع حاجبا يضارع قوس النصر شموخا )




رددت متلعثما
..... لا مفيش
..... مفيش !!! امال لو فيه كان حصل ايه
.... طيب سعادتك عايزه ايه بالضبط
..... ابدا عايزه سعادتك تقول حتاكلوا ايه بكرة
( اللهم لا حول ولاقوة الا بك )
..... اي حاجة تعمليها
..... لا يا سيدي ما تقليش اي حاجة ،
قول عايزين تاكلوا ايه علشان الخدامة

( لفظ تطلقه على نفسها من باب اذلالي )
تعملهولكم

..... خلاص رز واي خضار مع لحمة

.... طيب قوم فك الستائر
( ما انكدك يا امرأة )
.... ستائر إيه
.... ستائر الجيران ( بتهكم بغيض )

حتكون ستائر ايه ستائر الشقه علشان توديهم يتغسلوا

ولا عايز امك اما تيجى يوم الجمعه تقول على مش نظيفة
.... الستائر نظيفة وزى الفل احنا مش لسة غاسلينهم من شهرين
.... شهرين ؟؟؟؟؟؟
طبعا هو انت دارى بحاجة ،
لا ده كان من ست شهور وانا من شهرين عمالة اقولك تفكهم وانت كل يوم ليك حجة



( لا فائدة من هذا النقاش لأنهين تلك المهمة طلبا للرحمة ....



آآآآآه اكيد لن أفك أى ستائر فى منزل شهرزاد )
احضرت السلم وتعلقت على الجدران كسعدان
فار من ملاحقة حراس جبلاية القرود -
و خيالات لقاءات شهرزاد تطوف بخيالي




تعلق طرف بنطال بيجامتي الساقط دوما
من وسطي بتاثير أتساع رباطه بطرف حديدة السلم
يا ساتر طاخ بوم تيشششششششش


تكومت على الارض والسلم فوقي
وبقايا مزهرية ورد سقطت فوقها تتناثر حولي
قمت وعظامي تصرخ بالالم
بينما اقبل العصفور مرفرفا مغردا
..... يا لهوىىىىى المزهرية الغالية اللى حيلتنا اتكسرت

صرخت
..... مزهرية ايه مش تتطمني عليا الاول
..... اطمن عليك !!!
ما انت واقف زي الحصان هو انت بيجرالك حاجة .
..... مش ممكن اكون اتكسرت من الوقعة
.....المزهرية اللى اختي جايباها لينا من برة هي اللى اتكسرت




( ويحك يا أمرأة
لأعجلن لك العقوبة
ولأاحرقن قلبك ،
لأتزوجن مسيارا او مقعادا ،
نعم لأ تزوجن ثم لأتزوجن ثم .........لأتزوجن )







يتـــــبــــع

[محمد الساهر]

شذى الف شكر قصة لها معان ورموز كثيره متابع

[رفيعة الشان]

مو حرمه هذي بعبع
ان شاء الله تكون النهايه سعيده
ويتقوز بنت حلال مش بعبع تاني


متابعين متابعين يابش مهندسه
وعوافي ياعسل عالطرح القميل

[انا السليمي]

عسى تكون النهايه سعيده مش مثل البدايه المقروشه
شكرا لك

[شذى الريحان]

اقتباس: المشاركة الأصلية كتبت بواسطة محمد الساهر      شذى الف شكر قصة لها معان ورموز كثيره متابع

العفووو
اااكيد معانيها كثييرة
تسعدني المتابعة وتابع للاخر
تحياتي

[شذى الريحان]

اقتباس: المشاركة الأصلية كتبت بواسطة رفيعة الشان      مو حرمه هذي بعبع ان شاء الله تكون النهايه سعيده ويتقوز بنت حلال مش بعبع تاني متابعين متابعين يابش مهندسه وعوافي ياعسل عالطرح القميل

ههههههه
هذي النوعية من الحريم تنفع ابناء وطننا
يمشي عدل وليية ارشااانا
لكن والله ست صبورة تخدم في بيتها وشايلة اولادها
الستاير بس على جوووزها
احاول ارد بالمصري
متشكرة على المتابعة ياسنيووورة
ماتبعدييش

[شذى الريحان]

اقتباس: المشاركة الأصلية كتبت بواسطة انا السليمي      عسى تكون النهايه سعيده مش مثل البدايه المقروشه شكرا لك

لسسسسسة انت شفت حاجة
صبرك علينا
تسعدني المتابعة

[شذى الريحان]

مازلنا نتابع ونسترق السمع بين الزوجين










فى الصباح التالى لموقعة ذات الستائر الخالدة ،

تحاملت على نفسي رغم الألام المبرحة وتوجهت إلى عملي

وصلت مبكرا عن المعتاد ولبثت انتظر

زميلي صلاح والذى ساق الى فرصة لقاء شهرزادى الرائعة

وصل صلاح فاستقبلته مهللا مقسما عليه

ان يكون إفطاره على حسابى ، تقبل الدعوة شاكرا واسرعت انا بفتح الموضوع

.... ها يا ابو صلاح قل لى بالتفصيل إيه موضوع العروسة اللى عاوزه تتجوز مسيار

.... إيه ؟ الفكرة عجبتك ؟



.... والله نشوف بس هى إيه ظروفها
.... اللى أعرفه من الوالدة إنها دكتورة عيون ،
ومطلقة من سبع سنين وما بتخلفش ،
وهى مرتاحة ماديا ومن عيله كويسه
.... ما شاء الله طيب وإيه اللى خلاها تفكر فى الجواز
بعد الفترة دي من ساعة ما أطلقت
.... هى بتقول إنها مش محتاجة لفلوس ولا بيت
لان كل ده عندها هى بس نفسها فى ونيس
قلت وأنا افرك يدى حماسا و جزلا والعب حاجباي
.... لا.. إطمن إن كان على ونيس فهى
حتشوف ونيس عمرها ما حلمت بييه
.... بس خذ بالك هى عايزة راجل محترم وما يبهدلهاش

يعنى عايزه حياة هادئة



.... يا سيدي إحنا أساس الاحترام ،
على البركة إن شاء الله ، بس أتقدم إزاي
.... سيبني أكلم الوالدة وأحدد لك ميعاد
.... تسلم يا أبو صلاح بس أمانة ما تتأخر علياااا

.... ولا يهمك ، و أنا أقدر أتأخر

فى البيت شنت حرمي المصون هجماتها اليومية المعتادة

وكانت تصرخ باعلى صوتها ولكنى لم

اكن اسمع سوى موسيقى سيمفونية شهرزاد و أنا أمني النفس باللقاء


















سمعتها تصرخ مجلجلة
.... إتفضل يا سيدي العشا جاهز يلا كلوا خلصوني
نظرت إليها بعيون حالمة وقلت
.... لا مش حاكل أصلي شبعان
.... شبعان !! من إمتى إن شاء الله دا انت عمرك ما تنسى بطنك


.... أصلي كلت فى الشغل

.... كلت فى الشغل !! آآآآآه ما احنا أصلنا بنلاقي الفلوس و .........





إستمرت تهدر كقاطرة تكتسح كل ما أمامها لكننى لم اسمع حرفا مما
تقول
فى اليوم التالي بشرني وجه السعد صلاح بأن والدته
قد رتبت اللقاء فى بيتهم غدا حيث أن العروس تقيم
معها أمها فقط وليكون لقاء تعارف فقط
فإذا تم القبول أتممنا الخطوات بالتقدم رسميا


كدت أطير فرحا
لدرجة إننى أحتضنت صلاح على كرهي الشديد لرائحته :





أستأذنت من رئيسي مدعيا وجود ظروف طارئة



و أتصلت بقاطرتي و أبلغتها أننى سأتأخر لان لدي عملا خارج المكتب
إستقليت السيارة و قد وضعت خطتي لاجهز نفسي ....
فغدا لا بد أن أكون أجمل شهريار







توجهت إلى صالون تجميل رجالي معروف ،
كنت دائما اسخر من أن يتردد رجل على صالون تجميل ،
ولكن لا بأس أنا كالجميع أنتقد في العلن ما يمكن أن أفعله في السر
دخلت إلى المكان متحرجا فأستقبلنى شاب يرتدى قميصا
أحمر يلتصق بجسده وقد عقص أسفل شعره بصورة منفرة
تحاملت على نفسي ... فكل شئ يهون من أجلك يا شهرزااد
..... آهلين أستاذ أؤمر




..... والله كنت عايز أعرف إيه الحاجات اللي عندكم
.... كل شئ أستاذ قصات جديدة ، صبغات ،بيرمنانت ، ،
حمام مغربى ،تنظيف بشرة ،
مانيكير وباديكير ،تدليك ،
إزالة شعر بالليزر



.... لا ... لا .. مش للدرجة دي
أنا عايز قص شعر وتنظيف بشرة وحمام مغربي
.... حاضر أستاذ
قضيت ساعتين لتنظيف البشرة
وقص الشعر وعمل حمام زيت
وخففت شاربي ونزعت ثلاث شعرات بيضاء
تظهر كلها في الجانب الأيسر منه فقط لأبدو
وكاننى فرغت لتوي من شرب كوب من اللبن
دخلت الى الحمام المغربى وخرجت منه وانا أحس اننى مخلوق جديد
مررت بمحل ملابس فخم ودفعت مبلغا مهولا لشراء بدلة
فيرساتشى وقميص وربطة عنق لانفان وأزرار قميص كريستيان ديور
عرجت على محل أحذية خرجت منه حاملا حذاء كلاركس انجليزى فخم






وصلت الى منزلي الرافل في غآية السعادة والهناء ودخلت
مخففا الخطى عليي انجو من المهالك ولكن سرعان ما انطلق المدفع الرشاش




.... اهلا ...اهلا .... حمدا لله على السلامه ما بدري
.... الله يسلمك
.... انت فين طول اليوم عمالة اكلمك على الموبايل
.... اصلى حطيته على الصامت من ساعة الصلاة
ونسيت ارجعه ( كذبة صغيرة )



... وكنت فين ده كله
.... ما انا قلت لك حتأخر
.... تتأخر 7 ساعات ؟
الساعه دلوقتى 11 ،
وإيه اللى انت عامله في شعرك ده

... إيه حلقت شعري
... اول مره تحلق بالشكل ده ،
عاملي قصة زى ما تكون شاب صغير
.... وهو انا عندى 90 سنه ما انا شاب صغير
.... صغييييير .... طب النغه يا ختى النغه

... النغه !!!!

بقولك إيه انا جاي تعبان وعلى نهايتي

.... وده إيه اللى في إيدك ده ؟
وريني
( وهجمت على ما أحمله هجمة مظفرة )
أتسعت عيناها وهتفت
....إيه كل الحاجات دي

.... أصل بكره حقابل مستر لارى اليسون جاي من امريكا
وده صاحب شركة كبيرة وبيدور على وكيل له هنا واحنا عايزين ناخذ الوكالة
( مجموعة أكاذيب )
.... طيب وده لازم تلبسله جديد في جديد حتى الشرابات
.... لازم اكون في احسن مظهر
.... طيب ما انت عندك بدلة جديدة بقالها شهر بس
.... لا ...... متنفعش الوانها متنفعش
.... ليه إن شاء الله

قلت وقد قررت ان انفس عن نفسي و أستفزها

......طيب خلاص شارى بدلة اتجوز بيها

..... هئ هئ هئ هئ هييييييييي ييييئ

... بتضحكي عليه إن شاء الله

.... تتجااااااوز هئ هئ ...
تتجوز بايه يا حسرة روح يا خويا إتجوز واللى أخذته القرعة تاخذه ام الشعور




ويحك يا أمرأة
قطع الله سم لسانك
تالله ما نطق لسانك صدقا
سوى أنك قرعة،
ولولا إني أخاف على تسريحتي لأنلتك ما تستحقين
صبرا فغدا تنالين الجزاء




يتبع

[أبوعدي]

الله عليك ياست الستات

منوره الحته بحتوتاتك القميله

ايوه كدا بتفرحينا بكلامك واسلوبك الحلو


انسه شذي موضوعك بينأط عسسسل


متابعين لباقي الحلقات وياليت يكون زي المسلسلات التركيه بألف حلقه


شكرا لك

[انا السليمي]

الله هوا لسى ماراح عند المملوحه شهرزادى والا ايه بقى متى حيروح ليها .
خلصي علينا ياشذى بقى دي قصه حلوه مرتبه اوي بس ايه بيحصله بالاخير ياترى بتوافق والا بترفضوش هيا .
تحياتي .