طالت وشانت

[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياطير ياللي على القبله موجه خذ معـاك السـلام=لا هنت بلغـه محبوبـي وعنـي قـول ماقولهـا
قله حسين المعنى بعد ماقفيـت بـالارض هـام=حاله نحل ورتحل بين الجبال النيـف واسهولهـا
ماعاد يهنى المنـام ولا بريـد المـا ولا بطعـام=اقفا به الهـم هاذيـك السنيـن الطايلـه طولهـا
شردني الحزن بسبابك ووداني بوسـط الضـلام=ماودي الناس تنضر حالتي وتقـول وشهـو لهـا
اتخيلك واتذكر مامضـى حتـى وانـا بالزحـام=اسمعك واراك والعربان مانـي عايشـن حولهـا
صبرت لجل الغلا مافات وانا يعلـم الله مضـام=داريت وابليت وانهديـت والاوضـاع ياهولهـا
مستنضرك وانت تدري والمصيبه ماعطيت اهتمام=عايش بدنيـاك ماهمـك براحلهـا ولا انزولهـا
واليوم طالت وشانت ياحبيب الروح ماهو كـلام=قررت ماعد امد ايدي علـى حاجـه وماطولهـا
ابشرك نحمدالله زان حضـي واتبعـت النضـام=مرتاح بفراح والافراح هي زولي وانـا زولهـا
الحين دوبي عرفت اهل المحبه والهوى والغـرام=والا فمن قبـل ماقلتـه ديـاره كنـت مهبولهـا
لك الله اني لقيت اللي تغناني عن حلال وحـرام=على دروب النقا كان القـا راحـت وراحولهـا
ماكان بيديـك فوتيـه والفايـت عليـه السـلام=ماهو براجع وروحي عن قراري يحرم اعدولهـا
الله يبارك بهـا ويزدهـا بالعيـن قـدر ومقـام=مادمها جابت الفرحه عسى الدنيا فدى ارجولهـا
وان كان عندك عقل من لام وانتي ماعليك الملام=درب الخطا مابطى واللي بغوها النـاس لاقولهـا
هذي النهايه وهذا ياعذاب الروح مسـك الختـام=يقولها اللي حيـاة الحـب عـود منـك مقتولهـا [/poem]

[احمد صعمود]

ياسلام عليك يالمعنى شاعر غزير وحضور دائما مبهج

مبدع تتغنى بكل البحور

تقديري

[بدرالسهلي]

صح لسانك يالمعنى بس والله
ابيت اعرف لحن القصيده
تقبل مروري انا فداك مع التحيه

[حسين المعنى]

اقتباس: المشاركة الأصلية كتبت بواسطة احمد صعمود      ياسلام عليك يالمعنى شاعر غزير وحضور دائما مبهج مبدع تتغنى بكل البحور تقديري

صح الله بدنك يابو حميد ولاعليك زود

تشرفت بمرور

تحياتي واحترامي

[حسين المعنى]

اقتباس: المشاركة الأصلية كتبت بواسطة بدرالسهلي      صح لسانك يالمعنى بس والله ابيت اعرف لحن القصيده تقبل مروري انا فداك مع التحيه

صح الله بدنك يابدر
الطرق هذا من الطروق الطويله واقرب لك اكثر تعرف قصيده لشاعر حبيب العازمي غناها الفنان عابد البلادي بسم
ياطير ياطير ياطير السعد ياللي ترف الجناح على نفس هذا البحر

وانا اتشرف بمرورك يالشغيبي وفداك من عاداك

تحياتي واحترامي

[ابو احمد العدواني]

صح لسانك وبيض الله وجهك

لك مني اجمل تحية وتقدير

[ابوعواد السويدي]

صبرت لجل الغلا مافات وانا يعلـم الله مضـام
داريت وابليت وانهديـت والاوضـاع ياهولهـا

صح لسانك عز الله انك مبدع ومتفرد
وقصايدك لها طابع خاص

وتقبل تحياتي