دنيا عجيبه

[ألمحيط]

دنيا عجيبه شفت فيها العجايب = وشفت الذي في سابق الوقت ماصار
وشفت الجفا فعيون بعض الحبايب = وقريت فيها اسرار واسرار واسرار
وامسيت منهم طول الأيام هايب = القرب منهم نار وافراقهم نار
وهذي مصيبه من كبار المصايب = جسر التواصل كيف يهدم وينهار
وقلوبنا تصبح جريحه عطايب = متباعده عن بعضها بين الأقطار
وخط التلا قي بيننا صار ذايب = ماعاد يوصل به من الود تيار
ولا عاد نوقف مع بعض بالنوايب = نخلق لها مليون حجه ومعذار
راحت علا قتنا القديمه نهايب = وتغيرت فالناس الأنفس والأفكار
ياكم يحصل في زمان الغرايب = ويامكثر اللي مثلنا يشكي اضرار
مجروح حاروا في دواه الطبايب = ومن القهر دمعه جرا مثل الأنهار
حتى الهنا عن خاطره صار غايب = دار الزمن والكون كله معه دار
يالله سألتك ياعظيم الوهايب = تجمع شتات قلوبنا كبار وصغار


راشد الجمعان ( المحيط )