قصة بن ساري الليل

[فارس بلا مهرة]

بن ساري الليل رجل حكيم وكان اهل القرية يرجعون له في اكثر الازمات ويحترمونه
فيه عامل فلبيني مايعرف عربي سايق شايول ومرة وقف الشيول ونزل يفطر ويدحدر الشيول على بيت واحد وطيح جدار الحوش 0 قام راعي البيت مسك الفلبيني يصايح عليه والفلبيني مايفهم منه شي والاثنين مايفهمون بعض وجوا المصلحين فهموا القصة قالوا مالنا الا بن ساري الليل يفهم هذا الفلبيني واستدعوا حكيمهم علموه القصة قام يكلم الفلبيني والفلبيني يتكلم ويأشر بيده قال بن ساري الليل شوفوا الرجال يقول لكم علي الطلق مامعي قرش ذالحين وعيالي ينتظروني لكن دخيلكم اصبروا علي الا اخر الشهر وابشروا بالخير 0 قالوا هو قال كذا قال بن ساري الليل نعم وهو مايدري ايش السالفه 0 تركوا العامل واخذ شيوله وراح وخلص الشهر وراعي البيت ينتظر وجاراعي البيت هو والمصلحين لبن ساري الليل يسألونه هاه وين خويك0 قال بن ساري الليل والله يالربع اني مدري وش اقول لكم وهووالله ما ادري وين دج لكن ان كان مصملين فالله يعين انا بابني البيت عن الرجال وان سامحتم فانتم تقدرون وانا استاهل0 قالوا ماشالله عليك يابن ساري الليل واحسبناك حلال المشاكل وتفهم الامور قال هذا علمي قالوا تدري الله يسامحك يابن ساري الليل 000
[align=center]اتمنى ان تنال اعجابكم[/align]

[ضرغام]

جزاك وجزاهم الله خير
يعطيك العافية على القصة الهادفة الى التسامح
لك خالص تحياتي
دمتم بود

[فارس بلا مهرة]

شكرا على المرور اخي ضرغام

[ابن عيدان]

شكراً لك قصه جميله

[كاتم الاحزان]

يعطيك العافيه
وربي عرف يخارج نفسه
بس لو في هذا العصر لخلو أبن ساري يبني البيت
تقبل مروري

[الراس الصغير]

قصة روعه وفيها ان ساري الليل انقذ الفلبيني ومشكور على سرد القصه

تقبل مروري

[ابراهيم السعدي]

قصة جميلة
الله يعطيك العافية