هروج العصرية فوق الرعش و تحت الفية ....

[نسيم السروات]

اقتباس: المشاركة الأصلية كتبت بواسطة جمرة غضى      عليك ذكر الله وعليك مان الله يانسيم يااللي هروجك بالحلى والريحة الطيبة كما ريحة شلخة الكادي وأنا دفعك هبي لنا خبزة قنا وانا بجيب معيه لحسة عيش(ن) ههههههههههه وسمن(ن) وعسل(ن) موضوع متميز كتميز صاحبة الموضوع الله يعطيك العافية تيه الصورة صغرتوها شوية

يااااااانافدا البدية عساني لويتك هويه تكلفين على نفسك وتجيبين معك عيشن وسمن هاني بسرسله عند القحمان

سد البيت قاعدين يبصونا فيها عيونهم في العيشة كل ماعد واحدة من جنبهم يلمحون وشمعها من عيشه

خلينا نسربها عليهم ونأكل من خبزتيه وقراص شتات عساني دفعها حتى هي جابت حلة قراصن من ركيبتهم

اللي تحت البيت فيها قراصن يهني .

يااااارب ياكريم أشوف لي عينه في السماء أن شاء يجينا المطر بعد شوية ياغلائم .

[ياسرالزهراني]

سسلام عليكم

هيا حبيت اعلمكم اني تعشيت ذيك الذبيحه سوينها في ذاك البرميل

طلع مندي يهول هوله



بغيت ادق على القحامه يجون يتعشون معنا بس قلت والا مايتعالمون زهران اني مضيف قحومتنا ع ذبيحه

لازم يكون حاشي




وبغيت ادق على نسسيم تسويلنا خبزهـ بس قلت مابتعبها

[نسيم السروات]

اقتباس: المشاركة الأصلية كتبت بواسطة شذى الريحان      صالحة ماتت ماتدري رسلتلك الصور على الخاص بعد ماصغرتها انسخي وحطي من غير زعل فزعة

ياشفاعة الله عمتك صالحة ماتت ؟؟ متى ماتت الله يخرك ماعلمتيني أغدي أعزي عندهم ؟ الله يرحمك ياصالحة بنت منسي

لا يكون قحمها نكح بعدما ماتت ، كمن أنه سواها ذاك المغزول والله ماماتت عمتك غير من غلبها معه الله لايسامحة

قحم الغزلة .

فديت ايدك اللي صغرت الصور فديت نفعتك ياغلة البنات ولكن حيلي تاك اللكة اللي تلجغين فيها أني ماحب البنات

يلجغون الكة قداميه يانافدا .

[ابو احمد العدواني]

أختي الفاضلة نسيم السروات اشكرك على الموضوع الرائع والجميل والذي يحكي عن

أجمل تراث من وجهة نظري ( تراث زهران ) والذي ابدعتِ فيه من خلال مشاهدتي

لأغلب مواضيعك فشكرا لك مرة ثانية وننتظر منك المزيد والمزيد فلا تبخلي علينا

أختي العزيزة : أنا من مواليد وسكان محافظة جدة فدرست جميع مراحلي التعليمية

الابتدائية والمتوسطة والثانوية والجامعة في مدينة جدة وتوظفت في جدة ولم أكن أطلع

ديرتي ( بني عدوان ) إلا في السنوات الأخيرة تقريبا فبالتالي لم اشاهد تراث زهران

العريق ولكن سمعت عن حياتهم وعن عيشتهم عن طريق والدي ووالدتي وكأني اسمع

قصة خيالية ، ولكن منذ أن دخلت منتدى زهران استفدت كثير وتعلمت الكثير والفضل

يعود لله ثم للمؤسس ابا نضال حفظه الله وأمد في عمره وهو بصحة وعافية ولا ننسى

جميع الأخوة والأخوات الأفاضل الذين تشرفت بمعرفتهم رغم أنني لم أرى أحد منهم

وافتخر بهم وهم تاج على رأسي وهذا ما يهدف اليه منتدى زهران

أختي الكريمة هناك مجموعة من كبار السن الله يطول بعمرهم ويمدهم بالصحة والعافية أمثال :

( أبا نضال ، يحيى محمد الزهراني ، والفقير إلى ربه ، ويحيى اللساب ، سام ، عساف )

فهؤلاء كنز ثمين نتمنى ان لا يبخلوا علينا بالمعلومات

ومن خلال تجولي في (google)عجبتني الصور التالية :

تستخدم بطريقة التسخين ثم الكوي واذا بردت يتم تسخينها مرة اخرى

لكم مني اجمل تحية وتقدير

[نسيم السروات]

اقتباس: المشاركة الأصلية كتبت بواسطة sam      يا أختي : نسيم السروات أولا الله يهديك ما يجلس في الفية إلا سبع الفية وأنتي يبدو إنك ماتعرفين سبع الفية من هو أسألي أبوك وأحد كبار عائلتك الله يقهرك شيبان وتبغين تشبهينا كما كلاب الدار الهايسه ههههههههههههههههههههههه ثانيا بالنسبة للطريح : هو الأعشاب اللي تجلبينها من الوادي مثل الحماط والسدر والطلح والبرسيم ويلقم بها الجمل خصوصا إذا صار يعمل ومثل بركته ذيك تحت الرعش ماله إلا واحدة مثل نسيمووووووه تلقمة وبعدين الله لا يهينك أسقية بالماء وإذا خلصتي روحي سوي الخبزة المقناة ما دام إنك جبتي الشث وحميتي الصلاة بس أنتبهي لأيدك لا تأكلها النار يمكن في لعب حريم في العصر وتهزين إيدك وهي محروقة مصيبة عليك أرجوك حافظي عليها ودقي الدف أو الحنية بيدك صح . تحياتي لك ولمرحك ونقاء سرايرك وصفاء نيتك مبدعه دائما حتى في هروجك ,

محشومين ومقدرين ياعم سام والله ما قصدي مير أبغاكم تعدون في الفية عن الشمس أخاف تحرقكم وأنتم ماعد

تتحملون لا برد ولا شمس قلت أجهز لكم مكان في فية البيت أو في زربة البيت منها تتبردون ومنها تشوفون

السارح والرائح وتستقبلون الضيوف القادمين وماحلا العصرية في فية البيت صارت قصيدة


أما الجمل والله ماعزمت القمه يزيد يأكل أيديه وأغدي خجلة بين النسوان أيدي ماكوله بعدين أنا ما أحب الجمال

والله أني أخرع منها لو أنه حصانن كان اشوى يذكرني بحمارة جديه الله يرحمه أما الجمال فيها حقد على بني أدم

ومشكور ياعم سام على مدحك وثناءك بارك الله فيك .

[نسيم السروات]

اقتباس: المشاركة الأصلية كتبت بواسطة شذى الريحان      نسيم لقيت شي زي الكنز والله مسكت فيه تبغي تحذفييه بكيفك الموسيقى مخبووصة ولاهو واضح انها موسيقى واللي يرددوا شكلهم اطفال بس روعة !

الله يسعدك ياريحانه وجعل يدك ما تأكلها النار ها قلي أمين .

وابشرك حظي يسعى جاني نفس المقطع في موضوعي ( يا اهل بيدة أنقذوا رمانكم ) من عضو أسمه سابل الله يجزاه الجنة

وارسلته لي شتات على الخاص وأنتي جبتيه ليه هنية هدية الله يسعدكم كلكم لا خلا ولا عدم

والبرنامج كله صار عندي من شتات الله يسعدها بانزل منه شوي شوي في المكان المناسب .

هيا أشربي قهوتك بردت عشان أثني لك بواحدن أخر .

[نسيم السروات]

اقتباس: المشاركة الأصلية كتبت بواسطة الراس الصغير      الله يسعدك يا اخت نسيم على ماتبذلينه من جهود في طرح مواضيع نادره والتراث اخذ منها النصيب الاكبر والتي من خلالها جميع مواضيعك وهذا الاخير معها تبهجنا وتفرحنا وتبهرنا وتجبرنا نشارك معك لان مواضيعك جذب حتى لو ماتسوي دعوة < يعترف الراس الصغير انه جاه بطاقة دعوة من نسيم السروات عقوف نشارك معها هههههههه ابشري بالقحم الراس الصغير يقعد تحت الفّية ويتهرج ويدهدق معكم واعذبلله من الشيطان ماهلا وكان ها فهمتي يابنتي نسيم هههههه

يا مرحبا تراحيب المطر عد الله يحيك ماقبلك إلا صديق كلهم قحمان الجماعة ماحد غريب .

وعلق عصاتك في العراق بقوف الورعان الصغار مايضيعونها عليك , البارح القحم سام خذوا عليه نظارته الوراعين

الصغار ويوم جا يسري قام يتهطش بغى يطيح جوف البير ماهلا خذ بيدة ذاك الولد اللي أسمه جعلان وداه لاعند كهلته .

أما يابنتي نسيم وربي جلست أضحك ضحك على الأقل أحسن من غيرك اللي يقول ياكهلة ياكهلة كهلوا بي

[سعيد بن عبدالله الزهراني]

شوفي وانا عمك أنا هبطت سوق الرومي وأستعرت حمار عميه عطيه قلت بشتري لي شوية مقاضي وحنى للمعزبة عندي واحدة عفريته كل اسبوع وهي تتحنى لمناسبة ومن غير مناسبة مدري وشمعها أظن في دقنها خبر ,,,وشريت لها قلادة ظفار إذا تزاعلنا سحبتها منها وإذا أرضتنيه أعطيتها أياها ونحن على تياعك المهرة .
المهم يوم هبطت السوق كان معي ولدي المفروح مامعه من عقله نتفه ,, كان معنا ماطور حق ماء تونا اشترينا أبليس من السوق ودنا نسقي الساقية بدل الغروب ذبحتنا هي والثيران ,, قلنا بنبدلها بالماطور لكن الولد الله يخره راح شغل الماطور وهو على ظهر الحمار قلت ليش؟ قال المح نبغي نفحصه نشوف شغال ولا لا ماهلا شغله وينقز حمار الشيطان والنجدة وراه والولد وراه وقف يا حمار عمي عطية ,, ابا يوقف وتصدقين وين وقف شرب من السد ذاك في بيده واندر مع خواته اسفل الوادي وماطورنا فوق ظهره شغال والله مازدنا رجعنا إلا على ارجولنا وقلنا بنعلن عنه في الجريدة ونكتب أوصافة وسنه ولونه والماطور إللي على ظهره لأنهم علمونا أهل ذيك الديرة أنهم شافوه وأظنه راح تربة البقوم الله لا يرده وهم خرعوا منه يحسبون دركتل شغال بدون سواق .
دمتي يا كهلتنا العظيمة وأنتي عظيمة في كل شيء حفظك الله ورعاك .

[نسيم السروات]

اقتباس: المشاركة الأصلية كتبت بواسطة نور الجنوب      الله يسعدك يانسيم واخيرا رجعتي لنا الموضوع انا فداك ياحبيبتي .ايوا خلنا نتهرج ونخترج مافي قلوبنا هوي يانسيم ارسلتي بطاقة دعوه للراس وانا ماتراسليني هوي يايخته ..والله لااشتكي عليك عطيه

اما ذلحين دوبه قرررررررررة المجلس يوم جيتي يانور والله ما تحلا السواليف إلا بك أنتي وعطية يارب يحيكم

الشفاعة لا عد ما ارسلت لك دعوة وانا سربت بنتيه لبابة عليك تدعيك للقهوة وطردها عطية من عند الباب بغى يأخذ

عقل بنتي جتني معها كما الخرعة تقول عطية يقول خري عند أمك لا عد تزهمون نور كل يوم وهي مع أمك فوق

الرعش تهرج وأنا تخليني طرف الملة مع البساس هويه يانور ما ترسلين عطية مع القحمان يتهرج معهم أربك

تفلكين معنا مايقعد يقاحر فيك إذا جيتي تهرجين معنا .

[نسيم السروات]

اقتباس: المشاركة الأصلية كتبت بواسطة يحيى محمد الزهراني      السلالم عليكم :: والعون :: وشرحتم وانا مار من عند بيت الكهله نيسم سمعتك يالراس الصغير تنشد عن المطرب وش اسمه وانا باعلمك هذا يا طويل العمر اسمه محمد حسن من بني سار اللذي له اغنيه اسمها ( يا بنت حساني ابوك وصاني ) ابحث لها في اليوتوب وتجدها وانا والله اني مستعجل معي حرث في جناب الوادي باقي فيه ضلعتين ودي افزع للقحم عساف بحرث معه واذا غلقنا بنمر عليكم ونتهرج معكم الين المغرب هيا مع السلامه

حيا الله العم يحيى يامرحبا .

يايبه والرأس الصغير متى جانا في بيتنا والله مالي علمن به يوم جاء اضن أنه جاء يوم رحت أسقي بقرتي من

رأس البير معي بقرة ما تروى إلا مت الخرطوش تشرب لين يضلي بطنها متعدياُ ظهراها من غير المواص اللي

أعطيها صبحا صبحا ،

هيا لا توخر ياعم يحيى أحرث ركيبتك وتعال للقهوة في فية البيت الشرقي وشئ لحسة عيش جابتها جمرة

ارسلناها لكم البنات ما قصرنه كل واحدة جت بخيرها معها .