الحنين إلى الماضي والأجداد(مع نسيم السروات)

[د.العدواني]

يعطيكم العافيه

على التذكير بالماضي

رغم بعد المسافات ..

ومضي الأيام والسنوات

عاما بعد عام .. إلا أنه لازال

لدى الجميع حب للماضي

وللأراضي وللعادات والتقاليد

اللتي نشأ عليها



بارك الله فيكم

[نسيم السروات]

[align=center]

اقتباس: المشاركة الأصلية كتبت بواسطة الراس الصغير      [align=center]السلام عليكم واخيرا خرجت من الاستراحه حقت بنت الوادي مابغينا نخرج اعذبالله من الشيطان قبل ما اتهرج وش رايك في لون خطي انا اخترته لانه يعبر عن الماضي جيت هنيه افزع افزع وافزع واتفطن ورايه قلت لا يكون أحد يطردنيه شفت عنوان الموضوع بعد كرت الدعوه الذي وصلني من نسيم السروات ( الله مخرطنيه لا كرت دعوه ولزنه هههههه الا باعلم هويه. ترا نسيم السروات جايت عندنا في الاستراحه تقول تعالوا هنيه شي درجه وفرجه وانفرق وانت زيدي هههههه هذي اللي كنت احفظه من الماضي وقعدت جوف مجلس بنت الوادي تقول انا دخيلك تعاله وانا والله ما قدرت ارفض لها طلبن وماهب من عوايديه اني ارفض طلب اي واحد كان ومادريت الا ولاونيه قعدت اتعجب من هذي الصبيه ومن هروجها والله لكشرت فيها وفي معارفها وانها تسوى عشر رجال من هرج وحرفنه في الكلام وما هب بعيده لو اقول انها ماشي كماه بين الغلايم كلهنه . ها اما ذاحين باقول اللي عندي ما اطول عليكم في الهروج لان راسي صغيرن وما يتحمل اني اجلس اهذري الحاصل يا حباني اني كنت مربوط في الاستراحه وكان فيه موضوع لبنت الوادي الله يحفظها . واسم موضوعها كح كح تهرجوا . ( يا بنت الوادي ترا عذي دعايه لموضوعك ابغى الفلوس كاش لا تنسين الاتعاب حقتي اتعابي تجيبين لي كيس بوسن وعدد اربع كراتين صلصه وبس ابغي اسوي فريقه الله يازمن الفريقة كان لها طعم تعرفون الفريقة مافيها كلام . ويوم انيه خرجت وبعد ما فك قيدي هاوي زهران لانه له نهارين جوف الغرفه يحاول يفك الحبل الذي ربطتنيه به بنت الوادي ها انا هنيه جيت افزع حتى ما امدانيه اكوي الثوب والعمامه الكريشيه وشكلها معفطه بس اسمحونا كانت تحت الوساده . لان زمان اول ماكان عندنا مكوى لكوي اللبس واذا بغينا نكوي الثوب والعمامه نحطها تحت اكبر وساده في المجلس ونخليها من الليل الين الصباح هههههههه مااحلها تيك الأيام . وش رايكم في الحركه جديده عليكم صح . ماقد سويتموها وخاصة ليلة العيد ؟ آآآآآآآييه يا زمن انا محنقن فوق تذكرت الماضي امهم وين وصلت انا ان الكلام شعبن على قولت شيباننا . ايه تذكرت فيوم اني جيت بثوبيه وعمامتيه الكريشيه في هذا المكان لكي اقول :- بسم الله الرحمن الرحيم اولا اشكرك اختي على الموضوع النادر والذي يشرح الصدر بذكريات الماضي .وكان والماضي على اسمه ماضي ومضى لو كان الماضي يعود كان صار علوم لو نتذكر قل ما صار في ماضينا لبكينا على السنين اللي مضوا وراحوا وعلى الشقى الذي كان وما احلى شقاه. ذكريات الماضي واحداثها كثيره والحقيقه كل واحد لديه كم هائل من القصص والذكريات الجميلة بس مالها الا نجزئها ونكتب كل يوم ماذا كنا نفعل وما احداث حياتنا التي مرت علينا . انا لست قحمن هنا بين الاعضاء ولكن هناك قحمان وكهيل يستطيعون ان يتحفونا بما عندهم من الماضي اللي عندي سوف اسرده هنا بقدر ما استطيع من قوة ومن رباط الخيل ( وشهو حرب يا الاخ ؟ لا اقصد انني سوف اكتب بما كنت اعيشه قبل 40 سنه ترا لحقت على الحرث والصرام والدياس ونقل الرفه الى السفل وكانت هذي الاخيره متعبه جهدا جهدا واخس شي اذا انتهوا من الدياس وجمعوا الرفه وقالوا يلا ايها العبد اللعين اكرف ههههههه انقلوا الرفه الى السفول ( مخزن استراتيجي لجمع العلف وتستخدم الرفه للهوش والغنم وقت الشتاء واحيانا يدلعون الغنم وياهبون لها شوية رفه بعد ماترعى من الوادي . الغنم ماتشبع لان الغنم يرعى في الوادي واذا جاء ذاك الشتاء والهطيل والبرد القارص والضريبه التي تخطه فيجي دور الرفه ههههه نقدما حساء للغنم مع صحن ماء فهمتوا يا حباني سوف نعبي لك هذي الصفحه من ماضينا لا تستعجلين باقي تشوفين العجب ها ذلحين بدا راسي يحوم بيه بغدي اتفاول [/align]

هلا هلا والله صغير الرأس عندنا هنية

يالله حية هوية ماعلمتني أرحب بك وأفرش لك جاعداعند السدة

وإلا فوق ارعش قوف يهبك الهواء وأرشق لك دلة قهوة ومشرقا

فوق الساج وسمنن في الملة .


الله عليك والله لذكرتي بالرفه كانوا أهلي حاطين مستودع الرفه في غرفة تحت

الأرض وكانت هذه الغرفة مفتوحة من أعى فتحته تسمى خوة بشد الواو

وكنا نصب الرفة ( التبن ) فيها حتى تمتلي وأحلى حاجة عندنا إذا أمتلأت

لأن هنا يبدأ اللعب المحبب لنا بحيث نوقف فوق التبن ونقوم ننطط فوف تحت عالشان

تنحشي زين الرفة داخل الغرفة التحتية ونجلس ننطط فوق الخوة حتى تنحشي الرفة

ونزحلق إحنا والرفة ونتقلب فوق الرفة بحيث تنخرش بنا الرفة

وتصير فينا خلقة تفجع تقول الواحد خارج من لرمادة وكعشنا كلها تراب وغبار

ورفه ونطالع في وجيه بعض ونجلس نضحك على بعض

يحلو طفولتنا رغم شقاوتها وتعبه كانوا يشغلونا وإحنا أطفال مافيه رحمة ولا دلع

وإلا الخورمة االصخرة اللي تجرها الثيران نحاول نطلع فوقها واللي يديس يسلكنا

بالمطارق في عراقيبنا ولا نتوب من اللعب .

الله ما أصبر أهالينا على الذراية كنت أشوف الحريم يقومون ويجلسون متقابلات

ويأخذون كمية من الرفة ومعها الحب الرفة تطير مع الرياح والحب ينزل تحت

وإذا الرياح ماهبت يجلسون ينتظرونها حتى تهب ولازم تكون رياح جنوبية

ما أدري وش السبب لازم تكون جاية من ناحية الجنوب

أذكر أن جدي رحمه الله كان متمسك بهذه العادة ( الدياس ) إلى وقت قريب جداً


هذا من ناحية القمح والشعير والحنطة .

أما من ناحية حب الحاج الذرة الصفراء فكانوا الحريم

يقصعونها من أكواز ها ويضعونها في أكياس ويدخلونها البيت

ونبدأ في تقريشها وكانت عملية ممتعة وغير متعبة كان بعد صلاة العشاء

نولع اللبات فوق السطوح وكل واجد في يده مقص صغير أو عود حاد

أو سكين صغير نقوم ندخل ههذه المادة الحادة في رأس السبلة علشان نقرشها
نصفين ثم نقوم بتقشيرها وبعد الأنتهاء من التقسير يضعونه في الشمس عدة أيام

وبعدما ييبس يقومون بجلده بعصي كبيرة بحيق ينفصل الحب عن العزم جمع عزمة

وهي السبلة بعدما تفضى من الحبوب ثم ينظف ودخل في الأكياس

هذا متذكرته الأن والجيات أفضل أن شاء الله تعالى .

ومرة ثانية أرحب واشكر الأخ االرأس الصغير على تلبية الدعوة لهذا الموضوع .[/align]

وفعلا اللون اللي أخترته يدل على الماضي لأنه يشبه لون الطين اللي كانوا يخلبون به بيوتهم

مشكور أخي الرأس الصغير وعسى الله ربي يكبر رأسك .

[آمـيرهـ بآح ــساسي]

نسيم السروات،،،ربي يسعدك على هالموضوع
وربي كلمة رااائع فيه قليله،،،خلينا نتعرف على
تراث اجدادنا ،،،تعرفي قريت الموضوع كامل لأمي
وانبسطت منه وحملتني لك سلام ودعوه ان ربي يحفظك
لأحبابك واهلك،،،تقبلي مروووري،،،

[نسيم السروات]

اقتباس: المشاركة الأصلية كتبت بواسطة بنت الوادي      نسيم السروات،،،ربي يسعدك على هالموضوع وربي كلمة رااائع فيه قليله،،،خلينا نتعرف على تراث اجدادنا ،،،تعرفي قريت الموضوع كامل لأمي وانبسطت منه وحملتني لك سلام ودعوه ان ربي يحفظك لأحبابك واهلك،،،تقبلي مروووري،،،

أختي الغالية بنت الوادي ألف ألف شكرلمرورك

لك ولأمك وأنا بعد سليمي لي عليها وعسى الله
يحفظها لك أمين.

ومع الأسف موضوعي كله أغلاط إملائية لأني أعتمدته قبل مراجعته

وكتبته وأنا في رأسي نوم وغير مركزة وكل مواضيعي التي

أكتبها قبل النوم تكون كذلك فالرجاء المعذرة على كثرة الأخطأ وغظ النظر عنها .

بنت الوادي ياليت تسوين مع أمك لقاء خليها تحدثك عن بعض

الذكريات عن الماضي أكيد الماضي حافل بالأحداث الجميلة ثم سجليها هنا
إذا ترغبين وإذا ماتحبين ذلك على راحتك أختي .

وتراني أستفدت من أمي الكثير الكثير عن أحداث الماضي

لأني بصرحة كنت طفلة ولحقت على نهاية بعض البدائيات

القديمة حيث أني درست في الديرة سنة أولى أبتدائي فقط ثم

سافر بنا الوالد إلى نجد ولكن كنا كل صيفية نطلع الديرة

وكنا كلما طلعنا وجدنا شي من التطور فكل سنة يحدث شي جديد

حيث بدأت الحضارة تدب شيئا فشيئا وكنا نفرح بهذا التقدم

الملحوظ في المباني وتعدد المدارس والمستوصفات وشق الطرق

وبناء السدود ودخول الهاتف وهكذا مما كان يرغبنا في قضاء

كل الإجازات في الديرة .

أشكرك بنت الوادي وأشكر والدتك على تواجدكم هنا
في هذا الموضوع .


ولكم تحياتي :

[نسيم السروات]

اقتباس: المشاركة الأصلية كتبت بواسطة د.العدواني      يعطيكم العافيه على التذكير بالماضي رغم بعد المسافات .. ومضي الأيام والسنوات عاما بعد عام .. إلا أنه لازال لدى الجميع حب للماضي وللأراضي وللعادات والتقاليد اللتي نشأ عليها بارك الله فيكم

هلا والله وغلا بأخي العزيز د العدواني

لي الشرف بتواجدك معنا في هذا الموضوع

وإبداء رأيك فيه .


وصح كلامك كل واحد له ماضي وذكريات لها حنين في قلبه

وعلى قول المثل ( اللي ماله أول ماله تالي )


أخي د العدواني شكرا لمرورك

وتقبل تحياتي :

[الكناني101]

الاخت نسيم السروات
الشكر في حقك قليل ولك من اسمك نصيب
اعدتي لنا ذكريات اربعون سنه للماضي الذي لم يغب عن اذهاننا لحضه الماضي الذي اشتقنا اليه والى
قلوب اهله الطيبه الكلام كثير لكن حبيبنا فنان الديره
لم يترك لنا الحديث فقد ذكر كل مايجول بالخاطر فنان الديره لك كل الشكر والتقدير
ماودك نعود الديره ونخلي المدن وهكبتها

[نسيم السروات]

[align=center]

اقتباس: المشاركة الأصلية كتبت بواسطة الكناني101      الاخت نسيم السروات الشكر في حقك قليل ولك من اسمك نصيب اعدتي لنا ذكريات اربعون سنه للماضي الذي لم يغب عن اذهاننا لحضه الماضي الذي اشتقنا اليه والى قلوب اهله الطيبه الكلام كثير لكن حبيبنا فنان الديره لم يترك لنا الحديث فقد ذكر كل مايجول بالخاطر فنان الديره لك كل الشكر والتقدير ماودك نعود الديره ونخلي المدن وهكبتها

أخي الكناني لي الشرف بتواجدك في متصفحي هذا

ولك منى جزيل الشكر على مرورك المميز

وفنان الديرة الله يعطيه العافية قال اللي عنده

عن طفولته ياليت كل واحد يتحدث عن طفولته

ومواقف مرت عليه في ذلك الزمان العظيم بأهله وخيراته

تقبل تحياتي :[/align]

[البواردي]

مشكوره اختي نسيم السروات على الموضوع اكثر من رائع
حولت اشارك لكن عمري مايساعد اقل من المطلوب
لكن عندي مواقف ودي اذا فيه مجال تتكلمون فيها عن الطفوله البرئه طبعا طريفه
1- اذا جاء المطر مايبقا ولا حله في المطبخ نحطها تحت القاطر من العقد ونتسمع صوت القطر طق طق طق طول الليل
2- وحوق الدمن والطيغه ولاتنسو نمنظر الديك راس الدمنه وطبعا افضل محل نلعب فيه ونطارد دجاج الجماعه
ولا تنسون القهده نجيبها اللكهله في البيت. ولتنسون محل ماتبيض الدجاجه نقعد ندور لبيض الدجاجه في الحماط وسفل الدمنه .
وتقبلو خالص تحياتي

[نسيم السروات]

حياك الله أخينا البواردي يكفي تواجدك معنا

الله عليك ذكرتني بالدجاج والبيض كان كل كهلة عندها سرب أو سربه بالزهراني من الدجاج

تربيه وتهتم به وتفكه طول السيح والصفح يرعى وإذا جاء المفرب تروحة السفل وكانت تحط للدجاجات

البياضه كرس وهو عبارة عن صندوق أو غرفة صغيرة من الأحجار عشان تدخل الدجاجة وتبيض داخل

هذا الكرس وتجي الكهلة الصباح وتحصل المحصول اليومي من البيض داخل الكرس وإذا بغت الكلهلة أن

الدجاجة تفقص فروخ تترك البيض لكي تحضن عليه الدجاجة بعض الأيام تقول أمي أنها أربعين يوم لكن

غير متأكدة وبعدها تفقس وتخرج الكتاكيت ووتقوم الدجاجة على رعاية صغارها حتى يصيرون دجاج وهكذا

وعسى الله يرحمنا برحمته كنا إذا لقينا بيض تحت الشجر أو أسفل الدمنه على قول أخي البواردي نسرقه ونروح

نسلقه أو نقلاه ونأكله رغم أنا نعرف أنه من دجاج الكهلة فلانه لكن كهيل زمان كانوا يحبون الصدقه فكانت الواحدة

منهن إذا مرض أحد تقوم تذبح من دجاجها وتسوي منه مرقه مسلوقة وتذهب بها عند المريض أو المريضه يقوي

بها عظامه على ماقالت رحم الله جداتنا كن كريمات.

الف شكر أخي البواردي على مرورك ومداخلتك الحلوة .

[الراس الصغير]

[align=center]غمض عيونك


وادخل معي وكانك قبل اربعين سنه وتخيل انك في الوادي


صوت الناس في الوادي

وتسمع صوت المحالة فوق البير يجر الغرب من اسفل البير


والغرب مليان مويه يسقي والسواني تسحب الغرب وراعي السواني يقودها في المجره


وتسمع صوت واحد يهتري على الرعيان اخرجوا من الركيب

وتسمع اصوات هنا وهناك اللي يجني التفاح واللي يحرث الارض واللي يحمي الطير وحاح يا برقاء

طير البرقاء فوق الذرة وحاح يا برقاء




سرحت بخيالي الى ذلك الماضي



تذكرون الفلج اللي يجري منه الماء






تطور الوضع وانتهى زمن الغرب وصار الماطور فوق البير له صوت يسمعه من في الوادي

وعند الغروب يطفاء الماطور ويكون هناك هدوء



الكل يتجه الى البيوت


الحريم ياتين من مكان بعيد وكل وحده فوق ظهرها دلجه من الحطب

فكنه يتنافسنه من اللي أكثر وحده لديها حزمة حطب ( تفتقنه من شيل الحطب هههههههههه

ركبهنه مالها الى اصوات من حمل الحطب



كانت حياة شقاء بس رغم ذلك كانوا سعداء


وفي الصباح الباكريقوم كبير القوم يلا يلا صرحنا

وين يا شيبه


نصرح الوادي نبشر الركيبه ونحرثها

وعند استراحة الجميع ياتي الفال بتيك الخبزه ومعرق وقليل من السمن ويتزغدونها تحت ظل شجرة العرعره

او ظل احدى السندان



ما احلى طعم الخبزه في الوادي


وبعدها براد شاهي تلقيمه


وتنتهي رحلتي معكم اليوم وارجوا اني دخلتكم جو من ما اتذكره


لي عوده اخرى في هذا المكان [/align]