مغامرة قصر لافراح (قصة) ههههه

[تسع طعش]

بقولكم سالفتي اللي جاي عشان اقولها --> قل

طبعا سالفه خفيفه وبسيطه

مره من المرات جا عرس ناس من جماعتنا مناسبين لهم قبيله ثانيه ---> فهمتوا
وحضرنا العرس حق الرجال
وكنت انا صف اولى ثنوي ومعي خالي صف 3 متوسط
آنا طبعا لي شنب ---> زي شنب بيتر الاطخم بس اقل شوي
وخالي مافي شنبه ولا شعره ما شاء الله
المووهم حنا انا وخالي حاضرين عرس الرجال لين جاء العشا وتعشينا ويوم خلصنا رحنا تمشينا على رجلينا وطفشنا ورجعنا للقصر وراحو اغلب الناس وحنا متكين عند القصر وقاعدين نسمع صوت الطقاقات مدهرات
قال خالي ياحضهم ودي ادخل عند الحريم
قلت رح ادخل وش رادك ترا مالك شنب انت مثلي يعني يحسبونك صغير
قال ايه بس الحارس
قلت عادي حوس به وادخل
قال طيب انت ادخل معي قلت ---> شوف شنبي
قال ايه والله

الموهم وبينما حنا نسولف
الاجاي ولد عمي مار من عندنا ويقول فاتكم دخلت عند الحريم ورقصت معهم---> هو قدي بس شكله تعطيه سادس ابتدائي
قلت ياحضضضك
طيب كيف كيف حلوات وكذا
قال والله شي مره خاصه جماعة العروووسه كلهم قطعااااات اووما جماعتنا حافضهم صم
الموهم قلت لولد عمي ياخي ودي ادخل ---> شوي قعد يفكر وقال لا لا مشكله شنبك
قال خالي لقيتها تلثم ومحد عارفك
قلت لحضه خلني اتلثم
واقوم واتلثم قلتهم كيف قالوا والله كاأنك صغير مرره
قلت طيب والحارس النشبه هذا.......... كيف ندخل من عنده
قال ولد عمي انا بروح الهيه وانتم ادخلو
ويروح ولد عمي ويتلقف على الحارس وحنا جايين من ورى الحارس
ويقعد يهايط على الحارس انتا كللللللب انتااا حمار ---> ويقوم الحارس ويتحمس ويقعد يلحق ولد عمي

وحنا نستغل الفرصه وندخل
وشافنا الهندي وقعد يصايح نفررر كبير اتلع نفر كبيررررررررر برا
ودخلنا ورى السيب ---> يعني مايشوفنا الهندي وتونا مابعد دخلنا القاعه اللي فيها الرقص والفله
وقام الهندي وراح يركض برا ---> ويقول نفر كبير يوودخل نفر كبير يوودخل
وصار الباب بدون حارس
وقام ولد عمي اللي شكله صغير ودخل معنا

قال يالله يالله ادخلووا
قلت لا لا انا بطلع خايف تصفقني اومي لادرت اني داخل
قال طيب شوف بس
قلت طيب
واقوووم وامشي بخفيف وادخل راااسي واطل على الحريم

وانا اللي كذا صرررت ---->
أشي لابسه آخضر وآشي بنفسجي وآشي اسود وفيه فصوص لماعيه وآشي قصير وآشي الظهر طالع وآشي عبدهـ تناضرني كذا ----->
وانا اللي تضيع علووومي ويطيح الشماغ يوم شفت العبده القهوجيه تناظرني بحقد وهي اللي تقعد تناضر شنبي
واحط رجلي وارجع للسيب اللي بين الحارس وبين القاعه
وآشوى مالحقتنا
قال ولد عمي ليه طلعت قلت لا بس الصبابه شافتني
قال اوووح
شوي مادرينا الا نسمع صووت هبد الباب حق الحااااارس
ثلاثه رجال اخوان العروووسه

طع طع طع يطقون الباب ومعصبين مررره ---> الحارس مفتن علينا

اطلللللللع ياكلب انت وياااااااااه
شوي طلع لهم ولد عمي اللي كنه صغير
وقال وشفيه وشفيه
قال فيه اثنين كبار دخلوا قبل شوي ولا
قام الدلخ ولد عمي يناضرنا ويضحك وقال لا لا مافيه محد دخل هنا كبير
---> الرجال عرفوا ان حنا ورى السيب
وقعد يصايح علينا اطلللللللللللع ياكللللللللللللب
وانا اللي اصير انا وخالي كذا ---->
قمت وصغرت صوتي ---> يقالي بزر
قلت طيب طيب بنطلع بس حنا نبي نشتري من البسطه اللي داخل وبنطلع على طووول
قال اقووووووول اطلع ياحماااااار لادخل عليك واتوطى في بطنك
قلت لخالي وش نسوي وش نسوي
قال خل نطلع وش نسوي
قلت اخاف يذبحوني لاشافوا شنبي
قال لا موب شايفينه ان شاء الله
ويقوم يطلع خالي الاول
وانا اطل من بعيد ---> أناضر وش يسوون به
ويعطونه رفستين وصقعه على راسه ويروح
وانا اقوم واطلع لهم
وانا متلثم
يوم جيت عند الباب اللي الرجال واقفين عنده
واسوي نفسي صغير واصغر صووتي قلت لاتطقني بقوووه تكفى
قال تعال بس
وانا اجي
















































































وهم اللي يعطوني رفستين ويجيني كف من ورى طير شماغي ---->
ياويلي واقوم واحط يدي على شنبي من الربكه
واناضر واقول خلاص خلاص ماحناب عايدينها --> بصوت صغير
قال وشفيك حاط يدك على فمك
قلت آح آح فمي يوجعني

---> وفشششششششششششش ---> ماتشوفون الا غبرته


و نجيت باعجوبه الحمدلله
ورحت وقابلت خالي هناك وقالي شفت ام بنفسجي كيف
قلت خل اوم بنفسجي شفت اووم اسووود اللي عليه لمعه ---> جنان ذييييك

---> وطول اليوم وحنا نسولف عنهم





وخلصت السالفه

[آمـيرهـ بآح ــساسي]

الله يرجك هههههههههههه
والله لو اني موجوده لأسحبكم وادخلكم على الحريم
واخلي الطقاقات يدقون في ظهوركم والله ياايد الوحده كأنها
10 ايادي زي ايادينا
غربو غرب الله عليكم<<<اتحداك تفهمها
تدخلون تتلمحون في الحريم ليش غزله فاضيه يعني
الصلاح من الله لكن احمد ربك اني ماكنت موجوده الا والله
لأخليكم عبره لم يعتبر
لاتعيدها انتبه ترى سرت مكشوف في هالسوالف

[عادل بن قشاش]

ليييييه ياخي تسع طعش

حرام عليك

بس تستاهل ماجاك واكثر

لا عاد تعيده وطيح في ايدي؟؟؟؟؟

الله يرجك

[هـاوي زهـران]

ياخي ابعرف وش حرق رزك

تدخل عند الحريم

وانت عارف ان النتيجة ترفيس فالبطن مع شوية شلوتيات

ودي ان العبده مسكتك ههههههههههههههههههه

ايه لاعاد تعودها

تحياتي لك يابطل

[₪ ـآلـخـــآلــد ₪]

أبـش على شغلك يا 19 والله منت بهين

ذكرتني بالأيام الحلوه كنت ما أصدق يكون فيه زواج
ولا تدري أفضل وقت لما يزفوا العروسه الكل مشغول
ونت عين لك مكان بحيث محد يشوفك . . ،،

راحت علينا ياصاحبي؟؟

[~ حآمـض حلـو ~]

^

آآخخخخخخخخخخخخخخخخخخخخخ

الله يقطع وجهك والله آيآم شي

بس آخس شي لمآ يخلون حجه نوره عند آلبآب

يآ عليه ضرب الله يخآرجنآآ

[عابرسرير]

اقتباس: المشاركة الأصلية كتبت بواسطة هـاوي زهـران      ودي ان العبده مسكتك ههههههههههههههههههه

هههههههههههههههههههههههههههههههههه
خخخخخخخخخخخخخخخخخخخخخخخخخخخخخ

ما اقول الا ياحظك يا 19 ،،،اقل شي عندك شنب بأولى ثانوي

أنا مسكين من يوم خرجت من بطن امي وعندي شنب ،،

يعني حتى المحلات المغلقه النسائيه والمشاغل والملاهي (ملاهي الروضه) منعوني ادخلها من صغري

[~ذيب بالخزمر~]

هههههههههههههههههههههههههههههههه

والله لو انا غيرك لهبل في الرجال الثنين

صح ليش مانقزت منفوق الجدار الي عند الحريم


هع هع


يله تعيش وتاكل اقوا منها خخخخخخ

[تسع طعش]

غربو غرب الله عليكم<<<اتحداك تفهمها

هذي معناها :دعوة بالويل والثبور ...انفع مترجم هع

شرفتونا يا كوكب الزهرة

[تسع طعش]

اقتباس: المشاركة الأصلية كتبت بواسطة عادل بن قشاش      ليييييه ياخي تسع طعش حرام عليك بس تستاهل ماجاك واكثر لا عاد تعيده وطيح في ايدي؟؟؟؟؟ الله يرجك

ابو قشاش تقصد لي سيارة ...ترى بطلت الحركات هاذي