قصيدة رائعة

[The Lion]

من القصائد الجميلة والرائعة وجدتها في عدة منتديات بحثت عن إسم صاحب القصيدة ولكن للأسف لم أتمكن من معرفته
أحببت أن أنقلها لكم..

[align=center]يمّه عليه إن زعـل ... واذا رضـى يمّـه

يمّـه ذبحنـي غـلاه ... وشـلّ وجدانـي

يمّـه غرامـه طريقـي ... ولازم اتـمّـه

شيٍ مـن الله علـى غفلـة تغَّشَانـي ...!!

اشهق على ضحكته واشفـق علـى ضمّـه

واموت منه إن جفى ... وإن جاني احيانـي

إن كان درب الشقى يمـر مـن يمّـه ...!!

والله لكمّـل شـقـاه " إن الله احيـانـي "

اقـول ياسيـدي ... ويقـول ياعمّـة ...!

كـلٍ ذبحـه الولـه فـي عشقـة الثانـي

اشتـاق طعـم الغديـر اللـي وسـط فمّـه

مقـدر اخبّـي عليـه ... اكتـب ويقرانـي

قمت اشتكـي للغـلا ... واصيـح واخمّـه

ياشيـن بلـوى الهـوى ... الله لا يبلانـي

يقـول لـي بالهـوى مذهـب ولـي ذمّـة

واقـول بصـرك ... ولـكـن لا تعـدانـي

ابـي طريقـك يصيـر لوجهـتـي يِـمَّـة

ومنيـن يممـت وجهـك غصـب تلقانـي

يزمنـي بالهـوى ... زمّـة ورى زمّــة

قطّـع وريـدة وخاطـه وسـط شريـانـي

مبطـي اذا خفـت صحـت وقلـت " يايمّـه

والحين اذا خفت صحت وقلت " ياحصانـي "

لا واهني من قرب منـه ... ومـن شمّـه

ماكن ربـي خلقـه الا علـى شانـي ...!!

جيتـه وكلـي مـن الاشــواق ملتـمّـة

أمشي من الصبح لين ان عشقـه امسانـي

ياحلو لوعة شقـاه ... ويـا حلـو سمّـه

والله ياهو بالهـوى " مـن جـد ورانـي "

ادمـى عيونـي ... وحنـى يدينـي بدمّـه

وعلـى طريـق الولـه اقفـى وخـلانـي

يمّه احبّه ... فديـت ابـوه قبـل امّـه ...!

يهزنـي هـز ريـح ... وزلـزل اركانـي

وش فيه اذا البنت تعشق...؟! ... الهوى قمّة

خليني اعشق قبـل مـا تابـس اغصانـي

يهمنـي حيـل ... وادري فيـنـي اهـمّـه

حتى اسألي روجي الـوردي ... وفستانـي [/align]
[align=justify]المصدر : منتديات إيلاف[/align]

[حسن الجابري]

يهمني حيل وادري فيني اهمه
اختيار راقي لقصيده جميله
فهذا ان دل ليس الا على حسك الراقي

تحياتي

[ابو نضال الدوسي]

اختيار جميل
دمت في خير

[زهراني شامخ]

مشكووور ع النقل

والمفروض يكووون في قسم الشعر المنقوووول

تحيااااتي

[جبل منور]

[align=right][/align]
[align=center][/align]
[align=center]شكراً لك على الاختيار الراقي

اختيار أكثر من رائع

قصيده اكثر من رائعه

صح لسان قائلها

وسلمت يد ناقلها[/align]

[The Lion]

اقتباس: المشاركة الأصلية كتبت بواسطة حسن الجابري      يهمني حيل وادري فيني اهمه اختيار راقي لقصيده جميله فهذا ان دل ليس الا على حسك الراقي تحياتي

شرفني مرورك اخي الكريم

القصيدة من اروع ما قرأت من قصائد النساء

[The Lion]

اقتباس: المشاركة الأصلية كتبت بواسطة ابو نضال الدوسي      اختيار جميل دمت في خير

وانت بخير وصحة وسلامة

[The Lion]

اقتباس: المشاركة الأصلية كتبت بواسطة جبل منور      [align=right][/align] [align=center][/align] [align=center]شكراً لك على الاختيار الراقي اختيار أكثر من رائع قصيده اكثر من رائعه صح لسان قائلها وسلمت يد ناقلها[/align]

وتسلم عيون قاريها ومادح يد كاتبها وناقلها
اسعدني مرورك اخي الكريم