ياصاحبي لو فاد كثر المراسيل *** والله لاشيب راس ذيك الرسايل

[عاشق محال]

مع التحية ...... :



[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,orangered" type=1 line=0 align=center use=ex num="0,black"]

باقي على عهد الوفا مثل ماقيل=عند الرجال أهل الحكم والمثايل
[أحب تعني جيل ياتي ورا جيل=والحب ثابت دونه الشك زايل]
من قلت أحبك..أنجلت ظلمة الليل=واخلصت لجلك ماطلبت البدايل
وغيرك لو أنه قبل الكف تقبيل=نظرة غلا يحرم لو انه يخايل
سر ياقلم سطر هموم وغرابيل=دربك سطوري والقوافي رحايل
ياصاحبي لو فاد كثر المراسيل=والله لاشيب راس ذيك الرسايل
ولو فاد في دمعي بياض المناديل=ماهلت دموعي سواة الهمايل
سميتني يومك معي عاشق الخيل=وعشقي لها من عشق بنت الاصايل
مير المصايب لقبلن ليلها ليل=هم ومفارق واحمر الدمع سـايل
عقب الفراق اصبحت انا عاشق سهيل=والخيل حايل دونه الفين حايل
لو هي جيوش الكون ماهدني حيل=أنا ليا من قمت قامـت قبايل
مير البلى الاقدار ورتني الويل=حكم القدر نرضاه لو كان مايل
واذا صحيح إن المحبة تهاويل=فانا لجل عينك شربت الهوايل[/poem]

تحياتي

[العرنين]

ولو فاد في دمعـي بيـاض المناديـل
ماهلـت دموعـي سـواة الهمـايـل
.
كفو ومليون كفو
صح لسانك كثر ما ابدعت وامتعت
لك مني صادق الشكر على تواصلك معنا
لنا الشرف بتواجد مبدع مثلك بيننا
.
دمت بالف خير

[ابو دوس]

لو هي جيوش الكون ماهدنـي حيـل
أنـا ليـا مـن قمـت قامـت قبايـل

كفو والله يا عاشق محال

مبدع بحضورك وبقصيدك الراقي
تقبل مني كل الود

[عاشق محال]

اقتباس: المشاركة الأصلية كتبت بواسطة العرنين      ولو فاد في دمعـي بيـاض المناديـل ماهلـت دموعـي سـواة الهمـايـل . كفو ومليون كفو صح لسانك كثر ما ابدعت وامتعت لك مني صادق الشكر على تواصلك معنا لنا الشرف بتواجد مبدع مثلك بيننا . دمت بالف خير

اررررحب واله ان ترررحب

ماعليك زود يالغالي

صح بدنك ...

وياهلا

[عاشق محال]

اقتباس: المشاركة الأصلية كتبت بواسطة ابو دوس      لو هي جيوش الكون ماهدنـي حيـل أنـا ليـا مـن قمـت قامـت قبايـل كفو والله يا عاشق محال مبدع بحضورك وبقصيدك الراقي تقبل مني كل الود

ياهلا ومسهلا والله

ماعليك زود يالذيب

تشرفت بمرورك

وياهلا