منتديات زهران  

العودة   منتديات زهران > المنتديات العامة > المنتدى العام

يسلم بؤك !!!


المنتدى العام

إضافة ردإنشاء موضوع جديد
 
أدوات الموضوع
  #1  
قديم 11-01-2010, 10:44 PM
الصورة الرمزية جمرة غضى
جمرة غضى جمرة غضى غير متواجد حالياً
مراقب
 






جمرة غضى is on a distinguished road
افتراضي يسلم بؤك !!!




حقــــــــــــــــــــــــــــــوق المرأه



الدكتورة :ليلى صالح عزوز

باللهجة الحجازية





ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟


بعد 11 سبتمبر .... سبحان الله .. يعني كانوا من ألف وأربعمية سنه نايمين .. وفجأة كده صحيوا



وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ...


الإنتخابات البلدية ليه ما نشارك فيها؟ وليه ما نروح هناك ونرقع بالصوت؟



يا أختي حلال عليكم البلدية كلها .. يعني إيش تبغوا تسووا؟



تحطوا ضوابط إصدار الرخص لمحلات الحلاقة مثلا؟



والا تناقشوا سفلتة الشارع اللي يودي على بيت أم إبتسام؟



والا ليه الشارع الفلاني ما فيه كوفيرة مغربية وكل اللي فيه مصريات؟



يا أختي ريِّحي راسك . اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه..



طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون




أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها.



مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها .... إن الشحط يتحرك؟ .. أبدا...



إن الثور يحس؟ .....لايمكن.



لكن هل يمكن يحصل هادا في السعودية؟ أبداااا ..



واللي يبغى يجرب.... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّوقه بالكامل وزياده؟



وهل عندنا المرأة متساوية مع الرجل .. والا هي أحسن مِنُّو؟



منظر عام



رجال محترمين زي الورد واقفين أمام صراف في بنك .. وتِجي أختنا في الله



)اللي يقولو إنها مهضومة الحقوق)



تتقدم للصراف (ِATM)مباشرة ولا على بالها من الطراطير اللي واقفين من ساعات ..

وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني ... وخمسين سعودي... واثنين معقبين معاهم شوية فواتير مقاس إكس لارج



.. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال



.... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس !

ونفس المنظرفي الجوازات .... والأحوال ... والتأمينات .. ويقدر أحد... يقول إنه من ظهر أبوه .... يفتح فمُّه؟ ... على طول يسمع العبارة الشهيرة ... ( عيب عليك .... إنت ماتستحي؟ .. هذه حرمة...إنت ما عندك أهل ...((!ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟


اقتصدايا



شوف الراجل.. السبع... الغضنفر.. المفتري...له ثوبين أوثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ...


والمرأة بسلامتها .. بقيمة أدوات مكياجها فقط ...



تقدر تفتح محل خياطة رجالي محترم . ويا ريت تحط من مكياجها في البيت.. لأ.



دا بَس للخروج ... وقيمة صباع روج والا علبة بودرة تساوي قيمة جوال جوزها



.. وكمان ازيدك من الشعر قصر .. مو بيت .. من حقوقها فستان لكل فرح. و مكياج.



وكوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع .مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.(





نفسيا




الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين..




ويعني إيه عنده مشاكل في العمل؟! والا أقساط متأخره؟! والافواتير؟! والا مقاضي ما يعرف كيف يجيبها؟!



مو مهم ..واجب عليه إنه يرجع من العمل للبيت مروِّق ومبسوط وبَس ... كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد(( ....



والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك (لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره ...



جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .. ... ومع هادا كُّلو ..لازم يبقى رومانسي.

بينما هي وبكل سهولة تصحى بسلامتها في الظُهر...وتجد الكارثة الكبرى....يوه ... ما عندنا صلصه ...وبكل رقة تتصل...ألو ألو ...أبو خالد موجود؟ ممكن أكلمه لو سمحت؟ ألو .. إيوه... أنا ..

حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس.



ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.

وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا.... يا عيني علينا إللي ما نروح غير يا مصر... يا سوريا ... والسنة اللي غيَّرنا فيها ... رحنا ماليزياوماتقول شوف زوجة فلان ايش عملت لزوجها لانه من المحضورات .



وفي رمضان: تعبت ....أوف .....إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ....مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟






شرعا






المرأة لها حظ من أبوها .... وحظ من زوجها . هادا غيرأمها .. وأخوانها ... وأبناءها .. والراجل مطالب إنو هواللي يصرف عليها مهما كان عندها فلوس.


وثانيا: الرجال لازم يروحوا للمسجد خمس مرات في اليوم .. جمع وجماعات . حر وبرد .. ليل وصبح .. لازم يروحوا ... بينما الست تصلي تحت المكيف ... في غرفتها... وأجرها زي الرجال تماما .... ياعيني .. يا عيني ..والله الإسلام أعطاكم كتير .... وياريتو يِبان فيكم



هذا مادونته الكاتبه واعرف انه ممكن يعجب الرجال لكن انا كأنثى والله اتفق معها بكل ماقالته يعني المرأة عندنا ماخذه حقوقها ثالث ومثلث كمان وايش تبغى زيادة

ـــــــــــــــــــــــــــــــــــــ
التوقيع
سقطت تفاحة على الأرض فاكتشف نيوتن
قانون الجاذبيه
وسقط آلاف الشهداء في سوريا
ولم يعرف العالم
قانون الانسانيه



القرآن مٍ ـٍن هنـآ
أخر مواضيعي

التعديل الأخير تم بواسطة جمرة غضى ; 11-01-2010 الساعة 11:11 PM.
رد مع اقتباس
قديم 12-01-2010, 12:52 PM   #2
مخاوي البدر
موقوف
 







 
مخاوي البدر is on a distinguished road
افتراضي رد: يسلم بؤك !!!

هههههههههه
الحمد لله أنها طلعت ( حضرية ما لها أصل ) وإلا بدري عليها تتكلم عن الرجااااااااااااااجيل لولانا ما كنا لا أنا ولا أنتم في وطن يااااا فاهمين يعطيك العافية يا جمرة غضى ،، ولا تنشبينها مرررررره خلي الأمور خااااااااااااامده بيصدقون الحريم هالقصة المفبركه هههههه وتقبلي مروري ،،،،
مخاوي البدر غير متواجد حالياً   رد مع اقتباس
قديم 12-01-2010, 08:17 PM   #3
جمرة غضى
مراقب
 
الصورة الرمزية جمرة غضى
 







 
جمرة غضى is on a distinguished road
افتراضي رد: يسلم بؤك !!!

مخاوي البدر

اشكر مرورك واحترم رأيك

ولكن هي تكتب في صالح الرجل هاهنا

ولا تنسى يااخي ان اكرمكم عند الله اتقاكم ليس حضري ولا قبيلي

ـــــــــــــــــــــــــــــــــــــ
التوقيع
سقطت تفاحة على الأرض فاكتشف نيوتن
قانون الجاذبيه
وسقط آلاف الشهداء في سوريا
ولم يعرف العالم
قانون الانسانيه



القرآن مٍ ـٍن هنـآ
أخر مواضيعي
جمرة غضى غير متواجد حالياً   رد مع اقتباس
قديم 12-01-2010, 11:19 PM   #4
ابن الفقهاء
 
الصورة الرمزية ابن الفقهاء
 







 
ابن الفقهاء is on a distinguished road
افتراضي رد: يسلم بؤك !!!

الاخت جمرة غضى
موضوعك رائع جدااااااااا
[frame="9 50"]
وكلام الدكتورة ليلى انا بوجه نظرى واقعى فعلا
يعنى المراءة لها حقوق كما ذكرت ولكن لا تنسى ان حقوق المراءة من عهد الرسول صلى الله عليه وسلم وليس وليد الامس
ليس كما ذكرت الدكتورة انو من احداث 11سبتمبر.. حقوق المراءة فى الاسلام والشرع وليس كما يتوقع الحريم عندنا
الحريم عندنا تتوقع المراءة ان حقوقها تروح وتجى وتسوق ويا الله فى الخراج لا تطالب بالعصمه بعد
والمجلس البلدى اذا ودها تشارك فيه الباب مفتوح واذا ودها كما ذكرت تتفرغ للكوفيرة فى وقت الأفراح واليال الملاح يكون احسن
وتقبلى مرورى.......
[/frame]
ابن الفقهاء غير متواجد حالياً   رد مع اقتباس
قديم 12-01-2010, 11:26 PM   #5
يحيى محمد الزهراني
كبار الشخصيات
مشرف القسم العام
مشرف قسم الحوار
 
الصورة الرمزية يحيى محمد الزهراني
 







 
يحيى محمد الزهراني is on a distinguished road
افتراضي رد: يسلم بؤك !!!

اختي جمرة غضى موضوعك رايع وتستحقين الشكر عليه

كثرالله من امثالك وتقبلي مروري

ـــــــــــــــــــــــــــــــــــــ
التوقيع
http://www.youtube.com/watch?v=1EzQ9A_GmSA


[fot1][frame="10 80"][fot1]الـــزلـــزال ســـــابقاً[/fot1][/frame][/fot1]
أخر مواضيعي
يحيى محمد الزهراني غير متواجد حالياً   رد مع اقتباس
قديم 12-01-2010, 11:27 PM   #6
جمرة غضى
مراقب
 
الصورة الرمزية جمرة غضى
 







 
جمرة غضى is on a distinguished road
افتراضي رد: يسلم بؤك !!!

ابن الفقهاء

اتفق معك فالدين الإسلامي كفل للمرأة حقوقها منذ نعومة أظفارها في المهد

ولكن بعض النساء تقول أين حقوقنا وهاهنا فقط وضعت

بعض الحقوق التي نحصل عليها حتى وإن لم تكن النساء يشعرن بها

ووضعت وجهة نظر الكاتبة كذلك

سلمت اناملك على المرور
جمرة غضى غير متواجد حالياً   رد مع اقتباس
قديم 12-01-2010, 11:29 PM   #7
جمرة غضى
مراقب
 
الصورة الرمزية جمرة غضى
 







 
جمرة غضى is on a distinguished road
افتراضي رد: يسلم بؤك !!!

الزلزال

مرورك هو الروعه بذاتها

وزاد موضوعي رونقا وجمالا مرورك من هاهنا

سلمت اناملك
جمرة غضى غير متواجد حالياً   رد مع اقتباس
قديم 12-01-2010, 11:36 PM   #8
نسيت انساه
 







 
نسيت انساه is on a distinguished road
افتراضي رد: يسلم بؤك !!!

اضحك الله سنك ياشيخة الشيوخ000
ضكني الموضوع واشكرك انتي والدكتورة المبدعة في تسلسل افكارهاعايشنا الموضوع كانه مشاهد حقيقية عيانا بيانا00
وهذا ان دل على شيء فانما يدل على الفكر الراقي للدكتورة والابداع للناشر000
بوركت اناملك الذهبية ياجمرة متوهجه بابداعاتها00
تحيآآآآآآآآآآآآآآآآآآآآآآآآآآتي00
نسيت انساه غير متواجد حالياً   رد مع اقتباس
قديم 12-01-2010, 11:44 PM   #9
جمرة غضى
مراقب
 
الصورة الرمزية جمرة غضى
 







 
جمرة غضى is on a distinguished road
افتراضي رد: يسلم بؤك !!!

نسيت انساه

اتمنى الضحكة دائما لا تفارق محياك

سعدت بتواجدك الراقي في صفحتي

فسلمت اناملك
جمرة غضى غير متواجد حالياً   رد مع اقتباس
قديم 13-01-2010, 12:15 AM   #10
المرباوي
 
الصورة الرمزية المرباوي
 







 
المرباوي is on a distinguished road
افتراضي رد: يسلم بؤك !!!

جمرة غضى

موضوع رائع "

وكلام لاغبار عليه "

اسعدنا وجودك ومواضيعك الرائعه "

فأهلا بك اختي الكريمة"

أما حقوق المرأ فهي محفوضة من ذو القدم
وكفلها كتاب الله وسنة رسوله .
قبل أن نعرف ليلى .
شكرآ لك

ـــــــــــــــــــــــــــــــــــــ
التوقيع

^
^
^


شكــراً على الإهـدآء آلجميـل
[/CENTER]
أخر مواضيعي
المرباوي غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه للموضوع : يسلم بؤك !!!
الموضوع كاتب الموضوع المنتدى مشاركات آخر مشاركة
للي يسأل عن مشيخة القبيله المفتش مجلس بني عدوان 17 18-03-2009 11:32 PM
اعتذار لأ خ يسلم رأسك حبيبي مسافر مجلس بني عدوان 4 06-01-2009 12:11 AM
لمن يسأل عن الإكتتابات كيمو99 المال والأعمال 6 29-08-2008 02:37 PM
أمه في البيت ولا يسلم عليها عاشق المربا منتدى الحوار 7 22-07-2008 01:25 AM


الساعة الآن 04:09 PM.


Powered by vBulletin
Copyright ©2000 - 2019, Jelsoft Enterprises Ltd.
جميع ما يطرح في المنتديات من مواضيع وردود تعبر عن رأي كاتبها ولا تعبر بالضرورة عن رأي الإدارة
Copyright © 2006-2016 Zahran.org - All rights reserved