منتديات زهران  

العودة   منتديات زهران > المنتديات التقنية والرياضية > الإستراحة

شي من رحلتي


الإستراحة

إضافة ردإنشاء موضوع جديد
 
أدوات الموضوع
  #1  
قديم 05-08-2008, 12:42 AM
الصورة الرمزية شذى الريحان
شذى الريحان شذى الريحان غير متواجد حالياً
عضو اداري
كبار الشخصيات
 






شذى الريحان will become famous soon enough
افتراضي شي من رحلتي


كيف الحال والله لكم وحشة
رحلتنا كانت حلوة خاصة مع لمة وجمعة الاهل
صارت مواقف شفتها وسمعتها قلت اقولكم كم وحدة

&&&
في يوم من الايام وعدنا ناس زي اهلنا واكتر نجي عندهم واخويا ارتبط بانه يجيب ((طلي)
والمسافة بين المكان اللي خارجين منه ورايحين له تقريبا خمسين كيلو
اخويا قال لازم اخذكم ونمر نشتري الطلي قلت ايش بالله تبغاه يجلس يبعبع على رؤوسنا
والله صعبة ومو بس كدا كمان يبغا يركبنا ونيت ابو غمارتين غرفتين وحوش مسقف
مديت بوزي وبس سكت قال مااقدر اوديكم وارجع اخذ الونيت
سكت وسكت لما شافنا ساكتين ومبلمين
قال خلاص اوصلكم بعدين اجيب الطلي يعني لازم من الونيت
يالله برستيجي يلا رضينا خرجت امي ربي يحفظها واخويا صربعة في صربعة
ماادري ليش نخرج بدري كلو علشان الطلي الخروف
اوووووووف
نزلنا نجري لاتروح امي تسمعنا كم كلمة
لما جيت ادخل السيارة دخلت على اساس انها الكامري نسيت الا رجعت نزلت رجلي
لازم عفاشة والكعب ماينفع في هذا الاختراع
المفروض البس زبيرية زي مايقولو الاخوان ولا البس بوت رياضي
ماعلينا ركبنا الا ونشوف هذا الشي سباق ثيران
اش في مااسمع غير طق طقط طططق
شي ينسمع ماينكتب قلت لاخويا اول مادخلت في قرى نبغا نشوفها والله مع الصوت والحركة نسينا
قلت بالله خفف السرعة قال ماني مسرع هيا كدا السيارة
واللي جنبي تقول القزاز يبغا يطير اطالع فيها وفي القزاز قطعت قلبي صدقت
افتكرت اني مع العجلة مالبست العقد
فكيت الشنطة ادور اشوف مافي شي باين دورت باللمس لاني ماقدرت اطالع في الشنطة
لقيت العقد مسكت طرفه ابغا البس مالقيت يدي الثانية مافي غير تترنح في الهواء
اللي يشوفني يقول تلوح بيدها الكريمة
ارجع احاول البس امسك الطرف الثاني مافي فايدة
كاني راكبة صندقة دخلت العقد ويدي في الشنطة وكنت ابغا اسك عليها بالسسته
اخويا قال اوووووه نسينا نوريكم القرى قلت بالله يشيخ فكنا من هادي الصندقه وبس
كنت خايفة امي ينصقع راسها في القزاز لانها قدام
بس والله ربي لطف وسلم
سالت اختي ايش اسم هادي السيارة
قالت هاي لوكس
اشك شكلها باي لوكس

&&&&&
في يوم قلت يلا نسوي مغامرة زي مغامرات كهلتين الراس الصغير
مدام نور ومدام لميس
نزلنا من الباب الخلفي الركيبة زي مايقولوا اسمها لو عليا اسميها بستان
نزلنا شحتنا عبي تمشي الحال
واخدنا دليلتنا معانا قعدنا ساعة ننزل دليلتنا تمسك دي وتروح لهادي
وتطلع وتنزل وتسحب وتجر طلعت وطلعنا عيون بعض
نزلنا بحمد الله مشينا شوية وية نسمع الدليل ايش يقول
وانا امشي في جدار بسيط بالاجور البلوك مجوف مسكت فيه ضربت بعيني جوت الطوب
الا وايش اشوف الله لايوريكم عش دبابير من المقاس اكس لارج
انا اخاف من نحلة يطلعي دبور
وزعقت باعلى صوتي خليت القوم يترجفوا
ايش فيه حنش ايش شفتي انا لما افتكر هذا الموقف اترعب اقول كيف لو احد الدبابير انتبه
ليدي ولا لاصباع من اصابيعي كان ايش صار
قلت بالله يلا نطلع قالو نبغا نشوف البير والحنش اللي ساكن فيه
بالله عليكم جنان قطفنا كم حاجة ورجعنا ريووس نبغا نطلع
طالعت من فين نزلنا ياربي من فين احنا كيف نزلنا
قلتلهم اللي ولا وحدة مننا جابت جوالها نتصل على الاسعاف ولا الشرطة ولا الدفاع المدني
ولا حتى الجوازات المهم ينقدونا طلعت دليلتنا ام العريف وقالت الحقوني
نصفق اعطونا حبل اسحبونا بونش قعدنا اكثر من ما مانزلنا
بس ربك فرجها وعدت على خير

&&&&&
نزلوا اولاد اختي التوائم يقطفوا تين و ذرة
والملاقيف شافوا البرشومي واتجننوا وقعدو يقطفوا ويحطو في جيوبهم
وفي عبهم لحد ما قالوا بس
ماوصلوا البيت الا وهما قنفدالجم احمر والعيون مقفلة
وسخنو يومين غير جلسوا يدهنوهم بالفا زلين

&&&
احد الاخوان قال ا انه جو الباحة غبار وسبار ماقدرت ارد عليه
رحت الباحة شفت الغبار وجلست استنى السبار اروح الطاقة اشوف قلت ياترى كيف شكل السبار
زي العنقا ولا زي الصقر كيف شكلو
سالت اختي قالت هو نفسه الغبار قلت هيا يطولها وهيا قصيرة
ليش مايقول غبار في غبار
معليش لاتزعلوا ما اتعلمنا اللهجة دحين قمت احاول اتعلم
والله صارت اشياء تتشاف ماتتحكى
لكن اكتفي بهادي القصص

ـــــــــــــــــــــــــــــــــــــ
التوقيع
أخر مواضيعي
رد مع اقتباس
قديم 05-08-2008, 01:25 AM   #2
الأمير
موقوف
 







 
الأمير is on a distinguished road
افتراضي رد : شي من رحلتي

شكلك مسافره بنوته وقاعده تسجلين كل الملاحظات

على العموم الحمد لله على السلامه

باقي بنت شيوخ

اكيد معاها دفتر تحضير
الأمير غير متواجد حالياً   رد مع اقتباس
قديم 05-08-2008, 01:43 AM   #3
شذى الريحان
عضو اداري
كبار الشخصيات
 
الصورة الرمزية شذى الريحان
 







 
شذى الريحان will become famous soon enough
افتراضي رد : شي من رحلتي

هههههههههههههههههههههههههه
الامير والله نوتتي معايا اقولك الكلمات اللي كتبتها شي خرافي
خد عندك
قالت وحدة
ماهلا تودينا عند الباب لالالا ملغية ال التعريف
ماهلا تودينا عند اباب قالوا ماشي افلحنا
قلت ايش ايش عيدي عادت وكتبت في النوتة
قامت ثاني يوم شافت جارتها وقالتلها جينا عندكم والكلمة اللي فوق
ردت عليه قالت عيب انكم ما قبعتوا الباب
عرفت انه قصدهم دقيتو الباب
النوتة مليانة
وفي كمان
حكونا ناس انهم حضروا فرح
وقالت وحدة كل البنات خرجن الا وحدة خرررررررررررقت
انا قلت خرقت ايش الا طلعت اندست
&&
وحدة تشتكي من شغالتها تقول
حوووووووووب استلمت الشغالة الراتب وشردت
ولا شردت دي من عندي
&&&
وحدة تقول لبنت اختي عريفتكم كلم شيبتنا وقالوا..............
انا جلست افكر وسالت بنت اختي عريفة فصلكم ايش تبغا بابوهم
الا طلع العريفة ((( العمدة))
والله تعبت وانا اكتب في النوتة و الكمبيوتر
تحياتي ياالامير

ـــــــــــــــــــــــــــــــــــــ
التوقيع
أخر مواضيعي
شذى الريحان غير متواجد حالياً   رد مع اقتباس
قديم 05-08-2008, 03:12 AM   #4
الســرف

قلم مميز
 
الصورة الرمزية الســرف
 







 
الســرف is on a distinguished road
افتراضي رد : شي من رحلتي

ههههههههههههههههههههههههههههههههههههههههههههههه

اقتباس:

حكونا ناس انهم حضروا فرح
وقالت وحدة كل البنات خرجن الا وحدة خرررررررررررقت
انا قلت خرقت ايش الا طلعت اندست


قسم بالله شكلك تحفه بين الزهرانيات هههههههههههههههههههههههههههههههه
طيب وين الصور
نبغى تقرير كامل بالصور والتعليق

بس فكرة النوته حلوه

على فكره الراس الصغير بدأ في استقبال ملفات الراغبين في الالتحاق بدورة " هروج زهران"
ههههههههههههههههه

ـــــــــــــــــــــــــــــــــــــ
التوقيع
تعجبني شخصية زوربا ... لكنّ أكثر ما يعجبني فيه طريقته في الوصول بأحاسيسه إلى ضدّها . أذكر قصّته مع الكرز ، يوم كان يحبّ الكرز كثيرا و قرّر أن يُشفى من حبّه إيّاه بأن يأكل منه كثيرا .. كثيرا حتّى يتقيّـأه . بعد ذلك أصبح يعامله كفاكهة عاديّة. طريقة طريفة في الشفاء ممّا يستعبدك
أخر مواضيعي
الســرف غير متواجد حالياً   رد مع اقتباس
قديم 05-08-2008, 03:13 AM   #5
الأمير
موقوف
 







 
الأمير is on a distinguished road
افتراضي رد : شي من رحلتي

اقتباس:

المشاركة الأصلية كتبت بواسطة كت كاته   مشاهدة المشاركة

  
كيف الحال والله لكم وحشة
رحلتنا كانت حلوة خاصة مع لمة وجمعة الاهل
صارت مواقف شفتها وسمعتها قلت اقولكم كم وحدة

&&&
في يوم من الايام وعدنا ناس زي اهلنا واكتر نجي عندهم واخويا ارتبط بانه يجيب (طلي)والمسافة بين المكان اللي خارجين منه ورايحين له تقريبا خمسين كيلو
اخويا قال لازم اخذكم ونمر نشتري الطلي قلت ايش بالله تبغاه يجلس يبعبع على رؤوسنا
والله صعبة ومو بس كدا كمان يبغا يركبنا ونيت ابو غمارتين غرفتين وحوش مسقف
مديت بوزي وبس سكت قال مااقدر اوديكم وارجع اخذ الونيت
سكت وسكت لما شافنا ساكتين ومبلمين
قال خلاص اوصلكم بعدين اجيب الطلي يعني لازم من الونيت
يالله برستيجي يلا رضينا خرجت امي ربي يحفظها واخويا صربعة في صربعة
ماادري ليش نخرج بدري كلو علشان الطلي الخروف
اوووووووف
نزلنا نجري لاتروح امي تسمعنا كم كلمة
لما جيت ادخل السيارة دخلت على اساس انها الكامري نسيت الا رجعت نزلت رجلي
لازم عفاشة والكعب ماينفع في هذا الاختراع
المفروض البس زبيرية زي مايقولو الاخوان ولا البس بوت رياضي
ماعلينا ركبنا الا ونشوف هذا الشي سباق ثيران
اش في مااسمع غير طق طقط طططق

شي ينسمع ماينكتب قلت لاخويا اول مادخلت في قرى نبغا نشوفها والله مع الصوت والحركة نسينا
قلت بالله خفف السرعة قال ماني مسرع هيا كدا السيارة
واللي جنبي تقول القزاز يبغا يطير اطالع فيها وفي القزاز قطعت قلبي صدقت
افتكرت اني مع العجلة مالبست العقد
فكيت الشنطة ادور اشوف مافي شي باين دورت باللمس لاني ماقدرت اطالع في الشنطة
لقيت العقد مسكت طرفه ابغا البس مالقيت يدي الثانية مافي غير تترنح في الهواء
اللي يشوفني يقول تلوح بيدها الكريمة
ارجع احاول البس امسك الطرف الثاني مافي فايدة
كاني راكبة صندقة دخلت العقد ويدي في الشنطة وكنت ابغا اسك عليها بالسسته
اخويا قال اوووووه نسينا نوريكم القرى قلت بالله يشيخ فكنا من هادي الصندقه وبس
كنت خايفة امي ينصقع راسها في القزاز لانها قدام
بس والله ربي لطف وسلم
سالت اختي ايش اسم هادي السيارة
قالت هاي لوكس
اشك شكلها باي لوكس

&&&&&
في يوم قلت يلا نسوي مغامرة زي مغامرات كهلتين الراس الصغير
مدام نور ومدام لميس
نزلنا من الباب الخلفي الركيبة زي مايقولوا اسمها لو عليا اسميها بستان
نزلنا شحتنا عبي تمشي الحال
واخدنا دليلتنا معانا قعدنا ساعة ننزل دليلتنا تمسك دي وتروح لهادي
وتطلع وتنزل وتسحب وتجر طلعت وطلعنا عيون بعض
نزلنا بحمد الله مشينا شوية وية نسمع الدليل ايش يقول
وانا امشي في جدار بسيط بالاجور البلوك مجوف مسكت فيه ضربت بعيني جوت الطوب
الا وايش اشوف الله لايوريكم عش دبابير من المقاس اكس لارج
انا اخاف من نحلة يطلعي دبور
وزعقت باعلى صوتي خليت القوم يترجفوا
ايش فيه حنش ايش شفتي انا لما افتكر هذا الموقف اترعب اقول كيف لو احد الدبابير انتبه
ليدي ولا لاصباع من اصابيعي كان ايش صار
قلت بالله يلا نطلع قالو نبغا نشوف البير والحنش اللي ساكن فيه
بالله عليكم جنان قطفنا كم حاجة ورجعنا ريووس نبغا نطلع
طالعت من فين نزلنا ياربي من فين احنا كيف نزلنا
قلتلهم اللي ولا وحدة مننا جابت جوالها نتصل على الاسعاف ولا الشرطة ولا الدفاع المدني
ولا حتى الجوازات المهم ينقدونا طلعت دليلتنا ام العريف وقالت الحقوني
نصفق اعطونا حبل اسحبونا بونش قعدنا اكثر من ما مانزلنا
بس ربك فرجها وعدت على خير

&&&&&
نزلوا اولاد اختي التوائم يقطفوا تين و ذرة
والملاقيف شافوا البرشومي واتجننوا وقعدو يقطفوا ويحطو في جيوبهم
وفي عبهم لحد ما قالوا بس
ماوصلوا البيت الا وهما قنفدالجم احمر والعيون مقفلة
وسخنو يومين غير جلسوا يدهنوهم بالفا زلين

&&&
احد الاخوان قال ا انه جو الباحة غبار وسبار ماقدرت ارد عليه
رحت الباحة شفت الغبار وجلست استنى السبار اروح الطاقة اشوف قلت ياترى كيف شكل السبار
زي العنقا ولا زي الصقر كيف شكلو
سالت اختي قالت هو نفسه الغبار قلت هيا يطولها وهيا قصيرة
ليش مايقول غبار في غبار
معليش لاتزعلوا ما اتعلمنا اللهجة دحين قمت احاول اتعلم
والله صارت اشياء تتشاف ماتتحكى
لكن اكتفي بهادي القصص



ههههههههههههههههه

حلوووه المغامرات

اللي بالاحمر شيييي !!

التعديل الأخير تم بواسطة الأمير ; 05-08-2008 الساعة 03:19 AM.
الأمير غير متواجد حالياً   رد مع اقتباس
قديم 05-08-2008, 03:35 AM   #6
شذى الريحان
عضو اداري
كبار الشخصيات
 
الصورة الرمزية شذى الريحان
 







 
شذى الريحان will become famous soon enough
افتراضي رد : شي من رحلتي

السرف فين مكان تسجيل الدورة في اي قسم وايش الشروط
لايكون معقدها زي العسكرية
نورت موضوعي

&&
الاميرشاكرة تواجدك الرائع
شذى الريحان غير متواجد حالياً   رد مع اقتباس
قديم 05-08-2008, 08:32 AM   #7
هـاوي زهـران
 







 
هـاوي زهـران is on a distinguished road
افتراضي رد : شي من رحلتي

اقتباس:

احد الاخوان قال ا انه جو الباحة غبار وسبار ماقدرت ارد عليه
رحت الباحة شفت الغبار وجلست استنى السبار اروح الطاقة اشوف قلت ياترى كيف شكل السبار
زي العنقا ولا زي الصقر كيف شكلو
سالت اختي قالت هو نفسه الغبار قلت هيا يطولها وهيا قصيرة
ليش مايقول غبار في غبار


لو كان سألتي الرأس الصغير قبل ماتسافري كان ارتحتي ايش هوه السبار
هههههههههههههههههههههههههههههههههههههه
هـاوي زهـران غير متواجد حالياً   رد مع اقتباس
قديم 05-08-2008, 01:52 PM   #8
مراد الحريري
 







 
مراد الحريري is on a distinguished road
افتراضي رد : شي من رحلتي

الله لا يبتلينا
خذي لك دوره عند زهرانيه
هادا من سبب الغربه
الله يعين اللي يسولف معك

ـــــــــــــــــــــــــــــــــــــ
التوقيع
تحيه حب ووفاء لزهران عامه .
ونسأل الله أن يوفقكم جميعاً .
وأعتذر لكم عن الغياب.
وثقوا أنكم لا تفارقون تفكيري .
فأسمي مرتبط بكم .
....مراد الزهراني ....
أخر مواضيعي
مراد الحريري غير متواجد حالياً   رد مع اقتباس
قديم 05-08-2008, 10:16 PM   #9
شذى الريحان
عضو اداري
كبار الشخصيات
 
الصورة الرمزية شذى الريحان
 







 
شذى الريحان will become famous soon enough
افتراضي رد : شي من رحلتي

يااستاذ مراد الله لايبتليك بايش
بالسكن في مكة ولا ايش وضح علشان اللهجة
لهجة الغربية هيا افصح لهجة في مناطق المملكة
خلينا حلوين
اشكرك
شذى الريحان غير متواجد حالياً   رد مع اقتباس
قديم 05-08-2008, 10:26 PM   #10
مراد الحريري
 







 
مراد الحريري is on a distinguished road
افتراضي رد : شي من رحلتي

طيب اعصابك لا تسيحين تقلبين كاكاو الله لا يبتلينا كلمه ماخذ عليها دايم اقولها
انا عشت في اغلب مناطق المملكه ومن فضل الله ماتغيرت لهجتي زي ماهي ،، بس تأثرت في حاجه وحده تعدد اللهجات مره ديراوي ونص السالفه نجدي وشوي مكاوي على شويه هرج الشمال ياطير شلوى
انا قريت موضوعك بالغصب افهم ،،دحين يابويا ،، اذا لك شي عندي اديك هوه من عيوني
خخخخخخخخخخخخخخخخخخخخخخخخ
مراد الحريري غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه للموضوع : شي من رحلتي
الموضوع كاتب الموضوع المنتدى مشاركات آخر مشاركة
صور من قريش (رحلتي الى بني عمر) ابو نضال الدوسي السياحة والرحلات في زهران 21 06-10-2008 11:05 PM
!!.. رحلتي الى جزر القمر ..!! عصفور صغنن الإستراحة 6 24-05-2008 01:41 PM
رحلتي انا عابر حول العالم cute bo0oy الإستراحة 10 26-11-2007 11:08 AM
رحلتي لذي عين فارس دوس السياحة والرحلات في زهران 30 16-10-2007 11:22 AM
صور من رحلتي لقرية ذي عين الاثريه الديحاني السياحة والرحلات في زهران 20 15-10-2007 09:25 PM


الساعة الآن 01:43 AM.


Powered by vBulletin
Copyright ©2000 - 2022, Jelsoft Enterprises Ltd.
جميع ما يطرح في المنتديات من مواضيع وردود تعبر عن رأي كاتبها ولا تعبر بالضرورة عن رأي الإدارة
Copyright © 2006-2016 Zahran.org - All rights reserved