راحوا الطيبين

[خالد رجب]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ايو الله انه صدق راح الطيبين=وين الذي لاغبت دقوا واسألوا
يازين عادات الكبار الاولين=راقين دايم من علوا في علو
رغم العنا والفقر واعجاف السنين=إذا بدأ الضيف اعتنوا له واقبلوا
ترحيبهم يشبع ومبداهم ثمين=وافين لاقالوا على الفور افعلوا
واليوم بعض الناس عيا لايلين=الوقت طيب لكن الناس اخذلوا
الباب جنب الباب مير الله يعين=حتى القرايب عن قرايبهم سلوا
والبعض من قوة عقوق الوالدين =حتى نهار العيد ماارضاهم بالو
يالله وانا عبدك تعين المسلمين=تهدي هل التفريط واصحاب الغلو
الموت حق وكل ابونا راحلين=ماينفع المخلوق ياليتي ولو
واللي بعد في غيهم متشبثين=لو طاوعوني كان تابوا واعقلوا
طول الامل مايخدع إلا الغافلين=بعد يشيب الشب ويشين الحلو
وإذا غدا بير البني ادم دفين =وش عاد يبغى بالحبال وبالدلو[/poem]

خالد رجب

[ابو مشاري المجلد]

استاذ/ خالد

كل حرف كتبته


اكثر من رائع


والله وكلام واقعى ومرتب

ووفقك الله

وماشاء الله عليك


سلمت يمينك وصح لسانك


انا عندى قاعدة


ان الشعر المفهوم واللى ينحفظ بسرعه والواقعي

هو الشعر الحقيقى

[بن حكمان]

وإذا غدا بيـر البنـي ادم دفيـن

وش عاد يبغى بالحبال وبالدلـو

بيت يسجل بماء الذهب صح لسانك اجمل وارق ما قرات لك فعلا كلام مثمن

[احمد صعمود]

حكم ودرر وشعر مرتب

صح لسانك

[جمعان مفرح (ابو طلال)]

كل بيت أروع من اللي قبله إبدااااااااع ماله مثيل