لمّي البراطم وانفخي ياشريمه

[فلاح بن منشار]

لكل من لبس قناع لإذية الآخرين
اقول

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
اليوم ديوان الصبُر صار مقفول = ماعاد نسمع بين الارياع شيمه
البعض من حقده رسم فلم معزول = واخراج للفكره بصوره غميمه
ادري بما في داخله ينضح الزول = والله يعلم من هو الي غريمه
ناسٍ تبيع الشعروالبعض منقول = او نسج كيدي من نفوسٍ سقيمه
والبعض يبنيها على طيب القول = ومن الدرر ينظم ويسري نسيمه
قولوا لمن يمشي على شاص مشتول = يثبت النيشان لـ أقبل حطيمه
ماجيت عيب ولا معي للردى غول= ولا لبست قناع هند وحليمه
عندي سلاسل قاف وسفود واغلول = وعندي موده للبشر مستديمه
ياشين ابو وجهين هذاك مفلول = فيه انفصام وعاقبتها وخيمه
لامن مشى بين العرب تقْل مشلول = مرتاع وش حده لـ لمسة سديمه
الي مطفي النور والسلك مفصول = جانا ببيضة ديك تغري خصيمه
قال انه البحر الذي عمقه ايهول = والموج فاتر والمعاني عقيمه
دوك الجدود وذكرهم طيب موصول= ابن الطفيل وقبل جده جذيمه
العلم مثل السيف والحد مصقول = احذر منه يامختبي خلف ديمه
ماشوفك الا مثل عصفور مبلول = ياحسرتك بين النفوس الغشيمه
اهل الحسد من عرضهم يسخر الطول= لمّي البراطم وانفخي ياشريمه[/poem]

[العرنين]

ناسٍ تبيع الشعروالبعـض منقـول
او نسج كيدي من نفـوسٍ سقيمـه
.
.
خلها على الله وانا اخوك
صح لسانك مليون x مليون
وان كان شريمه بتطول وهي تنفخ
.
ابداع الوصف لا يوفيه وصف
والله انك مبدع
.
دمت بالف خير

[جمعان الاول]

صح لسانك وفيه ناس ما يعرفون الشعر شرو بعض
الشعراء واما الحاقدين الذين يؤذون عباد الله فرد
الله كيدهم في نحورهم

[صالح بن فارس]

الله الله الله

أبو محمد

صح لسانك ولا هنت يا بعدي


ماشوفك الا مثـل عصفـور مبلـول
ياحسرتك بيـن النفـوس الغشيمـه
اهل الحسد من عرضهم يسخر الطول
لمّـي البراطـم وانفخـي ياشريمـه

هههههههههه

يستاهل اللي على بيت الحنش ياهب إيده ...


تحياتي ؛؛

[ملك زهران]

صح لسانك
دائماً مبدع
يعطيك الله ألف عافيه