مذكرات الأعضاء (سجل ذكرياتك هنا )

[نسيم السروات]

[align=center]بسم الله الرحمن الرحيم

أخواني وأخواتي كل إنسان يمر عليه خلال ساعات وأيام عمرة
أحداث كثيرة منها السعيدة ومنها الحزينة إذا سمح الله .
وشي جميل أن يدون الإنسان أحداث حياته وأن يكون له مذكرة
يكتب فيها الأحداث التي تمر عليه في حياته حيث تكون للأجيال
القادمة وثايق تاريخية فلولا الكتابة والتدوين لما وصلت لنا الرسالة
السماوية والأحاديث النبوية وأخبار السابقين فأجعل لنفسك تاريخ
ممكن لأن تخصصي تاريخ مهتمة بهذا الشي أكثر ولكن المضوع يأ أخوان
يستاهل الأهتمام . قد يقول أحدكم أن لدي مذكرة عندي في البيت ما أحتاج
أسجلها في النت ok لكن أجعل من مذكرات البيت للأشيا التي لا تحب أحد
يطلع عليها بمعنى أمورك الخاصة أما في هذا الموضوع فلك الحق أن تسجل كل
مايحدث لك في يومك في أسبوعك أو شهرك أو سنتك وللحفاظ على سريتك لا تصرح
بألأسماء وأجعل هناك غموض في ذكر الأشياء الحساسة وكذلك بإمكانك تسجيل خواطرك
وما ينتابك من شعور خلال ساعات يومك وذكر المواقف التي مرت عليك وخلاف ذلك
أنا أشوف أحيانا الأعضاء يهدرون وقتا في كتابات ومواضيع غير هادفة يستمرون يكتبون
فيها مئات الصفحات ومع ذلك لا تعود عليهم بالنفع فلو أن الشخص جلس يكتب في مذكرته
لمدة شهر أو شهرين أو أكثر ثم رجع بعد فترة يقرأ ماكتب فأنه أكيد راح يشعر بالسعادة .
أحبائي أمل منكم التفاعل في هذا الموضوع وبإذن الله سوف تجدون المتعة والرجاء أن يكون هذا
الموضوع في الأستراحة وعدم نقله لغيرها لأن كل شخص يريد أن يفضفض أحداث يومه بكل حرية
ويحق للأخرين مناقشته لو تطلب الأمر .
ملاحظة هامة : مو لازم تكتب مذكراتك يوميا بإمكانك تجمعها لعدد من الأيام أو أخر الأسبوع
وذلك منعا لإجهاد النفس أو تحميلها فوق طاقتها والحمد لله إحنا من الله في سعة .
حياكم الله أخواني -- خواتي __ ونبدأ بأسم الله ___

سوف أبدى أول مذكرة من عندي :


اليوم السبت الموافق الموافق 22/4/1430هـ الموافق بالميلادي 18مارس إبريل 2009م
أهم أحداث هذا اليوم:
من ناحية الطقس كان الجو في الرياض هذا الصباح جميل ومعتدل وشبه غايم
وأخذ يميل إلى الدفء خلال الظهيرة.
لم أذهب للدوام هذا اليوم لأن عندي موعد بالمستشفى العسكري بالرياض ذهبت لموعدي
حوالي الساعة العاشرة ولكن وجت المبنى الذي فيه موعدي كل المتواجدين الذين فيه
جالسين يعدون أنفسهم للنقل من مبناهم إلى مبنى ثاني جديد وشاهدت المكان كله كراتين
وأجهزة وقالت لي موظفة الأستقبال نأسف يا أختي لا نستطيع أن نخدمك اليوم ولكن أعطينا
رقم بيتكم الثابت وسوف نتصل عليك عندما نستقر.
وطبعا هذه تضاف إلى مساوئ المستشفى العسكري المتكررة وبدون رادع أنتظر أنا وغيري
مواعيدنا منذ شهور ونترك أعمالنا وبيوتنا ونتحمل زحمة الطرق ونذهب إليهم ويكون هذا
ردهم كان بإمكانهم أستقبال المرضى حتى لو في الممرات ولكن المريض هو الذي يتحمل دائماً

توجهت بعدها إلى مدينة الملك فهد الطبية لمقابلة أحد الأخوات هناك منسقة أنشطة حيث سبق وأن
وجهت لي دعوة بالأشتراك معها في عمل بعض الأنشطة في مركز الرعاية الإجتماعية فذهبت إليها
وتم الإتفاق بيني وبينها في أول صفقة عمل في حياتي وفيها كذلك عمل إنساني .
نأمل منكم الدعاء بالتوفيق .
بعد ذلك توجهت إلى بيتي وجدت الجميع غارقين في النوم . فبديت بتجهيز الغداء لهم
وبعد صلاة العصر حوالي الساعة الخامسة مساء أنا على موعد مع مركز الأمير سلمان الإجتماعي
أحب أمشي في المضمار ساعة ثم السباحة لمدة ساعتين وذلك لضرورة الرياضة في حياتنا وصحتنا .
وسلامتكم . [/align]

[الراسية]

بسم الله

منورة أختي الغالية نسيم...هذه مذكرتي لهذا اليوم

أنا أيضاَ وبنفس التاريخ ليوم السبت ..
لم أذهب للدوام وفضلت أخذ إجازة لأني أشعر بأني متضايقة جداً..يخالجني شعور بأني من الدنمارك نظراً للمقاطعة التي
يحيطني من حولي بها وذلك لأني مصممة على موقفي ولن أتنازل عنه في مسألة مصيرية تخصني وحدي..ولكن لم أسلم
من تعدد الآرآء حولي ,,يظن الكبار دوماً أنهم على حق ..في حين أن كل بن آدم خطآء ....المهم مكثت في غرفتي ..حيث
أني دأبت على عادة مذ كنت صغيرة وهي الإنعزال عن الناس كلهم عندما يتعلق الموضوع بإتخاذ قرار مصيري ..فلم أخرج
ولله الحمد طيلة الليل البارحة كنت أدعوا ربي أن يلهمني الصواب وأن يثبت أقدامي وأن يعزز موقفي ,,أعترف بضعفي في
بعض الأوقات على الرغم من أني أحاول أن أظهر عكس ذلك ..أعترف بأني أحتاج لشخص يحميني من الضعف ويقويني
لأواجه الحياة ..ولكن بما أني وحيدة على الرغم من وجود الكثير حولي ولكن شعور الوحدة شعور غريب قد نحسه وبشكل
مفاجىء وبلا مقدمات ..
لست حزينة بقدر ما أحس بسوء الحظ ..وقلة الحيلة ..فأنا ومنذ أسبوع لم أذق طعم الحياة ولست على طبيعتي ..أشعر بخوف
من المستقبل ولكن ثقتي بالله تهدىء من روعي وتجعلني أتماسك أكثر ..لم أنقطع عن دوامي ولله الحمد ولا عن الذهاب للنادي
ولكن لاأتحدث مع أحد لأني أكره أن اشتكي للناس وهنا ليس لي صديقات فصديقتي المقربة تركتها بعد أن عدت إلى الشمال
وأنا من النوع الكسول الفاتر في تكوين علاقات إجتماعية ..
الآن أنا مازالت تتملكني الحيرة أسأل الله أن يهونها من عنده ويفرجها ويدلني على الطريق السليم ويثبتني ويقيض لي من
يعينني بعده على ما أنا فيه ..
أشكرك حبيبتي على إتاحة هذه المساحة ويسعدني أن أكون أول من يفضفض بيومياته ..

[نسيم السروات]

أختي الراسية لك مني جزيل الشكر وأتشرف تكوني أول من يتفاعل في هذا الموضوع ولكن لي ملاحظة أختي كلامك أثار فيني الحزن
وشي من الفضول لأكون قريبة منك وأدعوك لتكوني لي صديقة إذا أحببتي فإنا أرحب بك وعلى الرحب والسعة وكذلك اشعر بأن من حولك
أناس يشبهون من حولي لا يعطون الفرد فرصة في أتخاذ قرارة بنفسه أحيانا أخيتي يكون كبار السن على حق فهم يرون الأمور بعكس ماترينها أنتي بعيد عن العاطفة بعيد عن بعض المعطيات التي جعلتيها أنتيي في نفسك قد تكون معطيات وهمية وأنت أعطيتيها أكثر من حجمها .
عزيزتي لا تكوني ضعيفة أمام الأمور المصيرية وأمسكي العصى من النص زي مايقول المثل حكمي العقل قبل العاطفه وأقدمي بكل همه
ولا تنسي دعاء الأستخارة مع ركعتين في غير الفريضة وكرري هذا الدعاء كثيرا فأنه ماخاب من أستخار.
كذلك أنصحك أبتعدي دائماً عن الوحدة لا تجلسي لوحدك بل أجلس بين الأهل لأن الوحدة تجلب الوساوس الشيطانية والأمراض النفسية.
وخير علاج هو كتاب الله أقري وأستمعي _ الا بذكر الله تطمئن القلوب -

ولكن شكري وتقديري - أختك نسيم السروات .

[الراسية]

[align=center]بســـــــــــم الله

أختي الغالية ..
أحياناً تكون الظروف أقوى منا ونضطر لأن نخالف الكبار لأن الموضوع يتعلق بكرامتنا والتي لاتقبل المساومة والمسآئل المصيرية

ليس من المنطق ان نحجمها بل هي بطبيعتها كبيرة وصعبة وإتخاذ القرار فيها لايمكن في ظل الشد والجذب الذي قد يمارسه الآخرين

علينا فنبقى هكذا مسلوبي الإرادة غير قادرين عل الحراك ونلجأ للوحدة لنصل إلى القرار الصائب ..والذي يكفل لنا الحرية وآدميتنا

فمن غير المعقول أن يكون الصبر حلاً جذرياً وفي بعض الأحيان يضطر الإنسان لبتر أحد أعضائه ليبقي على الأخرى سليمة

وفي ظل هذه الظروف تبقى الفتاة مهما تمتعت بقوة شخصية وثبات ضعيفة ..ولا تكون السلوى في غير الدعآء والصلاة ...

حبيبتي أتمنى أن تكون الصورة قد إتضحت لديك ؟؟؟

فما بإستطاعتي أن أوضح أكثر و تبقى صفحات المنتدى غير مناسبة لأكثر من هذا الحد من البوح والفضفضة ..حفاظاً على السرية

لذا يزيدني شرفاً أن نكون أصدقآء ونجد وسيلة تواصل أكثر خصوصية ..دمتِ حبيبتي في حفظ الرحمن ..[/align]

[الـــــوافي,,,]

تحيه طيبه وبعد
موضوع جميل ويتيح التعبير عن ما في داخل الشخص من مواقف
بصراحه عن نفسي طول اليوم دوام ولا ارجع الا متاخر فاواجه كثير من البشر بحكم عملي البنكي والاغلبيه ممكن اصادفهم بالصدفه
بصراحه مواقف طريفه ومواقف ترفع الظغط وهاتك يا مدير وتعال ياعميل
خليني ساكت احسن
المهم ان بصراحه الواحد يفش غله بالمنتدى ويدعي على من ظلمه
ولكم تحياتي

[الســرف]

السبت 22-4-1430

الاستيقاظ الساعه 4.50 دقيقه صباحاً لأداء صلاة الفجر

العوده للبيت
رياضه على جهاز اوربت حتى طلعت ريحتي

دش منعنش

الافطار

ارتديت ملابسي وخرجت للعمل الساعه 7 تقريباً

طبعاً
زحمه ..وسواقين في شوارعنا ترفع الضغط ...اشارات ...

لكن مع صوت فيروز ودك الخط يطول

تطالع يمين تلقى واحد ينظف خشمه
تطالع يسار وتلقى واحد يفتح الزجاج ويتف وكأنها بوجهك

تطالع في مراية النص تقول يارب ماتفتح الاشاره .... << لوووووووول

وصلت العمل

وعلى جهاز البصمه
تضع اصبعك وتضغط ازرار الجهاز بقوه ودك يخرب يوم بس مافي امل

تصل مكتبك
يقابلك الماسنجر البنقالي " بابا مافي نعناع جيب فلوس "
يافتاح ياعليم يارزاق ياكريم وش هالفأل من الصبح هات

اتصفح الصحف اليوميه

يدخل شايب بالقوه يمشي

اقول له ابوي مافي مدخل من هنا

يرجع يطالع فيني

" الله يقطعكم عند كل باب حطوا كلب "

اروح له واقبل راسه واقول له والله مافي مدخل تعال من هنا

ينكس راسه وكانه ندم ...وانا مستغرب من هالعصبيه التي اصبحت ظاهره بالمجتمع

" الناس كل واحد نفسه راس خشمه يالطييييييييييف "

الو : استأذن سعادتك يروح اخلص معامله لي بالتأمينات
: طيب

خرجت واطيح بحادث على الطريق الدائري ....تقفل الطريق كامل

المهم بعد ساعه وصلت التأمينات وخلصت معاملتي ورجعت

وجلسه بالمكتب

مافي غير توقيعات ومعاملات ومراجعين " كل واحد لسانه احلى من الثاني "

واحياناً نت وتصفح

استغل وقت الصلاه من الساعه 12 ...الى 1 ...اقفل المكتب واتمدد واخذ غفوه

اقوم اصلي الظهر بالمصلي

ارجع
كان اليوم هدوء بعد الظهر

دخلت نت

حتى صلاة العصر
صليت

جلست للساعه 5 العصر

رحت لجهاز البصمه سويت بصمة الخروج

ورجعت البيت

تغديت وجلست حتى صليت المغرب وحطيت راسي ونوووووووووووووووم للساعه 11.30

صحيت صليت العشا وتعشيت

وها انذا هنا

----------------------------

نسيم

مواضيعك " كالنسمه " خفيفه وممتعه

الف شكر

لاعدمناك

[العندليب]

بسم الله الرحمن الرحيم ..
نسيم الله يهب لك عافيه ...

السبت نفس التاريخ اللي فوق ,,,

قبل كل شئ أبغى أقلكم أني عزابي المدام راحت وخلتني ..
وصلوح فديت صلوح اللي يصحيني كل يوم بكلمة بابا
ياربي يسعده وربي البيت بدونه ولا يسوى << ودي بأغنيه حزينه ..
حتى امه أشتقت لها يوووووووووووووووووووووه << لا تشوف كلامي وبعدها يصير علوم

نرجع ..

الصباح الله يغفر الذنب ماصليت الفجر الإ بعد ماصحيت للدوام << هذي حياة العزوبيه
ومافي صلوح يخليني انسى النوم

المهم طبعاً وبما اني عزابي ..
لازم قبل ما انام أكلم 15 أو 16 من اصحابي يدقون علي يصحوني للدوام ..
عاد ماقصروا دقوا علي الساعة 7 ولا صحيت الإ الساعة 7ونص بإنقاذ من إتصال سريع
عاد انا ماضحكت الإ من واحد حصلته مرسل لي رساله يقول فيها (( عبدالله قوم للعمل ))
إخس ياللي بيصحيني برساله انا الجوال يالله يشفر معي

مايهم دقيت عليه وضحكت عليه شويات
قال والله ما كان ودي ازعجك << زاد ضغطي برده .. بسم الله عليه
قال مايبغى يزعجني قال..

المهم صحيت

توضيت وصليت ودعيت الله باللي في بالي

شغلت الموتر .. طبعاً ربع ساعه تحميه

أقرب بوفيه

فطور على السريع << مسكين يالعزوبي

رحت الدوام وصلت الساعه 8 الصباح ..

الساعه 11 وانا طالع << ياحبي للإستئذان

خلصت الاعذار

حتى أخر عذر قال المدير وش فيك

قلت فيني نوم ..

قال رح رح اصلاً إنت رايح حتى لو ما سمحت لك ..
أبتسم وابتسمت وعلى السياره ..

وآآآآآآآآآآآآآآآآآآآآهـ من زحمة طريق الملك فهد وجدي خريص

وآآآآآآآآآآآآه من حرارة الشمس حاط في يدي مناديل عشان امس الدركسون
شوي وبيتقطع ..

المهم ..

وصلت البيت ...

صليت الظهر ,,,

وحطيت راسي ..

صحيت قبل المغرب بدقائق ..

أبوووووووووووك يالعزوبيه ...

طلعت أتغدى عند واحد من اصحابي غدى بعد المغرب << شغل المصلحه ..

المهم

صليت العشا ..

وعلى طريق الملك عبدالله ومن هناك على العليا ومن ثم على التحليه ..

عاد في نهايه التحليه في كوفي إسمه صدى التحليه

اووووووووووه ياعنده (( ترميسو)) من جد إدمان ..
أخذت لي واحد مع موكا حار ,,,

ومعها ثلاث لفات في شارع التحليه ..

عاد شفت لي شوفه

كان كان خلوني اكمل يعني ماتعرفون التحليه

كملت

كان عندي أغراض في حي المرسلات

خلصت اشغالي ..

دق علي واحد يقول أبغى سلف 5 ألاف ..

قلت عندك سلف 200

المهم بعدها دق علي واحد من الشباب يقول أبغى اقابلك ضروري ...

طلعنا

الساعة الان تُشير إلى 11 ونص ..

تمشينا في طريق الملك عبدالله مع لفه على الممشى ..

بعدها رحنا على مطعم العاذريه نتعشى عصيده << أقسم اني امزح
أبووووك يالمزاج عصيده عاد ..

لا تصدقون عاد انا احب العصيده بس في الديره بس ..

اما عصيده المطاعم هويه يايبه

عاد أذا نسيم بترسل لي هذا شئ ثاني ,,

تعشينا عشا خفيف على الماشي من طريق الملك عبدالله

وصلت صاحبي ..

أخذت لي لفه في مكان ما
شئ لابد منه

رجعت البيت ..

فتح الجهاز ..

أول ما افتح الايميل

اوف من الموجود فيه احد نضحك معه ...

أفتح الأيميلات الثانيه

الله يخلي ماسنجر بلاس ..

لو تبغى تفتح عشره

لا تفهمون غلط بس تعرفون فيه ايميل عائلي

وفي أيميل للعمل
وفيه للأصدقاء ..

عاد فيه أيميل ل .. << ياشين اللقافه خصوصيات خصوصيات ,,,

المهم جلست أقرأ بعض الرسايل ..

وأفتح منتدى زهران ..

اتصفح شويه

رديت على كم موضوع ..

أفتح الرسايل الخاصه ..

أرد إذا فيه رساله تستحق الرد

أحذف بعض الرسايل

مسكت الجوال توي قبل شوي ..
دقيت على
أخوي أحمد في نيوز لندا أصبحت عندهم ..
كيف الحال وش الأخبار ..

هذي حياتي وهذي أختياراتي

وهذي علومنا وسلامتكم

...

الإ أقول ماودكم تدقون عليه الساعه 7 تصحوني للعمل

شكل ماهناك نوم الإ بعد الصلاة

عاد اللي أبغى أقلكم عليه لا تدققون في الإملاء مره اكتب بيد وحده واكلم
ومره اخبطها يمين ويسار ,,


كان قهرت ,,,

فمان الله


نسيم الله يسعدك أشغلتينيه شويه ..!

[نسيم السروات]

[align=center]

اقتباس: المشاركة الأصلية كتبت بواسطة الراسية      [align=center]بســـــــــــم الله أختي الغالية .. أحياناً تكون الظروف أقوى منا ونضطر لأن نخالف الكبار لأن الموضوع يتعلق بكرامتنا والتي لاتقبل المساومة والمسآئل المصيرية ليس من المنطق ان نحجمها بل هي بطبيعتها كبيرة وصعبة وإتخاذ القرار فيها لايمكن في ظل الشد والجذب الذي قد يمارسه الآخرين علينا فنبقى هكذا مسلوبي الإرادة غير قادرين عل الحراك ونلجأ للوحدة لنصل إلى القرار الصائب ..والذي يكفل لنا الحرية وآدميتنا فمن غير المعقول أن يكون الصبر حلاً جذرياً وفي بعض الأحيان يضطر الإنسان لبتر أحد أعضائه ليبقي على الأخرى سليمة وفي ظل هذه الظروف تبقى الفتاة مهما تمتعت بقوة شخصية وثبات ضعيفة ..ولا تكون السلوى في غير الدعآء والصلاة ... حبيبتي أتمنى أن تكون الصورة قد إتضحت لديك ؟؟؟ فما بإستطاعتي أن أوضح أكثر و تبقى صفحات المنتدى غير مناسبة لأكثر من هذا الحد من البوح والفضفضة ..حفاظاً على السرية لذا يزيدني شرفاً أن نكون أصدقآء ونجد وسيلة تواصل أكثر خصوصية ..دمتِ حبيبتي في حفظ الرحمن ..[/align]

ok أختي الراسية فهمت عليك وطالما أنك ترين الصواب معك فالإنسان أحياناً يكون أدرى بنفسه من غيره
فتمسكي برأيك وأستعملي لغة الحوار مع المعارضين لك وحاولي أن تقنعينهم بوجة نظرك بطريقة ودية تجعلهم
يعيدون النظر فيما يرون وربما يسيرون معك في نفس الأتجاه.
غاليتي : بما أنك رحبتي بصداقتي لك وأنا لي الشرف أرسلي لي إيميلك وأرقامك وأنا كذلك سوف أرسلك
إيميلي وأرقامي بس أتمنى تكوني في الرياض عندنا ونحدد يوم نتقابل فيه في منتزه الحكير لاند أو أستار ستي
وتكون بداية تعارف .
تحياتي لك عزيزتي .[/align]

[نسيم السروات]

اقتباس: المشاركة الأصلية كتبت بواسطة الـــــوافي,,,      تحيه طيبه وبعد موضوع جميل ويتيح التعبير عن ما في داخل الشخص من مواقف بصراحه عن نفسي طول اليوم دوام ولا ارجع الا متاخر فاواجه كثير من البشر بحكم عملي البنكي والاغلبيه ممكن اصادفهم بالصدفه بصراحه مواقف طريفه ومواقف ترفع الظغط وهاتك يا مدير وتعال ياعميل خليني ساكت احسن المهم ان بصراحه الواحد يفش غله بالمنتدى ويدعي على من ظلمه ولكم تحياتي

[align=[align=center]center]هلا ومرحبا أخي الوافي والله يعينكم على شغل البنوك (ممكن قرض 100000ريال ) وياليت إذا مافيه إحراج تقول لنا في أي بنك عشان نوجه لك عدة إستفسارات عن البنوك
ونعفيك عن المذكرات وش رأيك .
ويعطيك العافية على المرور .[/align][/align]

[نسيم السروات]

اقتباس: المشاركة الأصلية كتبت بواسطة الســرف      السبت 22-4-1430 الاستيقاظ الساعه 4.50 دقيقه صباحاً لأداء صلاة الفجر العوده للبيت رياضه على جهاز اوربت حتى طلعت ريحتي دش منعنش الافطار ارتديت ملابسي وخرجت للعمل الساعه 7 تقريباً طبعاً زحمه ..وسواقين في شوارعنا ترفع الضغط ...اشارات ... لكن مع صوت فيروز ودك الخط يطول تطالع يمين تلقى واحد ينظف خشمه تطالع يسار وتلقى واحد يفتح الزجاج ويتف وكأنها بوجهك تطالع في مراية النص تقول يارب ماتفتح الاشاره .... << لوووووووول وصلت العمل وعلى جهاز البصمه تضع اصبعك وتضغط ازرار الجهاز بقوه ودك يخرب يوم بس مافي امل تصل مكتبك يقابلك الماسنجر البنقالي " بابا مافي نعناع جيب فلوس " يافتاح ياعليم يارزاق ياكريم وش هالفأل من الصبح هات اتصفح الصحف اليوميه يدخل شايب بالقوه يمشي اقول له ابوي مافي مدخل من هنا يرجع يطالع فيني " الله يقطعكم عند كل باب حطوا كلب " اروح له واقبل راسه واقول له والله مافي مدخل تعال من هنا ينكس راسه وكانه ندم ...وانا مستغرب من هالعصبيه التي اصبحت ظاهره بالمجتمع " الناس كل واحد نفسه راس خشمه يالطييييييييييف " الو : استأذن سعادتك يروح اخلص معامله لي بالتأمينات : طيب خرجت واطيح بحادث على الطريق الدائري ....تقفل الطريق كامل المهم بعد ساعه وصلت التأمينات وخلصت معاملتي ورجعت وجلسه بالمكتب مافي غير توقيعات ومعاملات ومراجعين " كل واحد لسانه احلى من الثاني " واحياناً نت وتصفح استغل وقت الصلاه من الساعه 12 ...الى 1 ...اقفل المكتب واتمدد واخذ غفوه اقوم اصلي الظهر بالمصلي ارجع كان اليوم هدوء بعد الظهر دخلت نت حتى صلاة العصر صليت جلست للساعه 5 العصر رحت لجهاز البصمه سويت بصمة الخروج ورجعت البيت تغديت وجلست حتى صليت المغرب وحطيت راسي ونوووووووووووووووم للساعه 11.30 صحيت صليت العشا وتعشيت وها انذا هنا ---------------------------- نسيم مواضيعك " كالنسمه " خفيفه وممتعه الف شكر لاعدمناك

[align=[align=center]center]كعادتك المتميزة سراريفو ردود مضحك لكن الله يخسي شيطانك
قرفتين ببعض الهروج ( طلعت ريحتي ، ينظف خشمه ، يتفل ) وع وع وع ياربيه بغيت

بعدين ماخبرناك نذل تبي تخرب جهاز البصمة بأصبعك عشان تفلسعون من الدوام لا من شاف ولا من دري
والسيارة عند الباب ماشاء الله عليكم يارجال مو زينا يالحريم مافيه أمل تخرج الواحدة منا جالس لنا البواب عند الباب بعصاته والله لو تحاول وحدة تطلع بدون ما تعطيه كرت الأستئذان ليحش رجلها حش بعصاته هب ما أقواه شيبة عرعر.
أما جهاز البصمة فيتحكم فينا مو بس توقيع لازم تشيلين الخواتم من أصابعك ولازم كم العباية مايكون قريب من
من الكف وأصابعك وضعها تمام . يازين القلم زمان أشخط شخطه واطلع ..

أما موقف الشايب بصراحة موتني ضحك لكن أما كلمته قوية وبعد تسلم على رأسه والله أنك ذوق
موضوع الإتكيت جاب نتيجه حتى مع الرجال الحمد لله . ( تراني أمزح كلك ذوق خلقه )
وألف شكر عالمرور السنع وش بعد عندك اليوم من أخبار هات .يالله .>>> بلشه .[/align][/align]