قناة الساحه تشعل الفتنه بين حرب وعتيبه بسبب قصيده والجهات الرسيمه توقف بثها

[احمد الزهراني]

بسم الله الرحمن الرحيم

تهدد بتجدد المناوشات الشعرية بين قبيلتي عتيبة وحرب :

قصيدة تضع قناة "الساحة" في مأزق وتهدد بإيقافها عن البث

في الوقت الذي تقدم فيه عدد من مشائخ ووجهاء قبيلة حرب بشكوى رسمية ضد قناة "الساحة" إثر قيامها مؤخراً ببث قصيدة ممنوعة للشاعر كديميس العصيمي العتيبي والتي يهجو فيها قبيلة حرب أبان المساجلات الشعرية بين شعراء القبليتين تحرك رسمي من الجهات المعنية في الرياض للنظر في الشكوى خاصة بأن الخطأ الذي اقترفته القناة ببث القصيدة من المتوقع ان يجدد المناوشات الشعرية والجدل بين القبيلتين والذي سبق وان تدخلت شخصيات رسمية لإيقافه خلال السنوات الماضية أثر تأزم العلاقة بين قبيلتي عتيبة وحرب نتيجة قصائد الهجاء بين شعراء القبيلتين والتي تطاول فيها الشعراء على مشائخ القبائل.

الجدير بالذكر ان بث القناة لقصيدة الشاعر كديميس العصيمي خلال لقاء أجري معه أثار استغراب المشاهدين خاصة بان القصيدة تضمنت عبارات وتطاول على مشائخ قبيلة حرب وبشكل علني علماً بان القصيدة يطلق عليها "ملحمة عتيبة" لكونها كانت من أقوى قصائد المساجلات الشعرية بين القبيلتين خلال فترة الأزمة التي اوقفت بتدخل من شخصيات رسمية قبل عدة سنوات.



القصيده التي اشعلت فتيل الفتنه والتي بثتها قناة الساحه اكثر من مره
سر يالقلم ننقض كلام المحامين = لصارت الدعوه حمايا حمانا
نقض الحجج لابد له من براهين = ومعنا شهادة الوفا لدعانا
ومن مدنا بالصاع نجزاه صاعين = واللي ياعادينا عليه اعتدانا
كان الحميدي(1) وازملاه متصافين = على الحكي فيما ما تقدم حكانا
تلحقوا غارات ناسٍ قديمين = واخطوا وحنا من خطاهم خطانا
ودام الشريعه تاخذ العين بالعين = حنا ما تقضي الشريعه قضانا
حنا بميزان المعاني ثقيلين = وعلى مماشينا بعيدٍ مدانا
هيهات لو حولت عكس الموازين = قضا القضا فيما مضى وانتهانا
ياحرب لو حطيتم البيت نصفين = ماهوب موصلكم ليا مستوانا
انتم رجال بالمعارك غثيثين = لكن ما تلحق اخطاكم اخطانا
حنا عتيبه ملحقين المخلين = بعنا بسوق الطايلات وشرانا
قومٍ على صولات الايام ضارين = لو عضنا ناب الدهر ما قوانا
يهابنا الطماع لو قلبه اذهين = نبطش محلات الطمع لاغزانا
لنا سلوم غاليات المثامين = سلومنا محدن حملها سوانا
في سلم لوماء الوجه عام وشهرين = وابخيلنا مامون داخل حمانا
ثلاثماية يوم تزداد ستين = تنحاالمنايا عنه هيبة لحانا
ومن حده الموت الحمر والديايين = تخير الحصن الحصين ونصانا
وبالحين نملى فارغات الموازين = جيب الصحون ومكرمات الصيانا
للضيف والجيران والمستحقين = إليا من وهاب العطايا عطانا
ابيوتنا للضيف مثل البساتين = يفرح به الملهوف ليلة ضوانا
نجود بالماجود بالعسر واللين = وضحك الحجاج وما حلا من نبانا
حنا على حفظ المواجيب حرّصين = مانعطي الطرقي قراطيع مانا
والجار له واجب وحنا وفيين = ندعيه للكرمه ولو ما دعانا
جيرانا دايم حشام وعزيزيين = وندرا شرفهم عن كلام اسفهانا
حنا بوجه الجار دايم جديدين = يزيد مع زايده اثنينه وفانا
وان جاء نهار المعمعه واللغا الشين = نبيع غلا الروح دون اقصرانا
وان راح نشدق قفاه بسكاكين = نحمي مجاله عقب عنه انتحانا
وخوينا لو هو من اللي معادين = يأمن بنا في كل درب مشانا
ليا عودة عشر اكثر الناس ثنتين = وصاروا بغرات الخوي عقربانا
ولصرنا مع الخوي بدرب متخاوين = نرعى الحقوق ولانخون خويانا
وحنا منازلنا ورا حضن ويمين = هاذيك ديرتنا فيها نشانا
وجينا نبا المرباع عند القحاطين = يوم الزمان بحد سيفه حدانا
وقالوا لنا ما تاسع الدار شيخين = ونجد العذيه تحت فيت عصانا
وتشاوروا طلقين الآريا الحكيمين = احدٍ ومر بالحرب واحدٍ نهانا
واحتار من يختار بين الأمرّين = اما الدهر ولا سيوف اقبلانا
وتقرر المحدار بالخف والقين = نمراً فأولها يرفرف لوانا
وندري ما قدامنا مزرعة تين = لكن على روس الافاعي وطانا
زحنا قبايل نجد عن نجد قسمين = وجينا بمثنات البلاد وبنانا
ابيوتنا كالقور بين الحفيفين = وعلى السنام من البلاد استوانا
وأعداينا ما هم عنا براضين = لكن هابونا جميع احددانا
لشبت الهيجا بصوت المثارين = صديق عينك مايجي في نحانا
وليا ركبنا فوق مثل الشياهين = تكره صناديد القبايل لقانا
عاداتنا نخلي سروج المسنين = وأول موردت السهوم اومرانا
ليا اقبلوا من الخيل قدم المغيرين = وليا اقبلوا صاروا حماه لقفانا
حمّاية الساقات فالمقلين = باموالهم يرفون فقر فقرانا
وليا جاء الامر بين القبيلة حليين = حلوا مشاكلنا وحازوا رضانا
وان جاء الامر دولي زحول وميامين = عند الدول فالمعضلات اسفرانا
ومن كان ذا شانه يشيل الثقيلين = لو مات حي في قلوب حربانا
لو مات قالوا حرب ذا فيه روحين = يمكن قحص من وسط قبره وجانا
وبعض أُمراكم فالملاهي مغنين = على الوتر والعود دانا لدانا
مر مغنين ومر مساجين = وظهورهم ميدان للخيزرانا
متخلفين ينقلون العناوين = وركن التعارف سجلوا له بيانا
ولو سمعوا لعذال يقول غادين = قالوا نموت ولانبيع اخدنانا
الفرق واضح لاتقولون متساوين = ومصادر التاريخ منها ارتوانا
اذا ازعلكم التاريخ نكون راضين = يصبح زعلكم شعبةٍ من رضانا
ومناخ عرجا كان عنه متغاضين = حنا لتاريخ القبايل قرانا
قبيلتين لحربنا مستعدين = وحنا ليا زلزل رعدهم رسانا
وطبان وصنيتان(2) شفقوا شرهين = وحنا قبل يبدون فينا بدانا
وبعد مناخٍ دام خمسة وعشرين = احدٍ سرى بالليل واحدٍ احترانا
واللي قعد سوى سوات ام ظرفين = ويقول لو إنا درانا سرانا
يقول خلونا بعرجا وحيدين = ياليت هاديهم كذلك هدانا
دون المعقل كافحوا مستميتين = لكن في هم بالمهند سطانا
وخفوا وهفوا وادبروا مستخيفين = وحنا لما تملك ايديهم حوانا
اللي حضر من حرب باتوا ذليلين = واللي ربض عن لابته وش علانا
اللي هرب واللي لجى مستجيرين = واللي جضعناهم وراحوا عشانا
واميرهم ينخى بتالي المقفين = ويقول رده لاتخلوا نسانا
وعقب ما شاف انه كسير الجناحين= ألقى السلاح وصار ضمن أمنعانا
وبيته جلسنا فيه بين الصلاتين = وعلى اشداده باليسار اتكانا
وكشف قمرهم وسجدوا مستغيثين = وطبوا من السلم وحنا رقانا
صارت عليكم مثل نكبة فلسطين = من نار(3) قال الحمدلله نجانا
وابن نحيت حجاب بين المثارين = ثارت عليه بمعتلجهن رحانا
ينخى بني سالم وهم عنه مقفين = وخاب الرجا فيهم وعود نخانا
وجسمه تشارك فيه شلفا ورمحين = وشلناه وسقان نحيت في دوانا
وحزّن على ربعه وربعه حزينين = عليه يوم انه ألتوى في ذرانا
والحرمليه كونها يالمساجين = منتم في هاك النهار اقبلانا
لكن قابلنا صعوط المجانين(4) = الضيغمي جمع علينا عدانا
رخم الجموع اللي تسوق الملايين = وانتم عدتوا فزعته ياحلفانا
نفذ على كل القبايل قوانين = وانتم خضعتوا له وحنا عصانا
هدر جمل شمر وقلتوا مطيعين = ويوم إن حنيتوا للامر ما انحنانا
لنا عزايم تفدح الخصم وتهين = طنا الطنايا مانقص من طانانا
حصل لنا صولات وايام وسنين = نسقيه بالسم الذحاح وسقانا
وكم راس شيخ طاح بين الفريقين = نحط من فوق اذبحاه اذبحانا
وأنكف عقب ماشاف في جلده البين = هو مأيسن منا وحنا اكتفانا
وممكن قضيتوا من بعض دينكم دين = وحنا عقب عدة ليالي اقتضانا
وعبدالعزيز اللي رفع راية الدين = اللي ليا خم النشيط يتوانا
اللي تخاضع له رقاب الفراعين = من هيبته كلٍ يريد الأمانا
بالسيف صارعناه وسط الميادين = وانتم تخامرتوا سوات السمنا
ماعمرنا نذعن لحكم السلاطين = ألا بيومٍ ينتصر به حدانا
انتم كما شغل الهنوف ام وجهين = اللي لها مع كل عاشق ضمانا
توعد ولا توفي بوعد المحبين = ودايم تشبرق للجديد وتدانا
ليا شفتوا الحاكم نهضتوا خفيفين = وقلتوا ترانا ياسندنا ترانا
اسمع كلام الضيغمي وافهمه زين = فالحربي اللي نار عنه ونصانا
منتم بذمه والحنيني مخيفين = من حرب نار والتقوا من ورانا
ماجالهم من حرب فزاع ومعين = كلٍ يقول من الضياغم بلانا
وحنا حميناهم بحدب العرانين = وشالت حمولن ضاهدتم ايدانا
وعن مانقوله حرب سمعوا دارين = ميرٍ فيهم من يحب المشانا
وان كان غاوٍ البنيدر وابوعين = الشرق الاوسط معترف ماغوانا
اخبارنا قد هزت الهند والصين = ولا همنا الهيس العور لو هجانا
ولو كان فالاعلام ضمن المذيعين = الباع قاصر والطويل اللسانا
عن الدعاية يا الحميدي غنيين = افعالنا تشهد عليها اعدانا
وقولٍ نقوله ثابتٍ بالدواوين = وتاريخ نجد المعتمد مانسانا
ايام عرجا قد عطتنا نياشين = وفي ايام معتق يشهدون اعتقانا
العفو عند المقدره للكريمين = وحنا ليا منا قدرنا عفانا
وكان الحميدي جاء مطية شياطين = لو يشعبونه ما لحق منتهانا
وان كان له خمة رخومٍ ملبين = حنا عن انصار الحميدي ما درانا
هذا كلام يفّحم المستحقين = وعاداتنا نقطع لسان طّلبانا

[خالد بن سعد]

تسلم يامراسلنا من هناك

هااه علمنا أول بأول وش بيصير

ذي والله النشبة

يعني قناة الساحة بتخسر فلوس المصافيق (( أصحاب رسائل SMS )

[احمد الزهراني]

اقتباس: المشاركة الأصلية كتبت بواسطة خالد بن سعد      تسلم يامراسلنا من هناك هااه علمنا أول بأول وش بيصير ذي والله النشبة يعني قناة الساحة بتخسر فلوس المصافيق (( أصحاب رسائل SMS )

ابشر بعلوم تسرك
والا الان ماصدر القرار لكن مادام هذا طبعها اكيد بيقفلونها وتستاهل
يعطيك العافيه اتشكر مرورك

[خالد بن سعد]

زي مايقولوا (( في الأنتظار )) بس أذا هاجمني النوم نشوف الأخبار تومورو مورنينق

[ذكرى المفارق]

حسبي الله و نعم الوكيل
الى متى و الحرب بين القبايل تشتغل

قسم بالله قنوات هابطه

[احمد الزهراني]

اقتباس: المشاركة الأصلية كتبت بواسطة خالد بن سعد      زي مايقولوا (( في الأنتظار )) بس أذا هاجمني النوم نشوف الأخبار تومورو مورنينق

ولا يهمك مورنينق / افتر نون
تونتي فور اورز انا معاك
يعطيك العافيه خالد بن سعد
يشرفني مرورك

[احمد الزهراني]

اقتباس: المشاركة الأصلية كتبت بواسطة ذكرى المفارق      حسبي الله و نعم الوكيل الى متى و الحرب بين القبايل تشتغل قسم بالله قنوات هابطه

يعطيك العافيه ذكرى المفارق
القنوات الفضائيه التي تبث بدون ضوابط واحترام لمشاعر الناس قد تتسبب في امور كثيره
تشرفت بمرورك

[ابو عادل العدواني]

الله يجعل حيلهم بينهم
وقناة الساحه قناه هابطه
بحثة عن العنصريه القبليه من خلال المزاين وغيرها

[احمد الزهراني]

اقتباس: المشاركة الأصلية كتبت بواسطة ابو عادل العدواني      الله يجعل حيلهم بينهم وقناة الساحه قناه هابطه بحثة عن العنصريه القبليه من خلال المزاين وغيرها

صدقت ابو عادل العدواني
يعطيك العافيه
تشرفت بمرورك

[صوت من زهران]

هؤلاء البادية لم و لن يستشعروا حقيقة الأمن والمحبة الذي هم وغيرهم ينعمون بهما تحت مظلة الإسلام والأخوة الإسلامية ، فشعر المحاروة حسب معرفتي البسيطة به أنه قائم على أسس السباب بين شاعرين يمثل كل واحد منهم قبيله معينة ما يدفع الجماهير لمحاكاة معاني أخطارها بجلاء تبدو محدقة !

ولا ننكر الجانب الحسن في قناة "الساحة" بما يتمثل في إبراز الموروث الشعبي لمختلف المناطق و الشعبيات لدى متنوع من القبائل العربية إلا أنه غلبت عليها مفاهيم استجداء العصبية القبلية في نفوس كثير من الضعاف وتورطهم في إرجاع بعض العقول المضمحلة زيادة على ماهي عليه إلى عصور سحيقة ماضية .

فبدلا عن وجود مثل هذه القنوات التي ضرها يبلع نفعها نتمنى إيجاد قنوات مرئية أكثر تثقيفا ً لهؤلاء المتحمسون سلبا ً لقبائلهم .. هكذا أرى



لا حول ولا قوة إلا بالله

شكرا ً أخي الكريم . عالمي ممنا


تحيتي ،،