خذني معك

[بن حكمان]

خذني معك من وين مارحت واقفيت
الارض من دونك كئيبه حزينه

تركتني واقفيت عني وشدّيت
وأحزنت من بعدك ضمير ومدينه

تصّدق اني بعد ما رحت حنّيت
واشتقت للحب القديم وسنينه

لا عادها الله ساعةٍ يوم حبيت
بأسبابه الخافق تزايد ونينه

تعبت: كم ناديت مره، وصديت
روحي معك شفها بكفّك رهينه

ما يوم جيت ولا عشاني تعنيّت
وطعنتني طعنه بسلّه سنينه

وانا مع هذا صبرت وتسلّيت
والقهر ذي يمناي؛ تمسك يمينه

وش فيك كنك من هوا البال مليت
وينك؟وحبكّ بعد ذا الصد وينه ؟

شراك قلبٍ ما يبيعك ولا اشريت
وسكنت قلبّ ما تناقص حنينه

جرحك قصيده تنّظم بيت من بيت
وقصيدةٍ من جرح هذي لعينه

الشوق اذا جابك حبيبي :شف البيت
صاحبك بيقلّطك في وسط عينه

[جسد بلا قلب]

الرائع المبدع بن حكمان
صاحب القلب الذي ينبض بالدفء هنيئاً لگ هذا الإحساس المرهف
مرور دقيقة ولكني بقيت هنا الليل كله أتجول ببساتين بوحگ
التي انشرح بها الصدر وطاب الخاطر

[شتآتـ]

الله !! أكثر من رائعة ..
وكلمات ومعنى أكثر جمالا ..

ذكرتني بأبيات كانت قريبه لي جدا

خذني معك لاجيت ترحل عن الناس
مالي بعد فرقاك بالناس غالي
انت الوحيد الي معه عشت الاحساس
وانت الوحيد الي له ارتاح بالي
.........
......
غلاك في كفه وفي كفه الناس
غالي ليا من جيت وان غبت غالي

كل الشكر ابن حكيم ونتمنى المزيد

[بن حكمان]

اقتباس: المشاركة الأصلية كتبت بواسطة جسد بلا قلب      الرائع المبدع بن حكمان صاحب القلب الذي ينبض بالدفء هنيئاً لگ هذا الإحساس المرهف مرور دقيقة ولكني بقيت هنا الليل كله أتجول ببساتين بوحگ التي انشرح بها الصدر وطاب الخاطر

اشكرك على مرورك واشادتك

[منبع الطيب]

جميله يابن حكمان ..
وتنفع ان تغنى

[بن حكمان]

صحت ابدانكم جميعا