منتديات زهران  

العودة   منتديات زهران > المنتديات التقنية والرياضية > الإستراحة

وصارت كشتي سبب سعادتي


الإستراحة

إضافة ردإنشاء موضوع جديد
 
أدوات الموضوع
  #1  
قديم 15-03-2008, 06:30 PM
الصورة الرمزية البرفسور الحنون
البرفسور الحنون البرفسور الحنون غير متواجد حالياً
 






البرفسور الحنون is on a distinguished road
افتراضي وصارت كشتي سبب سعادتي

الى كل من تظن انها لن تتزوج لانها ليست جميله او ربما جميلة لكنها هبيله هذي قصة ام كشه ترويها لكم

بلسانها لعلها تزيل عن الاتي لم يتزوجن الكآبه واليأس ولاتقنطوا من رحمة الله انه لايقنط من رحمته إلا الكافرين
اترككم مع ام كشه


هذي فقشه من فقشاتي البريئه ..


كنت فتاة في عمر الزهور , عصلا القوام , شينة الوجه لكن مملوحة , بيضاء البشرة مع اسوداد بالركب والاكواد
كان معكر صفو حياتي شي واحد الي هي >> كشتي <<]
ما جا برنامج في التلفزيون إلا طلعو كشتي فيه
طلعت في موسوعة غينيس للارقام القياسيه
في عيد رأس السنه يجون الفرنسيين ويستأجروني علشان يعلقون الهدايا بشوشتي بدال الشجره الي يحطونهاا
حتى في برنامج اوبرا طلعت
اوبرا اول ماشافتني يا لهووووووي
وبعدها اسلمت اوبرا ونطقت الشهاااده
بعد ماشافت قدرت الله في خلقه
\


/
اخذتني امي للمطوع علشان يقرأ علي كود تهجد كشتي على بالهم الي خلاها واقفه الجنون
قال المطوع اذلفي انتي وبنتس اصلن هي جنيه بنفسهااا /
حاولت اقصها لكن عجزت
كل مقصات العالم تكسرت ما خليت شي إلا جربته جربت شاكوش جربت النجرــ> مدري وش دخله
جابو سواطير وسيوف ومسدسات وكل انواع الاسلحه ولا شي فاد ..
<<< بوش اعلن خبر عاااجل >>>
أعلان الحرب على المملكة العربية السعوديه وخصوصاً منطقة الرياض وتحديداً في حي منفووحه والهدف في بيتنا القابع في اخر الحاره ....
والسبب كله كشتي الكل يحااول القضاء عليها
لكن كل محاولاتهم بائت بالفشل
الطيارات الي ارسلها بوش الى هذي اللحظه وهي ناشبتن في كشتي
المووهم اقوول لكن نصف الجيش الامريكي ضايع في شوشتي
صرت مثل مثلث برمودا اي شي يروح له يختفي
يعني مصير الجيش مجهوول الحين
خافت امريكا ولاول مره تخاااااف في تاريح العالم تخاف امريكا
اللهم اذل الشرك والمشكرين ودمر اعداء الدين
شفتوو شوشتي كيف قدرت تتغلب عليهم
المووهم بوووش اعلن انسحاب نص جيشه البااقي
وكلهم رجعوو
عاد بوش اكل تبن وسكت
\
/كان حلمي حلم اي بنت
احلم بفارس احلامي
دايم اسرح وانا اقطع البصل ــــــ>> عرفت تختار المكان المناسب
اسرح بفارس اقرع الرأس مافيه ولا شعره وصلعته تلمع مثل اللؤلؤ
واضحك على نفسي اقوول يابنت الحلال احلمي بشي معقوول
مو بواحد اقرع مو بمستواك
اكيد بكرى لو تزوجتيه راح يتكبر عليتس بصلعته اللماااع والبنات راح يخطفونه منتس
قلت الظاهر ربي راح يبلاني بواحد شوشته شهبا مثلي
اللهم لا اعتراض
قلت بصبر واحتسب الاجر
ماقدرت الكل يضحك علي ..
بزراين الحار إذا شافوني مريت بالشارع كلهم يهربون يخافون من كشتي
دايم إذا ضاع الشي كل الاتهامات علي انا
يقولون اكيد بشوشتس
كل اقلامي من ايام الابتدائيه والمتوسطه والثانويه في كشتي
لاني إذا جيت افكر احط القلم فوق اذني ثمن ينشب بشعري
اذكر ايام العيد والمناسبات اعذب اميمتي
تدور كل محلات ابو ريالين وتجمع كل الشباصات الي بالمحل
وتأخذ اسبوع كااامل وهي تصفها بشعري علشان اصير حلوه واتزوج وتفتك مني
ضاقت علي الدنيا الواسعه
وطلعت للسطح علشان ابكي وافضي كل القهر والالم الي مكبوت فيني
اتصلو جيراننا قالو خلو بنتكم تنزل من السطح
دشنا خرب من كشتهااا
يااااااارببببيييييييه انا وش اسوي
اذبح نفسي علشان يرتاااحون
في يوم ممطر قلت بروح اصلي وادعي الله انه يرزقني الزوج الصالح ـــ> ههههه عندها امل تتزوج
سبحـــــان الله
ماراح تصدقون من جد هذي من عجائب الدنيا
حصلت معجزه
تخيلوو من ثاني يوم مر في حارتنا همر
كشخه
عاد بزارين الحاره ماقصرو قامو بالواجب واكثر رمووه بالحصى لين وقف عند باب بيتنا وكلهم هربوو
ماينلامون بيت ام كشه >> مرعبة الحاره << ـههههههههههـ
المووهم وينزل ذاك الشاب الأطخم
صاحب العضلات والصلعة اللماااااااعة السحريه
بتقولون وش لون شفتي صلعته
بقول لكم : لانه مصلح حركه جديده مطيح الشماغ والطاقيه لنص الصلعه
عاااد لا تسئلوني وش لون صلح الحركه ذي
هو مطنوخ وولد نعمه ويقدر يصلح الي يبي
ابد انا اول ماشفته خقيت معه وطحت صريعه في حبه بس الحمد لله صحوني اهلي
طبعاً الكلام هذا خلف الكواليس
يعني الى الان ماتقابنا وجه لوجه
طول الوقت وانا اويق من الباب واسترق السمع ..
ابووي استقبل الرجال وضيفه بالمجلس
ومد له فنجال القهوه وقال له سم
المروح اخذ الفنجال وكبه على ابوووي
انا بغيت ادخل واتوطا في بطنه
قال ابوي افااااااا
تكب قهوتي علي
قال الرجال ما اشربها إلا اذا قلت لي تم
قال ابوي تم بس اشرب قهوتك ويصير خير ــــــــ>> اشك ان ابوي حاط بالقهوه شي وش معنى مصمم ان الرجال يشربهاا
ما علينا
قال الرجال طلبتك بنتك مطفووقه
قال ابوي عطيتك
افاااا يبي الفكه مني
قال ابوي يالله هات المملك علشان نملك ونقضي .
قال الرجال وراك مستعجل .؟؟
ابوي : خير البر عاجله ــــ>> كنت حاسه ان الشايب يبغى الفكه مني
قال الرجال لازم اشوف بنتك قبل ما اتزوجهااااااا
في هذي اللحظه غيم الحزن على وجه ابوي ونزل راسه وسكت ..
والتفت على امي وهي جنبي وان دمعتهاا سالت على خدهااااا وتبتسي
قال ابوي يصير خير ...........
طلع ابوي ولقانا عند الباب وقال لي يا بنتي السالفة تسذا وتسذا قلت ادري بس وش المطلووب
قال مصمم يشوفتس قلت لالالالالالالالالالالالالالالا لالا ـــــــــ>> توها تكتشتف ان الكيبورد فيه حرف لا
قلت يبه النتيجه معروفه لو طلعت له
قال وش اسوي يا بنتي هذا شرطه الوحيد !!
واذا الله كاتب انه من نصيبتس راح تأخذينه ,
وبعدين يا بنيتي لو هو شاريتس صدق بيأخذتس لو فيتس عيوب الدنيا كلهااا
وانتي الحمد لله مزيونه وخلوقه وكل شي زين فيتس اللهم شي بسيط إلي هو كشتس قلت هين بسيط
قالت امي ماتدرين يا بنيتي ممكن تكون الكشه هذي سبب سعادتس قمت اضحك انا
قلت طيب شوركم وهداية الله ..
خلاص يبه قول له يجي بعد اسبووع على ما اجهز عمري ..
في اليوم الثاني وصيت ابوي يجيب لي وايت موويه علشان اتروش واغسل كشتي الي لها سنين ماطبت المويه هع هع
تروشت وخلصت واستاجرت نص كوفيرات الرياض علشان يستشورون كشتي ويهجدونها لي..
عاد جا الموعد تكشخت وتزينت صرت قمر 14 بسم الله علي
بخرت المجلس وجهزت العصير علشان اقدمه ـــــ> ماقصرو الافلام المصريه علمونا كل شي ,
دق الجرس وفز قلبي معه *******
دخل صاحب الصلعة البهية
استقبله ابوي بكل حفاااوه ـــ> مدري من وين جايبنهاا
وقلطه بالمجلس بعد خمس دقايق يدخل علي ابوي وانا الحيا يقاااطر مني
قال هاااا يا بنيتي خطيبتس ينتظرتس قلت تيب ـــــ> ياشين الدلع عليتس
دخلت على خطيبي
وماسكة الصينيه وفيها العصير كان عصير طماط
ـــــــ> هذي الرومنسيه وش فهمكم انتم ـهههههههههــ
هو طمر اول ماشافني قال هاتي الصينيه عنتس ..
انا يوم شفته جيت اسلهم برموشي بس عجزت
لان الغمص كااان في عيوني واعاق الحركه علي ـههههههههـ
ابتسم هو وقال يا هلا والله بالزين كله
فتحت خشتي انا مو متعوده على كلام زين قال هااااتي الصينيه بنزلها
إلا وانا انطفق واكب العصير على ثوبه
وانكمش داخل هدومي من الفشيله
قال ابوي حصل خير كل واحد يصلح سيارته ..
ضحك خطيبي وقال ما يخالف هذا الحيا ومايسوي
الغريب في الامر انه ماجاب طاري عن كشتي ولا تكلم ....
:

:
ملك علي وقررنا العرس بالصيفيه
:تصدقون ما بقى من مهري إلا ربعه
كله راح بالطرحه حقت العرس
يالله يالله لقت الكوفيره طرحه كبر كشتي
راحت لباريس خصيصاً علشان طرحتي
:

:

جت ليلة العمر
ليلة الدخله
وانا وش ملحي اهبل ولابسة الفصطااان الابيض
وزفونا وجلسنا لحالنا ـــــــ>> لا اهلتس دخلو معتس
تصدقون اعترف لي مطفووق بأعتراف خطير
قال صدقيني يا مطفووقه من اول يوم شفتس فيه وانا طايحن في حبتس وكله من كشتس هذي
عجزت انام من كثر التفكير ..
ـــــ>> والخبله صدقت ههههههههههه
يقول كان حلمي اني اتزوج بنت لها كشه
والحمد لله ربي رزقنا باحلى ام كشه بالعالم
ابتسمت انا وقل بكل حيا الله يسلمك يابعد طوايف اهلي
تصدق حتى انا كنت احلم بواحد مثلك دايم اقوول يارب اتزوج واحد اصلع نظيف وسيم
وربي رزقني فيك ..
قال سبحان الله

شفتي يا حبي ربي يحبناا ...
تعالي قربي عندي يا قلبي .................. طوط طوط
تم تشفير هذه الفقره من قبل المشرف ا لعااام ولا احد يسئل عن الاسباب
وصارت كشتي هي مصدر سعادتي مثل ماقالت امي
عشت حياتي في هنا وسعادة وخلفت صبيان وبنااات
ثلاث بنات لهم كشش وثلاث عيال قرعاااان ....
\

/

\


مايستفاااااااااد
1/ الى كل عاانس جالسه في تسبد اهلها ادعي ربتس انه يرزقتس بالزوج الصالح ولا تيئسي وتقولين فيني عيوب الدنيا كلها ومحد مفكر فيني .. شوفي انا وش كان عيبي وربي وفقني وتزوجت بالي احلم فيه ...
2 / ركزووو بأوقات الدعاء لازم تكثرون الدعاء في اوقات الاستجابه
شوفو انا دعيت وقت نزول المطر ـــــــــ>> كذبت وصدقت كذبتهااا
3/ مافيه حب قبل الزواج الحب الحقيقي بعد العرس وبس ـــــــــ>> اخس يالمتزوجه
4/ حاولي تغسلين الحوش مع امتس دايم
كود يشوفتس ولد الجيران من الشبااك ويعجب فيتس ويخطبتس
ــــــــ>> ورا ماتظفين وجهتس
5 / ان امريكا تتدخل في كل شي .. تدخل عصها في شي مايخصهاا
متى ربي يمحيها من الارض ونرتاااح منهااا


>>ملطوووووووووش ولد مليطيش بن ملطااااااااااااااش>>

ـــــــــــــــــــــــــــــــــــــ
التوقيع
[



.·.¸.•°°·.¸¸.•°°·.¸.•°®»البرفسور الحنون «®°·.¸.•°°·.¸¸.•°°·.¸.•°[
أخر مواضيعي
رد مع اقتباس
قديم 16-03-2008, 02:14 AM   #2
أحـلام السـنيـن
 
الصورة الرمزية أحـلام السـنيـن
 







 
أحـلام السـنيـن is on a distinguished road
افتراضي رد : وصارت كشتي سبب سعادتي

اقتباس:

ثلاث بنات لهم كشش وثلاث عيال قرعاااان ....


ههههههههه


يعطيكـ العاآفية

ـــــــــــــــــــــــــــــــــــــ
التوقيع
أخر مواضيعي
أحـلام السـنيـن غير متواجد حالياً   رد مع اقتباس
قديم 16-03-2008, 10:39 AM   #3
ابو عادل العدواني

إداري أول
 
الصورة الرمزية ابو عادل العدواني
 







 
ابو عادل العدواني is on a distinguished road
افتراضي رد : وصارت كشتي سبب سعادتي



ـــــــــــــــــــــــــــــــــــــ
التوقيع



أخر مواضيعي
ابو عادل العدواني غير متواجد حالياً   رد مع اقتباس
قديم 16-03-2008, 11:00 AM   #4
وحيــ الريــاض ــد
 
الصورة الرمزية وحيــ الريــاض ــد
 







 
وحيــ الريــاض ــد is on a distinguished road
افتراضي رد : وصارت كشتي سبب سعادتي



مشكووووووووووووووور

ـــــــــــــــــــــــــــــــــــــ
التوقيع
أخر مواضيعي
وحيــ الريــاض ــد غير متواجد حالياً   رد مع اقتباس
قديم 16-03-2008, 12:47 PM   #5
أديب

قلم مميز
 
الصورة الرمزية أديب
 







 
أديب is on a distinguished road
افتراضي رد : وصارت كشتي سبب سعادتي

ثلاث بنات لهم كشش وثلاث عيال قرعاااان ....


أههههههههههه ... الله .. قسمه عادله .. الحمد لله ..


تصدقون ما بقى من مهري إلا ربعه
كله راح بالطرحه حقت العرس
يالله يالله لقت الكوفيره طرحه كبر كشتي


ولبعض الكشـّات حظوظ ...!!!!!


ان امريكا تتدخل في كل شي .. تدخل عصها في شي مايخصهاا
متى ربي يمحيها من الارض ونرتاااح منهااا


هذي وش دخّـلها بالموضوع ...؟؟!!!



الله يعطيك العافية يا مشرفنا العزيز على القصة الفكاهية الرائعة .... والتي بها شيء كثير من الواقعيّة ..!!!

سلمت يداك

تحياتي
،،،

ـــــــــــــــــــــــــــــــــــــ
التوقيع



قوانين منتدى زهران
أخر مواضيعي
أديب غير متواجد حالياً   رد مع اقتباس
قديم 16-03-2008, 03:23 PM   #6
العطاء
 
الصورة الرمزية العطاء
 







 
العطاء is on a distinguished road
افتراضي رد : وصارت كشتي سبب سعادتي

ههههههههههههههههههههههههههههههه
يعطيس العافيه
ياام كشه
انشاء الله يرزقني بكشه مثل
حقتك
هههههههههههههههههههه
تحياتي
العطاء غير متواجد حالياً   رد مع اقتباس
قديم 19-03-2008, 10:15 PM   #7
البرفسور الحنون
 
الصورة الرمزية البرفسور الحنون
 







 
البرفسور الحنون is on a distinguished road
افتراضي رد : وصارت كشتي سبب سعادتي

احلام السنين
ابو عادل العدواني
وحيد الرياض
اديب
العطاء
يعطيكم العافيه جميعا على مروركم الرائع
وشاكر مروركم الكريم

ـــــــــــــــــــــــــــــــــــــ
التوقيع
[



.·.¸.•°°·.¸¸.•°°·.¸.•°®»البرفسور الحنون «®°·.¸.•°°·.¸¸.•°°·.¸.•°[
أخر مواضيعي
البرفسور الحنون غير متواجد حالياً   رد مع اقتباس
قديم 20-03-2008, 12:20 AM   #8
][ هيكتور][
موقوف
 







 
][ هيكتور][ is on a distinguished road
افتراضي رد : وصارت كشتي سبب سعادتي

فقشششششششششه فللللللله

يعطيييك العافيه
][ هيكتور][ غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه للموضوع : وصارت كشتي سبب سعادتي
الموضوع كاتب الموضوع المنتدى مشاركات آخر مشاركة
شــــــــــعــــارات وزارة الـــصــحــة !!!!!! القـــــناص الطب و الطب البديل 2 03-06-2008 09:41 PM
موافقة وزارة التجارة على زين PRINCE المال والأعمال 1 13-03-2008 12:28 PM
.•:*ღ*:•. تخيل لو أن ذنبك كزبد البحر بالصور .•:*ღ*:•. البرنسيسة الإسلام حياة 25 31-12-2007 06:47 PM
وظائف لدى وزارة الداخلية محمد العدواني2 التدريب والتوظيف 4 30-12-2007 01:56 AM


الساعة الآن 03:58 PM.


Powered by vBulletin
Copyright ©2000 - 2019, Jelsoft Enterprises Ltd.
جميع ما يطرح في المنتديات من مواضيع وردود تعبر عن رأي كاتبها ولا تعبر بالضرورة عن رأي الإدارة
Copyright © 2006-2016 Zahran.org - All rights reserved