[خبر] سعودية تحرِق وجه زوجها الوسيم بماء مَغلي بالقطيف !

[عساف]

فيه ردود مضحكة و واقعية .... الله يعطيكم العافية و الإبتسامة الدائمة

اشك انه وسيم ... !!؟؟
وبعدين ما وصلت للغليان في القلوب وكفاكير الماء الحااار
إلا قد شافت ما يخرجها من شرنقة الرومانسية و الحنان الأنثوي


طيب لو نعكس المسألة والقضية هي حطت صورتها الرمزية بشكل ملفت للنظر ،
ماذا سيفعل ابو الشباب ، ..... أول مره نسمع أن عندهم غيرة ومن حريمهم ... فيه تقـدم !!!

[رعد الجنوب]

عالم مجانين من جد

مو الى هذه الدرجه توصل الغيره

[محمد الساهر]

الحمدلله اني ما ني وسيم لهذي الدرجة ولا كان رحت فيها من ام خالد
هههههههههههههههههههههههههههههههههههههههه

[أبو مراد الزهراني]

سبحان الله ..
سواء الرجل أو المرأة لا تصل لهذه الدرجة والخروج عن دائرة النضج والتفكير بعقلانية ..
هناك قاعدة ( إمساك بمعروف أو تسريح بإحسان ) ..
وليست مجبرة بالبقاء معه وإرتكاب الجرم والذي يحب بإعتقادكم يكون من كثر الغيرة توصل لهالمواصيل لا اعتقد ؟..
شكراً ..

[نسيم السروات]

اقتباس: المشاركة الأصلية كتبت بواسطة طوق الياسمين      حقه ويستاهل ماجاه .. ليته أشكل طيب واللي شين ماااااره ويترزز بقنوات التلفزيون ويحط صوره بالفيس بوك والمنتديات وخاين لزوجته والبنات من حوله عشان جيبه مش عشان شكله ذا وش دواه ظنكم !! نحرق جيبه مثلاً >> خسارة فاتتها الحركة

هههههههه الله يعوض عليك ياطوق .

قولك أسويها في اللي أنتي خابرة بعدين ونريح ونستريح والله أنها فكرة كانت غائبة .


ماتشوفين الرجاجيل كلهم خائفين حتى اللي ماهو وسيم خاف صار عنده فوبيا من الزوجة ويتخيل نفسه أنه وسيم

يابنات أستفدن من الأفكار الحلوة هذه عندكنه بهم وأحسن شئ وهو نائيم يشخر

[شذى الريحان]

لاحول ولاقوة الابالله
يعني ايش فيها لو سايسها بلاش يحط صوره لو حط صورة لمشهور ولا فنان
ترى الغيرة تعمي واسألوا جمرة غضى نزلت موضوع في قسمنا يجيب العمى اقصد يجني فوائد
وبرضوا مالها حق
اشكرك

اقتباس: المشاركة الأصلية كتبت بواسطة زهراني من الرياض      قله ادب مع احترامي الشديد .. << لو فيها خير كان رشت عليه وهو صاحي مو نايم خخخ ما عندها سالفه ذا الحرمه .. هههههههههههههههه .. واذا يعني الرجال نزل صورته في النت تراه رجال مو بنت عشان تسوي كذا .. والله انه بعض الحريم مرض .. الحمدالله اني مو متزوج .. يعطيك العافيه على النقل ..

كركركركر
والله اؤيدك المفروض تصحييه وتقول قوم ابغى ابخك لايكون فيك عين ولاجني

[لابتي بني حرير]

لاحول ولاقوة الا بالله .. شي مؤسف

[طوق الياسمين]

نسيم


والله يختي الرجال اللي يستفز غيرة زوجته ماهو رجال ولا فيه خير .. الخبر اللي اورده الاخ مثل ماقال الاخ عساف ماوصلت معها الزوجة أنها تحرق وجه زوجها إلا من شيء كبير صعب يذكرونه في الخبر لأن البيوت اسرار لكن السالفة فيها غيرة لا محالة ..
عموما المفروض أن الرجال يتفهمون طبيعة المرأة أنها غيورة وتحب أن زوجها يكون أنيق دائما ولكن ليس بالشكل الملفت للأنتباه في الأماكن اللي تثير الغيرة عند الزوجة ، وقمة القهر إذا صار الزوج خايس أو عادي مائل للخايس في بيته واذا جو بيطلعون لأماكن فيها نساء قام يتشيّك ويتعطر .. قسماً أوووم الحالة !
فـ يا أزواج ياطيبين لا تستفزون غيرة زوجاتكم وحافظوا على وجيهكم من الماء المغلي وكذلك الزيت المغلي وماء النار أو مايعرف بسائل الكبريت الحارق عاملوهن مثلما تحبوا أن يعاملنكم به ولا ترززون صوركم وأنتم متميلحين لأن الغيرة شعور واستفزازها خدش لمشاعر تلك الانثى التي تحبك وتتمنى أن تكون لها لوحدها ولا يشاركها فيك أحد ..
وأنتي يانسيم انصحك تعطين الحر فرصة وارسلي هذا الخبر على إيميله لعل الله ينفع به قبل أن تتهوري

[شذى الريحان]

اقتباس: المشاركة الأصلية كتبت بواسطة طوق الياسمين      نسيم والله يختي الرجال اللي يستفز غيرة زوجته ماهو رجال ولا فيه خير .. الخبر اللي اورده الاخ مثل ماقال الاخ عساف ماوصلت معها الزوجة أنها تحرق وجه زوجها إلا من شيء كبير صعب يذكرونه في الخبر لأن البيوت اسرار لكن السالفة فيها غيرة لا محالة .. عموما المفروض أن الرجال يتفهمون طبيعة المرأة أنها غيورة وتحب أن زوجها يكون أنيق دائما ولكن ليس بالشكل الملفت للأنتباه في الأماكن اللي تثير الغيرة عند الزوجة ، وقمة القهر إذا صار الزوج خايس أو عادي مائل للخايس في بيته واذا جو بيطلعون لأماكن فيها نساء قام يتشيّك ويتعطر .. قسماً أوووم الحالة ! فـ يا أزواج ياطيبين لا تستفزون غيرة زوجاتكم وحافظوا على وجيهكم من الماء المغلي وكذلك الزيت المغلي وماء النار أو مايعرف بسائل الكبريت الحارق عاملوهن مثلما تحبوا أن يعاملنكم به ولا ترززون صوركم وأنتم متميلحين لأن الغيرة شعور واستفزازها خدش لمشاعر تلك الانثى التي تحبك وتتمنى أن تكون لها لوحدها ولا يشاركها فيك أحد .. وأنتي يانسيم انصحك تعطين الحر فرصة وارسلي هذا الخبر على إيميله لعل الله ينفع به قبل أن تتهوري

ههههههههههههه بسم الله عليك روقي

صاحب القصة صار خايس شكلاً ومضموناً

[طوق الياسمين]

^