#1
|
|||
|
|||
عز الله انه رجني حبها رج
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يا طير ياللي لك على الحوم منهج = والجو لك من بينه دروب وفجاج بلغ سلامي لادعج العين في وج = اللي تركني فالهوا ضايعٍ داج وقلّه ترى لك صاحبٍ منك محرج = احراج ما قبله ولا بعده احراج قلّه يدور لي من الحب مخرج = ان كان باقي فيه مدخل ومخراج الى متى وآنا احترق وآتوهج = واصلى لهيب الحب كني على صاج أعيش في غربه وكربه وفي عج = ويعيش في بسطه وفي فلّة احجاج ويبطي علّي اسنين ويغيب ويسج = ولا يفتكرني غير لا صار محتاج لا ضاق صدره جاك عنّه يفرج = ويقول شعرك يطرب ويبهج ابهاج واقوم اغني له على قافية اج = ويردد أبياتي على قافية آآج واليا ذكرت انه ماغير ايتهرج = تصبح مواويلي واهازيجي ازعاج نفسي تقلّي هج عن قربها هج = لانت استرحت ولا كسبت أجر يا حاج لكنّ عقلي في هواها تبرمج = يسري هواها في عروقي والاوداج عز الله انه رجني حبها رج = رج العراوي لامشت فوق بطناج كنت اعتبر نفسي طبيبٍ معالج = واليوم ادور لي من اسبابها علاج كني لها مدمن وهي لي مروج = لين اتلفت كل الخلايا والانساج الله خلقها فتنة اعيون وامهج = من يوم مولدها على راسها تاج لو شفت مبسمها ليا جات تهرج = اتجمعه ياقوت وتفرقه عاج والرمش جيشً بالقذايف مدجج = يا بخت منهو عن نظر عينها ماج ولا استرسل الشلال ولا تموج = ماتوصفه صوره ولا هرج هرّاج شيٍ على طوله وشيٍ مدرّج = ليلٍ على وجهٍ كما البدر وهاج تجهر عيون اللي عليها تفرّج = هذا وهي من دون حمره ومكياج أثور وازعل واشجب الحب واحتج = وانظم لها الفرقا طريقه ومنهاج ولا شفتها حتى اللسان ايتبنج = ويمحى كلام الليل مع صبح الابلاج واعود انظم في الحلا والتغنج = واحبس بيوتي الاوله وسط الادراج [/poem] وسلامتكم خالد بن عبدالله العمري |
19-02-2012, 02:39 PM | #2 |
شاعر
|
رد: عز الله انه رجني حبها رج
الله عليك يابو عبدالله
ماشاء الله تبارك الله .. اخترت لنفسك قافيه قويه لكن طلعت اقوى منها صح لسانك ملايين ولا يسدون |
20-02-2012, 12:07 PM | #3 |
شاعر
|
رد: عز الله انه رجني حبها رج
واقـوم اغـنـي لــه عـلـى قافـيـة اج . ـــــــــــــــــــــــــــــــ . ويـــردد أبـيـاتـي عـلــى قـافـيـة آآج
عزالله غنيت يا شاعر القافيه لحالها قصيده ما شاء الله عليك خالد بن عبدالله العمري شاعر متمكن صح لسانك ملاييييييييييييييييييييين |
20-02-2012, 07:17 PM | #4 |
|
رد: عز الله انه رجني حبها رج
لغه راقيه جدا وابيات عذبه وشاعر متمكن
مثيره وتثير في نفسي اشيا كثيره من اروع ماقرات من مده ليست بالقصيره صح لسانك ياخالد حتى ترضى تقديري |
20-02-2012, 09:55 PM | #5 |
عضوية شرفية خاصة
|
رد: عز الله انه رجني حبها رج
ماشاء الله قصيدة قمة في الروعة . شكرا خالد
دمت في حفظ الله |
27-02-2012, 08:51 AM | #7 | ||||||||||||
|
رد: عز الله انه رجني حبها رج
صح الله بدنك شهادة منك تغنيني شرفني مرورك فلك جزيل الشكر |
||||||||||||
27-02-2012, 08:58 AM | #8 | ||||||||||||
|
رد: عز الله انه رجني حبها رج
استاذي القدير احمد صعمود يحق لي ان اتباها بمرورك واعجابك بما كتبت لأنه وسام من اوسمة الفخر على صدري صح الله بدنك والف شكر طال عمرك |
||||||||||||
03-03-2012, 01:54 AM | #10 |
|
رد: عز الله انه رجني حبها رج
اروع مافي ألقصيده هو التسلسل والتناسق مع ان قافيتها صعبه شكراً لك والمزيد واذا تسمح اخ خالد نبغى كل يوم قصيده لا نك مبدع وممتع ورائع
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : عز الله انه رجني حبها رج | ||||
الموضوع | كاتب الموضوع | المنتدى | مشاركات | آخر مشاركة |
أأ حبها ومستعد أ ضحى عشأنها واروح لها قبل الموعد! لالالاتلومنينى فيها!! | ابوفراس2010 | الإسلام حياة | 12 | 01-02-2010 10:30 PM |
وقعت في حبها | أحساس خالد | المنتدى الأدبي | 10 | 17-02-2008 03:08 PM |
الفتاة التي وقع الكل في حبها | بدر كنانه | المنتدى العام | 17 | 05-02-2008 11:04 PM |
يا للعن ابوها من صداقه على من حبها | ابواحمد | الموروثات الشعبية | 12 | 10-11-2007 05:23 PM |
خضروات حبها الرسول | الوفا طبعي | الإسلام حياة | 8 | 14-08-2007 04:46 PM |