ياليت لي عن سكة الود محراف

[ألمحيط]

ياليت لي عن سكة الود محراف = حتى اتوقى ناره اللي بلتني
اللي غدى حراقها منه ينخاف = تعمقت وسط الصدر واحرقتني
من بعد ود وفقد غالي وميلاف = ابعد علي وعن وصاله حدتني
وفكري تشتت وابعدن فيه الاهداف = في وحدتي عن كل شي ابعدتني
ابحر فبحر الشوق من غير مجداف = ولا مراسي للطريق ارشدتني
مجروح روحي جت على حد مهياف = حتى عزومي مجهده ماسعفتني
جرحي عميق وبين الاضلاع نزاف = ومشاعري من لوعتي ما رحمتني
مليت من كثر انتضاري بلا إنصاف = دنياي من حلو الحياه احرمتني
وانا ادري ان الصبر يرغب وينعاف = لكنها اقداري خذت ما عطتني
يا لايمي بالله من خالقك خاف = لا تبتلي في حال وظروف جتني


راشد الجمعان ( المحيط )