شيل البنادق

[احمد صعمود]

صح لسانك ويعطيك العافيه

ومكان القصيده قسم الموروثات الشعبيه

حيث ينتظرها الشغوفون بهذا اللون الجميل

تقديري

[ابو ثامر]

اقتباس: المشاركة الأصلية كتبت بواسطة ابو ثامر      شيل البنادق في ارض المملكه طابع الناس لان البنادق رجاله والرجاله في الباس والسيف والنافعي ماترجي الا رجاجيل واطفالنا من صباهم يحملون المشاعيب ويلا بدينا على العربان فاعلامنا خير والضيف نلقى علومه بالوفا والتراحيب ماحنا كما اللي ربط له في القفا بكلتينا والسلسله علقوها له كما بنت خاله ضاعت حياته على لعب الورق والمساريح ما يعرف الا لدق العود والسمسميه شعر :سعد العدواني (ابو ثامر)

الرد :

الطيب يبقى ويا بخت الذي طاب عاالناس
اللي لبس له من التقوى نظيفات الالباس
فيه الرجا من قديم الوقت ياكم رجا جيل
يمشي بدرب الصواب منزهـ (ن) ما مشى عيب
عايش مع الناس بالعزه وباعلى مناخير
ويلا مشى تغدي الدنيا سهول وتراحيب
ماهو كما اللي يضيع ليلته باكلتينا
ويلا انتخى به رفيقه خيبه ما انتخى له
ماكنه الا سحابه ساقها فاالمسا ريح
وبميسم الذل والشينات وسم سميه

شعر : سعد العدواني

[ابو ثامر]

اقتباس: المشاركة الأصلية كتبت بواسطة احمد صعمود      صح لسانك ويعطيك العافيه ومكان القصيده قسم الموروثات الشعبيه حيث ينتظرها الشغوفون بهذا اللون الجميل تقديري

مشكور والله يعافيك ياالغالي

[@بن عايده@]

صح لسانك يبو ثامر..

حكومه حكومه..

لاهو البدع ولا الرد..

تقبل اعجابي..

[ابو ثامر]

اقتباس: المشاركة الأصلية كتبت بواسطة @بن عايده@      صح لسانك يبو ثامر.. حكومه حكومه.. لاهو البدع ولا الرد.. تقبل اعجابي..

مشكور اخي الكريم

يعطيك العافيه وسلمت يمناك

دمت متألقا

[ابو ثامر]

القصيدة اشتهرت باسم / العود والسمسميه