][**][^][**][ديوان شعراء منتديات زهران أحفاد الصحابة والملوك ][**][^][**][

[*** الصهيبي ***]

بسم الله الرحمن الرحيم
والصلاة والسلام على اشرف الأنبياء والمرسلين نبينا محمد عليه وعلى اله وصحبه أفضل الصلاة وأتم التسليم
أحبتي أعضاء وزوار
منتديات زهران أحفاد الصحابة والملوك
يسعدنا ان يكون هذا الديوان شامل لجميع مادار داخل هذا المنتدى الشامخ من محاورات بين أعضائه
وذلك بنقل أي محاوره بعد انتهائها الى هنا
كنوع من الحفظ وسهولة الرجوع اليها
وسوف نقوم بتثبيته إنشاء الله
كما اتمنى من الجميع عدم إضافة أي محاوره دون إبلاغ احد مشرفين قسم الموروثات الشعبيه
والله يحفظكم ويرعاكم









اخوكم
الصهيبي

[*** الصهيبي ***]

المحاوره الاولى
جمعت كلاً من
الشاعر الصهيبي والشاعر ابو احمد

[poem=font="Simplified Arabic,6,#850202,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / الصهيبي=
لي صاحب(ن) مابدى لي منه ضيم(ن) وغدران=
يدك طلع الفتن من دون شورن بالاخفاف=
لا مال قلبي عنه لحظه ولا منه ميله=
يعيش تاج(ن) على راسي ويفداه مالي=

الرد / ابو احمد=
سمحان ما همه المسرى بغبه وغدران=
ولا شال هم الحمول الي ثقيلات وخفاف=
واثق في العود مايتعب ولا منهمي له=
جاله قصايد من اللساني وجاء فيه مالي=

البدع / الصهيبي=
لاتشتكي من صدوف الزين ياقلب الاحزان=
والله ماعد بتلقى لك معه عون واسعاف=
ادري عنه دهر يجفـــــــاني ومحلاه ليله=
خلاص با انساه واصبر واتكتم رحـــالي=

الرد / ابو احمد=
انا اشهد ان التمر قد زان بعد البلح زان=
سواه ربي وخلى منتجه تحت الاسعاف=
الله محلي بلح بيشه ومحلى هليله=
باالله جيبوا لنا يا حباب من تمر حالي=

البدع / الصهيبي=
ماهمني في رضى المحبوب مسرى وعنوان=
يسمع بها من سمع ويشوفها كل من شاف=
والله مانسى معاريفه ولانسى جميله=
من بعد وقت الشدايد عودوا برخى لي=

الرد / ابو احمد=
لي صاحب(ن) شد من الديره ولا حط عنوان=
من يوم هاجر دموعي جاريه دون منشاف=
والله ما انساك يا راعي العيون الجميله=
بدور وابحث ولو شديت في بر خالي=

البدع / الصهيبي=
مجار وان عاش راسي ماتعرض لهزمان=
اقولها من صميم القلب من دون الاحلاف=
وان شح مشربك جبنالك بماي(ن) بديله=
وجاير الحمل نشتاله بريع الجمالي=

الرد / ابو احمد=
قال المعنى جروحي وسط قلبي لها ازمان=
مدري وش الي جرى ما بين قلبي والاحلاف=
حلفت ما ابدي لحي(ن) صار ما ينبدي له=
مادامة العله جايت من بريع الجمالي=

البدع / الصهيبي=
اقوله يامزرع(ن) شرفك ربي بالاغصان=
والورد في داخله ماجاه وقتن للقطاف=
له قوم يبدون لاجى المعتدي والدني له=
مثل ابن عدوان نمر ومثل زيد الهلالي=

الرد / ابو احمد=
لا واهني الذي عاش الهوى دون نغصان=
طاف الكدر من زمان اول وحتى القلق طاف=
وان كنت ياصاحبي تعرفه قم ودني له=
حتى ولو كان قد حل الشهر والهلالي=[/poem]

*******************
المحاوره الثانيه
وهي قلطه جمعت كلاً من
الشاعر مساعد الحسني والشاعر الصهيبي

[poem=font="Simplified Arabic,6,#041C92,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
مساعد الحسني=
الا مرحبا بك يالصهيبي هلا مليون=
حظرت انت شاعر والبقيه ترى متهون=
تقرب تعال اقرب ترى القلب لك مديون=
يقولون ما للعله الا مداويها=
*=
ياصهيبي ترن الموعد ابطى وحان=
ودي اعرف علومك واتنشد هنا=
*=
ودي اسمع طواريق الكفو من زمان=
كيف لا والكفو منا ومن ربعنا=
*=
الصهيبي=

هلا والبقى ياشاعرن والغلا مكنون=
ومطلوبكم غالي عسى قدركم مايهون=
وقلبي يدور مثلكم والعرب يدرون=
يقولون ما للعله الا مداويها=
*=
ياطويل العمر جيتك من ابعد مكان=
ماحسبنا حساب ارضن تراحي بنا=
*=
ابشر ابطرق مضمونه علومن سمان=
والمعاني عماد القاف واركاننا=
*=
مساعد الحسني=

ابيك اتحزم قبل لاتبدع المضمون=
وتوزن كلامك يالخوي لايجيك اغبون=
ترى فاهمين القصد لاتدفنه مدفون=
يقولون ما للعله الا مداويها=
*=
اي نعم طال عمري زاد قدري وزان=
والمراجل لها كسابةً مثلنا=
*=
كيف تقدر على دعواك وانا مصان=
وانت ماظنتي تقوى تلاعيبنا=
*=
الصهيبي=

شددنا الحزام وحملنا ياولد مشحون=
وانا خايف اشوفك بعد فرحتك محزون=
وتكفون مانبغى المشاريه لا تكفون=
يقولون ما للعله الا مداويها=
*=
جعل عمرك يطول وهامتك في عنان=
مير وشبك على الميلات وديتنا=
*=
ما يطول المعالي قلب خايف جبان=
وانت تحكم بتحكيمك وتحكي بنا=
*=
مساعد الحسني=

بدينا وتو الغيم توه يجيك امزون=
تعلم ترى المحراف ياصاحبي موزون=
ولا لا تعيد العلم الاول تراه اجبون=
يقولون ما للعه الا مداويها=
*=
هاك علمي موثق خذ بزيدك بيان=
لو بتنشب ترى الفكات من عندنا=
*=
لا تكثر في هقاوي لاتحد السنان=
سيفي اجرد ويقوى سيفك المنثنا=
*=
الصهيبي=

تحديت واعرف قدرتي والشبا مسنون=
ومن يلتقي الونعم بحده ترى مجنون=
ابادل قساك ابلين وابدل جفاك عيون=
يقولون ماللعله الا مداويها=
*=
علم ضاعت مفاتيحه وعلم(ن) يبان=
يوم راع العطا يقبل على بابنا=
*=
قالوا ان الشباري تقطع الخيزران=
حد شبريتك قدام تلفي لنا=
*=
مساعد الحسني=

تبعّد عن الميدان ياشاعر (ن) مليون=
انا شاعر القيفان انا شاعر(ن) ملسون=
واذا طحت مرة تبشر انّا نجي بالعون=
يقولون ما للعله الا مداويها=
*=
الشقى شكل واحد ما يجي في ثمان=
ياوجودي على الطيبات صارت خنا=
*=
راح وقت الصداقة راح وقت الميان=
صارت ايامنا وِحده وصارت عنا=
*=
الصهيبي=

مساعد ترى ساقي في ارض القى مقرون=
وساقك (جعالله بي) عنه جيت به مرهون=
تبصّر في امرك قبل يعسف بك القبسون=
يقولون ما للعله الا مداويها=
*=
لا تندّم على الي فات واليل جان=
وانت ماضنتي تلحق على ركبنا=
*=
وقتك اقشر وتوك يالله المستعان=
وانت تسقي غروسن مانتجت لك جنى=[/poem]

*******************

المحاوره الثالثه
جمعت كلاً من
الشاعر فيصل البيضاني والشاعر الصهيبي

[poem=font="Simplified Arabic,6,#BE1207,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / فيصل البيضاني=

ياناس ودوا ســـــلامي والتـــــحايا لنايف=
اللي حمى المملكة والشعب من شر الأرهاب=
سلمت ياميرنا والكل يـــدري بطــــــــــيبك=
يا الله تحفـظ لنا الشعب الوفي والحـــكومة=

الرد /الصهيبي=

ياضلع وش بدلك من بعد ماكنت نايف=
قدام خافت وعوله منك حتى الوبر هاب=
واليوم ماريت لك هيبه وكلن وطى بك=
سبحان من غيرك له في صنيعه حكومه=

البدع / فيصل البيضاني=

الباحة ياناس عنـــــدي من خيار الـمصايف=
واما الصهـيبي نقل منها إلى راس مشعاب=
جاني بصك البلاد وقال هـذا نـصــــيـــبــك=
ومــر عـاميـــن واحـنا مـاعـرفـنا عــلومـه=

الرد /الصهيبي=

يالشيخ فيصل رفيقك ماشترى علم صايف=
ولا بغى يثبت اقوله لك براش مشعاب=
مجار يالشيخ فيصل بالخطا مانصيبك=
ولا يجي لك ملامي كان الاقناع لومه=

البدع / فيصل البيضاني=

ياسوق الأسهــم غبنتانا بكـثر الحسايف=
طمـعـتنا فا لمـكاسب عند هامـور نصاب=
صفى لي المحـفظة باع الجماعي وسابك=
واصبحت مثل الفقير اللي صحي من حلومه=

الرد /الصهيبي=

بعض العرب لا قنص حظه هوى في خسايف=
واطرب فوادي رفيقن لا نوى بالقنص صاب=
اقوله ياصيد نيشاني قطر لك وسابك=
مدري تغانى عنك والا غشت به حلومه=

البدع /الصهيبي=

القلب يبصر ولو ماكنت بالعين شايف=
ياساقي ابتل ولو صادفك في ذا الدلج داب=
وان دام صدق البشر فاعدل وفالغيَ ملاجاك=
غين بكفك خذيته خير من صدق دومه=

الرد / فيصل البيضاني=

أنا كما السيل يروي كل وادي نـشايف=
لامر ديره يجيهاالخصب من بعـد الاجداب=
لاتقـترب من طـريقـه راقب الغـيم لاجاك=
في ظنتي مامعك قدره على صد قدومه=


البدع / الصهيبي=

عوير وش قربك تمشي بجنب السعايف=
عينك طفاها الزمن وركبتها شر منشاب=
والله منهاك عن شرك ولاني مناهاك=
وكل رجال بترده مكارم سلومه=

الرد / فيصل البيضاني=

قــلبـي ترك بهـجة الدنـيـا ومالناس عـايـف=
والنـاس يـقـلون يالله أكفنـاشـر مـن شـاب=
ماحد يقلي على شربت عسل والـمنى هاك=
لاعـذر الاقـربـا مـاعـد عـلى الناس لـومـه=

البدع / الصهيبي=

اقوله يامرحبا ياشاعرن مر طايف=
وحل في منتدانا في عرينن وله باب=
يافيصل ان جاك علمي صدّره من خطابك=
ولا تودي مراسيله وتنشر رقومه=

الرد / فيصل البيضاني=

لي صاحب باخـذه بايـديه وامـر طايـــف=
لجل إن فيها دوا للغـزله وعلاج الهـباب=
واما انت نعمين والله مانشوف الخطا بك=
ولا نقـول الصهـيبي عـندنا شـر قـومـه=[/poem]

*******************

المحاوره الرابعه
جمعت كلاً من
الشاعر الصهيبي والشاعر سعيد بن سالم

[poem=font="Simplified Arabic,6,#FF0000,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / الصهيبي=
يالشيخ ابو ياسر اعلمني عن الــرافضيه=
ومنهج النصح مايسقون بالـما دروبـه=
اشوفهم في عماهم والهـروج القـديمـه=
ودين الاسلام عوّد منهجـه منهجينـا=

الرد / سعيد بن سالم=
دعيتنا للقصيـد ولا نحـن رافضيـه=
يا شاعراً نصف هذا المنتدى ما دروبه=
جرد حسامك ولا تبدي لنـا بالقديمـه=
بالشعر يا ما تمدحنا ويا مـا انهجيـا=

البدع / الصهيبي=
السوق مكشوف ياذيبان لك والق ضيّه=
واللول ياخوي ربان السفن ماشروا به=
ماهو نحاس(ن) تداولتوه وبغيـر قيمـه=
في ضيقتك يابن سالم تبصر الراس بينا=

الرد / سعيد بن سالم=
ما اعلمتني يالصهيبي ويش حل القضيـة=
واصحابنا رحبوا بالصلح واتباشـرو بـه=
اما اعطني بندق (ن ) بلجيك وابغي رقيمه=
والا نصنفك يوم الحـق مـا الراسبينـا=

البدع / الصهيبي=
الحل ضيعه ابو مازن علـى بـن هنيـه=
كفه تصافح يهود المرت خـان العروبـه=
يخون الاسلام واهلـه فاليالـي العتيمـه=
والا اصبح الصبح قال النصر والقدس لينا=

الرد / سعيد بن سالم=
يدور البن في خولان والبن هنيّه=
يطلع جبل مابيدري انه ورى الطلع روبه=
مجنون ماميز السعور وعود العتيمه=
واحنا عن الرشد لا نغفل ولا قد سلينا=

البدع / الصهيبي=
ان كنت مجنون فانت احكم ومن غير سيه=
وش حيلت الي يدور من ضحى في غروبه=
يحب مسرى اليالـي المجهمـه لا نديمـه=
يودع ارض السعوديـه ويرجـى لسينـا=
الرد / سعيد بن سالم=
الله من مزرع (ن) وأهله من الغيرسيـه=
في جالة البير كن الماء نضح في غروبـه=
لا حل وقت الغراس وجاء من المزن ديمه=
قاموا يسوقون وأهـل العثـري جالسينـا=

البدع / الصهيبي=
لابد ياصاحبـي نعطيـك فالحـال كيـه=
والطب قفـل مساريبـه وتقفـاه بوبـه=
سيمه في العقل لامنه جمـح لان سيمـه=
واما انت ياشين عقلك لا جمح وانت شينا=

الرد / سعيد بن سالم=
سـريـت اساهر نجوم الليلة الحالكية=
في راس رجم العنى تقبل وتقفي هبوبه=
ما احلى هواجيس خبت الجن وما احلى نسيمه=
قامت على همي الي جيت به وانتشينا=

البدع / الصهيبي=
رميت واخطيت رميك واصبح الصيد ليـه=
واصبح مع الناس رميي منهج(ن) واقتدوبه=
غريمنا ما تمقـدر وان تجـرى عظيمـه=
والله لنلحقه صيد الخبـت يـوم اعتبينـا=

الرد / سعيد بن سالم=
ماعين تلقى عـلاج العقل فالصيـدليه=
لكن هين ودوبـه باقي الوقت دوبـه=
والناس تسمح وتدمح وانت جراع ظيمه=
وإن المطـاليق في يـوم التروع تبيـنا=[/poem]

*******************

المحاوره الخامسه
جمعت كلاً من
الشاعر الصهيبي والشاعر عبدالرحمن الزهراني ( صليب الراس )

[poem=font="Simplified Arabic,6,#003BFF,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / الصهيبي=
قال الصهيبي مساعد طولت شوفتي له=
صدّر علينا بعلم وقلت باجي وبـارود=
وزدت ورّدت له علمي عسانا انتقـدم=
باب(ن)فتحناه بيدينا بقي وانتشب باب=
يامن لقي لي مفاتيحه وانا فاتح(ن) له=

الرد م صليب الراس=
يقول راع المنيمس من قنا ابـو فتيلـه=
يضيع عصره مع المقباس مشحان بارود=
اما رصاص" يجي له وقع به ينتق الـدم=
وجنبخانه يجي نوعين صافي وشبـاب=
يا روس زهران لو يغلى ولو فات حن له=

البدع / الصهيبي=
بعض العرب ياصليب الراس قد راح ليلـه=
ماله في الفود واهل القاله الشيّـم (ا)وجـود=
ولا دروب الزرى واهـل المضـلات علّـم=
صدر زمانن مضى كنت احسبه عز الاحباب=
ماعاد قلب الصهيبـي فالهـوى ميتـن لـه=

الرد / صليب الراس=
لي قلب ماله علـى فرقـاك قـدرا حليلـه=
وبين الاضلاع دون الناس لك شي موجـود=
بعطيك قلبي معك عن مـا مضـى لاتعلـم=
واكتم على الحب في درب الهوى لنفتح باب=
اخاف من طول صبري عا لشقا من يتلـه=

البدع / الصهيبي=
يعينـك الله ياخل(ن) يـدور خليله=
يدور العود الاخضر في متايـه درى العود=
واثره يفيّق على حزن(ن) واذا امسى علي هم=
من كثر ما اعياه محبوبه طلع راس مشعاب=
يصيف عن شـورة العقـال والراي حلـه=

الرد / صليب الراس=
سلام يا جلس مقري مدرق في خلي له=
مليت من حارسه واليا متى يهدر العود=
في قصدي ا مر من داره وامسي عليهم=
واخاف لا يلتقيني في يده راس مشعاب=
واضيق من هرجته لا قال وين رايح" له=

البدع / الصهيبي=
لا عادك الله ياظالـم قبيـل(ن) قبيلـه=
ياكم تصوبت من راع الهوى حد محدود=
من فرقته ياصليب الراس حالي بنيعـم=
والحب ياصاحبي دربه مشاريه وانشاب=
وان كان تبغي طريق الشوك ياخ انتعل له=

الرد / صليب الراس=
بني عمر ولدكـم يسـوى بعينـي قبيلـه=
وترى النشاما بقلبي مالهم حـد محـدود=
وانحن رفاقه على الشيمات وايضا بني عم=
وولدنا ما يهوله هول الايـام وان شـاب=
والحمـد لله تعباتـي لــي اخ" تعـلـه=[/poem]

[*** الصهيبي ***]

المحاوره السادسه
جمعت كلاً من
الشاعر ابو احمد والشاعر فيصل البيضاني

[poem=font="Simplified Arabic,6,#5F0F07,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / ابو احمد=
اشوفك موادع يا الكفو وانت رحال=
موادع من الديره وعطني عناوين=
عشان الحقك لا غبت وابطيت عنا=
تراك انت يالسامي على الراس والعين=
وقدرك تمكن يا بطل وسط قلبي=

الرد / فيصل البيضاني=
يابو أحمد جملنا شال حمله على أرحال=
بديره جهلنا سهلها والعنا وي =
وطيت السهل من بعد جيت المعنى=
ولكن عيون البعض مالناس والعين=
وطاح الجمل وتقلب الحمل قلبي=

البدع / فيصل البيضاني=
بغيت أترك التعليم واسير نحال=
وحصلت كل أهل النحل ناس هاوين=
يقولون مثل اخباركم ماسمعنا=
وظيفة تبدلها بمتع ومتعين =
ولا مات يعسوب النحل وش تربي=

الرد / ابو احمد=
يصيب الجسد مـ الهم ضعف(ن) ونحال=
وحتى العقل تكثر عليه السواهين=
الا جيت ساري لا تقول امس معنا=
ابسري على داري ولو كثرت العين=
تراني مع العربان ما عشت اربي=

البدع / ابو احمد
رحل عني السامي بطل بين الابطال=
وسام(ن) على صدري وتاج الزهارين=
عسى الله يردك ويلنا ياابن عما=
على غيبتك يا رجل حنا وسيفين=
عسى الله يوفقكم ويجلى الدروبي=

الرد / فيصل البيضاني=
إذاترك الناس الدعاوي بالابطال=
فبهدي لهم مني ورود وزهارين=
في المنتدى ولا الجوار ابن عما=
وذا شفت نية حرب قدمت سيفين=
لمن يذكي الفتنة ولو مادروبي=

البدع /ابو احمد=
معي صاحب(ن) عنده مزارع وله مال=
وعنده بيوت(ن) في ديار الحرامين=
مطيع(ن) لربه في صلاة(ن) وصوما=
ولا يشتكي من جور حال وبلادين=
من الله ومن الناس شخص امحبوبي=

الرد / فيصل البيضاني=
سرق بيتنا والشرطة يقلون الأهمال=
نلوم الضحية مانلوم الحرامين=
بغيت النصر منهم وعادوا خصوما=
وش أعمل إ ذا كان الحرامي بلا دين=
تبون اقتله ولا نقول أنح بوبي=

البدع / ابو احمد=
ترى ما مامعي فـ البيت دش (ن) ولا اريال=
عشان ابتعد عن حرمته والغناوين=
ولا يفتتن قلبي ولا القاء نقوما=
وغيري من العربان قد حط دشين=
فلا يرتجي مـ الله للدش ثوبي=

الرد / فيصل البيضاني=
حليل الذي مافي جيوبه ولا ريال=
ويسعى يدور ستر ولا الغنى وين=
فقير ولا جاااا مجلس من يقوما=
يقل باغتني لا وجمع الهيل والشين=
لكن الريااال الشين مادش ثوبي=

البدع / ابو احمد=
انا ناوي(ن) ياصحابي اليوم منقال=
على ديرةالحكام واهل البلاطين=
ابيح سدود السر وافيض الماء=
عسى الحكم(1) يعدل يا عرب بيننا بين=
ويسمح لي الخصام دامه نوابي=

الرد / فيصل البيضاني=
سلم من يرد على ا لقصيدة ومن قال=
وراع المثل وده يزيد البلا طين=
يقلي تقبلني ولو في ظلما=
لسانه لزمه الذيب مابين نابين=
ويمسي بري (ن) من لسانه نوابي=[/poem]

*******************

المحاوره السابعه
جمعت كلاً من
الشاعر ابو احمد والشاعر مساعد الحسني
والشاعر الصهيبي

[poem=font="Simplified Arabic,6,#023798,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / ابو احمد=
ابو احمد قال سافرت وابعدةالبعيد=
كيف بضحك للخلايق وصدري منتحب=
ونزلت السوق قصدي اشتر لي حب زاد=
اكتشفت الحب من موطني ماهو تجاري=
واثري ان الحب مورود من حب بيتنا=

الرد / مساعد الحسني=
خل صدرك منشرح في حزن والا بعيد=
كيف تزعل خاطرك ياخوي ممن تحب=
دور المعروف تلقى معاك الحب زاد=
ماهقيت اني بزعلك والله وانت جاري=
من دخلت المنتدى عارفك حبيتنا=

البدع / ابو احمد=
لي صحيب(ن) حب قلبي وبيته لي حديد=
والله انه موقد النار وفيني ياخ شب=
ماحسبت العلم يكبر واثار العلم زاد=
لو دعاني ما توخرت انا ولفيت جاري=
غير قل يا ناقد العلم قل وشريتنا=

الرد / مساعد الحسني=
في صباح اليوم جانا خبر سعر الحديد=
ارتفع سعره في السوق مع سعر الخشب=
لو هبطت السوق ماظن باقدر عالمزاد=
والبضاعة بايره كلها مابغي تجاري=
غير حدتنا التجارة وقمت اشريت انا=

البدع / ابو احمد=
لليلة البارح لساني تذوق من شهيد=
الله اكبر ويش ذاك العسل من فين صب=
ملعقه من حالي الشهد تقضي على الجهاد=
والنحل ما ينتج الشهد لا جا له نهاري=
لا تقولوا خذ نصيبك وهب منها لنا=

الرد / الصهيبي=
في سبيل الله كم فاز بالجنه شهيد=
منزله مانالها خطل عيشه في نصب=
قام يتعذر ويوثر حياة على الجهاد=
عايش في جالة الظلم لو جاله نهاري=
هب هب الله زمرة الغي وهب من هالنا=[/poem]

*******************

المحاوره الثامنه
جمعت كلاً من
الشاعر ابو احمد والشاعر السامي

[poem=font="Simplified Arabic,6,#FF0000,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / ابو احمد=
سلامي على زهران شبً وشيبه=
سلامً سليم ابرق من اللول والماس=
معطر بريح الورد وانيفلاني=
ولا به تجمالي ولاشي خواني=

الرد / السامي=
مية مرحبا ياكفوماينوشيبه=
ويبدي نهار الضد لاجاله الماس=
وفي حين كلاً قال واني فلاني=
ترى ماتنصب بيننا شيخ واني=

البدع / ابو احمد=
ترد الشعر يا خي وقلبي لهي به=
وبحر الشعر قلبي لقي فيه وناس=
تزين الحون معي وتحلى الغواني=
ويطرب لصوتي كل من يسمعوني=

الرد / السامي=
حليل الذي قلبه توقد لهيبه=
وراح العمر متولعاً في هواالناس=
ترى من تسمع في هروج الغواني=
يجيله من ابواب النحايس معونه=

البدع / ابو احمد=
ترى الحب يالرجال كلن وذي به=
وانا الحب سوى لي بلاوي ومرض راس=
خلاص اعلن التوبه ولو نايبوني=
ودرب المحبه ليتهم منعيونه=

الرد / السامي=
انا لوسقوني شهدحالي وذيبه=
هل العشق باخلعهم كما خلع الاضراس=
انا ماعد ابيهم ولاانا يبوني=
ومن حبهم يدفع ثمن من عيونه=

البدع / ابو احمد=
يقول ابو احمد كم كتاب(ن) قري به=
وبعض الكتب حبر على اوراق ووحواس=
تجيب الهموم وتكثر المكرهوني=
تنحو ا عن التحريف لا تقربونه=

الرد / السامي=
ترى من يجيله طعنة من قريبه=
كما من فقد له من خماسي الاحواس=
فلا عاد تقل ليت العرب ماكرهوني=
ودرب الهوى بانصحك لاتقربونه=[/poem]

*******************

المحاوره التاسعه
جمعت كلاً من
الشاعر ابو جنا والشاعر ابو احمد
والشاعر فيصل البيضاني

[poem=font="Simplified Arabic,6,#731D11,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / ابو جنا=
ياهل الامداح قولواعسى ربـي يعيـن=
بعدجولتنا الكريمه وتانيـب الظميـر=
حل عندي شك في بعض روس عاصبه=
كلا يقول القصايد وفـن الشعـر لـه=
وانااقول امايعـدل هروجـه والكـلام=
اني لاخليه يروى علوقا مـن سهامـي=
ثم لسري به بليل(ن)ولايـدرون عنـه=

الرد / ابو احمد=
يارفيقي لا تضايق وشوفك ماي عين=
ولا تخلي خاطرك في مودتنا ضمير=
الذي مثلك على كل مبداء نعاصبه=
والبنات الشقر لاجله تفرد الشعر له=
وانا مابعتب عليكم ولا جا فيك لام=
مثلنا يابو جناء ما يكن بالناس هامي=
والذي ياجي بديني وش اب تدرون عنه=

البدع / فيصل البيضاني=
يالله ابندعيك واحنا لحكمك مسلمين=
وفقنا يالله ويسر لنا اللي فيه خير=
واجعل اللهم روس النشاما منصبه=
يامن ارفعت الصقر فوق والهام انزله=
بعدها مني لكم يارفاقتنا سلام=
قلتها للي حضر سروي ولا تهامي=
البطل مني نهار الوغى وانا منه=

الرد / ابو احمد=
يامتى يالبنك نصبح لدينك مسلمين=
وعسى يكون دينك هو الدين الاخير=
وابتني لي دار حلتى ولو في منصبه=
قرية فيها هل الجود ولها منزله=
داير(ن) فيه من الله امانه والسلام=
ابتعد عن كل ديره يحبون التهامي=
وانتحي دار(ن) يومن علي ونامنه=

البدع / ابو جنا=
يازميلي كثروا اهل الفتـن واللايميـن=
وانامن طبعي محب الوطى دربي عسير=
مثل صقر وعالي الرجم دايـم مرقبـه=
يرقب الصيدالمثمن وطـار وحـام لـه=
هشم اضلوعه وخلـى بقاياهـا حطـام=
والذي مايرتضي جلستـي والاقيامـي=
حولت له جن بقعـاء بزمـل ودندنـه=

الرد / ابو احمد=
لا يسار احناء نراوغ بها والا يمين=
ولا طلعنا ابها بمشكل ولا اندرنا عسير=
ولا تعلقنا بحمر النعم وام الرقبه=
وش علينا من ثقيل الحمول وحامله=
كبرت العيدان في الحمل والا من حطام=
وانت لو مااعجبك منطوقنا قم لق يامي=
جا لضرب الرعد في يام برق ودندنه=

البدع / جنا=
لوانا في يام فادر ان لي جنب(ن)متين=
معتلي جنب المكارم ولي سيف شطير=
واحذراحذر يازميلي اتهـور وانتبـه=
وكف ماتقواه بنصحك دايـم سابلـه=
واعرف انك فالقدا ساير(ن)مالك ملام=
واترك اللي خوته مايعدلها الحسامـي=
بعدما خوايتـه العـام بيـن معدنـه=

الرد / ابو احمد=
الرساله واضحه يا خوي من كلمتين=
حتى لو ميزانها ناصفه والا شطير=
ما بنتعدى على قاف شعر (ن) وانتيه=
ولا بنبني بيتنا في مجال السابله=
انا ماالام التعدي ولا لحسدك ملام=
حتى لو تاخذ مياة الهداء ومن الحسا مي=
كان ما كفتك عود على ماي اعدنه=

البدع / ابو جنا=
انت كفوو الذي كفو نذبـح لـه سميـن=
والاوش لي في دروب المعول والهديـر=
ماعرفنا وش حصيله ووشهـو مكسبـه=
والذي مثلك يابواحمد نـرد العلـم لـه=
لانك فارض فوق طيبك لناكـل احتـرام=
غير وشهو الحل في ناس معميها العتامي=
كيف بعدل عو ج روس حول ومدمنـه=

الرد / ابو احمد=
رفيقي لو تقدم عسل والاسمين=
فبنقدم لك وننحر جمل يهدر هدير=
قابل الطيب وذاك الردي ان سبك سبه=
ادري ان القلب قد ضاق ومن العل مله=
والله ماودي يجي لك من الخير احترام=
والا عود السنبله مايشبه بالعتامي=
ينتج البر الذي ما يمل المد منه=[/poem]

*******************

المحاوره العاشره
جمعت كلاً من
الشاعر ابو جنا والشاعر ابو احمد

[poem=font="Simplified Arabic,6,#0005FF,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / ابو جنا=
يالله طلبتك يارب الجلال=
ياعظيم بعرشه معتلـي=
دلنـا للوفـاء والفايـده=
وابعدعنا دروب المعتمينا=
والسفه والكبر والبـهلله=

الرد / ابو احمد=

خذ سمان الكلام خل الجلال=
وخذ السيف خل المعتلي=
يرفع الرجل لو يلفا يده=
نبدي الشور محنا معتمينا=
والردي ما يثمن بهلله=

البدع / ابو احمد=
مرحبا عد ما مولت مال=
اهلا بك اليوم بعدك جيت لي=
ابو جناء رايته هي رايده=
يا خير من جيتنا في بيتنا=
بيت الكرامه وبيت الجمله=

الرد / ابو جنا=
الراس مامال والاان مـت مال=
خل الذي دايم(ن)يجــي تلي=
والكـــفو لامد طـــيب را يده=
والضيف لاجاالمــساءويبيتنا=
نذبح سمان(ن)وندني الجم له=

البدع / ابو احمد=
لي صاحب(ن) زايد(ن) فيه الدلال=
ماهو بموضه قديمه محتلي=
ولا يكثر علي بنقايده=
على دروب الدلع يحبي بنا=
شديت عفشي معه وانقلت له=

الرد / ابو جنا=
فنجان بن(ن)صدت منه الدلالج
وعن طرقتك لليمن لمحت ليج
فصيل سرب غدى من قايدهج
والهرج ذا سهمتك يحبيبناج
مايتبع هرجنا وان قلت له=

البدع / ابو احمد=
يا بوجناء بشتري سيد الجمال=
مايرد الا نبوع(ن) منهلي=
ما يونس الضيم بين اجرايده=
يعرف جميع الطرق ودروبنا=
واذا قتلتوه قل ليش تقتله=

الرد / ابو جنا=
الموت دون الغضي سيد الجمال=
ياليت وانه قريب مـــــن هلي=
مغصبه يمشـــــي ولا اجر ايده=
على النقاء والعرب يدروبــنا=
غيراختفى الترف وانااشتقت له=

البدع / ابو احمد=
خل المراره بجال والمر جال=
لاتخلط الحاليه بالمر لي=
خلك مع صاحبك لاتكايده=
والا هبيناك وسط احبوسنا=
في خبت نعمان لو تندل له=

الرد / ابوجنا=
طيب السوالف تجي قسم رجال=
وشين الحكي والسفه مامرلي=
والاالردي لو على المركا يده=
مافاد طيبي وروح بوسنـا=
ياكم نصحناك وانت تدلله=[/poem]

[الغـ كله ـلا]

ابوشادن في ذمتي مايصلح احد مشرف على هذا القسم غيرك يابطل

تقبل مروري اخوك:
ابو مريام

[ابو عادل العدواني]

صح لسانك
والله يعطيك العافيه

[علي المفضّلي]

يعطيك العافية يا ابو شادن
وسلمت وسلم الشعار كلهم
تحيتي للجميع

[فهد سعود الزهراني]

سلمت الله يعطيك العافية

[فهد الغبيشي]

بصراحه فكرة ممتازة
ومجهود جبااااااار بمعنى الكلمه
وهذا الموضوع بصراحة قيم جدا
يجعلك تكرر الدخول اليه لما قرأنا من اجمل واعذب الكلمات

صح السنتكم
اجمل تحية لك اخي وحبيبي الصهيبي
على المجهود الرائع اللذي تقدمه

[*** الصهيبي ***]

اقتباس: المشاركة الأصلية كتبت بواسطة ابو مريام      ابوشادن في ذمتي مايصلح احد مشرف على هذا القسم غيرك يابطل تقبل مروري اخوك: ابو مريام

الله يعطيك العافيه يابو مريام على حسن مرورك
وإشادتك وسام على صدري
وما انا الا عود من حزمه
والبركه في الاخوان الشعراء والمشرفين الذي شرف متصفحي بقصائدهم الرااائعه
ولاحرمني الله من المطاليق شرواك




اخوك
الصهيبي

[*** الصهيبي ***]

اقتباس: المشاركة الأصلية كتبت بواسطة ابو عادل العدواني      صح لسانك والله يعطيك العافيه

الله يعافيك يابو عادل
واشكر لك تواصلك


اخوك
الصهيبي