مصارحات طلابية ( :

[&طيف&]

السلام عليكم

من زمااااااان ما نزلت موضوع هنا

وجاني هالموضوع عالايميل وقلت أنزله كود انه يعجبكم



هذا مدرس توه مطبق<<مالح ولا حلو

المهم انه اخر الترم وزع على الطلاب اوراق وقال كل واحد

يكتب ايجابيات وسلبيات في المدرس يقصد نفسه

شووفوا وش كتبوا مع تعليقات مدرسهم
VV

v






إحدى كتابات الطلاب .. واللي من الواضح أني راجفه





بغض النظر عن المعادلات والنسب المئوية الموجودة .. أعتقد من الواضح أيضاً أن الطالب قد تم رجفه




أمطرت يا جماعة وإلا وش ذا الموية اللي تصبصب علينا ؟ <<— فاتح الشمسية







أكيد ملاحظين كلمة " الفاضل " شلون راكبة على اسمي هذا وأنا ما عطيتهم إلا عشرة ريال رشوة بس ..

عموماً كان ردي على هالمعجبين الاثنين : مشكورين على تواصلكم وإطرائكم يا أعزائي .. مع تحيات قناة الأم بي سي




شاطر يا حبيبي كتبت مثل ما قلت لك , عشرة من عشرة <<– واضح اني محفظه الجملة

عموماً طبيعي بكون أفضل مدرس شافه بحياته لأنه للحين ما تعدى عمره عشر سنوات




لا لا لا لا .. كذا أدوخ أنا يا أمير المشاعر يا أبو توقيع جنان وضحكه جنان .. لن أنساك ما حييت لا تخف .. لن أنساااااااااك لن أنساااك

إلا على فكرة , من يكون الأخ ؟ <– ما أمدك يالحبيب




ههههههههههههههههه هذي الورقة فطست عليها ضحك قسم بالله .. أما " أي لوف يو " بس لا تقول للطلاب

الصراحة الورقة ذي خطيرة جداً بس أول ما قريتها ما كانت خطيرة جداً ولكن الأن صارت خطيرة وممتازة جداً <<– كأنه عاداني , وإلا ؟




زين وشين ؟ ناقص بس يكتب البطارية تخلص بسرعة وتصير ورقة نقد جهاز جوال




أنت أفضل طالب قد مر علي ولا أشكو منك ابداً .. مع تحيات الشفاف <<– وش زودك عني




قبل ما نبدأ خلونا نتفق أن صاحب الورقة مهوب سعودي .. لآن ثقافة القلب حب هذي ما تناسب السعودي أبداً

اوكي لو مرسوم لي سيفين ونخلة أو على الأقل حاط بحيرة دم تحت القلب حب كان أوكي قلت أنه سعودي !!!




بغض عن وجه المهرج الموجود في الورقة..تذكرون هذاك اللي من الشوام وجلس يصيح عشان نقصته درجة في الاختبار.. ؟ هذي ورقته.. أكيد الحين وضح لكم سبب كتابته ( تعرف تشخص.. وطبعاً هو الحين حاقد علي عشان ما طلعته يشرب مويه طول الدرس لسببين صراحة .. الأول عشاني مافضيت يعبي التانكي حق الدموع .. والثاني عشانه ما جاب لي وصفة الكبة اللي طلبتها منه..




ورقة أحد عرابجة الفصل




شفه مكتوب على السبورة يا ابني
مسوي لهم إيميل خاص للفصل حقهم .. بس للحين ما وصلني منهم ولا رسالة ياحسافة التعب بس




الورقة الوحيدة المفهومة صراحة .. أصلاً يكفي أن اللي كاتبها مأخذ عشرة من عشرة في الأختبار والمشاركة




هذا عنده بلايستيشين ثري وتبادلنا أنا وإياه كلمات سرية




واحد منسم قال لي : أستاد عادي أكتب اي شيء ؟! .. قلت له إيه على بالي أنه بيسبني بس كان مستحي .. وأخرتها صار بينسخ لي من الصحيفة المعلقة على الجدار




اللي يحل اللغز يا جماعة يعلمني بليز

لحظة لحظة .. الصراحة ما أتذكر أني رجفت ذا؟ !! .. شكلي راجف زميله اللي جمبه وهو اللي طلب منه يكتب لي كذا




الورقة من قروب " سنوب دوق" .. طبعاً عايشين جو أنهم ساكنين في بروكلين

وعلى الطاري مير . . جاني مرة طالب وقال لي : عمي فلان يسلم عليك قلت له : عمك فلان الفلاني عميد كلية اللغة الأنجليزية ومشرف المطبقين في المدارس؟!! . فـ رد علي بكل تميلح : ايه
قلت له وبكل برود : ما أعرفه يلا على فصلك




بغض النظر عن الطلاسم الموجودة فوق , واللي تحسس القارئ بأنها طلاسم سحر..حاولوا تعربون معي الجملة الموجودة تحت واللي كتبها لي واحد من
الطلاب في أحد الواجبات.. عموماً أنا ريحت نفسي من الإعراب وكتبت له




<<— أمحق مدرس


في أخر عشر دقايق من الدرس مليت وطلعت جوالي وجلست أقرأ الرسايل وكل شوي أسأل : فيه أحد حوطي هنا: ؟

.. يوم قالوا لا قريت النكته لهم .. وبعدين سألتهم : فيه أحد قصمنجي هنا ؟! .. قالوا لا وقريت النكته لهم ..

وبعدين سألت : طيب فيه أحد محشش هنا ؟! .. يوم قالوا أيه دخلت جوالي وأستحيت


بعدها طلبوا مني أقول لهم كلمة وداعية , فـ غمضت عيني وبديت أتذكر أي حكمة قد سمعتها , أي توقيع في منتدى قد

قريته , بس ماش

جلست شوي وبعدين قلت لهم : أي شخص يبي يسوي شيء ويصمم عليه راح يقدر عليه … رفع احد الطلاب يده وقطع

كلامي قلت له : نعم !؟ .. قال لي : يعني يا أستاد عادي نسكر كتاب الأنجليزي وأطلع كتاب التاريخ وأحل الواجب ؟! ..

قلت له لا يا ابني خلني أكمل .. رفع طلاب ثاني يده وقال : يعني نطلع نلعب رياضة الحين ؟! .. قلت لا يا أخي اصبر

بكمل كلامي فـ رفع الثالث يده وقال : طيب عادي ننزل نتوضاء عشان الصلاة ؟! .. ورفع بعدهم واحد رابع يده فعصبت

وقلت له قبل لا يتكلم : أيه أيه خلاص اطلعوا وسوو اللي تبون ..فـ ابتسم وقال : لا بس كنت بقول لك كمل الكلمة حقتك

وبعدها طلعوا وأن كانكم شفتوهم بعد كذا فـ أنا شايفهم

[خطيرالملامح]

ههههههههههههههههههههههههههههه يؤ يؤ يؤ قويه وقسسسم ماني مصصدق ياهوه يابنات استرجلوا ماعاد بوه رجاجيل احبك وما اجبك نعنبو دارك وش خليت للبنات تف تف تف عليكم من جيل

[&طيف&]

اقتباس: المشاركة الأصلية كتبت بواسطة خطيرالملامح      ههههههههههههههههههههههههههههه يؤ يؤ يؤ قويه وقسسسم ماني مصصدق ياهوه يابنات استرجلوا ماعاد بوه رجاجيل احبك وما اجبك نعنبو دارك وش خليت للبنات تف تف تف عليكم من جيل

يا عزيزي هاذي براءة أطفال + مشاعر مكبوته

الله يكفينا شر الأجيال القادمه

أخي خطيييير أسعدني مرورك

[ĄĿ Ĝęήẻяął]

احلا شي ابو الدموووع و أمير المشاعر


ههههههههههه


والله موضوع رهييييييييب



مشكورين والله يعطيك العافية

[« Ĝŋōŋ Ğŋōβy »]

يآحليلهم الطلاب ..

الله يسقي يوم كان المدرس يسويها معنا , حتى صلعته ماسلمت ههه

ثآآنكس طيف

[الســرف]

وش هالبراءه وهالعواطف والمشاعر

حقيقه اني يوم شفت كلامهم استبشرت بقدوم جيل يحمل الحب والتسامح والرقه في تعامله

بدل الجلوف واصحاب الادمغه الجافه وقلوب الشر والحقد

بالعكس كلما كنت حريص على تغذية روحك ومشاعرك وعواطفك بكل جميل كلما كنت رجل فوق العاده


ثانكس

[عبد الكريم العدواني]

هههههههههه والله موتني ضحك اضحك الله سنك.و مشكووووووره والله يعطيك الف عافيه

[Mansour Al-zahrani]

هههههههههههههههههههههههههههههههههههههه
مشكورررررررررررررررررررر والله يعطيك الف العافيه

[ريان الفهمي]

موضووع رائع مشكورهـ خيتوو .هع هع.

[دعوة المظلوم]

اكتب لي ايميلك
ههههههههههههههههههههههههههههههههههههههههه